Ҷанҷол, акс аз бойгонӣ

Маро куштан мехостанд: муҳоҷири тоҷик аз ҳамватанонаш дар Русия шикоят кард

524
(Таҷдидшуда 19:27 08.08.2018)
Дар яке аз ноҳияҳои назди Маскав баҳс байни зодагони Тоҷикистон бо одамдуздӣ ва кӯшиши даст задан ба куштор анҷомид

ДУШАНБЕ, 8 авг — Sputnik. Дар шаҳри Дедовски вилояти Маскав як шаҳрванди Тоҷикистон шаш ҳамватанашро дар расонидани ҷароҳати ҷисмонӣ  ва кӯшиши одамрабоиву одамкушӣ муттаҳам мекунад. Ба гуфтаи ин ҷавон, кормандони пулис ба ин ҷиноят хунукназарӣ кардаанд.

Ба гуфтаи Муҳаммад Ҳамроев, як шиносаш аз вай хоҳиш кард, ки аз дачааш дар шаҳри Истраи вилояти Маскав  хабар гирад.

Ӯ ба дача расида, хабардор шуд, ки дар он 6 муҳоҷири тоҷик истиқомат доранд. Онҳро дар посух ба саволи Муҳаммад, ки чигуна вориди хона шудаанд, гуфтаанд, ки пулиси маҳаллӣ ба ин манзил онҳоро роҳ додааст ва ба пулис ҳаққи иҷораи манзилро месупоранд.

Дар натиҷа байни ин гурӯҳ ва Муҳаммад баҳс сар задааст. Муҳаммад мегӯяд, ки пас аз дарки он, ки баҳс бо онҳо фоидае надорад, ӯ ба хонаи дигаре рафт.

Пас аз як соат, ба назди Муҳаммад чанд нафари ниқобпӯш омада, ӯро  кашолакунон ба кӯча бароварда, калтакборон кардаанд ва ба бағоҷмонак андохта, таҳдид кардаанд, ки мекушанд.

Аммо Ҳамроев тавонист наҷот ёбад: ӯ дар яке аз истгоҳҳо худро аз бағоҷ партофта, ба наздиктарин мағоза паноҳ бурдааст, онҷо ба вай кӯмаки тиббӣ расонидаанд.

Сипас ҳангоми дар бемористон будан, ба назди ҷабрдида муфаттишон омадаанд, аммо ба гуфтаи Муҳаммад, пулиси минтақавӣ аз онҳо хоҳиш кардааст, ки дар ин баҳс кордор нашаванд. "Тоҷикҳо худашон ҳал мекунанд",- гуфтаст вай.

Афзун бар ин Муҳаммад мегӯяд, ҳамватанонаш ғайриқонунӣ дар Русия будубош мекарданду пулис минтақавӣ аз ин хабар дошт.

Ҳоло ҷабрдида мехоҳад ба Кумитаи тафтишотии Маскав аз кирдори пулиси минтақавӣ барои пинҳон кардани ҷиноят шикоят барад.

524
Барчаспҳо:
шикоят, пулис, муҳоҷирон, Русия, Тоҷикистон

Сябитова шарҳ дод, ки чаро занони рус бо муҳоҷирон издивоҷ мекунанд

2487
(Таҷдидшуда 12:13 27.09.2020)
Чаро миёни издивоҷҳо дар Русия аксари домодҳо хориҷиён ҳастанд, шарҳ дод хостгор ва ровӣ Роза Сябитова

ДУШАНБЕ, 27 сен — Sputnik. Бино ба маълумоти идораҳои сабти асноди ҳолати шаҳрвандии минтақавии Русия аксари домодҳо шаҳрвандони хориҷа, аз қабили зодагони Тоҷикистон, Ӯзбекистон ва Арманистон мебошанд.

Ровии барномаи "Давай поженимся" хостгор Роза Сябитова ин тамоюлро дар сӯҳбат бо радиои "Давай поженимся" шарҳ дод.

Ровӣ як намоиши телевизиониро мисол овард ва гуфт, ки хориҷиён бештар ба наздашон меоянд.

Ҳамзамон, меҳмонони барнома саъй намекунанд, ки ба ватани худ баргарданд, балки мехоҳанд дар Русия бимонанд.

Сябитова шарҳ дод, ки барои муҳоҷирон издивоҷ яке аз роҳҳои осонтарини қонунигардонӣ дар Русия ба ҳисоб меравад.

Номбурда омилҳои иҷтимоӣ ва биологиро низ сабаби дигари издивоҷи занони рус бо хориҷиён номид.

Вай қайд кард, ки мардон аксар вақт духтарони хурдсоли синни таваллудро ҳамчун ҷуфт интихоб мекунанд ва заноне, ки мехоҳанд барои рушди хеш талош кунанд, бо гузашти солҳо бетаваҷҷӯҳ мемонанд.

“Бинобар шароит, заноне, ки тасмим гирифтанд, барои худ карера созанд  ва барои рушди фардиву баробарии гендерӣ талош кунанд, дар канор монданд. Аммо онҳо низ бояд издивоҷ кунанд ва бинобар ин хушбахтии занонаро аз домодҳои хориҷӣ меҷӯянд", гуфт Сябитова.

Ҳамзамон, ровии телевизион қайд кард, ки ин тамоюл комилан муқаррарист ва занон набояд аз интихоби худ шарм доранд.

2487
Барчаспҳо:
издивоҷ, муҳоҷирон, Русия
Посольство Республики Таджикистан в Москве

Ҷанҷол дар сафорат: муҳоҷири бекормонда бинию ангушти дипломати тоҷикро шикаст

2754
Муҳоҷири 38-солаи тоҷик дар бинои сафорати Тоҷикистон дар Русия ду нафарро мавриди латукӯб қарор дод

ДУШАНБЕ, 25 сен - Sputnik. Рӯзи 24 сентябр ба идораи милисаи Пресненский хабар дода шуд, ки шаҳрванди Тоҷикистон дар бинои сафорати ин кишвар дар тангкӯчаи Гранатнийи шаҳри Маскав ду нафарро латукӯб кард, иттилоъ дод РИА Новости.

Яке аз ҷабрдидаҳо, мутахассиси пешбари сафорати Тоҷикистон дар Русия мебошад, ки дасту бинияш шикаста, осеби майнаи сар бардоштааст. Ҷабрдидаи дигар ронанда будааст, ки мақоми дипломатӣ надошта ва ҷароҳати ҷисмонӣ низ набардоштааст, хабар дод ожонси хабарии “Москва”.

Аз ҳамлагар шаҳрванди бекормандаи Тоҷикистон зикр мешавад, ки соли таваллудаш 1982 мебошад.

Нисбати нафари муттаҳам дар ҳамла ба кормандони сафорат, барои нақзи қоидаҳои вуруд ба қаламрави Русия санади маъмурӣ тартиб дода шудааст. Манбаъ афзуд, ки аз рӯи ин ҳодиса тафтишот идома дошта, ба ҷабрдида кумаки тиббӣ расонда мешавад.

Ин дар ҳолест, ки вақтҳои охир ба далели адами парвозҳои мунтазам миёни Тоҷикистону Русия талабот ба чиптаҳо барои парвозҳои чартерӣ зиёд шудааст. Корбарони шабакаҳои иҷтимоӣ аз нархҳои гарони  ин чиптаҳо ва ҷой доштани ҳолатҳои қаллобӣ зимни фурӯши онҳо шикоят карда буданд.

2754
Барчаспҳо:
сафорат, дипломатия, Тоҷикистон
Тонущий человек, архивное фото

Корманди БДА дар Суғд донишҷӯдухтарро аз худкушӣ наҷот дод

0
Раҳматзода Даврон, муовини сардори Бозрасии давлатии автомобилии Суғд ҳамин чанд лаҳза пеш бо иҷрои як амали фаврии худ, аз худкушии як донишҷӯдухтар дар Сирдарёи Хуҷанд пешгирӣ кард

ДУШАНБЕ, 29 сен – Sputnik. Чанд нафар аз шоҳидони ҳодиса ба Sputnik Тоҷикистон гуфтанд, ки ҳудуди як соат пеш як донишҷӯдухтари тақрибан 18 - сола ба қасди худкушӣ худро аз болои пул ба дарё сарозер намудааст.

Раҳматзода, ки ин ҳангом барои иҷрои вазифаҳои хидматӣ аз болои купрук мегузашт, манзари ғарқшавиро дида, фавран бо қаиқ ба маҳалли ҳодиса шитофта, донишҷӯдухтарро, ки дар ҳоли фурӯрафтан ба коми дарё буд, ҳамроҳ бо кормандони ситоди ҳолатҳои фавқулода аз об зинда берун кашидаанд.

Фахриддини Аваззод, корманди БДА Суғд дар суҳбат ба Sputnik Тоҷикистон гуфт, ба маҳзи кӯшиши ҳамкораш Раҳматзода ва кормандони КҲФ дар Суғд, он духтарча аз вартаи худкушӣ раҳо шудааст.

"Агар Раҳматзода ва кормандони КҲФ фавран ба қаҳри дарё намерасиданд, шояд ин донишҷӯдухтар ба ҳалокат мерасид. Худоро шукр, ки зинда монд ва аз ғарқшавӣ наҷот дода шуд”, - иброз намуд, Аваззод.

Ба иттилои манбаъ, зимнан донишҷӯдухтарро ба Бемористони шаҳрии № 1 Хуҷанд интиқол додаанд ва баъди пурра ба худ омадан аз вай сабаби даст ба чунин амал заданашро пурсон мекунанд. Дафъаҳои охир хабарҳо дар бораи даст ба худкушӣ задани шаҳрвандон дар руду обанборҳо зиёд ба нашр мерасад.

"Кӯмак кунед, кӯмак кунед": як ҷавони тоҷик дар Русия ғарқ шудааст

Субҳи имрӯз, дафтари матбуоти КҲФ Тоҷикистон аз дарёфти ду ҷасад аз дарёи Вахш хабар дод. Бар пояи эълони КҲФ зани 31 - солаи сокини ноҳияи Ёвон рӯзи 27 сентябр ҳамроҳ бо духтарчаи 9 - солааш дар дарёи Вахш ғарқ шуд.

0
Барчаспҳо:
донишҷӯдухтар, ғарқ, Суғд