Бастаи калидҳо, акс аз бойгонӣ

Сиёсати нав: яке аз доротарин минтақаҳои Русия ба муҳоҷирон хона медиҳад

728
(Таҷдидшуда 09:30 13.08.2018)
Наталя Комарова, губернатори минтақаи мухтори Хантӣ Манасийск, лоиҳаеро ба тасвиб расондааст, ки бар асоси он муҳоҷирони мутахассис бо манзили истиқоматӣ таъмин мешаванд

ДУШАНБЕ, 12 авг — Sputnik. Тибқи иттилои дафтари матбуоти ҳукумати Хантӣ Мансийск, дар минтақа сиёсати давлатӣ дар умури муҳоҷирон барои солҳои 2018-2020 ба тасвиб расид.

Губернатор Наталя Комарова изҳор доштааст, ки минтақаи таҳти идорааш таҷрибаи ғании қабули теъдоди зиёди муҳоҷиронро дорад.

"Мехоҳем дар барномаи давлатӣ чорабиниҳои дахлдорро барои ҷалби муҳоҷирони мутахассис ба лоиҳаҳо дар соҳаи маориф, тандурустӣ ва истеҳсолот ворид кунем. Ҳадди ақал фонди махсуси манзил ташкил мешавад, ки муҳоҷирони мутахассисро бо хона таъмин хоҳад кард", — гуфтааст Комарова.

Алексей Варлаков, мудири бахши меҳнат ва шуғли аҳолии минтақаи мухтори Хантӣ Мансийск изҳор доштааст, ки дар ҷалби мутахассисон ҳавасманданду барои мутобиқсозии фарҳангию забонии онҳо чорабиниҳои махсусро роҳандозӣ мекунанд.

Ба гуфтаи Варлаков муҳоҷирон аз тамоми имтиёзҳои иҷтимоӣ, аз ҷумла таъминот бо манзили зист бархӯрдор хоҳанд шуд.

Минтақаи мухтори Хантӣ Мансийск —Югра, субъекти федералӣ буда, ба вилояти Тюмен шомил мебошад.

Минтақа аз нафту газ бой буда, аз нигоҳи вазъи иҷтимоӣ-иқтисодӣ дар Русия, баъди Маскав дар ҷои дуюм қарор дорад.

728
Барчаспҳо:
манзили зист, имтиёз, муҳоҷират, мутахассисон, Тоҷикистон
Президент РФ В. Путин

Путин гуфт, Русия ба кадом гурӯҳи муҳоҷирон ниёз дорад

539
(Таҷдидшуда 17:54 04.07.2020)
Президенти Русия Владимир Путин гуфт Русия ба ҷавонони омодаи таҳсил ё соҳиби касбу маълуоти олӣ ниёз дорад

ДУШАНБЕ, 4 июл — Sputnik. Русия барои рушди иқтисодӣ ба муҳоҷирон ниёз дорад, гуфт президенти Русия Владимир Путин зимни вохӯрӣ бо лоиҳакашони ислоҳоти конститутсионӣ.

"Русия ба воридшавии муҳоҷирон манфиатдор аст, вале ба онҳое, ки ба кишвар лозиманд.<...> Русия ба воридшавии шаҳрвандони ҷадид ниёз дорад.<...> Чизе, ки ба иқтисод вобаста аст, комилан возеҳ аст ва пас аз чанде боз норасоии қувваи корӣ аёнтар хоҳад шуд", - гуфт президент.

Путин нарасидани қувваи кориро барои пешрафти иқтисоди кишвар монеъаи ҷиддӣ хонда аз онро аз мушкилоти мубрам гуфт.

Паспорта РФ в процессе производства
© Sputnik / Владимир Астапкович

Фармони нави Путин дар бораи патенту муҳоҷирон: кадом сабукиҳо мемонанду кадом не?-видео

Президенти Русия Владимир Путин таъкид кард, ки  Русия ба ҷавонони омодаи таҳсил ё соҳиби касбу маълуоти олӣ, ниёз дорад.

Дар баробари ин кишвардор қайд кард, ки дар раванди ҷалби муҳоҷирон набояд ҳуқуқи шаҳрвандони Русия нақз шавад.

Путин афзуд, ки Русия бамаротиб хостори воридшавии донандагони забони русӣ ва фарҳанги ин кишвар аст.

539
Барчаспҳо:
муҳоҷират, баррасии воридшавӣ, муҳоҷирон, Владимир Путин
Таджикские мигранты застрявшие на границе Казахстана и Узбекистана

Беш аз 700 муҳоҷири дар марзи Қазоқистону Ӯзбекистон дармонда ба Тоҷикистон баргаштанд

150
(Таҷдидшуда 10:57 04.07.2020)
Созмони байналмилалии муҳоҷират (СБМ) ва Бунёди кӯдакони СММ (ЮНИСЕФ) дар ҳамкорӣ бо Ҳукумати Тоҷикистон ба бозгашти беш аз 700 шаҳрванди Тоҷикистон, ки дар марзи Қазоқистон бо Ӯзбекистон дармонда буданд, мусоидат намуданд

ДУШАНБЕ, 4 июл — Sputnik.  Мавҷи сеюми муҳоҷирони тоҷик, ки дар гузаргоҳи марзии Жибек Жоли дармонда буданд, тақрибан 700 нафар, аз ҷумла 41 кӯдакро фаро гирифт, иттилоъ додааст дафтари матбуоти Созмони байналмилалии муҳоҷират.

Манбаъ қайд кардааст, ки ин ибтикорро Ҳукумати Тоҷикистон дар ҳамкорӣ бо ҳукуматҳои Қазоқистон ва Ӯзбекистон ҳамоҳанг намуд ва онро намояндагиҳои СБМ дар ҳар се ҷумҳурӣ созмон доданд. Ин амалиёти интиқол ва ироаи ёриҳои башардӯстона ба муҳоҷирони дармонда бо ёрии молии Подшоҳии Норвегия сурат гирифт.

Дар ҳафтаҳои ахир, садҳо шаҳрванди Тоҷикистон ба марзи Қазоқистон бо Узбекистон бо умеди идомаи роҳ ба Тоҷикистон омада буданд. Бархе аз онҳо, аз ҷумла кӯдакон ва модаронашон дар марз дар шароити сабрзудо бо дастрасии маҳдуд ба об, ғизо ва маводи беҳдоштӣ ва зери хатари гирифторӣ ба КОВИД-19 муддате ба сар бурданд. Ба сабаби набудани паноҳгоҳ, муҳоҷирон дар зери ҳавои кушод ва гарм ба сар бурданд.

Манбаъ таъкид доштааст, ки кормандони СБМ дар ҳамкорӣ бо созмони маҳаллии иҷтимоии Сана Сезим ба муҳоҷирон об, ғизо, маводи беҳдоштӣ тақсим кард. ЮНИСЕФ Тоҷикистон дар бозгашти кӯдакон ба хонаҳояшон кӯмак расонид.

Бояд қайд кард, ки бемории фарогири КОВИД-19 ҳукуматҳоро водор намуд, то ҷиҳати пешгирӣ аз густариши вирус чораҳои зарурӣ андешанд. Ин чораҳо, ҳамчунин, аз маҳдудиятҳои сафар ва ҳаракат ҳам иборат буданд, ки ба ҳама таъсир расониданд, ва баъзе аз ин чораҳо вазъи осебпазири муҳоҷиронро мушкилтар гардонида, дар натиҷа, боиси бандмонии шумораи зиёди муҳоҷирон гардиданд.

Дар ҳамин ҳол, Оҷонси СММ доир ба муҳоҷират аз меъёрҳои пешгирӣ аз густариши КОВИД-19 истиқбол мекунад ва ҳамзамон, ба эҳтироми ҳаққи муҳоҷирон ва аҳли хонадони онҳо барои бозгашт таъкид менамояд. СБМ ва ЮНИСЕФ аз ҳамаи ҷонибҳои дахлдор дар кишварҳои мизбон, интиқол, ва ватани муҳоҷирон даъват намудааст, то роҳҳои бозгардонии муҳоҷирони дармонда, аз ҷумла кӯдаконро бо назардошти риояи меъёрҳои ҳимояи саломатии ҷомеа ҷӯё шаванд.

150
Барчаспҳо:
дармонданд, Ӯзбекистон, Қазоқистон, бозгашт, Ҳукумат, СММ, кӯдакон, муҳоҷират, муҳоҷирон, Тоҷикистон

Омори тозаи сироят, фавт ва шифоёбӣ аз COVID-19 дар Тоҷикистон

0
Шабонарӯзи гузашта дар Ҷумҳурии Тоҷикистон 51 ҳолати нави сироятёбӣ ба коронавируси навъи COVID-19 ошкор гардид

Дар давоми 24 соати гузашта дар Тоҷикистон 51 ҳолати нави сироятёбӣ ба COVID-19 ошкор гардида, шумораи онҳо дар муддати аз 30 апрел то 4 июл ба 6159 нафар расид, хабар медиҳад Вазорати тандурустӣ ва ҳифзи иҷтимоии аҳолии Ҷумҳурии Тоҷикистон.

Тибқи иттилои манбаъ, то имрӯз дар кишвар 4809 нафар ё худ 78,1%-и гирифторони COVID-19 шифо ёфта, аз ин беморӣ 52 нафар фавтидаанд.

"Шабонарӯзи охир 220 нафар гумонбарон зери назорати табибон қарор дошта, 47 нафар баъд аз муолиҷа ба хонаҳояшон рухсат дода шуданд", — омадааст дар хабарнома.

Мавриди зикр аст, ки Ҳукумати Ҷумҳурии Тоҷикистон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ менамояд.

Вазорати беҳдошт мегӯяд, дар 85 беморхонаи ҷумҳурӣ беш аз 7 ҳазору 500 табиб ва 25 ҳазор корманди миёнаи тиб сафарбар шудаанд. Ба ғайр аз ин, дар муассисаҳои кумаки аввалияи тиббию санитарии ҷумҳурӣ 7 ҳазору 600 табиб ва зиёда аз 24 ҳазор корманди миёнаи соҳаи тиб бо мақсади дарёфт, пешгирӣ ва расонидани кумаки аввалия ба мардум хизмат мерасонанд.

0
Барчаспҳо:
вируси нав, фавт, омор, Тоҷикистон