Боздошт, акс аз бойгонӣ

Фарҳод Назаров дар Русия барои таблиғи ДОИШ ба 15 соли зиндон маҳкум шуд

73
(Таҷдидшуда 12:24 30.03.2018)
Шаҳрванди Тоҷикистон Фарҳод Назаров аз тариқи интернет ва паёмрасониҳои мобилӣ одамони зодаи Осиёи Марказиро барои фаъолиятҳои террористӣ дар қаламрави Русия ва берун аз он, даъват кардааст

ДУШАНБЕ, 30 мар — Sputnik. Додгоҳи Санкт-Петербург даъватгари гурӯҳаки террористии Давлати Исломӣ (мамнӯъ), шаҳрванди Тоҷикистон Фарҳод Назаровро ба 15 соли зиндон дар колонияи реҷаи сангин, маҳкум кард, иттилоъ медиҳад хадамоти муттаҳидаи додгоҳҳои шаҳрӣ.

"Додгоҳ ҷазоро дар шакли маҳкумият аз озодӣ ба мӯҳлати то 15-сол дар колонияҳои ислоҳотии сангин, таъйин намудааст", — гуфта мешавад дар иттилоъ.  

Мувофиқи маълумоти оҷонсии РИА Новости, ки бо маводи парванда шинос аст, шаҳрванди Тоҷикистон Фарҳод Назаров аз тариқи интернет ва паёмрасониҳои мобилӣ одамони зодаи Осиёи Марказиро барои фаъолиятҳои террористӣ дар қаламрави Русия ва берун аз он, даъват кардааст. Илова бар ин, дар автомашинаи ӯ 11 бастаи 10 граммаи ҳашиш дарёфт шудааст.

Ба Назаров айбдоршавӣ дар содир намудани ҷиноятҳои пешбинишуда тибқи қисми 1 моддаи 205.1 КҶ ФР (даъваткунӣ ба ташкилоти террористӣ), ва ҳамчунин айбдоршавӣ тибқи қисми 3 моддаи 30 банди Г қисми 4 моддаи 228.1 КҶ ФР (кӯшиши чархиши ғайриқонунии маводи мухаддир), ироа гардидааст.

Зодаи Тоҷикистон гуноҳи худро эътироф намуда, шарҳ додааст, ки бо тафтишот ҳамкорӣ мекунад. Ҳангоми таҳвили парванда ба додгоҳ айбдор изҳор кард, ки ӯро латтукуб кардаанд ва бар ин бино, маҷбур шудааст, ки баёнот диҳад у гуноҳро ба гардан гирад, ва худро танҳо дар нигоҳдории маводи мухаддир гунаҳкор меҳисобаду халос.

73
Барчаспҳо:
ДОИШ, Русия, Тоҷикистон

Муноқишаи муҳоҷирон бо мақомоти қудратӣ дар марзи Русия ва Қазоқистон: ҷузъиёт

215
(Таҷдидшуда 16:00 05.08.2020)
Интизорӣ барои бозгаштан ба Ватан, дар марзи Русия ва Қазоқистон бо муноқишаи миёни муҳоҷирон ва кормандони қудратӣ анҷомид

ДУШАНБЕ, 5 авг — Sputnik. Дар марзи Русия ва Қазоқистон миёни муҳоҷирон ва кормандони қудратӣ муноқиша сар зад. Нахустин шуда шабакаи Match аз ин ҳодиса хабар дод.

Дар ин шабака наворе нашр шуда буд, ки дар он муҳоҷирон ба сӯи марз ҳаракат мекунанд. Аз навор суханони қабеҳ шунида мешуд.

Пасон намояндаи расмии Гвардияи миллии Русия Валерий Грибакин дар суҳбат бо "Интерфакс" гуфт, ҷанҷол рӯзи 3 август рух дод.

Шаҳрвандони дармондаи Тоҷикистон дар марзи Қазоқистону Ӯзбекистон, ба Ватан расиданд

"Муноқишаи миёни муҳоҷирон ва мақомоти қудратӣ дар вилояти Самара ба зудӣ, бидуни дахолати намояндагони Гвардияи миллӣ пахш шуд", - қайд кард Грибакин.

Бино ба гузориши "Интерфакс" қазия субҳидам, соати 9 ба вуқӯъ пайваст. Мардум дар интизори сафар буданд, вале ягон хабар нашуду онҳо ба ғазаб омаданд.

Дар паи ин низоъ касе осеб надидааст. Феълан вазъият дар марзи Русия ва Қазоқистон ором аст.

Айни ҳол дар урдугоҳи муваққатӣ дар марзи Қазоқистону Русия 840 муҳоҷир дар интизори интиқоли онҳо ба ватан мебошанд. Онҳо шаҳрвандони Тоҷикистон ва Ӯзбекистон ҳастанд.

Ваколатдор оид ба ҳуқуқи инсон дар вилояти Самара то ҳол ин қазияро шарҳ надодааст.

215
Барчаспҳо:
муҳоҷирон, муноқиша, Қазоқистон, Русия
Арест, архивное фото

Боздошти сокини Петербург барои қатли муҳоҷири тоҷик: ҷавони 22 - соларо буғӣ карда кушт

543
Дар Санкт - Петербурги Русия як марди 48 - сола ба гумони қатли муҳоҷири 22 - сола аз Тоҷикистон боздошт шуд

ДУШАНБЕ, 4 авг — Sputnik. Муҳоҷири 22 - сола аз Тоҷикистон дар шаҳри Санкт - Петербург кушта шуд, хабар медиҳад нашрияи Петербург. ру.

Ба иттилои манбаъ, хабари кушта шудани муҳоҷирро ба мақомоти пулис марди 45 - сола расонд. Гуфта мешавад муҳоҷири тоҷик дар хонаи ин мард ба ҳайси иҷоранишин зидагӣ мекард.

Вазорати меҳнат гуфт, дар шаш моҳ чӣ қадар муҳоҷир ба Русия рафт

Манбаъ меафзояд, ҷавони 22 - соларо нахуст кӯфтанд ва сипас аз роҳи буғӣ кардан ба қатл расонданд.

Зимнан, кормандони пулис ба гумони қатли муҳоҷири ҷавон, соҳибхона, марди 45 - сола, ки бекор аст, боздошт намуданд.

Феълан алайҳи боздоштшуда протокол тартиб дода шуда ӯ дар боздоштгоҳи муваққатӣ қарор дорад. 

Зикр мегардад, ки тафтишот дар ин самт идома дорад.

543
Барчаспҳо:
қатл, тоҷик, муҳоҷир, Санкт-Петербург
Таджикские мастера готовят подарок к зимней Олимпиаде в Пекине

Туҳфаи устоҳои тоҷик барои Бозиҳои зимистонаи олимпии Пекин

0
Ҷамшед Ҷӯраев ва Насим Негматов ду устои бомаҳорати тоҷик мебошанд, ки шӯҳрати наққошкориҳои онҳо берун аз Тоҷикистон ҳам паҳн шудааст

ДУШАНБЕ, 6 авг — Sputnik. Ҷамшед Ҷӯраев ва Насим Негматов ду устои машҳури тоҷик мебошанд, ки амалҳои ҷолиби наққошии онҳо иншоотҳои фарҳангӣ ва маконҳои дӯстдоштании кишварро оро медиҳанд. Ифтихори котиботи Созмони Ҳамкории Шанхай – толори рамзи қароргоҳи СҲШ – тариқи ҳамин ҳунар оро ёфтааст. 

Ҳамчунин, ороиши павилони СҲШ дар доираи Намоишгоҳи ҷаҳонии санъати боғдорӣ соли 2019 дар Пекин ба Ҷамшед ва Насим супорида шуда буд. Павилони СҲШ миёни меҳмонони намоишгоҳ машҳур шуд, хусусан ҳунари рассомон баҳои баланд гирифт.

Арчаи миллӣ бо розигии Президент: дастур барои насб пеши идораю хонаҳо - аксҳо

Кумитаи милли олимпии Тоҷикистон хабар медиҳад, ки устоҳои тоҷик омодагиро ба Бозиҳои зимистонаи олимпӣ, ки аз 4 то 20 феврали соли 2022 дар Пекин баргузор мешаванд, шуруъ карданд. Тилисми ин чорабинии бузурги варзишӣ – панда бо номи Бин-Дундун интихоб шудааст.

Зимнан, рассомони тоҷик тасмим гирифтаанд якчанд лавҳаро бо наққошии панда – ҳайвони дӯстдори миллионҳо нафар дар ҷаҳон – омода кунанд.

Дар доираи Бозиҳои олимпӣ, онҳо инчунин умед доранд, ки намоишгоҳ ташкил мекунанд ва ҳунарашонро ба пекиниҳо ва меҳмонони пойтахти Чин ошно менамоянд.

0
Барчаспҳо:
тоҷик, усто, туҳфа, Бозиҳои олимпӣ