Муҳоҷират. Акс аз бойгонӣ

Дар Русия барои муҳоҷирони ғайриқонунӣ ҷаримаҳои нав ҷорӣ мешавад

400
(Таҷдидшуда 16:58 16.05.2018)
Акнун, дар баробари иҷозатномаи корӣ ё патент аз муҳоҷир қарордоди корӣ бо корфармо талаб мешавад

ДУШАНБЕ, 16 май — Sputnik. Дар Русия мехоҳанд барои муҳоҷирони меҳнатӣ дар сурати адами шартномаи корӣ ҷаримаҳои нав ворид кунанд, хабар медиҳад рӯзномаи «Коммерсант» бо истинод ба манбае аз Вазорати адлияи ФР. 

Идора аллакай тағйиротро барои ворид кардан ба Кодекси ҳуқуқвайронкуниҳои маъмурӣ (КоҲМ) таҳия кардааст, ки тибқи он муҳоҷири меҳнатӣ барои таъйиди асосҳои қонунии будубоши худ дар қаламрави Русия бояд на танҳо иҷозатномаи корӣ ё патент, балки шартномаи корӣ бо корфарморо низ пешниҳод кунад.

"Барои набудани шартномаи корӣ Вазорати адлия пешниҳод мекунад, ки муҳоҷирон ва корфармоёнеро, ки ғайриқонунӣ онҳоро ба кор гирифтаанд, то 5 ҳазор рубл ҷарима ва эҳтимоли аз кишвар хориҷ кунанд. Алъон модда чунин ҷарима бо эҳтимоли аз кишвар хориҷ кардан барои "амалӣ намудани фаъолияти меҳнатӣ бидуни иҷозатномаи корӣ ё патент"-ро пешбинӣ намудааст", — омадааст дар хабарнома.

Дар вазорат инчунин мехоҳанд барои корфармоёни беаҳамият, ки ғайриқонунӣ муҳоҷирони меҳнатиро ба кор мегиранд, ҷарима ҷорӣ кунанд. 

"Ба мудири ширкате, ки муҳоҷиронро бидуни бастани шартнома ба кор гирифтааст, ҷарима дар ҳаҷми 50 ҳазор рубл, ба худи ширкат бошад, то 800 ҳазор рубл ва ҳатто то амали боздошт намудани фаъолияти ширкат дар муддати аз 14 то 90 шабонарӯз, таҳдид хоҳад кард", — шарҳ медиҳад рӯзнома. 

Пештар гузориш дода шуд, ки Вазорати адлия мехоҳад вазоифи роҷеъ ба тасмимгирӣ дар робита ба будубоши (истиқомати) номатлуби муҳоҷири хориҷиро ба ихтиёри ХФИС-и Русия, гузорад. 

Ҳамасола чандсад ҳазор шаҳрванди Тоҷикистон барои кор ба Русия мераванд. Мувофиқи маълумоти соли 2017, беш аз 1,58 миллион нафар аз Тоҷикистон ба шаҳрҳои гуногуни Русия барои кор омадаанд.  Бисёре аз муҳоҷирони меҳнатӣ, ки дар Маскав ва дигар шаҳрҳо ба кору зиндагӣ одат мекунанд, бо мурури замон асноди худро барои гирифтани шаҳрвандии Русия пешниҳод менамоянд.

Соли 2017 сокинони Тоҷикистон аз рӯи теъдоди доштани шиносномаҳои расмии русӣ (29 039 ҳуҷҷат) ба "Топ-3" ворид шуда буданд.

400
Барчаспҳо:
муҳоҷират, Русия
Подпись документов

Путин сабукиҳои карантиниро барои муҳоҷирон тамдид кард: то 15 декабр

536
(Таҷдидшуда 12:14 24.09.2020)
Мӯҳлати буду боши шаҳрвандони хориҷӣ дар Федератсияи Русия то 15 декабри соли равон тамдид карда шуд

ДУШАНБЕ, 24 сен — Sputnik. Президенти Русия Владимир Путин сабукиҳои қарантиниро барои шаҳрвандони хориҷӣ ва ашхоси бешаҳрвандӣ дар Русия то 15 декабр тамдид кард.

Ҳуҷҷати зерин дар портали ҳуқуқӣ нашр шудааст.

Мутобиқи фармони роҳбари Федератсияи Русия, мӯҳлати будубоши муваққатӣ ё доимии хориҷиён ва шахсони бешаҳрвандӣ дар Федератсияи Русия ва мӯҳлати сабти номашон дар маҳалли будубош то 15 декабр тамдид карда мешавад.

Ҳамчунин гуфта мешавад, ки то миёнаҳои моҳи декабр аз Русия муҳоҷирон депорт кард намешавад.

Баъди 15 сентябр чӣ мешавад? генерал Казакова дар бораи сабукиҳо ба муҳоҷирон-садо

Ёдрас мешавем, ки ҳукумати Русия дар давраи ҳамагирии коронавирус ду маротиба муҳлати буду боши шаҳрвандони хориҷиро тамдид карда буд.

Фармони нави Путин дар бораи патенту муҳоҷирон: кадом сабукиҳо мемонанду кадом не?-видео

Пештар барои муҳоҷирон то 15 июн ва баъд то 15 сентябр муҳлати буду бош тамдид карда шуд.

536
Барчаспҳо:
буду боши хориҷиён, тамдиди буду бош, Владимир Путин, тамдид, Русия
Мавзуҳо:
Пайомадҳои COVID-19 дар Тоҷикистон ва ҷаҳон
Мигранты у здания Управления Федеральной миграционной службы России

Бино бар пандемия 75 дарсади муҳоҷирони меҳнатӣ дар шаҳри Маскав бекор монданд

399
(Таҷдидшуда 18:55 16.09.2020)
Аксарияти муҳоҷирони меҳнатӣ дар шаҳри Маскав дар даврони пандемия бекор монданд ва теъдоди ками онҳо барои худ пул захра карда буд

ДУШАНБЕ, 16 сен — Sputnik. Тибқи таҳлилҳои Гурӯҳи таҳқиқоти муҳоҷират ва этнетикии Русия 75 дарсади муҳоҷирони меҳнатӣ дар шаҳри Маскав дар даврони паҳншавии вируси корона бекор монданд.

Коршиносон миёни муҳоҷирони Тоҷикистон, Ӯзбекистон ва Қирғизистон дар бораи таъсири пандемия ба кору зиндагии онҳо дар Маскав назарсанҷӣ анҷом доданд.

Зимни назарсанҷӣ маълум шуд, ки 74 дарсади муҳоҷирони меҳнатӣ ҳангоми пандемия аз кор хориҷ ё ба рӯхсатии бардавом меҳнатӣ бидуни пардохти маблағ равон карда шуданд.

Ҳамзамон зимни ин назарсанҷи маълум шуд, ки танҳо 40 дарсади муҳоҷирони меҳнатӣ дар даврони пандемия пул захира кардаанд. Дар ҳамин ҳол, ҳамагӣ 13 дарсади муҳоҷирон корӣ барои муҳлати дарозтар пули бештар захира кардаанд.

Ҳамчунин зимни гуфтугӯ бо рӯзномаи “КП” раиси федератсияи муҳоҷирони Русия Вадим Коженов, гуфт аксари муҳоҷирон омода буданд, пулҳояшонро сарфа кунанд. Ба гуфтаи вай муҳоҷирон мехостанд пандемияро дар Маскав  паси сар кунанд то барои кор ба кишварҳои мухталиф нараванд.

“Бештар кор дар минтақаҳои гуногуни Русия дар соҳаи кишоварзӣ ба назар мерасид. Дар сомона беш аз 7-8 ҳазор нафар сабти ном шуда буд. Аз ҳамин ҳазорҳо нафар танҳо 40 нафар барои кор омодагии худро нишон доданд”, - таъкид дошт Коженов.

Вай илова кард, ки муҳоҷирони меҳнатӣ дар Маскав омода буданд бо хароҷоти ночиз бимонанд ва баъд аз маҳдудиятҳо ба кори пешина ё ба кори монанд баргарданд.

“Як одат шудааст, ки муҳоҷири меҳнатӣ ба Русия барои кор кардани пул  меояд, то ки як қисми пули коркардаашро барои оилааш равон кунад. Аммо баъзеҳояшон дигар мақсад доранд. Онҳао ба Маскав меоянд ва мегуянд: ман мехоҳам дар ин шаҳр бимонам ва ҳар коре бо ман кунед ман аз ин ҷо  ҳеҷ куҷо намеравам”, таъкид кард раиси раиси федератсияи муҳоҷирони Русия.

399
Барчаспҳо:
теъдод, захира, пул, муҳоҷирати меҳнатӣ, муҳоҷират, Маскав, Русия

Амрико ба хотири қатъи сохтмони “Маҷрои шимолӣ-2” шарик меҷуяд

0
(Таҷдидшуда 21:15 24.09.2020)
Мақомоти Амрико эълон кардааст, ки эътилофи зидди “Маҷрои шимолӣ-2”- ро ташкил хоҳад кард

Нашрияи Die Welt  навиштааст, ки Амрико фишорашро бар зидди ширкатҳое, ки дар лоиҳаи “Маҷрои шимолӣ-2” иштирок доранд зиёд кардааст.

Вазири хорҷаи Амрико Майк Помпео, ахиран эълон кардааст, ки кишвараш барои қатъи сохтмони “Маҷрои шимолӣ-2” эътилоф ташкил хоҳад дод.

Ба гуфтаи вай, ин лоиҳа метавонад вобастагии Аврупоро аз Русия зиёд намояд ва ба амнияти Украин хатар ворид кунад. Ба ҳамин хотир амрико набояд гузорад ин лоиҳа иҷро шавад.

Бояд гуфт, ки Русия борҳо таъкид кард, ки тарҳҳои энержии ин кишвар, аз ҷумла "Маҷрои шимолӣ-2" дар Аврупо бо ҳадафҳои сиёсӣ дучори монеа шудаанд.

Лоиҳаи “Маҷрои шимолӣ-2” бунёди ду лӯлаи газ бо иқтидори умумии 55 миллиард метри мукааб газ дар як сол аз соҳили Русия тавассути баҳри Балтика то Олмонро дар бар мегирад.

Владимир Путин борҳо таъкид кардааст, ки Русия ба лӯла танҳо ба унвони як лоиҳаи иқтисодӣ ишора мекунад. Маскав даъват мекунад, ки онро ҳамчун воситаи таъсирот қабул накунед. Сохтмони “Маҷрои шимолӣ-2” аз ҷониби Олмон, Австрия ва Норвегия фаъолона дастгирӣ карда мешавад.

0
Барчаспҳо:
мақомот, ташкил, эътилоф, Амрико, Русия