Телеведущий Владимир Соловьев, архивное фото

Соловёв: Маҳмуду Фарзонро қадрдонӣ кунед

1517
(Таҷдидшуда 18:55 30.03.2018)
Ду ҷавони тоҷик ҳар коре, ки аз дасташон меомад, карданд

ДУШАНБЕ, 30 мар — Sputnik. Владимир Соловёв —муҷрии барномаи  "Вечер с Владимиром Соловьевым" дар шабакаи "Россия 1"  хостори қадрдонии Русия аз ду ҷавони тоҷик Фарзон ва Маҳмуд шуд.

Вай дар барномае, ки шоми 29 март пахш шуд, аз амалкарди кормандони Кумитаи ҳолатҳои фавқулодаи Русия дар сӯхтори фурӯшгоҳи "Зимняя вишня" дар Кемерово шадидан интиқод кард.

"Намояндаи Кумитаи ҳолатҳои фавқулода мегӯяд, ки дар ин сӯхтор ҳар коре ки аз дасташон баромадааст, анҷом додаанд. Аммо онҳо чӣ кор карданд?", — мепурсад вай.

Дар идомаи суханрониаш Соловёв якбора аз Маҳмуду Фарзон ёдовар шуд ва гуфт, ки ин ҷавонҳо ҳар чӣ ки аз дасташон омад, карданд, на КҲФ.

" Масалан ин ду ҷавони тоҷик, ки даҳҳо нафарро наҷот доданд, онҳо беш аз 30 кас, наздики 50 нафарро наҷот доданд. Маҳмуду Фарзонро метавон гуфт, ки ҳар чӣ ки аз дасташон омад карданд",- таъкид мекунад Владимир Соловёв.

Муҷрӣ меафзояд, қаҳрамонии ин ҷавононро бояд қадрдонӣ кард.

"Як аксбардори дигар 30 нафарро наҷот дод,  як ҷавони 19-сола се кӯдакро баровард — инҳо қаҳарамононе буданд, ки ҳар коре, ки аз дасташон меомад, карданд. Аз онҳо ҳатман бояд қадрдонӣ карда шавад",- мегӯяд вай.

Пештар хабар дода шуд, ки шоир ва рӯзноманигори тоҷик Адиба Азиз дар шеъре қаҳрамонии Маҳмуд ва Фарзонро васф кард.
"Тан ба оташ задани ду ҷавони тоҷик хеле хатарнок буд. Маҳмуду Фарзон бори дигар собит карданд, ки тоҷикон миллати ҷонфидо, шуҷоъ ва таваккалкор ҳастанд",- тавзеҳ медиҳад навиштаашро шоир.

Худи Маҳмуд ва Фарзон дар мусоҳиба бо хабарнигорон гуфтанд, ки то дақиқаҳои охир дар дохили маркази савдои "Зимняя вишня" монда, ба берун баровардани бошандагони он кӯмак карданд. Онҳо танҳо замоне биноро тарк карданд, ки нафас кашидан ва дидан ғайриимкон шуд.

Сӯхтор дар бинои маркази савдои чорошёнаи "Зимняя вишня" дар шаҳри Кемерово рӯзи якшанбе рух дод.

Манбаи сӯхтор дар ошёнаи болоӣ будааст, ки дар он ҷо якчанд кинотолор ва майдончаҳои бозии кӯдакон бо аттраксионҳо, вуҷуд доштанд.
Дар паи ин сӯхтор, бино ба маълумотҳои ахир 64 нафар ба ҳалокат расидаанд, ки дар байнашон кӯдакони зиёд будаанд.

© RT
Работники торгового центра Махмуд Ходжаев Фарзон Салимов рассказали, как спасали людей в Кемерово

 

 

1517
Барчаспҳо:
ҷоиза, қаҳрамон, Маҳмуд ва Фарзон, Владимир Соловев, Тоҷикистон, Русия
Коргарон, акс аз бойгонӣ

“Аксар чинӣ”: фош шудани ҷалби ғайриқонунии хориҷиён ба кор дар Тоҷикистон

518
Агентии давлатии назорати молиявӣ ва мубориза бо коррупсияи Тоҷикистон дар пайи як санҷиш мавориди зиёди эъзоми ғайриқонунии коргарони хориҷӣ ба кор дар ширкатҳоро ошкор кардааст. Аксари ин ширкатҳо чиниянд

ДУШАНБЕ, 16 фев — Sputnik. Сулаймон Талбакзода, сардори Сарраёсати назорати давлатии молиявии Агентӣ, зимни нишасти матбуотии ин ниҳод гуфт, дар пайи як санҷише, ки дар Хадамоти муҳоҷирати вазорати меҳнат, муҳоҷират ва шуғли аҳолии Тоҷикистон анҷом шуд, чандин мавриди эъзоми ғайриқонунии коргарони хориҷӣ ба кор ошкор шуда, ҳазинаи ин зарар ба давлат қобили мулоҳиза аст.

“Муайян гардид, ки бар хилофи қарори Ҳукумат дар бораи қоидаҳои додани кор ба хориҷиён, бархе аз шаҳрвандони берунӣ бидуни иҷозат ба кор қабул шудаанд, ки дар натиҷа ба буҷети давлатӣ 5,3 миллион сомонӣ маблағ ворид нашуд”, - иттилоъ дод Сулаймон Талбакзода.

Тибқи иттилои Агентии давлатии назорати молиявӣ ва мубориза бо коррупсия, аксари ин ширкатҳо чинӣ ва ё дар ҳамдастӣ бо чиниҳо дар Тоҷикистон фаъолият мекунанд. Манбаъ афзуд, ширкатҳои назири “Пакрут”, ки 1,3 миллион сомонӣ, “Синоҳидро Тоҷикистон” - 772 ҳазор, “Ҷунтай Моҳир Семент” - 7,2, филиали ширкати “Синзян Коммуникейшн Конструкшн груп” дар Тоҷикистон - 451,4, намояндагии ширкати “ТВЕА” дар Тоҷикистон - 96,9 ва “Ҷонг Фу” - 600,3 ҳазор сомонӣ маблағи буҷетро пардохт накардаанд.

Якеи дигар ширкати муҳандисӣ - сохтмонии эронӣ ба номи “Умрон Морун” аст, ки дар сохтмони нерӯгоҳи “Роғун” машғули кор аст ва дар пайи ҷалби ғайриқонунии коргарон ба буҷаи Тоҷикистон 19,5 ҳазор сомонӣ маблағ напардохтааст.

Ин рӯйхат бо ширкати “Гушикай Лтд” хотима меёбад, ки дар муаррифиҳо тоҷикистонӣ гуфта шудааст ва 553,8 ҳазор сомонӣ қарздор аст.

Дар ҳамин ҳол, Агентии давлатии назорати молиявӣ ва мубориза бо коррупсия дар бораи ин, ки ин ширкатҳо шаҳрвандони кадом кишвари хориҷиро ба чӣ теъдод ба кор ҷалб кардаанд, маълумоти бештар ироа накард.

518
Барчаспҳо:
ғайриқонунӣ, кор, Тоҷикистон
Очереди мигрантов в УФМС

Вуруди тоҷикистониён 4 баробар кам шуд: "ФСБ" гуфт, чанд хориҷӣ ба Русия омадаанд

1463
(Таҷдидшуда 20:12 16.02.2021)
Кишварҳои Осиёи Марказӣ, сарфи назар аз пандемия, аз рӯи шумораи шаҳрвандоне, ки ба Русия омадаанд, ба панҷгонаи аввал шомил мебошанд

ДУШАНБЕ, 16 фев - Sputnik. Дар маҷмӯъ соли 2020 ба Русия 9,6 миллион шаҳрванди хориҷӣ ташриф овардаанд,  навиштааст "Интерфакс" аз қавли хадамоти сарҳадии Хадамоти федералии амният - "ФСБ".

Бахши хоҷагии қишлоқи Русия ба таҷрибаи муҳоҷирони меҳнатӣ ниёз дорад. Тибқи омор, шумораи ками хориҷиён бо ҳадафи сайёҳӣ ба Русия омадаанд - ҳамагӣ 336 ҳазор нафарро ташкил додаанд. Ташрифи сайёҳон 93% кам шудааст.

Дар маҷмуъ шумораи хориҷиёни воридшуда 67,5% коҳиш ёфт. Шаҳрвандони Украина аз рӯи шумораи вуруд ба қаламрави Федератсияи Русия пешсаф шуданд. Аз ин кишвар дар маҷмӯъ 3,65 миллион нафар аз ин кишвар ба Русия омадаанд.

Ҳамчунин ба панҷгонаи аввал, муҳоҷирон аз Осиёи Марказӣ шомил шудаанд. Ҳамин тавр, аз Тоҷикистон ба Русия дар соли 2020 ҳудуди 401,8 ҳазор нафар омадаанд. Тибқи маълумоти Вазорати меҳнати Тоҷикистон, аз инҳо тақрибан 130 ҳазор нафар ба ҷустуҷӯи кор рафтаанд. 

Вуруди асосии хориҷиён, тибқи омори "ФСБ", ба семоҳаи аввали соли 2020 рост омад.

Ёдовар мешавем, ки тибқи маълумоти хадамоти сарҳадии ФСБ, дар соли 2019  ба Русия 1,57 миллион нафар омадаанд. Бармеояд бинобар пандемияи коронавирус, шумораи шаҳрвандони Тоҷикистон, ки ба Федератсияи Русия омадаанд, қариб 4 маротиба кам шудааст.

1463
Барчаспҳо:
Хадамоти федералии муҳоҷират, сафар, Русия, Тоҷикистон
Конкурс Чакомаи Гесу в Худжанде

Мӯдарозтарин духтари Душанберо муайян карданд

0
(Таҷдидшуда 21:07 24.02.2021)
Дар Душанбе фестивали "Чакомаи гесу" ҷамъбаст гардид ва ғолибони озмун - духтарони муйдарози пойтахт муайян шуданд

ДУШАНБЕ, 24 фев — Sputnik. Имрӯз дар шаҳри Душанбе бо ташаббуси Мақомоти иҷроияи ҳокимияти давлатии шаҳр "Чакомаи гесӯ" баргузор гардид.

Дар оғози фестивал намоишгоҳи маҳсулоти ороишии  ҳунармандон, анвои гуногуни ороиши миллии занонаи аз ҷиҳати экологӣ фоидаовар ва лавозимоти марбут ба парваришу ороиши мӯйю рӯй  ба маъраз гузошта шуд.

Дар фестивал инчунин ашъори баланпоя ва суруду рақс, ривояту таронаҳои мардумӣ оид ба ҳусну таровати рӯй, ҷозибаи гесӯ, сарулибос ва ороишоти миллӣ, истифодаи маҳсулоти табиии ватанӣ дар парваришу нигоҳбини рӯйю мӯй ва муҳофизати пӯсти дасту рӯй тарғибу ташвиқ гардид.

Дар фестивали мазкур муовини Раиси шаҳри Душанбе Мавсума Муинӣ, Раиси Кумитаи занон ва оилаи назди Ҳукумати Ҷумҳурии Тоҷикистон Ҳилолбӣ Қурбонзода, ғолибони даври ноҳиявии фестивал аз ноҳияҳои пойтахт ва сокинони шаҳр  иштирок намуданд.

Мавриди зикр аст, ки давоми се соли охир фестивали мазкур дар доираи эълон гардидани солҳои 2019-2021 ҳамчун Солҳои рушди деҳот, сайёҳӣ ва ҳунарҳои мардумӣ дар тамоми қаламрави мамлакат доир  мегардад.

Рустам Эмомалӣ қарор кард: дар Душанбе фестивали "Чакомаи гесу" баргузор шавад

Дар фарҷоми Фестивал ғолибони бахшҳои он ва иштирокчиёни фаъол бо диплому сипоснома ва ҷоизаи махсуси мақомоти иҷроияи ҳокимияти давлатии шаҳри Душанбе сарфароз гардонида шуданд.

0