Муҳоҷирони меҳнатӣ, акс аз бойгонӣ

Ҳушдори Академияи назди Президенти Русия аз хатари камшавии муҳоҷирон

271
(Таҷдидшуда 18:32 13.07.2018)
Пажуҳишгарони ду ниҳоди бонуфузи илмии Русия аз пайомадҳои манфии камшавии муҳоҷирон дар ин кишвар ҳушдор додаанд

ДУШАНБЕ, 13 июл — Sputnik. Академияи хоҷагии халқ ва хизмати давлатии назди Президенти Русия ва Пажуҳишгоҳи Гайдар бо пешниҳоди гузориши муштарак изҳор доштаанд, ки барои бори якум тайи 10 соли охир теъдоди сокинони Русия метавонад коҳиш ёбад.

Тибқи гузориши ин ду ниҳод, ки дар пайи таҳлили вазъи иқтисодию иҷтимоии Русия ироа шудааст, камшавии аҳолии Русия пайомади камшавии теъдоди муҳоҷирон хоҳад буд.

“Камшавии аҳолии Русия аллакай соли 2018-ум оғоз мегардад. Афзоиши муҳоҷирон дар Русия заиф шудааст ва наметавонад камшавии аҳолиро ҷуброн кунад”, - омадааст дар гузориши пажуҳишгарон.

Бар асоси пажуҳиш сабаби камшавии зоиш, ин ба синни таваллуд расидани насли камшумори солҳои 1990 мебошад.   

“Шумораи таваллуд тайи январ-майи соли 2018 нисбат ба ҳамин давраи соли гузашта 28,1 дарсад коҳиш ёфтааст. Ягона роҳи ҷилавгирӣ аз коҳиши сокинони Русия ин муҳоҷират мебошад, аммо афзоиши муҳоҷирон низ тайи январ – апрели соли равон заиф шудааст. Коҳиши муҳоҷирон аз Украина ва раванди заифи барқароршавии муҳоҷирати оммавӣ аз Осиёи Марказӣ боиси ин ҳолат гардидааст”, - таъкид намудаанд пажуҳишгарони ду ниҳоди бонуфузи Русия.  

Бар асоси манбаъ Тоҷикистон аз рӯи афзоиши теъдоди муҳоҷирон тайи январ-апрел пешсаф шуда, шумораи муҳоҷирон аз ин кишвар 12,1 ҳазор нафар зиёд шудаанд.  Пажуҳишгарон мегӯянд, Тоҷикистону Озарбойҷон ду кишваре мебошанд, ки теъдоди муҳоҷиронашон дар Русия мунтазам барқарор шуда истодааст.  

Қаблан иттилоъ дода шуд, ки афзоиши шумораи муҳоҷироне, ки барои муҳлати тӯлонӣ вориди Русия мешаванд, заиф шудааст. Ин рақам соли 2017 ҳамагӣ 212 ҳазор нафарро ташкил додааст, ки пасттарин нишондод тайи 6 соли охир мебошад.

271
Барчаспҳо:
таҳияи асноди шиносоии муҳоҷирони тоҷик, муҳоҷирони тоҷик, тоҷикони Маскав, Тоҷикистон
Подписания Меморандума между Министерством труда, миграции и занятости Республики Таджикистан и Международным центром развития миграционной политики

Барои муҳоҷирони рафта ва баргашта: дар Душанбе Маркази захираҳои муҳоҷират таъсис меёбад

164
(Таҷдидшуда 15:45 29.09.2020)
Ин масъаларо Гулрӯ Ҷабборзода, вазири меҳнати Тоҷикистон бо Михаел Шпиделеггер, Директори генералии Маркази байналмилалии рушди сиёсати муҳоҷират (МБРСМ) баррасӣ карданд

ДУШАНБЕ, 29 сен – Sputnik. Байни Вазорати меҳнати Тоҷикистон ва Маркази байналмилалии рушди сиёсати муҳоҷират (МБРСМ) Ёддошти тафоҳум оид ба ҳамкорӣ дар самти муҳоҷират ба имзо расид.

Бино ба гузоиши Вазортаи меҳнат ва муҳоҷират, ин ёддошт рӯзи 25 сентябр имзо шуд.

Зимни ба имзо расонидани санади мазкур, Гулрӯ Ҷабборзода, вазири меҳнати Тоҷикистон ва Михаел Шпиделеггер, Директори генералии Маркази байналмилалии рушди сиёсати муҳоҷират (МБРСМ) зикр намуданд, ки Ёддошти мазкур барои тақвияти ҳамкорӣ миёни Вазорат ва Маркази мазкур дар самти муҳоҷират заминаи мусоид мегузорад.

Гуфта мешавад, ки тибқи Ёддошти тафоҳуми зикршуда, баргузории як қатор чорабиниҳо барои самаранокии идоракунии муҳоҷират, такмили минбаъдаи сиёсати миллии муҳоҷират, пешниҳоди хизматрасониҳои машваратии инфиродӣ ба муҳоҷирони меҳнатӣ – шаҳрвандони Ҷумҳурии Тоҷикистон пеш аз сафари онҳо ба хориҷи кишвар ва баъди бозгашт ба Ватан дар назар аст.

Ҳамчуни дар доираи ин санад, баргузор намудани семинарҳои омўзишию тренингҳо барои  кормандони  сохторҳои Хадамоти муҳоҷират дар маҳал оид ба баланд бардоштани сатҳи касбии онҳо ва тақвияти фаъолияти мақомоти муҳоҷират, омўзиши таҷрибаи байналмилалӣ дар самти муҳоҷират, ташкили машварату ҷамъомадҳои сайёр дар ноҳияҳои дурдасти ҷумҳурӣ, омўзиши қонунгузории давлатҳои қабулкунанда  ҷиҳати  ба роҳ мондани муҳоҷирати қонунӣ, пешбинӣ мегардад.

"Дар асоси Ёддошти тафоҳуми мазкур, аз ҷониби Маркази байналмилалии рушди сиёсати муҳоҷират (МБРСМ) оид ба ҳамкорӣ дар самти муҳоҷират, Маркази захираҳои муҳоҷират дар шаҳри Душанбе (Migrant Recourse Centre) таъсис дода мешавад", - омадааст дар хабарнома.

Мавриди зикр аст, ки МБРСМ ҳамчун ташкилоти махсуси байналмилалӣ 1 майи соли 1993 дар шаҳри Вена таъсис ёфта, айни ҳол зиёда аз 50 давлати Аврупо ва кишварҳои Роҳи абрешим, инчунин 10 ташкилоти байналмилалӣ иштирокчиёни он мебошанд.

Сябитова шарҳ дод, ки чаро занони рус бо муҳоҷирон издивоҷ мекунанд

Фаъолияти МБРСМ  ба таҳияи системаҳои ҳамаҷониба  барои  таъмини муҳоҷирати бехатар, муназзам ва қонунӣ дар кишварҳои аъзо  равона шуда, он бунёди дарозмуддати  ҳамкории шарикиро дар ин самт бо кишварҳои Аврупо ва давлатҳои Роҳи абрешим амалӣ менамояд.

Ҷумҳурии Тоҷикистон дар баробари дигар ҷумҳуриҳои Осиёи Марказӣ аз соли 2003 инҷониб ба Маркази байналмилалии мазкур шомил гардидааст.

164
Барчаспҳо:
Тоҷикистон, Русия, муҳоҷират

Сябитова шарҳ дод, ки чаро занони рус бо муҳоҷирон издивоҷ мекунанд

2656
(Таҷдидшуда 12:59 29.09.2020)
Чаро миёни издивоҷҳо дар Русия аксари домодҳо хориҷиён ҳастанд, шарҳ дод хостгор ва ровӣ Роза Сябитова

ДУШАНБЕ, 27 сен — Sputnik. Бино ба маълумоти идораҳои сабти асноди ҳолати шаҳрвандии минтақавии Русия аксари домодҳо шаҳрвандони хориҷа, аз қабили зодагони Тоҷикистон, Ӯзбекистон ва Арманистон мебошанд.

Ровии барномаи "Давай поженимся" хостгор Роза Сябитова ин тамоюлро дар сӯҳбат бо радиои "Давай поженимся" шарҳ дод.

Ровӣ як намоиши телевизиониро мисол овард ва гуфт, ки хориҷиён бештар ба наздашон меоянд.

Ҳамзамон, меҳмонони барнома саъй намекунанд, ки ба ватани худ баргарданд, балки мехоҳанд дар Русия бимонанд.

Сябитова шарҳ дод, ки барои муҳоҷирон издивоҷ яке аз роҳҳои осонтарини қонунигардонӣ дар Русия ба ҳисоб меравад.

Номбурда омилҳои иҷтимоӣ ва биологиро низ сабаби дигари издивоҷи занони рус бо хориҷиён номид.

Вай қайд кард, ки мардон аксар вақт духтарони хурдсоли синни таваллудро ҳамчун ҷуфт интихоб мекунанд ва заноне, ки мехоҳанд барои рушди хеш талош кунанд, бо гузашти солҳо бетаваҷҷӯҳ мемонанд.

“Бинобар шароит, заноне, ки тасмим гирифтанд, барои худ карера созанд  ва барои рушди фардиву баробарии гендерӣ талош кунанд, дар канор монданд. Аммо онҳо низ бояд издивоҷ кунанд ва бинобар ин хушбахтии занонаро аз домодҳои хориҷӣ меҷӯянд", гуфт Сябитова.

Ҳамзамон, ровии телевизион қайд кард, ки ин тамоюл комилан муқаррарист ва занон набояд аз интихоби худ шарм надоранд.

2656
Барчаспҳо:
издивоҷ, муҳоҷирон, Русия

Раҳмон ва Орипов нишон доданд, чӣ гуна бояд дар давраи ҳамагирӣ салом кард - видео

0
(Таҷдидшуда 14:10 30.09.2020)
Президенти Тоҷикистон Эмомалӣ Раҳмон ва сарвазири Ӯзбекистон Абдулло Орипов зимни вохӯрӣ бо оринҷ салом карданд

Раисиҷумҳури Тоҷикистон Эмомалӣ Раҳмон ва сарвазири Ӯзбекистон Абдулло Орипов рӯзи 29 сентябр дар Қасри миллат дидору мулоқот карданд.

Аз навор дида мешавад, ки сиёсатмадорон на ба даст балки бо оринҷ салом мекунанд. Ин саломи давраи ҳамагирии коронавирус аст.

Зимни гуфтушунид ҳам, ҳайъати ҳарду давлат бо ниқоби тиббӣ нишастаанд. Яъне қоидаҳои беҳдоштӣ дар сатҳҳои олӣ бисёр ҷиддӣ риоя мешаванд.

Орипов: Раҳмон дар муносибатҳои Тоҷикистону Ӯзбекистон сафҳаи тиллоӣ боз кард

Эмомалӣ Раҳмон сарвазири Ӯзбекистонро ба Тоҷикистон хушомадед гуфту Абдулло Орипов бошад дар навбати худ ба забони тоҷикӣ аз Эмомалӣ Раҳмон сипосгузорӣ кард.

"Иҷозат диҳед ба шумо барои қабули ҳайъати Ӯзбекистон миннатдорӣ изҳор намоям. Мо шодем, ки дар сарзимини меҳмондӯсти Тоҷикистон ҳастем, - гуфт Орипов ва саломи кишвардори Ӯзбекистон Шавкат Мирзиёевро ба президент ва мардуми Тоҷикистон расонид.

Тибқи иттилои котиботи раисиҷумҳури Тоҷикистон, ҷонибҳо дар ин вохӯрӣ бо қаноатмандӣ тамоюлҳои мусбати рушди устувор ва таъмиқи муносибатҳои ду кишвар, аз ҷумла афзоиши мунтазами ҳаҷми тиҷорати мутақобила, кори фаъолонаи Комиссияи байниҳукуматӣ оид ба ҳамкориҳои тиҷоративу иқтисодиро, таъкид доштанд.

Ҳамчунин зимни муҳокимаи масъалаҳои мубрами густариши ҳамкорӣ дар шароити пандемияи бемории сироятии коронавируси нав, президент ба дӯстони узбек барои кумаки башардӯстона, ки дар рӯзҳои барои ҳама вазнин ба Тоҷикистон расониданд, изҳори сипос намудааст.

Соҳаҳои гидроэнергетика ва сохтмони инфрасохтори нави роҳҳо ҳамчун самтҳои дигари умедбахши ҳамкорӣ муайян карда шуданд.

0
Барчаспҳо:
"Салом", дидор, ҳукумати Ӯзбекистон, Тоҷикистон, Абдулло Орипов, Эмомалӣ Раҳмон
Мавзуҳо:
Пайомадҳои COVID-19 дар Тоҷикистон ва ҷаҳон