зани муҳоҷир, акс аз бойгонӣ

Шавҳарамро ёд кардам: зани тоҷик барои дидор бо шавҳар шиносномаи қалбакӣ гирифт

1037
(Таҷдидшуда 18:09 23.08.2018)
Шаҳрванди Тоҷикистон барои убури ғайриқонунии марзи Русия муҷозот хоҳад шуд. Зан гуфтааст, ин иқдоми ғайриқонунии вай барои дидор бо шавҳараш, ки хело пазмон шуда буд, сурат гирифтааст

ДУШАНБЕ, 23 авг — Sputnik. Як зани 21-солаи тоҷик ба убури ғайриқонунии марзи Русия муттаҳам мешавад. Зан барои дидор бо шавҳараш, ки дар вилояти Новосибирск иқомат мекардааст, шиносномаи қалбакӣ гирифта, марзи кишварро убур кардааст.

Тавре додситонии вилояти  Новосибирск хабар медиҳад, нисбати  зан бо моддаи 322 банди 2 Кодекси ҷиноятии Русия парвандаи ҷиноӣ боз шудааст.

Ба иттилои манбаъ, зан  пас аз он, ки аз Русия ихроҷ мешавад, ба Тоҷикистон рафта, ному насабашро иваз карда, шиносномаи нав гирифтааст. Вай  дар соли 2017 ба Русия бармегардад.

Афзун бар ин, зан худаш назди марзбонон омада, ба ҷурмаш иқрор шудааст ва изҳори таассуф кардаасӣ.

Пештар ҳуқуқшиноси тоҷики муқими Русия Иззат Амон бо номаи вижае ба вазири умури дохилаи Тоҷикистон Рамазон Раҳимзода муроҷиат кард, ки ба муҳоҷирони депортшуда ивази ному насаб мамнӯъ шавад..

"Пешниҳоди ман аввал ба Ҳукумати кишвар, сониян ба Шумо ин аст, ки шаҳрвандони аз Руссия депорт шуда ба муддати 5 сол аз ҳуқуқи  иваз кардани ному насаб ва гирифтани шиносномаи нав маҳрум карда шаванд", — менависад ӯ.

Иззат Амон пешниҳоди худро чунин тавзеҳ медиҳад, ки иваз кардани ному насаб пас аз депорт шудан ва бозгашт ба Русия боиси зиндонӣ шуданӣ онҳо дар хориҷ гаштааст. Зеро муҳоҷирон бо ин амал қонуни Русияро нақз мекунанд ва ба ҷавобгарӣ кашида мешаванд.

"Ҳамин ҳоло ҳазорон шаҳрвандони Тоҷикистон бо ҷурми вайрон кардани қисми 3 моддаи 322 (ғайриқонунӣ убур кардани марз) кодекси ҷиноии ФР дар зиндонҳо қарор доранд", — менависад вай.

Ба гуфтаи Иззат Амон, ин  моддаи қонун аз 0 то 6 сол маҳрумият аз озодиро пешбинӣ кардааст.

1037
Барчаспҳо:
зан, сарҳад, ҷавонони ошиқ, убури марз, муҳоҷир, тоҷик, Русия, Тоҷикистон, Русия

Муҳоҷиронро дигар ба марзи Қазоқистон намемонанд: полиси Самара роҳро назорат мекунад

154
(Таҷдидшуда 17:39 12.08.2020)
Муҳоҷирони меҳнатӣ, ки дар сарҳади Русия ҷамъ омада буданд, берун карда шуданд, аммо мақомоти минтақа барои пешгирии такрори ин ҳолат чораҳо меандешанд

ДУШАНБЕ, 12 авг — Sputnik.  Дар маҷмӯъ, то 7 август беш аз ду ҳазор шаҳрванди Узбакистон ва инчунин тақрибан сад шаҳрванди Тоҷикистон аз марзи Русия ва аз вилояти Самара хориҷ карда шуданд.

Дар ин бора ба Sputnik Тоҷикистон хадамоти матбуоти Ваколатдор оид ба ҳуқуқи инсон дар вилояти Самара Олга Галтсова хабар дод.

Ба иттилои манбаъ, бурдани шаҳрвандони хориҷӣ бар асоси марҳилаҳо сурат гирифта, мувофиқи омадани онҳо ба сарҳади Русия амалӣ карда шуд.

Номбурда гуфт, барои онҳое, ки меомаданд, лагери хаймаҳо бо тамоми шароити зарурӣ ташкил карда шуда буд.

Ба гуфти ӯ, шаҳрвандони Тоҷикистонро бо ҳавопаймо рӯзи 28 июл аз Қазон интиқол доданд ва охирин гурӯҳи муҳоҷирони ӯзбекро 7 август ба кишварашон сафарбар кардаанд.

Аммо эҳтимолияти он, ки муҳоҷирон ба доми қаллобон афтода, дубора ба сарҳади Русия биёянд, боқӣ мемонад, афзудааст Олга Галтсова.

Қиссаи бедаракшавии муҳоҷири тоҷик: аз латукӯб то гум шудани хотира-видео

"Бо мақсади пешгирии ҷамъшавии минбаъдаи шаҳрвандони хориҷӣ дар қаламрави ноҳияи Болшечерниговски вилояти Самара ва инчунин ҷилавгирӣ аз кӯшиши воридшавии онҳо ба қаламрави вилояти Оренбург, постгоҳи назоратӣ таъсис дода шуд", гуфтааст манбаъ.

154
Барчаспҳо:
Ӯзбекистон, Тоҷикистон, Қазоқистон, муҳоҷирон, марз, Самара, Русия
Мард, акс аз бойгонӣ

Қиссаи бедаракшавии муҳоҷири тоҷик: аз латукӯб то гум шудани хотира-видео

420
(Таҷдидшуда 15:25 12.08.2020)
Бобораҷаб Ҷавлиев, ки қариб 20 соли пеш аз Тоҷикистон ба Русия ба муҳоҷирати меҳнатӣ рафтааст, феълан хотираашро аз даст дода, дар боздоштгоҳи муваққатӣ дар Қазоқистон мебошад

ДУШАНБЕ, 12 авг — Sputnik. Ҷавлиев бори охир соли 2012 ба хонааш занг зада, хабар додааст, ки дар шаҳри Тула мебошад ва баъд аз он дигар бедарак шудааст.

Ҷавлиев дар Тоҷикистон волидон, зану ду фарзанд дорад, ки тайи 8 соли охир аз ӯ паёме нагирифтанд, гузориш дод шабакаи телевизионии Мир.

Маълум шудааст, ки Ҷавлиев ҳадафи латукӯб қарор гирифтааст, ки дар натиҷа хотираашро аз даст додаст. Ӯ мегӯяд, чӣ гуна дар Қазоқистон қарор гирифтанашро дар хотир надорад. Дар ин кишвар ба ӯ сокини маҳаллӣ Леонтий Демяшев сарпаноҳ додааст ва бо мурури бозгашти қисмани хотира Ҷавлиев тасмим гирифтааст, ки ба ватан назди хонаводааш баргардад.

Феълан Ҷавлиев дар боздоштгоҳи махсус барои шаҳрвандони бидуни аснод қарор дорад ва масъалаи бозгашти ӯ дар баррасии мақомоти Қазоқистону Тоҷикистон мебошад.

420
Барчаспҳо:
бедарак шудан, муҳоҷир, Тоҷикистон-Русия-Қазоқистон
Школьники в масках

Ноиби сарвазири Тоҷикистон гуфт, чӣ бояд кард, то талабаҳо мубталои COVID-19 нашаванд

0
(Таҷдидшуда 20:59 14.08.2020)
Гуруҳи корӣ таҳти раёсати Ширин Исматуллозода, ноиби сарвазири Тоҷикистон, ҳангоми санҷиш дар шаҳри Роғун ва навоҳии Рашт камбудиҳои зиёд дар бахши мубориза бо COVID-19 ошкор кардаст

ДУШАНБЕ, 14 авг — Sputnik. Гуруҳи корӣ таҳти раёсати Ширин Исматуллозода аз шаҳри Роғун ва ноҳияҳои Сангвор, Нуробод, Рашт, Тоҷикобод ва Лахш боздида карда, вазъи соҳаи тандурустӣ ва омодабошии муассисаҳои таълимӣ ба соли нави хонишро санҷидаанд, хабар дод “Ховар”.

“Зимни боздид маълум гардид, ки аҳолӣ, соҳаи маориф ва табибон нисбат ба бемории сироятии COVID-19 ва гирифторшавӣ ба он фориғболӣ нишон медиҳанд.”, - омадааст дар иттилоия.

Манбаъ афзуд, дар кӯчаву бозорҳо сокинон бениқоб гашту гузор мекунанд, дар  муассисаҳои таълимӣ  захираи маводи антисептикӣ, ниқоб, варақаҳои тарғиботиву ташвиқотӣ барои пешгирии беморӣ кам ба назар мерасанд.

Муовини сарвазири Тоҷикистон таъкид кардааст, ки “агар ҳар як омӯзгор бо табибон ва волидон ҳамкорӣ кунанд, боварӣ дорам, ки мактаббачагон ҳеҷ гоҳ интиқолдиҳандаи беморӣ намегарданд”.

Исматуллозода дастур дод, ки омӯзгорону муҳассилин бе ниқоб ба дарс надароянд ва дар даромадгоҳи мактабҳо ҳатман маводи антисептикӣ ва ҳароратсанҷ гузошта шавад.

Инчунин дастур дода шудаст, ки аз ҳисоби кормандони миёнаи тиб дар мактабҳо навбатдориҳо ташкил карда шаваду ҳар як омӯзгор 2-3 дақиқаи дарсро ба фаҳмондадиҳӣ барои риояи қоидаҳои беҳдоштӣ ҷудо кунад.

0
Барчаспҳо:
пешгирӣ, беморӣ, талабагон, Тоҷикистон