Каромат Шарипов, акс аз бойгонӣ

Каромат Шарипов: ҳар ҷо ки бошам аз муҳоҷирон пуштибонӣ хоҳам кард

334
(Таҷдидшуда 12:39 18.12.2017)
Каромат Шарипов, раҳбари Федеросюни муҳоҷирони тоҷик, дар наворе, ки дар Ютуб мунташир шудааст, дар бораи ҳимоят аз ҳуқуқҳои муҳоҷирон мегӯяд

ДУШАНБЕ, 18 дек — Sputnik. Раҳбари "Федеросюни муҳоҷирони тоҷик" Каромат Шарипов бо қарори додгоҳи Любертсӣ ба Тоҷикистон ихроҷ карда шуд.

Ин нахустин наворест, ки аз ҳузури Каромат Шарипов дар Душанбе дарак медиҳад. Дар ин навор, ки 17-уми декабр дар шабакаи Ютуб мунташир шудааст, Каромат Шарипов мегӯяд, ӯро шаби 12 ба 13 декабр аз Русия ба Тоҷикистон ихроҷ карданд ва ӯ на аз ашхоси алоҳида балки аз низом норозӣ аст.

"Маро, ки ҳомии ҳуқуқам, собиқадори нерӯҳои мусаллаҳам, аз Русия берун карданд. Ман талаб мекунам, то Тоҷикистону Русия ва кишварҳои дигар қонунҳоеро, ки беш аз 100 кишвари дунё имзо кардаанд, риоя кунанд. Тоҷикистон маро напартофт, ман боздошт нашудаам, ман дар инҷоям ва мехоҳам собит кунам, ки ҳақ ҳастам."

Каромат Шарипов дар идомаи суҳбаташ мегӯяд, ӯ ҳамчунон ба муборизааш барои ҳимоят аз ҳуқуқи муҳоҷирони тоҷик дар Русия идома хоҳад дод.

"Мо дар куҷое ки набошем, ё дар Русия, ё дар инҷо, дар Тоҷикистон, аз ҳуқуқи муҳоҷирони кории тоҷик, пеш аз ҳама дар Русия дифоъ хоҳем кард."

Ҳамчунин дар ин суҳбати сарироҳӣ Каромат Шарипов хабар медиҳад, ки имрӯз, рӯзи душанбе ӯ бо сафири Русия дар Тоҷикистон Лякин-Фролов дидор хоҳад кард. Дар баробари ин Шарипов қасд дорад, бо вазири корҳои дохилии Тоҷикистон Рамазон Раҳимзода мулоқот кунад.

Дуктур Абдулло Давлатов, раҳбари пешини Иттиҳодияи тоҷикистониёни Русия қазияи боздошт ва истирдоди Каромат Шариповро ба Sputnik Тоҷикистон тавзеҳ дода буд.

Ба гуфтаи дуктур, аз бархе амалҳои раҳбари Федеросюни муҳоҷирони ИДМ Каромат Шарипов чанде аз муҳоҷирон ҳам шикоят бурда будаанд. Аммо то имрӯз ин масъала равшан нашуда буд.

"Аз ин мебарояд, ки ҳар нафаре ки даст ба ҷиноят задаст, замоне мерасад, ки ҷазои худро мегирад. Ман медонам, ки шаҳрвадони худамон ҳам замоне аз Каромат Шарипов шикоят бурдабуданд, ки дар амалҳои ғайриқонунӣ даст дорад, вале ман шигифтзада мешудам, ки агар ин тавр бошад, пас барои чӣ вай ҷазо намегирад",- қайд кард ӯ.

Аммо, Абдулло Давлатов афзуд, якбора аз шаҳрвандӣ маҳрум гардидаини роҳбари ФМ СНГ барояш ғайричашмдошт буд.

"Барои ман тааҷубовар он аст, ки барои чӣ Каромат Шарипов аз рӯйи қонунҳои ҷории Русия ҷазо нагирифту якбора аз шаҳрвандӣ маҳрум гардид ва истирдод шуд. Ин мавзуъи дигарест", — таъкид мекунад вай.

334
Барчаспҳо:
депорт, муҳоҷират, Каромат Шарипов, Тоҷикистон
Мавзуъ
"Хайрбод": Каромат Шарипов ба Тоҷикистон "рафт"
Вакили Каромат Шарипов имрӯз аз қарори додгоҳ шикоят кард
“Бо думи шер бозӣ намекунанд”: Абдулло Давлатов дар бораи истирдоди Каромат Шарипов
Иззат Амон дар бораи мурофиаи додгоҳӣ, боздошт ва истирдоди Каромат Шарипов ба Тоҷикистон
Каромат Шариповро ба Тоҷикистон депорт карданд
Девушка сдает кровь для прохождения теста на наличие антител к вирусу SARS-CoV-2

Дар Русия муҳоҷиронро аз бемории COVID - 19 ройгон табобат мекунанд

53
Барои шаҳрвандони хориҷӣ, новобаста аз мақомашон дар Федератсияи Русия табобати ройгон аз бемории коронавирус кафолат дода мешавад

ДУШАНБЕ, 30 окт — Sputnik. Новобаста аз шаҳрвандӣ беморони гирифтори коронавирусро дар Маскав якхел табобат мекунанд, гуфтанд дар суҳбат бо "Парламентская газета" намояндагони Департаменти тандурустии Маскав.

Тибқи қавонини Русия суруғта ва табобат мувофиқи бимаи тиббиии навъи (ОМС) барои шаҳрвандоне, ки иҷозаи иқомати муваққатӣ ё худ РВП ва ВНЖ доранд ва ба шаҳрвандони кишварҳои узви Иттиҳоди УрОсиё ва паноҳҷӯён роҳандозӣ шудааст.

Муҳоҷирон аз Озарбойҷон, Молдова, Тоҷикистон ва Ӯзбекистон бояд бимаи тибби навъи (ДМС) сурғуртаи ихтиёрии тиббӣ дошта бошанд.

Дар робита ба ҳамагирии коронавирус аз моҳи январ ба барномаи бимаи тиббӣ табобат гирифтан за бемории коронавирус низ ворид мешавад.

Барои шаҳрвандони хориҷӣ, новобаста аз мақомашон дар Федератсияи Русия дар расонидани ёрии таъҷилӣ ройгон аст.

Роҳбари Федератсияи муҳоҷирони Русия Вадим Коженов гуфт, афроде, ки коронавирусро ба таври шадид аз сар гузарониданд, бо табобати пурра таъмин шуданд.

Вале онҳое, ки гирифтори шакли сабуктари коронавирус шуданд, ба вазъияти душвортар дучор гардиданд: бояд ҳама чизро аз ҳисоби худ мехариданд ва аксар вақт маблағ намерасид.

Ташкилотҳои ҷамъиятӣ аз қабили созмони "Нур", Бунёди Қодиров ва ғайра ба муҳоҷирон дар ин самт кӯмак мекунанд.

Раёсати тандурустии Маскав гуфтааст, ки шаҳрвандони хориҷии гирифтори коронавирус баробари русҳо табобат карда мешаванд.

"Департамент омори алоҳидаи муҳоҷирони маризи коронавирусро ҳисоб намекунад. Фарқе надорад, ки шаҳрванди кадом давлат табобат мегирад", - гуфтанд дар шӯъба.

Шаҳрвандони хориҷӣ дар дигар манотиқи Русия низ аз COVID-19 ройгон табобат мегирифтанд, гуфт Галина Рагозина, коршиноси Форуми созмонҳои муҳоҷират.

53
Барчаспҳо:
муҳоҷирон, вируси корона, табобат, Русия
Мавзуҳо:
Пайомадҳои COVID-19 дар Тоҷикистон ва ҷаҳон

Вакил гуфт, бекор кардани патент барои муҳоҷирон чӣ пайомад дорад

393
(Таҷдидшуда 20:06 28.10.2020)
Ба гуфти вакил сабукӣ барои муҳоҷирони метавонад вокунииши манфии шаҳрвандони Русияро ба бор орад ва ба амният хатар дошта бошад

ДУШАНБЕ, 28 окт — Sputnik. ВУД Русия пешниҳод карда, ки қонун "Дар бораи вазъи ҳуқуқии шаҳрвандони хориҷӣ дар ФР" ислоҳ карда шавад ва барои бархе аз гурӯҳи муҳоҷирон патент бекор гардад.

Светлана Бессараб, узви Кумитаи Думаи давлатӣ оид ба меҳнат, сиёсати иҷтимоӣ ва собиқадорон, дар суҳбат бо Парламентская газета аз чунин навоварӣ интиқод кард.

Дар Русия барои муҳоҷирони ғайриқонунӣ низ Маркази имдод ифтитоҳ мешавад

"Ман ба чунин ташаббус эҳтиёткорона муносибат мекунам. Тавре таҷриба нишон медиҳад, аз ҷумла дар кишварҳои Урупо, на ҳамеша пур кардани ҷойҳои корие, ки мардуми бумӣ намехоҳад аз ҳисоби муҳоҷирон, хуб аст. Аксар вақт ин амалкард бо амнияти давлатӣ алоқаманд аст". қайд кард Бессараб.

Вакил афзуд, ки чунин навгониҳо барои муҳоҷирони сохтмончӣ метавонад вокунииши манфии шаҳрвандони Русия ва иттифоқҳои касабаро ба бор орад.

Чунин вокуниш махсусан имрӯзҳо, ки сатҳи бекорӣ дар Русия дар ҳоли афзоиш аст, интизоршаванда мебошад.

Ба ширкатҳои бузурги сохтмонӣ иҷозат дода мешавад, муҳоҷиронро аз Тоҷикистон даъват кунанд

Рӯзи 26 октябр Вазорати корҳои дохилии Русия тарҳи ислоҳи қонун "Дар бораи вазъи ҳуқуқии шаҳрвандони хориҷӣ дар Федератсияи Русия" -ро барои муҳокимаи умум нашр кард.

Тибқи ҳуҷҷат, хориҷиён метавонанд бидуни патент ва иҷозатномаи кор дар ширкатҳои байналмилалии Русия кор кунанд: дар сохтани иншооти барои чорабиниҳо зарурӣ пешбинишуда ва ҳангоми омодагӣ ва иштирок дар чунин чорабиниҳо.

Рӯйхати чорабиниҳо, ташкилкунандагон ва лоиҳаҳои сохтмонро ҳукумат муайян мекунад.

393
Барчаспҳо:
муҳоҷирон, хатар, патент, Русия
Президент Франции Эммануэль Макрон и президент Таджикистана Эмомали Рахмон

Эммануэл Макрон ба Эмомалӣ Раҳмон: "аз шумо хотироти нек дорам"

0
(Таҷдидшуда 20:53 30.10.2020)
Президенти Фаронса Эммануэл Макрон раисиҷумҳури Тоҷикистонро бо аз нав интихоб гардидан ба маснади сарвари давлат муборакбод гуфт

ДУШАНБЕ, 30 окт — Sputnik. Президенти Фаронса Эммануэл Макрон ба унвони раисиҷумҳури Тоҷикистон Эмомалӣ Раҳмон номаи шодбошӣ ирсол кардааст, хабар медиҳад котиботи раисиҷумҳури Тоҷикистон.

Дар нома ин сиёсатмадор аз сафари охирини раисиҷумҳури Тоҷикистон ба Фаронса ёдоварӣ кардааст.

"Ман аз музокироти дар рафти сафари Шумо ба Порис, ки моҳи ноябри соли гузашта баргузор шуда буд, хотироти нек дорам. Тавре ки он вақт таъкид карда будам, ман алоқаманди таъмиқи бештари ҳамкориҳои дуҷониба, бахусус муносибатҳои мо дар соҳаи иқтисод, аз ҷумла дар бахшҳои энергетика ва авиатсия, ки имкониятҳои ҷолиби диққати ширкатҳои ду кишвари моро доранд, ҳастам".

Макрон ҳамчунин талошҳои Эмомалӣ Раҳмонро ҷиҳати таъмини суботи минтақа ва рушди иқтисодиву иҷтимоӣ таъкид кардааст

Дидору мулоқоти Эмомалӣ Раҳмон бо сиёсатмадорони воломақоми Урупо

"Дар баробари ин, ман аз идомаи муколамаи мову шумо доир ба ташаккули таркибии сиғаи минтақавии "5+1", ки Шумо ба он рағбат пайдо карда будед ва аз нигоҳи ман роҳи умедбахши таҳкими муносибатҳои дуҷонибаи мо бо кишвари Шумо ва ҳамсояҳоятон дар Осиёи Марказӣ мебошад, хушҳол хоҳам буд", мегӯяд Макрон.

0
Барчаспҳо:
номаи шодбошӣ, Тоҷикистон, Фаронса, Эммануэл Макрон, Раҳмон