Ронандаи мусофирбар. Акс аз бойгонӣ

Мақомоти Сахалин муҳоҷирони меҳнатиро дигар ба кор намегиранд

155
(Таҷдидшуда 15:11 23.04.2018)
Дар вилояти Сахалин барои кори муҳоҷирони меҳнатӣ дар соҳаҳои гуногуни ҷамъиятӣ, маҳдудият ҷорӣ карда шудааст

ДУШАНБЕ, 23 апр — Sputnik. Мақомоти вилояти Сахалин пешниҳоди ширкатҳои маҳаллӣ дар мавриди ба кор гирифтани 1,2 ҳазор муҳоҷирони меҳнатиро рад кардаанд, иттилоъ медиҳад хадамоти матбуотии ҳукумати минтақа.

"Комиссияи байниидоравии вилоятӣ, ки масоили ҷалби муҳоҷирони меҳнатиро баррасӣ мекунад, пешниҳодоти ширкатҳои маҳаллӣ дар мавриди ба кор таъмин намудани 1 ҳазору 239 нафар коркунони хориҷро рад кардааст", — омадааст да гузориш.

Тавре зикр мегардад, ҳукумати минтақа аз соли 2016 "самти коҳиш додани теъдоди хориҷиёнеро, ки дар иқтисоди ҷазира кор мекунанд, пеш гирифтааст".

Маҳдудияти кори муҳоҷирон дар истеҳсоли нон ва маҳсулоти қаннодӣ, кор дар автоистгоҳҳо, нақлиёти мусофиркаш ва таксӣ, инчунин дар як қатор бахшҳои тиҷорат ва сохтмон, ҷорӣ шудааст.

"Дар натиҷа, таи ин муддат шумораи аҳолии таҳҷоии вилояти Сахалин, ки ба корҳоии соҳаҳои мазкур ҷалб карда шудаанд, то ба 34% афзуда, ҳиссаи муҳоҷирони меҳнатии хориҷӣ, ки дар иқтисоди ҷазира шуғл меварзанд, хеле кам шуда, ҳоло тақрибан 10% —ро ташкил медиҳад", — таъкид мекунад хадамоти матбуотӣ.

Муовини раиси ҳукумати вилоят Алексей Белик гуфт, ки дар минтақаи Сахалин нахуст бояд шаҳрвандони Русия ба кор таъмин шаванд.

"Ин вазифаи принсипиалии мост. Бино бар ин, мо сиёсатамонро дар робита ба коҳиш додани саҳми муҳоҷирони меҳнатӣ, дар иқтисодиёти минтақа  идома медиҳем", — шарҳ медиҳад оқои Белик.

Ҷараёни муҳоҷирати меҳнатӣ аз Тоҷикистон ба Русия дар семоҳаи якуми соли 2018-3% коҳиш ёфтааст.

Дар семоҳаи аввали соли 2018 тақрибан 109 ҳазору 53 шаҳрванди Тоҷикистон барои муҳоҷирати меҳнатӣ ба кишварҳои дигар рафтаанд, ки нисбат ба ҳамин давраи соли гузашта 3 ҳазору 757 нафар, камтар мебошад.

Аз шумораи умумии муҳоҷирони меҳнатии Тоҷикистон, саҳми Русия 105 ҳазору 193 нафарро ташкил медиҳад, саҳми Қазоқистон бошад, беш аз 2,5 ҳазор нафар мебошад.

Ҳамчунин маълумот дар бораи ҷараёни баргашт дар ин давра вуҷуд дорад: 84 ҳазору 955 шаҳрванд ба Тоҷикистон баргаштаанд.

Илова бар ин, 927 хориҷӣ дар Тоҷикистон таи се моҳи аввали соли ҷорӣ расман ба кор гирифта шудаанд, ки нисбат ба ҳамин давраи соли гузашта 97 нафар, камтар аст.

Ёдовар мешавем, ки думаи шаҳри Маскав тасмимеро дар робита ба таҳкими ҷазо барои мусоидат ба муҳоҷирати ғайриқонунӣ, гирифтааст.

"Қабули чунин тағйироти муносиб имкони танзими қонунии муҳоҷирати ғайриқонунӣ ва такмили қонунгузории ҳифзи ҳуқуқ дар ин соҳаро хоҳад дод. Аз ин рӯ, ҳамкорони гиромӣ, хоҳиш мекунам, ки тағйироти мазкурро бастаӣ қабул намоед", — эълом дошт раиси комиссион оид ба амният дар думаи шаҳри Маскав Инна Святенко.

Тасмим пас аз натиҷаҳои хониши охирин гирифта шудааст. Санади муносиб муқарраркунии масъулият барои миёнаравӣ дар гирифтани ғайриқонунии иҷозат барои ворид шудан ба ҳудуди Русияро, ироа мекунад.

Илова бар ин, тавсия дода мешавад, ки ҷазо барои кӯмаки ғайриқонунии воридшавии ашхоси бидуни шаҳрвандӣ ё шаҳрвандони хориҷӣ ба қаламрави Русия, инчунин сафар тавассути қаламрави ФР, сангинтар карда шавад.

Пештар иттилоъ дода шуда буд, ки Вазорати меҳнати Русия нақшаи зиёд кардани квотаҳо оид ба додани иҷозатнома ба шаҳрвандони хориҷӣ барои кор дар кишварро, дорад.

Ба нақша гирифта шудааст, ки иҷозатномаҳои зиёд дар Маскав (барои 373 нафар), Санкт-Петербург ва вилояти Ленинград (мутаносибан 3007 ва 1615), Красноярск ва Приморе (427 ва 2751), Новосибирск (581) ва ОФШ (3163), дода мешавад.

155
Барчаспҳо:
музди кор, кор, муҳоҷират, Сахалин, Русия
Мигранты у здания Управления Федеральной миграционной службы России

Бино бар пандемия 75 дарсади муҳоҷирони меҳнатӣ дар шаҳри Маскав бекор монданд

383
(Таҷдидшуда 18:55 16.09.2020)
Аксарияти муҳоҷирони меҳнатӣ дар шаҳри Маскав дар даврони пандемия бекор монданд ва теъдоди ками онҳо барои худ пул захра карда буд

ДУШАНБЕ, 16 сен — Sputnik. Тибқи таҳлилҳои Гурӯҳи таҳқиқоти муҳоҷират ва этнетикии Русия 75 дарсади муҳоҷирони меҳнатӣ дар шаҳри Маскав дар даврони паҳншавии вируси корона бекор монданд.

Коршиносон миёни муҳоҷирони Тоҷикистон, Ӯзбекистон ва Қирғизистон дар бораи таъсири пандемия ба кору зиндагии онҳо дар Маскав назарсанҷӣ анҷом доданд.

Зимни назарсанҷӣ маълум шуд, ки 74 дарсади муҳоҷирони меҳнатӣ ҳангоми пандемия аз кор хориҷ ё ба рӯхсатии бардавом меҳнатӣ бидуни пардохти маблағ равон карда шуданд.

Ҳамзамон зимни ин назарсанҷи маълум шуд, ки танҳо 40 дарсади муҳоҷирони меҳнатӣ дар даврони пандемия пул захира кардаанд. Дар ҳамин ҳол, ҳамагӣ 13 дарсади муҳоҷирон корӣ барои муҳлати дарозтар пули бештар захира кардаанд.

Ҳамчунин зимни гуфтугӯ бо рӯзномаи “КП” раиси федератсияи муҳоҷирони Русия Вадим Коженов, гуфт аксари муҳоҷирон омода буданд, пулҳояшонро сарфа кунанд. Ба гуфтаи вай муҳоҷирон мехостанд пандемияро дар Маскав  паси сар кунанд то барои кор ба кишварҳои мухталиф нараванд.

“Бештар кор дар минтақаҳои гуногуни Русия дар соҳаи кишоварзӣ ба назар мерасид. Дар сомона беш аз 7-8 ҳазор нафар сабти ном шуда буд. Аз ҳамин ҳазорҳо нафар танҳо 40 нафар барои кор омодагии худро нишон доданд”, - таъкид дошт Коженов.

Вай илова кард, ки муҳоҷирони меҳнатӣ дар Маскав омода буданд бо хароҷоти ночиз бимонанд ва баъд аз маҳдудиятҳо ба кори пешина ё ба кори монанд баргарданд.

“Як одат шудааст, ки муҳоҷири меҳнатӣ ба Русия барои кор кардани пул  меояд, то ки як қисми пули коркардаашро барои оилааш равон кунад. Аммо баъзеҳояшон дигар мақсад доранд. Онҳао ба Маскав меоянд ва мегуянд: ман мехоҳам дар ин шаҳр бимонам ва ҳар коре бо ман кунед ман аз ин ҷо  ҳеҷ куҷо намеравам”, таъкид кард раиси раиси федератсияи муҳоҷирони Русия.

383
Барчаспҳо:
теъдод, захира, пул, муҳоҷирати меҳнатӣ, муҳоҷират, Маскав, Русия
Процедура дактилоскопии, архивное фото

Аз изи ангушт то...: генерал Казакова гуфт, муҳоҷирон дар Русия чӣ гуна назорат мешаванд

347
(Таҷдидшуда 10:51 13.09.2020)
Сардори Сарраёсати масъалаҳои муҳоҷирати Вазорати корҳои дохилии Русия, генерал-лейтенанти милитсия Валентина Казакова, зимни як нишасти гуфт, ки муҳоҷирон  чигуна назорат мешаванд

ДУШАНБЕ, 13 сен — Sputnik. Валентина Казакова гуфт, ки тамоми технологияҳои нави мавҷуда аз ҷониби Раёсати муҳоҷират барои назорати омадани хориҷиён ба қаламрави Русия истифода мешаванд.

Сардори Сарраёсати муҳоҷират гуфт, ки муҳоҷирони зиёде, ки аз Русия ихроҷ шудаанд, маълумотҳои муқаррарии худро тағир додаву дубора меоянд.

Аммо, тавре Казакова қайд кард, маълумоти изи ангуштро фиреб додан мумкин нест.

Намояндаи Вазорати корҳои дохилӣ гуфт, ки зарурати гузаштани изи ангушт ба тамоми шаҳрвандони хориҷие, ки зиёда аз 30 рӯз меоянд, вуҷуд дорад.

Инчунин, барои ҳисоб кардани муҳоҷирони ғайриқонунӣ, ки аллакай ба Русия ворид шудаанд, системаи шинохти чеҳра истифода мешавад.

Казакова: пандемия Русияро ба соддагардонии ҳаёти муҳоҷирон водор кард

Номбурда ҳамчунин гуфт, ки барои ҳамаи онҳое, ки ба Русия меоянд, инчунин ташхиси тиббӣ талаб карда мешавад.

Ӯ гуфт, вақти он расидааст, ки чизеро тағир диҳем ва онро ба самти беҳтар равона созем.

347
премьер-министр Узбекистана Абдулла Арипов

Санаи сафари сарвазири Ӯзбекистон ба Тоҷикистон маълум шуд

0
(Таҷдидшуда 21:34 19.09.2020)
Палатаи савдо ва саноати Тоҷикистон мегӯяд, сафари Абдулло Арипов, сарвазири Ӯзбекистон ба Душанбе ба рӯзҳои 28-30 сентябр рост меояд

ДУШАНБЕ, 19 сен — Sputnik.  Омодагӣ ба сафари Абдулло Арипов дар Палатаи савдо ва саноати Тоҷикистон баррасӣ шуд. Дар доираи ин сафар анҷумани соҳибкорони Тоҷикистону Ӯзбекистон рӯзҳои 28-30 сентябр ба нақша гирифта шудааст.

Инчунин зимни ин сафар ҷаласаи навбатии Комиссияи байниҳукуматии Тоҷикистон ва Ӯзбекистон баргузор мегардад

Дафтари матбуоти вазорати иқтисод ва савдои Тоҷикистон, мегӯяд, ҳоло омодагиҳо ба ҷаласаи навбатии Комиссияи байниҳукуматии Тоҷикистон ва Ӯзбекистон давом доранд.

Тибқи иттилои манбаъ, ин нукта зимни вохӯрии  Вазири рушди иқтисод ва савдои Тоҷикистон Завқӣ Завқизода ва муовини якуми Вазири сармоягузорӣ ва савдои хориҷии Ӯзбекистон Лазиз Қудратов, муовини Вазири иқтисод ва паст кардани сатҳи камбизоатии Ӯзбекистон Акмалхон Ортиқов, ки 18 сентябр дар шаҳри Душанбе баргузор гардид, мавриди баррасӣ қарор гирифт.

Ҳамзамон манбаъ таъкид доштааст, ки зимни вохӯрӣ ҷонибҳо инчунин вазъ ва дурнамои ҳамкории дуҷонибаро дар соҳаи тиҷоратию иқтисодӣ, аз ҷумла зиёд намудани нишондиҳандаҳои ҳаҷми гардиши савдои дуҷониба, таъсиси корхонаҳои муштарак дар минтақаҳои озоди иқтисодии Тоҷикистон баррасӣ намуданд.

0
Барчаспҳо:
ҷаласа, ҳамкорӣ, Ӯзбекистон, Тоҷикистон