Гирифтани иҷозатномаи корӣ, кс аз бойгонӣ

Шароити коргарони муҳоҷири тоҷик дар Макав баррасӣ шуд

155
(Таҷдидшуда 14:40 10.06.2018)
Аъзои коргуруҳи муштараки Тоҷикистон ва Русия тайи нишасте дар шаҳри Маскав, мавзӯи шароити ҳуқуқӣ ва иҷтимоии коргарони муҳоҷири тоҷикро баррасӣ карданд

ДУШАНБЕ, 10 июн — Sputnik. Ба гузориши сомонаи Вазорати кор ва муҳоҷирати Тоҷикистон, ин нишаст бо ҳузури муовини вазири кор ва муҳоҷирати Тоҷикистон ва муовини идораи муҳоҷирати вазорати умури дохилаи Русия баргузор шуд.

Нуруллоҳ Муҳаммадуллоҳзода муовини вазири кор ва муҳоҷирати Тоҷикистон гуфтааст, дар ин нишаст бар зарурати густариши ҳамкориҳои дуҷониба бо Русия дар умури муҳоҷират, дифоъ аз манофеъ ва ҳуқуқи иҷтимоии коргарони тоҷик, тадвини барномаи созмонедҳии эъзоми ин афрод аз Тоҷикистон бар асоси ниёзи бозори кори Русия ва омӯзишҳои фаннӣ ва ҳирфаии онон таъкид шуд.

Димитрий Димиденко муовини идораи муҳоҷирати вазорати умури дохилаи Русия низ гуфтааст, мавзӯи афзоиши замони сабти номи коргарони муҳоҷири тоҷик ва афв кардани бархе аз онон, ки ба далели нақзи қонунҳои кор ва иқомат аз қаламрави Русия ихроҷ шудаанд, мавриди баррасӣ қарор хоҳад гирифт.

Нишасти баъдии коргуруҳи муштараки Тоҷикистон ва Русия дар умури муҳоҷират дар нимаи дувуми соли ҷорӣ дар шаҳри Душанбе баргузор мешавад.

Мақомоти идораи муҳоҷират вобаста ба вазорати умури дохилаи Русия теъдоди коргарони муҳоҷири тоҷик дар ин кишварро як миллион нафар унвон мекунанд.

Аммо созмонҳои коргарони муҳоҷири тоҷикистонӣ дар Русия эълом кардаанд, теъдоди ин афрод байни як миллиону 500 ҳазор то ду миллион нафар аст.

155
Барчаспҳо:
мушкилӣ, кор, вазорати умури дохила, муҳоҷир, Тоҷикистон

Муноқишаи муҳоҷирон бо мақомоти қудратӣ дар марзи Русия ва Қазоқистон: ҷузъиёт

208
(Таҷдидшуда 16:00 05.08.2020)
Интизорӣ барои бозгаштан ба Ватан, дар марзи Русия ва Қазоқистон бо муноқишаи миёни муҳоҷирон ва кормандони қудратӣ анҷомид

ДУШАНБЕ, 5 авг — Sputnik. Дар марзи Русия ва Қазоқистон миёни муҳоҷирон ва кормандони қудратӣ муноқиша сар зад. Нахустин шуда шабакаи Match аз ин ҳодиса хабар дод.

Дар ин шабака наворе нашр шуда буд, ки дар он муҳоҷирон ба сӯи марз ҳаракат мекунанд. Аз навор суханони қабеҳ шунида мешуд.

Пасон намояндаи расмии Гвардияи миллии Русия Валерий Грибакин дар суҳбат бо "Интерфакс" гуфт, ҷанҷол рӯзи 3 август рух дод.

Шаҳрвандони дармондаи Тоҷикистон дар марзи Қазоқистону Ӯзбекистон, ба Ватан расиданд

"Муноқишаи миёни муҳоҷирон ва мақомоти қудратӣ дар вилояти Самара ба зудӣ, бидуни дахолати намояндагони Гвардияи миллӣ пахш шуд", - қайд кард Грибакин.

Бино ба гузориши "Интерфакс" қазия субҳидам, соати 9 ба вуқӯъ пайваст. Мардум дар интизори сафар буданд, вале ягон хабар нашуду онҳо ба ғазаб омаданд.

Дар паи ин низоъ касе осеб надидааст. Феълан вазъият дар марзи Русия ва Қазоқистон ором аст.

Айни ҳол дар урдугоҳи муваққатӣ дар марзи Қазоқистону Русия 840 муҳоҷир дар интизори интиқоли онҳо ба ватан мебошанд. Онҳо шаҳрвандони Тоҷикистон ва Ӯзбекистон ҳастанд.

Ваколатдор оид ба ҳуқуқи инсон дар вилояти Самара то ҳол ин қазияро шарҳ надодааст.

208
Барчаспҳо:
муҳоҷирон, муноқиша, Қазоқистон, Русия
Арест, архивное фото

Боздошти сокини Петербург барои қатли муҳоҷири тоҷик: ҷавони 22 - соларо буғӣ карда кушт

536
Дар Санкт - Петербурги Русия як марди 48 - сола ба гумони қатли муҳоҷири 22 - сола аз Тоҷикистон боздошт шуд

ДУШАНБЕ, 4 авг — Sputnik. Муҳоҷири 22 - сола аз Тоҷикистон дар шаҳри Санкт - Петербург кушта шуд, хабар медиҳад нашрияи Петербург. ру.

Ба иттилои манбаъ, хабари кушта шудани муҳоҷирро ба мақомоти пулис марди 45 - сола расонд. Гуфта мешавад муҳоҷири тоҷик дар хонаи ин мард ба ҳайси иҷоранишин зидагӣ мекард.

Вазорати меҳнат гуфт, дар шаш моҳ чӣ қадар муҳоҷир ба Русия рафт

Манбаъ меафзояд, ҷавони 22 - соларо нахуст кӯфтанд ва сипас аз роҳи буғӣ кардан ба қатл расонданд.

Зимнан, кормандони пулис ба гумони қатли муҳоҷири ҷавон, соҳибхона, марди 45 - сола, ки бекор аст, боздошт намуданд.

Феълан алайҳи боздоштшуда протокол тартиб дода шуда ӯ дар боздоштгоҳи муваққатӣ қарор дорад. 

Зикр мегардад, ки тафтишот дар ин самт идома дорад.

536
Барчаспҳо:
қатл, тоҷик, муҳоҷир, Санкт-Петербург
Олег Пантелеев

Пантелеев гуфт, чаро нархи чиптаи парвозҳои чартерӣ миёни Тоҷикистону Русия гарон аст

0
(Таҷдидшуда 11:41 06.08.2020)
Директори иҷроияи агентии “АвиаПорт” Олег Пантелеев гарон будани чиптаҳои ҳавопаймо барои парвозҳои чартерӣ байни Русия ва Тоҷикистонро шарҳ дод

ДУШАНБЕ, 6 авг — Sputnik. Тоҷикистон то лаҳзаи барқарор шудани парвозҳо хатсайрҳои чартеро идома медиҳад. Мусофирон аз он шикоят мекунанд, ки чиптаҳои ҳавопаймо ба 300-500 доллар мерасад, аз ин рӯ онҳо наметавонанд онҳоро харанд.

Директори иҷроияи агентии “АвиаПорт” Олег Пантелеев вазъро дар бораи нархи чиптаҳои ҳавопаймо комилан номаълум мешуморад, ки муштариён қаблан бо онҳо дучор наомада буданд.

Коршинос қайд кард, ки дар нархи чипта як қатор омилҳо ҳастанд.

"Ин ҳам арзиши сӯзишвории авиатсионӣ ва ҳам нархи хидматрасонии парвозҳо дар фурудгоҳҳои муайян мебошад. Ин масъалаи бениҳоят муҳим аст. Аз ин рӯ, метавон ба назар гирифт, ки хароҷоти ширкатҳои ҳавопаймо ҳангоми парвозҳо дар масофаи нисбатан кӯтоҳ нисбат ба парвозҳои тӯлонии баландтар хоҳад буд", гуфт, Пантелеев дар суҳбат бо Sputnik Тоҷикистон.

Вай қайд кард, ки парвозҳои содиротӣ нисбат ба парвозҳои муқаррарӣ кам аз кам иҷро мешаванд.

"Камбудии табиии таъминот мавҷуд аст. Хуб, тамоми қонунҳои иқтисодиёт нишон медиҳанд, ки агар нарасидани таъминот вуҷуд дошта бошад, таъминкунандаи ин хидмат барзиёд пардохт хоҳад шуд. Ҳеҷ чизи дигарро интизор шудан мумкин нест: рақобат дар бозор кам шуд, талабот ҳам кам шуд", - шарҳ дод директори агентӣ.

Пантелеев таъкид кард, ки нархи чиптаҳои ҳавопаймо танҳо пас аз лағви ҳама маҳдудиятҳо дар самти парвози ҳавоӣ ба эътидол меоянд, бозигарон ба бозор бармегарданд ва гардиши мусофирон зиёд мешавад, ки муҳити рақобатро бармегардонад.

Хушхабари Муҳриддин: ҳамарӯза 2 парвоз самти Тоҷикистону Русия сурат мегирад

"Ширкатҳои ҳавопаймоӣ дар семоҳаи дуюми соли 2020 талафоти калон ва қарзи зиёдро ҷамъ оварданд, бинобар ин тааҷҷубовар нест, ки онҳо кӯшиш мекунанд, ки ҳадди аққал баъзе аз талафҳоро ҷуброн кунанд. Сарзаниш кардани онҳо, ки мехоҳанд каме кор кунанд душвор аст, аммо барои мусофирон низ ин ҳолат хуб нест” , - хулоса кард ӯ.

0