Боздоштшуда, акс аз бойгонӣ

Абдураҳим Муҳиддиновро Русия ба даҳ соли зиндон маҳкум кард

70
(Таҷдидшуда 16:09 24.01.2018)
Бино бар маълумоти тафтишот ин шаҳрванди Тоҷикистон ба воситаи интернет "бо роҳи фиреб дигар нафареро ба ДОИШ ҷалб кардааст"

ДУШАНБЕ, 24 янв — Sputnik. Ҳавзаи низомии Қафқози шимолӣ як шаҳрванди Тоҷикистонро  ба даҳ соли зиндон маҳкум кард. Абдураҳим Муҳиддинов дар ҳамкорӣ бо ташкилоти террористӣ ва кӯшиши пайвастан ба ДОИШ муттаҳам мешавад.

Тавре дар иттилои додрас Алена Каткало омадааст, Абдураҳим Муҳиддинов дар зиндонҳои шадиднизом нигоҳ дошта хоҳад шуд.

Бино бар иттилои тафтишот баҳори соли 2017 Абдураҳим Муҳиддинов дар шаҳри Растов-на-Донуи Русия, ба ақидаҳои ифротгароӣ дода шуда, барои пайваст шудан ба сафи ДОИШ  омодагӣ медидааст.

Барои ин вай ба воситаи интернет маълумотҳои худро ба як тан аъзои ДОИШ, ки дар Афғонистон будааст, фиристода, бо вай маслиҳат кардааст, ки ба Афғонистон ба воситаи Арманистон сафар хоҳад кард.

Муҳиддиновро соли гузашта  мақомот дар фурудгоҳи Растов-на-Дону ҳангоми гузаштан аз қайди сарҳадӣ боздошт карданд.

Илова бар ин Муҳиддинов ба воситаи интернет дигар нафаронро ҳам ба ДОИШ тарғиб мекардааст.

70
Барчаспҳо:
террорист, ДОИШ, муҳоҷир, Тоҷикистон, Русия

Сябитова шарҳ дод, ки чаро занони рус бо муҳоҷирон издивоҷ мекунанд

849
(Таҷдидшуда 12:13 27.09.2020)
Чаро миёни издивоҷҳо дар Русия аксари домодҳо хориҷиён ҳастанд, шарҳ дод хостгор ва ровӣ Роза Сябитова

ДУШАНБЕ, 27 сен — Sputnik. Бино ба маълумоти идораҳои сабти асноди ҳолати шаҳрвандии минтақавии Русия аксари домодҳо шаҳрвандони хориҷа, аз қабили зодагони Тоҷикистон, Ӯзбекистон ва Арманистон мебошанд.

Ровии барномаи "Давай поженимся" хостгор Роза Сябитова ин тамоюлро дар сӯҳбат бо радиои "Давай поженимся" шарҳ дод.

Ровӣ як намоиши телевизиониро мисол овард ва гуфт, ки хориҷиён бештар ба наздашон меоянд.

Ҳамзамон, меҳмонони барнома саъй намекунанд, ки ба ватани худ баргарданд, балки мехоҳанд дар Русия бимонанд.

Сябитова шарҳ дод, ки барои муҳоҷирон издивоҷ яке аз роҳҳои осонтарини қонунигардонӣ дар Русия ба ҳисоб меравад.

Номбурда омилҳои иҷтимоӣ ва биологиро низ сабаби дигари издивоҷи занони рус бо хориҷиён номид.

Вай қайд кард, ки мардон аксар вақт духтарони хурдсоли синни таваллудро ҳамчун ҷуфт интихоб мекунанд ва заноне, ки мехоҳанд барои рушди хеш талош кунанд, бо гузашти солҳо бетаваҷҷӯҳ мемонанд.

“Бинобар шароит, заноне, ки тасмим гирифтанд, барои худ карера созанд  ва барои рушди фардиву баробарии гендерӣ талош кунанд, дар канор монданд. Аммо онҳо низ бояд издивоҷ кунанд ва бинобар ин хушбахтии занонаро аз домодҳои хориҷӣ меҷӯянд", гуфт Сябитова.

Ҳамзамон, ровии телевизион қайд кард, ки ин тамоюл комилан муқаррарист ва занон набояд аз интихоби худ шарм доранд.

849
Барчаспҳо:
издивоҷ, муҳоҷирон, Русия
Посольство Республики Таджикистан в Москве

Ҷанҷол дар сафорат: муҳоҷири бекормонда бинию ангушти дипломати тоҷикро шикаст

2712
Муҳоҷири 38-солаи тоҷик дар бинои сафорати Тоҷикистон дар Русия ду нафарро мавриди латукӯб қарор дод

ДУШАНБЕ, 25 сен - Sputnik. Рӯзи 24 сентябр ба идораи милисаи Пресненский хабар дода шуд, ки шаҳрванди Тоҷикистон дар бинои сафорати ин кишвар дар тангкӯчаи Гранатнийи шаҳри Маскав ду нафарро латукӯб кард, иттилоъ дод РИА Новости.

Яке аз ҷабрдидаҳо, мутахассиси пешбари сафорати Тоҷикистон дар Русия мебошад, ки дасту бинияш шикаста, осеби майнаи сар бардоштааст. Ҷабрдидаи дигар ронанда будааст, ки мақоми дипломатӣ надошта ва ҷароҳати ҷисмонӣ низ набардоштааст, хабар дод ожонси хабарии “Москва”.

Аз ҳамлагар шаҳрванди бекормандаи Тоҷикистон зикр мешавад, ки соли таваллудаш 1982 мебошад.

Нисбати нафари муттаҳам дар ҳамла ба кормандони сафорат, барои нақзи қоидаҳои вуруд ба қаламрави Русия санади маъмурӣ тартиб дода шудааст. Манбаъ афзуд, ки аз рӯи ин ҳодиса тафтишот идома дошта, ба ҷабрдида кумаки тиббӣ расонда мешавад.

Ин дар ҳолест, ки вақтҳои охир ба далели адами парвозҳои мунтазам миёни Тоҷикистону Русия талабот ба чиптаҳо барои парвозҳои чартерӣ зиёд шудааст. Корбарони шабакаҳои иҷтимоӣ аз нархҳои гарони  ин чиптаҳо ва ҷой доштани ҳолатҳои қаллобӣ зимни фурӯши онҳо шикоят карда буданд.

2712
Барчаспҳо:
сафорат, дипломатия, Тоҷикистон
Мэр города Душанбе Рустам Эмомали

Дастури Рустам ба масъулини пойтахт аз танзими нарх то захираи ғизо ва омодагӣ ба зимистон

0
(Таҷдидшуда 15:54 27.09.2020)
Рустами Эмомалӣ, шаҳрдори Душанбе ба масъулини пойтахт дастур додааст, ки ба мавсими тирамоҳу зимистон омодагии ҷидди бигиранд

ДУШАНБЕ, 27 сен — Sputnik. Тибқи иттилои дафтари матбуотии раиси шаҳр, зимни баргузории иҷлосияи сеюми Маҷлиси вакилони халқи шаҳри Душанбе, Рустами эмомалӣ ба раисони ноҳияҳои пойтахт, дастур додааст, ки дар ҳама соҳаҳо омодагии ҷидди гирифта, фаъолияти сохторҳоро дар ин самт зери назорати қатъӣ қарор диҳанд.

Ҳамзамон роҳбарони соҳаҳои маорифу тандурустӣ ва ҳифзи иҷтимоии аҳолӣ вазифадор шудаанд, ки ҷиҳати захираи маводи озуқаворӣ, сӯзишворӣ, ангишт ва ҳезум, омодагии генераторҳои барқӣ, бехатарии зиддисӯхтор дар мавсими тирамоҳу зимистон ва омода намудани бинои иншоотҳои соҳа барои қабули гармӣ чораҳои бетаъхир андешанд.

Рустами Эмомалӣ барои бо нархҳои дастрас таъмин намудани сокинони пойтахт бо маҳсулоти ниёзи аввалия, захира ва ғанӣ гардонидани бозори истеъмолӣ, иҷрои аз меъёри асосӣ зиёди нақшаҳои захираи картошка, пиёз, сабзӣ, орд, равған, шакар, мониторинги нарху наво ба масъули пойтахт супоришҳо додааст.

Масъулини соҳаҳои дахлдори шаҳриву ноҳиявӣ уҳдадор гардиданд, ки кори муътадили марказҳои барқу гармидиҳӣ захираи ангишту мазутро таъмин намуда, оид ба пайвастшавии бинову иншоот ба шабакаи гармидиҳӣ, таъмир ва сохтмони истгоҳҳои трансформаторӣ, пешгирии худсаронаи пайвасти ноқилҳо ба симчӯбҳо ва қонунвайронкуниҳо дар истифодаи қувваи барқ,  тадбирҳои мушаххасро амалӣ намоянд.

0
Барчаспҳо:
дастур, Рустами Эмомалӣ, Душанбе, Тоҷикистон