Маркази муҳоҷиратӣ, акс аз бойгонӣ

Огоҳӣ ба муҳоҷирон: дар давоми ду моҳ чораҳои амниятӣ дар Русия пурзӯр мешавад

270
Дар 11 шаҳри Русия дар давоми 2 моҳ аз 25 май то 25 июл чораҳои амниятӣ пурзӯр мешаванд. Муҳоҷироне, ки азми сафар ба ин шаҳрҳоро доранд, бояд дар давоми 1 шабонурӯз худро ба қайд гузоранд

ДУШАНБЕ, 27 янв — Sputnik. Намояндагии Вазорати меҳнати Тоҷикистон дар Русия ба шаҳрвандони кишвар ҳушдор медиҳад, ки дар робита бо Ҷоми ҷаҳонии футбол дар Сочи дарчанд шаҳри Русия чораҳои амниятӣ пурзӯр мешавад.

Тавре ба Sputnik Тоҷикистон сухангӯи Намояндаи вазорати меҳнат дар Русия Иброҳим Аҳмадов хабар дод,  чораҳои амниятӣ дар шаҳрҳои Маскав, Қазон, Санкт-Петербург, Екатеринбург, Калининград, Нижний Новгород,  Волгоград, Ростови лаби Дон, Саранск, Сочи ва Самараия бо мақсади  таъмини бехатарӣ чораҳои амниятӣ пурзӯр мешавад.

Ба гуфтаи вай, дар тартиби бақайдгузории муҳоҷиратӣ чораҳои иловагӣ татбиқ карда мешаванд. 

Дар асоси президенти Русия  давоми ду моҳ- аз 25 май то 25 июли соли 2018 дар шаҳрҳои зикршуда муҳлати бақайдгузории муҳоҷиратӣ 1 шабонарӯз (24 соат) аз вақти даромад ба қаламрави ФР муқаррар карда мешавад. Яъне шаҳрванди хориҷие, ки аз 25 май то 25 июли соли равон ба шаҳрҳои номбаршуда ворид мешавад, бояд дар давоми 1 шабонарӯз танҳо дар мақомоти дахлдор- шуъбаҳои ҳудудӣ оид ба масъалаҳои муҳоҷирати ВКД Русия шахсан рафта, аз қайди муҳоҷиратӣ гузарад",- гуфта мешавад дар иттилои манбаъ.

Инчунин тибқи талаботи фармони мазкур дар давоми баргузории мусобиқот дар ин шаҳрҳо бақайдгузории муҳоҷиратии шаҳрвандони хориҷӣ тавассути почта ё худ марказҳои муҳоҷиратӣ муваққатан қатъ карда мешавад.

Муҳоҷироне, ки дар давоми баргузории мусобиқоти Ҷоми ҷаҳон ба шаҳрҳои номбаршуда мақсади сафар доранд, бояд қаблан ҷойи иқомати муваққатӣ ва имкониятҳои дар як шабонарӯз ба қайди муҳоҷиратӣ гузоштани худро ба нақша гиранд. Зеро риоя нагардидани ин меъёр боиси татбиқи чораҳои қатъии маъмурӣ шуда, хатари ихроҷ ва баста шудани вуруди минбаъдаи онҳо  ба Федератсияи Россия мегардад.

Дар давраи мусобиқот- аз 25 май то 25 июли соли равон дар шаҳрҳои мазкур шуъбаҳои оид ба масъалаҳои муҳоҷирати ВКД Русия бе рӯзҳои истироҳатӣ шабонарӯз фаъолият менамоянд.

270
Барчаспҳо:
ташдиди чораҳои амниятӣ, футбол, Иброҳим Аҳмадов, муҳоҷирон, Русия, Тоҷикистон
Мигранты у здания УФМС

Теъдоди муҳоҷирони депортшуда дар давраи пандемия аз вилояти Маскав маълум гардид

156
(Таҷдидшуда 19:14 26.01.2021)
Муайян шуд, ки аксари муҳоҷирони депортшударо аз вилояти Маскав зодагони Осиёи Марказӣ ташкил медиҳанд

ДУШАНБЕ, 26 январ - Sputnik. Дар давраи ҳамагирии коронавирус аз вилояти Маскав беш аз 400 муҳоҷир депорт шудааст, изҳор доштанд дар хадамоти матбуотии Саридораи амнияти минтақавӣ.

"Аз 1 март то 31 декабри соли гузашта кормандони Хадамоти федералии иҷроияи Федератсияи Русия дар вилояти Маскав ва Сарраёсати ВКД Русия дар вилояти Маскав аз ҳисоби Русия 404 муҳоҷирро ба ватанашон фиристод", -омадааст дар изҳорот.

Инчунин, зиёда аз 80% қарорҳои судҳои вилояти Москва дар бораи депортатсия иҷро шудаанд.

Дар айни замон, аксар хориҷиён муҳоҷирон аз Осиёи Марказӣ буданд. Ҳашт дарсади депортшудагон шаҳрвандони Тоҷикистон ва 81% муҳоҷирон аз Ӯзбекистон мебошанд.

Ёдовар мешавем, ки депортатсия нисбати муҳоҷироне, ки беасос ва бидуни асноди лозимӣ дар Русия буду бош доштанд ё ҳуқуқвайронкунии маъмурӣ доранд,  татбиқ мешавад.

Эмомалӣ Раҳмон дар бораи муҳоҷират: мо имкон дорем, ки мардумро пурра бо кор таъмин намоем

Дар ҳоли ҳозир, боз 36 шаҳрванди хориҷӣ дар боздоштгоҳҳои муваққатӣ ҳастанд ва мунтазири парвоз ба ватан мебошанд.

Тарҳи қонуни нав дар Русия: як гурӯҳи муҳоҷирон депорт нашаванд - кадом?

Пештар хабар дода шуд, ки дар 11 моҳи соли 2020 муҳоҷирони меҳнатӣ ба буҷаи минтақаҳои Русия 577,6 миллион доллар ворид карданд, дар ҳоле ки дар соли 2018 ин маблағ 757 миллион доллар буд.

156
Барчаспҳо:
Маскав, вируси корона, депорт, муҳоҷирон
Президент Таджикистана Эмомали Рахмон во Дворце культуры в Матчинском районе

Эмомалӣ Раҳмон дар бораи муҳоҷират: мо имкон дорем, ки мардумро пурра бо кор таъмин намоем

3523
Эмомалӣ Раҳмон гуфт, имкони бо кор фаро гирифтани муҳоҷирини меҳнатӣ дар дохили Тоҷикистон вуҷуд дорад

ДУШАНБЕ, 26 янв — Sputnik. Президенти Тоҷикистон дар Паёми имсолааш ба парлумони Тоҷикистон, ки дар Кохи Сомони шаҳри Душанбе идома дорад, гуфт, соли 2020 бо сабаби пандемияи "вируси корона" 80% - и муҳоҷирини меҳнатӣ натавонистанд ба берун раванд.

"Аз 460 ҳазор нафаре, ки ҳамасола берун мерафтанд, фақат 111 ҳазор рафтаанд. Он чӣ ишора карда истодаам, ин аст, ки мо дар дохили кишвар захираву имконотеро дорем, ки дар оянда боз ҳам беҳтар кор карда, шароити корӣ, корхонаҳои истеҳсолӣ ва кишоварзӣ эҷод намоем ва шароити корӣ фароҳам оварда, мардуми худро пурра бо кор таъмин намоем", - гуфт Эмомалӣ Раҳмон.

Тибқи иттилое, ки Эмомалӣ Раҳмон дар ҷамъи аъзои парлумон эълон кард, соли гузашта дар Тоҷикистон 300 корхонаву коргоҳи саноатӣ таъсис ёфта, беш аз 6,5 ҳазор ҷои кории нав ба вуҷуд омадааст.

Вай афзуд, 157 муассисаи таҳсили умумӣ ва биноҳои иловагӣ барои 63 ҳазор хонанда, 108 муассисаи тиббӣ ва 1,2 млн мураббаъ манзили истиқоматӣ ба истифода дода шудаанд.

“Дар ин давра 193 ҳазор ҷойи кории доимиву мавсимӣ ташкил шуда, даромади пулии аҳолӣ 10% зиёд шудааст”, - гуфт президент.

Вай афзуд, пасандозҳои сокинони Тоҷикистон 17, 2 фисад зиёд шуда, 11,4 миллиард сомониро ташкил додааст, ки гувоҳи зиёд шудани даромади аҳолӣ ва афзоиши эътимоди онҳо ба ташкилотҳои карзӣ аст.

3523
Барчаспҳо:
пешниҳод, Эмомалӣ Раҳмон, муҳоҷират, Тоҷикистон

Интиқоди тунди Жириновский аз Туркия: наравед ба он ҷо

0
(Таҷдидшуда 20:07 26.01.2021)
Владимир Жириновский, раиси Ҳизби либерал-демократи Русия аз сафар ба "кишвари маккор" - Туркия, ҳушдор дод

ДУШАНБЕ, 26 янв — Sputnik. Раиси Ҳизби либерал-демократи Русия, Владимир Жириновский макони истироҳат - Туркияро кишвари "маккортарин" номид.

"Ба Туркия наравед, маккортарин кишвар аст", - изҳор дошт Жириновский.

Бо чунин суханон Жириновский ҳамлаи мусаллаҳона ба чор шаҳрванди Русияро шарҳ дод. Ин ҳамла дар кӯчаи Бешикташи шаҳри Истамбул ба вуқӯъ пайвастааст.

Як марди кӯчарӯб ба ду зан ва як марди русиягӣ ҳамла кардааст. Гуфта мешавад, ки ӯ аз ҷиҳати равонӣ бемор будааст.

Шаҳрвандони Русия ҷароҳатҳои гуногун бардоштанд. Сокинони маҳаллӣ ба захмиён кумаки аввалия расонида ва баъдтар онҳо бистарӣ карда шуданд.

Яке аз замхиёнро ба зудӣ аз бемористон ҷавоб хоҳанд дод, чун вазъи саломатии ӯ хуб арзёбӣ мешавад.

Жириновский: Тоҷикистон ва Арманистон бояд ба ҳайати Русияи Бузург ҳамроҳ шаванд

Ёдрас мешавем, ки чанде пеш нархномаи истироҳат барои шаҳрвандони Русия дар Туркия дар қиёс бо соли 2020, то 15 дарсад боло рафт.

Коршиносон пешгӯӣ мекунанд, ки ин нархнома боз ҳам гаронтар хоҳад шуд. Ногуфта намонад, ки 90 дар сади истироҳаткунандагон Анталияро интихоб мекунанд.

0
Барчаспҳо:
Русия, Туркия, Владимир Жириновский