Шиносномаи Русия

Муҳоҷир не, шаҳрванд шав: раванди нав дар сиёсати Русия

1858
(Таҷдидшуда 16:50 30.08.2018)
Ҳукуматдорони Русия қонунҳо барои муҳоҷирони меҳнатиро шадид ва шароити шаҳрвандгириро осон мекунанд. Ба ҳамин восита талош доранд, ҳам буҷаи давлатро пур кунанд ва ҳам мушкилоти демографиро ҳал намоянд

ДУШАНБЕ, 30 авг — Sputnik, Рубен Гарсия. Владимир Путин, раисиҷумҳури Русия, 22 августи соли ҷорӣ, амреро ба имзо расонд, ки бар асоси он 104 нафар, аз ҷумла 10 зодаи Тоҷикистон соҳиби шаҳрвандӣ гардиданд.

Инчунин ахиран Вазорати умури дохилии Русия тарҳи наверо таҳия кард, ки мувофиқи он муҳоҷирони боихтисос метавонанд шаҳрвандии Русияро ба даст биоранд.

Мувофиқи маълумоти Вазорати умури дохилӣ дар давоми соли 2018,  148 ҳазор шаҳрванди хориҷӣ соҳиби шиносномаи Русия шудаанд, ки ин нишондод нисбати солҳои пешӣ зиёдтар мебошад.

Феълан дар Русия раванди ҳуқуқие ҷараён дорад, ки аз як тараф қонунгузорӣ барои хоҳишмандони гирифтани шаҳрвандӣ сабукиҳо ироа мекунад, аммо барои муҳоҷирони меҳнатӣ мушкилоти нав эҷод карда истодааст.

Sputnik Тоҷикистон барои шарҳи чунин сиёсат дар умури муҳоҷират ва то куҷо дурусту самарбахш будани он бо ду коршиноси соҳа суҳбат кард.

Юрий Московский, мудири бунёди  "Добрососедство", ҷой доштани сиёсати мушкилзо барои муҳоҷирону додани баъзе имтиёзҳоро барои гирифтани шаҳрвандӣ тасдиқ кард.

 "Узви Ҳукумат нестам ва дар маҷлисҳои пӯшида низ иштирок намекунам, аммо чунин раванд вуҷуд дорад, ки аз як тараф қонунҳои  барои муҳоҷирони меҳнатӣ мушкилзо қабул мешаванду аз ҷониби дигар барои гирифтани шаҳрвандӣ баъзе сабукиҳои ночиз дода мешаванд", — изҳор дошт ин коршиноси умури муҳоҷират.

Юрий Московский далели чунин сиёсати мақомоти Русияро ба коҳиши шумораи аҳолии кишвар рабт дод, ки мехоҳанд ба ҳамин васила мушкилиҳои демографиро ҳал кунанду қувваи корӣ пайдо намоянд.

Мантиқан шаҳрвандӣ бояд ба афроде дода шавад, ки забони кишвари мизбонро медонанд ё гузаштагонашон зодаи Русия мебошанд. Маҳз ба манфиати чунин гуруҳ мақомдорону вакилони Русия сабукию меъёрҳои навро фароҳам мекунанд.

Гавҳар Ҷӯраева, коршиноси дигари умури муҳоҷират, бар ин аст ки шиносномаҳои Русия набояд ба осонӣ ба ҳар нафар дода шаванд.

 "Мо ҳамеша таъкид мекардем, ки интихоби ҷиддӣ сурат гирад ва ба шахсоне шаҳрвандӣ дода шавад, ки Русияро ватани худ интихоб кардаанд. Онҳо бояд ҷузъи фарҳангу иқтисоди кишвар бошанд ва танҳо ба хотири ҳалли мушкилоти демографӣ рӯи коғаз набошанд", — изҳор дошт Ҷӯраева.

Дар ҳамин ҳол барои давлат зарур аст, ки дар шароити буҳрони молиявӣ ҷойҳои кориро барои шаҳрвандонаш ҳифз кунаду буҷаро аз кадом сарчашмае, ки набошад, пур намояд.

Ин ҳама боиси шиддати сиёсат дар умури муҳоҷират, аз ҷумла эҷоди андозҳои иловагӣ барои муҳоҷирон ва пурзӯр кадани назорат аз ҷониби мақомот шудааст.

Маврид ба зикр аст, ки барои асоси қоидаҳои умури дохилии Русия, ду қоидавайронкунии маъмурӣ,  масалан убури роҳ дар ҷойҳои мамнуъ, ё бо суръати зиёд рондани мошин басанда аст, ки шаҳрванди хориҷӣ аз Русия ихроҷ шавад. Амалан фаъолияти муҳоҷирон дар соҳаи ҳамлу нақли тиҷоратӣ мамнуъ мебошад.

Инчунин қонуни ахиран қабулшуда, корфарморо муваззаф мекунад, ки муҳоҷиронро на дар суроғаи ҳуқуқии корхона, балки дар макони аслии иқоматаш ба қайд гирад.

Юрий Московский дар пасманзари ин ҳама маҳдудиятҳо изҳор дошт, ки ин як навъ "шизофрения" мебошад.

"Аз як ҷониб камбуди қувваи корӣ аён аст ва аз тарафи дигар меъёрҳои "аждаҳорӣ"-и миёншикан қабул мешаванд", — изҳори тааҷҷуб кард Московский.

Гавҳар Ҷӯраева мегӯяд, маҳдудсозиҳои бемантиқу сангин кардани шароити кори муҳоҷирон дар Русия боиси афзоиши миёнаравҳо мешавад, ки ғайриқонунӣ фаъолият мекунанд. Ба иттилои Ҷӯраева дар баробари пардохтҳои расмии давлатӣ дар Русия ҳазорҳо ширкату идораҳое мавҷуданд, ки барои миёнаравӣ ва таҳияи асноди аксаран ғайриқонунӣ барои муҳоҷирон фаъолият мекунанд.  

"Мутаассифона бисёриҳо мехоҳанд, аз ҳисоби муҳоҷирон маблағ ба даст оранд. Ҳар қадаре маҳдудиятҳои ғайримантиқӣ зиёд шаванд, ҳамон қадар теъдоди миёнаравҳо меафзояд, ки аз ҳисоби "ҳал" кардани мушкилоти муҳоҷирон зиндагӣ хоҳанд кард", — таъкид кард Ҷӯраева.

Ҳамин тариқ то замоне ки сатҳи таваллуд дар Русия поин асту муҳоҷирон барои давлату бахши хусусӣ фоидаи ҳангуфт меоранд, ҳукуматдорон ба муҳоҷирон ишораҳои рӯшан мефиристанд, ки сарфи назар миллат, бо доштани шаҳрвандии Русия будубош дар ин кишвар осон хоҳад буд.

1858
Барчаспҳо:
шиноснома, шаҳрвандӣ, муҳоҷират, сиёсат, Русия-Тоҷикистон

Ҳалокати тоҷикистонӣ зери масолеҳи сохтмонӣ дар мағоза: харидор буд - видео

537
(Таҷдидшуда 14:44 07.08.2020)
Шаҳрванди Тоҷикистон дар мағозаи сохтмоние дар Тюмен фоҷиабор ба ҳалокат расид: Кумитаи тафтишотии Русия аз рӯи ҳодиса парванда боз кард

ДУШАНБЕ, 7 авг — Sputnik. Шаҳрванди Тоҷикистон дар ҳудуди як мағозаи сохтмонӣ ба ҳалокат расид, хабар медиҳад "Россия 1 Тюмень".

Руҳулло Нурматов дар шаҳри Тюмен ба сифати сохтмончӣ кор мекард. Дар баробари фаъолият ба сохтмони хонаи худӣ машғул буд.

Шоми 4 август шаҳрванди 33-солаи Тоҷикистон барои интиқоли маводҳои фармоишдодашуда ба мағоза омад.

Ҳалокати муҳоҷири тоҷик баъди сарозер шудан аз ошёнаи 12: ҳамагӣ ду рӯз кор кардааст

Дар қисмати боркунии маводҳои сохтмонӣ, замоне, ки плитаҳои тахтагинро ба дохили мошини боркаш бор мекарданд, боркунак ба дигар тараф тоб хӯрду масолеҳи сохтмонӣ ба сари Руҳулло чаппа шуд.

Нурматовро ба бемористон интиқол доданд, вале ҷароҳатҳои вазнин боиси марги ҷавон шуд.

Шаҳрванди Тоҷикистон хонадор ва соҳиби ду фарзанд буд.

Феълан аз ҷониби Кумитаи тафтишотии Русия аз рӯи ин ҳодиса парвандаи ҷиноӣ боз шудааст.

537
Барчаспҳо:
тоҷикистонӣ, муҳоҷир, ҳалокат, Тюмен

Муноқишаи муҳоҷирон бо мақомоти қудратӣ дар марзи Русия ва Қазоқистон: ҷузъиёт

227
(Таҷдидшуда 16:00 05.08.2020)
Интизорӣ барои бозгаштан ба Ватан, дар марзи Русия ва Қазоқистон бо муноқишаи миёни муҳоҷирон ва кормандони қудратӣ анҷомид

ДУШАНБЕ, 5 авг — Sputnik. Дар марзи Русия ва Қазоқистон миёни муҳоҷирон ва кормандони қудратӣ муноқиша сар зад. Нахустин шуда шабакаи Match аз ин ҳодиса хабар дод.

Дар ин шабака наворе нашр шуда буд, ки дар он муҳоҷирон ба сӯи марз ҳаракат мекунанд. Аз навор суханони қабеҳ шунида мешуд.

Пасон намояндаи расмии Гвардияи миллии Русия Валерий Грибакин дар суҳбат бо "Интерфакс" гуфт, ҷанҷол рӯзи 3 август рух дод.

Шаҳрвандони дармондаи Тоҷикистон дар марзи Қазоқистону Ӯзбекистон, ба Ватан расиданд

"Муноқишаи миёни муҳоҷирон ва мақомоти қудратӣ дар вилояти Самара ба зудӣ, бидуни дахолати намояндагони Гвардияи миллӣ пахш шуд", - қайд кард Грибакин.

Бино ба гузориши "Интерфакс" қазия субҳидам, соати 9 ба вуқӯъ пайваст. Мардум дар интизори сафар буданд, вале ягон хабар нашуду онҳо ба ғазаб омаданд.

Дар паи ин низоъ касе осеб надидааст. Феълан вазъият дар марзи Русия ва Қазоқистон ором аст.

Айни ҳол дар урдугоҳи муваққатӣ дар марзи Қазоқистону Русия 840 муҳоҷир дар интизори интиқоли онҳо ба ватан мебошанд. Онҳо шаҳрвандони Тоҷикистон ва Ӯзбекистон ҳастанд.

Ваколатдор оид ба ҳуқуқи инсон дар вилояти Самара то ҳол ин қазияро шарҳ надодааст.

227
Барчаспҳо:
муҳоҷирон, муноқиша, Қазоқистон, Русия
Девушка в наручниках, архивное фото

Ҳашт ҳазор доллар деҳ ба Донишгоҳи тиббӣ дохил мекунам: боздошти устоди Донишгоҳи Хуҷанд

0
(Таҷдидшуда 12:28 10.08.2020)
Агентии назорати давлатии молиявӣ ва мубориза бо коррупсия дар Тоҷикистон Негматова Мунира омӯзгори Донишгоҳи давлатии Хуҷандро бо иттиҳоми гирифтани пора боздошт кардааст

ДУШАНБЕ, 10 авг — Sputnik.  Бино ба иттилои дафтари матбуотии Агентӣ,  Негматова Мунира Мухамедовна ба чунин амал ҳангоми дар вазифаи омӯзгори Донишгоҳи давлатии Хуҷанд кор карда истоданаш даст задааст.

Манбаъ мегӯяд, боздоштшуда аз шаҳрванд “А” барои ба Донишгоҳи тиббии Тоҷикистон дохил намудани хешаш-шаҳрванд “Б”  бо роҳи фиреб ва суиистифодаи боварӣ маблағи 8000 доллари ИМА талаб намуд.

“Санаи 27 апрели соли 2020 дар натиҷаи гузаронидани чорабиниҳои оперативӣ-тафтишотӣ Негматова М.М. баъди аз шаҳрванд “А” гирифтани маблағи 8000 доллари ИМА дастгир карда шуда, маблағи мазкур аз ӯ ҳамчун далели шайъӣ дарёфт ва гирифта шуд”,- афзудааст манбаъ.

Боздошти мансабдор барои миёнаравӣ ва тамаъи пора

Агентӣ мегӯяд, дар ин асос нисбати Негматова М.М. бо моддаи 247 қисми 4 банди “б” Кодекси ҷиноятии Ҷумҳурии Тоҷикистон парвандаи ҷиноятӣ оғоз карда шуда, тафтиши пешакии он идома дорад.

0