Боздошт, акс аз бойгонӣ

Ҳамлаи Алишер Абдуллоев бо корд ба чанд сокини Петербург

200
Дар Санкт Петербург як шаҳраванди Тоҷикистон ба чанд роҳгузар корд зада, аз ҷойи ҳодиса фирор кардааст

ДУШАНБЕ, 13 июл — Sputnik. Як шаҳрванди Тоҷкистон дар Санкт Петербург ба иттиҳоми кордакашӣ ба се сокини шаҳр боздошт шуд.

Бино бар иттилои "Фонтанка", Алишер Абдуллоев дар тайи ду моҳ ба кӯчаҳои шаҳр ба шаҳрвандон бо корд дармеафтодааст.

Ҳамин тавр, вай чанд нафарро захмӣ карда, аз ҷойи ҳодиса фирор кардааст.

"Алишер Абдуллоев, шаҳвранди 21-солаи Тоҷикистон шоми гузашта боздошт шуд. Кормандони ҳифзи ҳуқуқ муайян карданд, ки хонаводаи вай чанд сол қабл аз Тоҷикистон ба Русия омада буданд", — менависад манбаъ.

Кордкашии Абдуллоевро дурбинҳо ба навор гирифтаанд.

"Шаби 19-уми июн дар соҳили канили Грибоед вай ба гардани як марди 41-сола корд зада, аз ҷойи ҳодиса пинҳон шуд. Пас аз ду руз дар кӯчаи Горохова як сокини дигари шаҳррро корд зад", — тавзеҳ медиҳад хабаргузорӣ.

Ҳар ду дар бемористон бистарӣ шуданд. Абдуллоев дар пайгард қарор дошт, аммо дастгир нашуда буд.  10 июл вай боз дар ҳамон кучаи Горохова ба гардани дигаре корд зад.

Ҳамаи ҷабрдидагонро наҷот доданд. Ҷавон дар бозпурсӣ гуфтааст, ки мехост шаҳрвандони хориҷиро ба қатл расонад. Пизишкон ҳолати равонии ҷавонро ташхис мекунанд.

Абдуллоев боздошт гардида, нисбати вай парвандаи ҷиноӣ боз шудааст.

200
Барчаспҳо:
тафтишот, боздошт, муҳоҷир, Русия, Тоҷикистон
Президент РФ В. Путин

Путин гуфт, Русия ба кадом гурӯҳи муҳоҷирон ниёз дорад

1335
(Таҷдидшуда 17:54 04.07.2020)
Президенти Русия Владимир Путин гуфт Русия ба ҷавонони омодаи таҳсил ё соҳиби касбу маълуоти олӣ ниёз дорад

ДУШАНБЕ, 4 июл — Sputnik. Русия барои рушди иқтисодӣ ба муҳоҷирон ниёз дорад, гуфт президенти Русия Владимир Путин зимни вохӯрӣ бо лоиҳакашони ислоҳоти конститутсионӣ.

"Русия ба воридшавии муҳоҷирон манфиатдор аст, вале ба онҳое, ки ба кишвар лозиманд.<...> Русия ба воридшавии шаҳрвандони ҷадид ниёз дорад.<...> Чизе, ки ба иқтисод вобаста аст, комилан возеҳ аст ва пас аз чанде боз норасоии қувваи корӣ аёнтар хоҳад шуд", - гуфт президент.

Путин нарасидани қувваи кориро барои пешрафти иқтисоди кишвар монеъаи ҷиддӣ хонда аз онро аз мушкилоти мубрам гуфт.

Паспорта РФ в процессе производства
© Sputnik / Владимир Астапкович

Фармони нави Путин дар бораи патенту муҳоҷирон: кадом сабукиҳо мемонанду кадом не?-видео

Президенти Русия Владимир Путин таъкид кард, ки  Русия ба ҷавонони омодаи таҳсил ё соҳиби касбу маълуоти олӣ, ниёз дорад.

Дар баробари ин кишвардор қайд кард, ки дар раванди ҷалби муҳоҷирон набояд ҳуқуқи шаҳрвандони Русия нақз шавад.

Путин афзуд, ки Русия бамаротиб хостори воридшавии донандагони забони русӣ ва фарҳанги ин кишвар аст.

1335
Барчаспҳо:
муҳоҷират, баррасии воридшавӣ, муҳоҷирон, Владимир Путин
Таджикские мигранты застрявшие на границе Казахстана и Узбекистана

Беш аз 700 муҳоҷири дар марзи Қазоқистону Ӯзбекистон дармонда ба Тоҷикистон баргаштанд

209
(Таҷдидшуда 10:57 04.07.2020)
Созмони байналмилалии муҳоҷират (СБМ) ва Бунёди кӯдакони СММ (ЮНИСЕФ) дар ҳамкорӣ бо Ҳукумати Тоҷикистон ба бозгашти беш аз 700 шаҳрванди Тоҷикистон, ки дар марзи Қазоқистон бо Ӯзбекистон дармонда буданд, мусоидат намуданд

ДУШАНБЕ, 4 июл — Sputnik.  Мавҷи сеюми муҳоҷирони тоҷик, ки дар гузаргоҳи марзии Жибек Жоли дармонда буданд, тақрибан 700 нафар, аз ҷумла 41 кӯдакро фаро гирифт, иттилоъ додааст дафтари матбуоти Созмони байналмилалии муҳоҷират.

Манбаъ қайд кардааст, ки ин ибтикорро Ҳукумати Тоҷикистон дар ҳамкорӣ бо ҳукуматҳои Қазоқистон ва Ӯзбекистон ҳамоҳанг намуд ва онро намояндагиҳои СБМ дар ҳар се ҷумҳурӣ созмон доданд. Ин амалиёти интиқол ва ироаи ёриҳои башардӯстона ба муҳоҷирони дармонда бо ёрии молии Подшоҳии Норвегия сурат гирифт.

Дар ҳафтаҳои ахир, садҳо шаҳрванди Тоҷикистон ба марзи Қазоқистон бо Узбекистон бо умеди идомаи роҳ ба Тоҷикистон омада буданд. Бархе аз онҳо, аз ҷумла кӯдакон ва модаронашон дар марз дар шароити сабрзудо бо дастрасии маҳдуд ба об, ғизо ва маводи беҳдоштӣ ва зери хатари гирифторӣ ба КОВИД-19 муддате ба сар бурданд. Ба сабаби набудани паноҳгоҳ, муҳоҷирон дар зери ҳавои кушод ва гарм ба сар бурданд.

Манбаъ таъкид доштааст, ки кормандони СБМ дар ҳамкорӣ бо созмони маҳаллии иҷтимоии Сана Сезим ба муҳоҷирон об, ғизо, маводи беҳдоштӣ тақсим кард. ЮНИСЕФ Тоҷикистон дар бозгашти кӯдакон ба хонаҳояшон кӯмак расонид.

Бояд қайд кард, ки бемории фарогири КОВИД-19 ҳукуматҳоро водор намуд, то ҷиҳати пешгирӣ аз густариши вирус чораҳои зарурӣ андешанд. Ин чораҳо, ҳамчунин, аз маҳдудиятҳои сафар ва ҳаракат ҳам иборат буданд, ки ба ҳама таъсир расониданд, ва баъзе аз ин чораҳо вазъи осебпазири муҳоҷиронро мушкилтар гардонида, дар натиҷа, боиси бандмонии шумораи зиёди муҳоҷирон гардиданд.

Дар ҳамин ҳол, Оҷонси СММ доир ба муҳоҷират аз меъёрҳои пешгирӣ аз густариши КОВИД-19 истиқбол мекунад ва ҳамзамон, ба эҳтироми ҳаққи муҳоҷирон ва аҳли хонадони онҳо барои бозгашт таъкид менамояд. СБМ ва ЮНИСЕФ аз ҳамаи ҷонибҳои дахлдор дар кишварҳои мизбон, интиқол, ва ватани муҳоҷирон даъват намудааст, то роҳҳои бозгардонии муҳоҷирони дармонда, аз ҷумла кӯдаконро бо назардошти риояи меъёрҳои ҳимояи саломатии ҷомеа ҷӯё шаванд.

209
Барчаспҳо:
дармонданд, Ӯзбекистон, Қазоқистон, бозгашт, Ҳукумат, СММ, кӯдакон, муҳоҷират, муҳоҷирон, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон

Донишҷӯи Донишкадаи технологӣ ҳамраҳи 22 - солаи худро корд зада кушт

0
(Таҷдидшуда 14:18 05.07.2020)
Раёсати умури дохилии Тоҷикистон аз боздошти донишҷӯйи бахши 2 - юми Донишкадаи технологӣ хабар медиҳад, ки ҳамраҳи 22 солаи худро бо корд зада куштаст

ДУШАНБЕ, 5 июл — Sputnik. Кормандони пулиси Душанбе ҷавони 20 - соларо бо гумони даст доштан дар ҳодисаи куштор боздошт намуданд.

Котиботи Раёсати умури дохилии дар пойтахт хабар медиҳад, ҳодисаи куштор шоми 29 - уми июн дар ноҳияи Фирдавсии шаҳри Душанбе рух дод.

Манбаъ меафзояд, миёни Бабаев Ансор соли таваллудаш 18-уми октябри 2000, сокини шаҳри Душанбе маҳаллаи Гулбутта, донишҷӯи курси 2-и Донишкадаи технологии Тоҷикистон ва Маҷидов Аюбҷони 22 - сола сокини шаҳри Душанбе муноқиша бархост.

Шавҳар ба милиса шикоят бурд: занам маро бо корд зад

Дар натиҷа Ансор, ки бо корд мусаллаҳ буд ба қисмати рони пои чапи Маҷидов якчанд маротиба зарба задааст.

Гуфта мешавад, Маҷидов аз ҳисоби талаф додани хуни бисёр дар беморхона ба ҳалокат расид.

РВУД Тоҷикистон мегӯяд, айни замон нисбати донишҷӯи гумонбаршуда, бо моддаи 110 қисми 3 банди "в"-и Кодекси ҷиноятии Ҷумҳурии Тоҷикистон парвандаи ҷиноятӣ оғоз карда шуда, нисбаташ чораи пешгирӣ дар намуди ба ҳабси пешакӣ гирифтан татбиқ карда шудааст.

0
Барчаспҳо:
боздошт, донишҷӯ, куштор, Тоҷикистон