Владимир Поставнин, акс аз бойгонӣ

Поставнин: бумиёни ИҶШС дар Русия қонунӣ хоҳанд шуд

160
(Таҷдидшуда 11:42 24.05.2018)
Тасмим дар бораи додани мақоми махсус ба шаҳрвандони собиқ Иттиҳоди Шуравӣ хеле муҳим аст, ҳарчанд дер шуда бошад, таъкид кард мудири бунёди “Мӯҳоҷирати асри ХХI” Вячеслав Поставнин

ДУШАНБЕ, 24 май — Sputnik.  Дар Русия ба нақша гирифтаанд, ки ба ашхоси бе шаҳрвандӣ ҳуҷҷатҳои нав диҳанд. Ба ин гурӯҳ бумиёни собиқ ИҶШС, ки дар Русия беш аз 15 сол зиндагӣ карда бошанд, маҳбусони озодшуда ва ҳамчунин онҳое, ки дар тифлӣ ба Русия кӯчидаанду, ҳеҷ гоҳ соҳиби шиносномаҳои русӣ нагаштаанд, шомил мешаванд.

Шаҳодатномаҳои нав имкон медиҳад, ки шахсони бе шаҳрвандӣ дар Русия қонунан зиндагӣ кунанд.

Мақоми нав барои шахсони бешаҳрвандӣ бо мӯҳлати 10 сол баъдтар ба эътибор гирифта мешавад, мегӯяд Вячеслав Поставнин, мудири бунёди "Мӯҳоҷирати асри XXI".

Ба гуфтаи ӯ, шаҳодатномаро кайҳо боз ворид кардан лозим буд. Санад ба муҳоҷирони корӣ тааллуқ дорад, ки ким-кадом вақтҳо ба Русия аз собиқ ҷумҳуриҳои шуравӣ омада буданду, бо як қатор сабабҳо аз гирифтани шаҳрвандии кишвари мо, маҳрум шудаанд.  

"Соли 2007 тафтишоти мунтазами одамоне, ки пас аз соли 1992 шаҳрвандии Русияро гирифтаанд, шурӯъ шуд. Онҳо аз ҷумҳуриҳои бародарии мо бо сабабҳои гуногун баргаштааанд, асосан русҳоянд. Сипас маълум шуд, ки асноди бисёре аз онҳо нодуруст пур карда шудааст — бо гуноҳи эшон ё бо айби Хадамоти муҳоҷирати федеролӣ", — ба ёд меорад Поставнин дар мусоҳиба бо радиои Sputnik.

Дар он лаҳза намояндагони мақомоти ҳифзи ҳуқуқ фикр намекарданд, ки ин одамон кадом мақомро ба даст хоҳанд овард.

"Ва чунин шуд, ки шаҳрвандии Русияро ҳатто оилаҳо аз даст доданд. Онҳо дар он замон наметавонистанд, баргарданд, охир эшон дигар шаҳрвандони Қазоқистон, Узбакистон ё Тоҷикистон набуданд. Ва 10 сол лозим буд, ки ин қонунро қабул намоянд", — шарҳ дод ӯ.

Рақами дақиқ вуҷуд надорад, ки чанд нафар бе ҳуҷҷатҳои расмӣ дар Русия зиндагӣ мекунанд, вале ҳоло онҳо метавонанд аз зери сояҳо берун оянд ва тибқи қонун дар кишвар зиндагӣ кунанд.

Пеш аз ҳама, қонун ба онҳое, ки аз шаҳрвандӣ маҳрум карда шудаанд ё мақоми онҳоро эътироф намекунанд, тааллуқ дорад, зеро шаҳрвандӣ ба таври ғайриқонунӣ ба даст оварда шудааст. Гурӯҳи дуюми вижа — русҳои бумиеанд, ки бо сабабҳои гуногун натавонистаанд шаҳрвандӣ гиранд — хабарнома ё асноди дигар нарасидааст.

"Аз ҳар мавқеияте, ки ба мардум имкони дар заминаи ҳуқуқӣ қарор гирифтанро медиҳад, ман розӣ ҳастам", — хулосагирӣ мекунад коршинос.

Лоиҳаи қонун, ки аз ҷониби ВКД ФР таҳия шудааст, "додани ҳуҷҷати нав ба ашхоси бе шаҳрвандӣ"-ро пешбинӣ мекунад. Шиносномаи шахсӣ ба одамони бемавқеият имкон медиҳад то баъдан барои гирифтани иҷозатномаи истиқомати муваққатӣ дар Русия, муроҷиат кунанд.

160
Барчаспҳо:
муҳоҷирони қонунӣ, муҳоҷират, Вячеслав Поставнин, ИҶШС, Тоҷикистон
Подпись документов

Путин сабукиҳои карантиниро барои муҳоҷирон тамдид кард: то 15 декабр

529
(Таҷдидшуда 12:14 24.09.2020)
Мӯҳлати буду боши шаҳрвандони хориҷӣ дар Федератсияи Русия то 15 декабри соли равон тамдид карда шуд

ДУШАНБЕ, 24 сен — Sputnik. Президенти Русия Владимир Путин сабукиҳои қарантиниро барои шаҳрвандони хориҷӣ ва ашхоси бешаҳрвандӣ дар Русия то 15 декабр тамдид кард.

Ҳуҷҷати зерин дар портали ҳуқуқӣ нашр шудааст.

Мутобиқи фармони роҳбари Федератсияи Русия, мӯҳлати будубоши муваққатӣ ё доимии хориҷиён ва шахсони бешаҳрвандӣ дар Федератсияи Русия ва мӯҳлати сабти номашон дар маҳалли будубош то 15 декабр тамдид карда мешавад.

Ҳамчунин гуфта мешавад, ки то миёнаҳои моҳи декабр аз Русия муҳоҷирон депорт кард намешавад.

Баъди 15 сентябр чӣ мешавад? генерал Казакова дар бораи сабукиҳо ба муҳоҷирон-садо

Ёдрас мешавем, ки ҳукумати Русия дар давраи ҳамагирии коронавирус ду маротиба муҳлати буду боши шаҳрвандони хориҷиро тамдид карда буд.

Фармони нави Путин дар бораи патенту муҳоҷирон: кадом сабукиҳо мемонанду кадом не?-видео

Пештар барои муҳоҷирон то 15 июн ва баъд то 15 сентябр муҳлати буду бош тамдид карда шуд.

529
Барчаспҳо:
буду боши хориҷиён, тамдиди буду бош, Владимир Путин, тамдид, Русия
Мавзуҳо:
Пайомадҳои COVID-19 дар Тоҷикистон ва ҷаҳон
Мигранты у здания Управления Федеральной миграционной службы России

Бино бар пандемия 75 дарсади муҳоҷирони меҳнатӣ дар шаҳри Маскав бекор монданд

399
(Таҷдидшуда 18:55 16.09.2020)
Аксарияти муҳоҷирони меҳнатӣ дар шаҳри Маскав дар даврони пандемия бекор монданд ва теъдоди ками онҳо барои худ пул захра карда буд

ДУШАНБЕ, 16 сен — Sputnik. Тибқи таҳлилҳои Гурӯҳи таҳқиқоти муҳоҷират ва этнетикии Русия 75 дарсади муҳоҷирони меҳнатӣ дар шаҳри Маскав дар даврони паҳншавии вируси корона бекор монданд.

Коршиносон миёни муҳоҷирони Тоҷикистон, Ӯзбекистон ва Қирғизистон дар бораи таъсири пандемия ба кору зиндагии онҳо дар Маскав назарсанҷӣ анҷом доданд.

Зимни назарсанҷӣ маълум шуд, ки 74 дарсади муҳоҷирони меҳнатӣ ҳангоми пандемия аз кор хориҷ ё ба рӯхсатии бардавом меҳнатӣ бидуни пардохти маблағ равон карда шуданд.

Ҳамзамон зимни ин назарсанҷи маълум шуд, ки танҳо 40 дарсади муҳоҷирони меҳнатӣ дар даврони пандемия пул захира кардаанд. Дар ҳамин ҳол, ҳамагӣ 13 дарсади муҳоҷирон корӣ барои муҳлати дарозтар пули бештар захира кардаанд.

Ҳамчунин зимни гуфтугӯ бо рӯзномаи “КП” раиси федератсияи муҳоҷирони Русия Вадим Коженов, гуфт аксари муҳоҷирон омода буданд, пулҳояшонро сарфа кунанд. Ба гуфтаи вай муҳоҷирон мехостанд пандемияро дар Маскав  паси сар кунанд то барои кор ба кишварҳои мухталиф нараванд.

“Бештар кор дар минтақаҳои гуногуни Русия дар соҳаи кишоварзӣ ба назар мерасид. Дар сомона беш аз 7-8 ҳазор нафар сабти ном шуда буд. Аз ҳамин ҳазорҳо нафар танҳо 40 нафар барои кор омодагии худро нишон доданд”, - таъкид дошт Коженов.

Вай илова кард, ки муҳоҷирони меҳнатӣ дар Маскав омода буданд бо хароҷоти ночиз бимонанд ва баъд аз маҳдудиятҳо ба кори пешина ё ба кори монанд баргарданд.

“Як одат шудааст, ки муҳоҷири меҳнатӣ ба Русия барои кор кардани пул  меояд, то ки як қисми пули коркардаашро барои оилааш равон кунад. Аммо баъзеҳояшон дигар мақсад доранд. Онҳао ба Маскав меоянд ва мегуянд: ман мехоҳам дар ин шаҳр бимонам ва ҳар коре бо ман кунед ман аз ин ҷо  ҳеҷ куҷо намеравам”, таъкид кард раиси раиси федератсияи муҳоҷирони Русия.

399
Барчаспҳо:
теъдод, захира, пул, муҳоҷирати меҳнатӣ, муҳоҷират, Маскав, Русия

Амрико ба хотири қатъи сохтмони “Маҷрои шимолӣ-2” шарик меҷуяд

0
(Таҷдидшуда 21:15 24.09.2020)
Мақомоти Амрико эълон кардааст, ки эътилофи зидди “Маҷрои шимолӣ-2”- ро ташкил хоҳад кард

Нашрияи Die Welt  навиштааст, ки Амрико фишорашро бар зидди ширкатҳое, ки дар лоиҳаи “Маҷрои шимолӣ-2” иштирок доранд зиёд кардааст.

Вазири хорҷаи Амрико Майк Помпео, ахиран эълон кардааст, ки кишвараш барои қатъи сохтмони “Маҷрои шимолӣ-2” эътилоф ташкил хоҳад дод.

Ба гуфтаи вай, ин лоиҳа метавонад вобастагии Аврупоро аз Русия зиёд намояд ва ба амнияти Украин хатар ворид кунад. Ба ҳамин хотир амрико набояд гузорад ин лоиҳа иҷро шавад.

Бояд гуфт, ки Русия борҳо таъкид кард, ки тарҳҳои энержии ин кишвар, аз ҷумла "Маҷрои шимолӣ-2" дар Аврупо бо ҳадафҳои сиёсӣ дучори монеа шудаанд.

Лоиҳаи “Маҷрои шимолӣ-2” бунёди ду лӯлаи газ бо иқтидори умумии 55 миллиард метри мукааб газ дар як сол аз соҳили Русия тавассути баҳри Балтика то Олмонро дар бар мегирад.

Владимир Путин борҳо таъкид кардааст, ки Русия ба лӯла танҳо ба унвони як лоиҳаи иқтисодӣ ишора мекунад. Маскав даъват мекунад, ки онро ҳамчун воситаи таъсирот қабул накунед. Сохтмони “Маҷрои шимолӣ-2” аз ҷониби Олмон, Австрия ва Норвегия фаъолона дастгирӣ карда мешавад.

0
Барчаспҳо:
мақомот, ташкил, эътилоф, Амрико, Русия