Помазок с бритвенным станком, архивное фото

Марзбонони Русия муҳоҷирони тоҷикро маҷбур сохтанд дар марз ришҳояшонро тарошанд

294
(Таҷдидшуда 18:22 07.12.2018)
Муҳоҷирони меҳнатии Тоҷикистон дар сомонаҳои иҷтимоӣ аз марзбонони Русия шикоят карданд, ки онҳо дар марз муҳоҷиронро маҷбур месозанд ришҳояшонро тарошанд

ДУШАНБЕ, 7 дек — Sputnik.  Хабаргугузории infoshos ба нақл аз муҳоҷири меҳнатӣ дар Русия Зуҳуриддин Ғиёсов навиштааст, ки марзбонони рус дар марзи ин кишвар бо Қазоқистон, муҳоҷирони тоҷикро маҷбур месозанд, ришҳояшонро тарошанд.

“То гузаргоҳи марзӣ 300 километр монда буд. Ронандаи таксӣ аз мо хоҳиш кард, ки ба ягон сартарошхона даромада ришҳоямонро тарошем. Ва таъкид кард кард, марзбонон моро намемонанд аз кишвар хориҷ шавем. Мо ба гуфтаҳои ӯ гуш надодем ва ҳаракатро идома додем”, - гуфт Ғиёсов.

Ба гуфтаи Ғиёсов вақте, ки онҳо ба гузаргоҳи марзии Маштаковои Вилояти Оренбурги Русия расиданд, марзбонони рус хоҳиш намуданд, ки ришҳоямонро тарошем.  

“Марзбонон муҳоҷиронро ба ҷои дастшӯӣ бурда, ба дасташон риштарошак доданд. Танҳо баъд аз тарошидани риш ба мо иҷозат доданд аз қаламрави Русия берун шавем”,- таъкид кард вай.  

Ёдрас мешавем, ки муҳоҷирони меҳнатӣ муҳлати сабти иқоматашонро дар Русия то гирифтани патент ҳар се моҳ бояд тамдид намояд. Аксари муҳоҷирон барои тамдиди муҳлат аз сарҳади Русия хориҷ шуда, дубора ворид мегарданд.

Аксари муҳоҷирони тоҷик аз гузаргоҳи Маштаково, ки марзи Вилояти Оренбурги Русия ҷойгир шудааст, истифода менамоянд. Марзбонон барои  зуд пайдо намудани шахсияти муҳоҷир дар пойгоҳи ягонаи электронӣ аз муҳоҷирон хоҳиш менамоянд, ки ришашонро пешакӣ тарошанд.  

294
Барчаспҳо:
муҳоҷир, муҳоҷирони тоҷик, Русия, марз, риш, Тоҷикистон
Вице-президент фонда Миграция XXI век Наталья Власова

Власова дар бораи боз кардани сарҳади Русия: бе муҳоҷирон намешавад

1341
(Таҷдидшуда 17:11 26.05.2020)
Наталя Власова коршиноси соҳаи муҳоҷирати Русия мегӯяд, соҳаи кишоварзии Русия ба дасти муҳоҷирон ниёз дорад

ДУШАНБЕ, 26 май – Sputniк. Дар Донишгоҳи РАНХиГС - и Русия ҳисоб карданд, ки беш аз 500 ҳазор муҳоҷирон дар соҳаи кишоварзии Русия банд аст. Ва барои кишти бомувафаққият, ҳатто дар вазъияти пандемия бояд, сарҳадро боз кард.

"Таъмини мардум бо маводи озуқаворӣ масъалаи бисёр муҳим аст. Дар соҳаи кишоварзӣ доим камбуди қувваи корӣ аст. Ва феълан, ки ин баҳор муҳоҷирон ба Русия наомаданд, норасоии дасти корӣ бештар эҳсос мешавад", - гуфт Власова дар суҳбат бо Sputnik Тоҷикистон.

Ба гуфти ӯ таҷрибаи дигар кишварҳо барои ҷалби қувваи кории маҳаллӣ ба чунин корҳо бе самара аст.

"Ба сокинони бумӣ, чунин кор пешниҳод шуд ва онҳое ҳам, ки розӣ шуданд пас аз як рӯзи кор аз меҳнат даст кашиданд", - гуфт ӯ.

Ба фикри коршинос дар Русия ҳам чунин мешавад, чун кор дар соҳаи кишоварзӣ бисёр сахт аст.

"Муҳоҷирони Осиёи Марказӣ бо корҳои саҳроӣ одат кардаанд, онҳо ҳар сол дар кишт ва ҷамъоварии ҳосил ба мо хеле кумак мекарданд , - гуфт Власова.

"Вазифаи таъмини аҳолӣ бо маводи ғизоӣ аз муҳимтарин аст ва дар ин росто бояд ниҳодҳои дахлдор масъалаи боз кардани сарҳад ва омадани муҳоҷиронро барои корҳои саҳроӣ баррасӣ кунанд".

Барои ин кор омори дақиқи лозим аст, то маълум шавад, ки барои кадом минтақа чӣ қадар муҳоҷир даркор аст.

Дар баробари ин Власова афзуд, аз ҳисоби он муҳоҷироне, ки дар Русия бекор мондаанд гурӯҳҳои мобилӣ ташкил шавад ва онҳо барои корҳои саҳроӣ ҷалб шаванд.

Ба гуфти ӯ пандемияи коронавирус нишон дод, ки соҳаи муҳоҷиртаи Русия то ҳол ноқис аст ва ба коркарду ташкили базаи хабарӣ ниёд дорад.

1341
Барчаспҳо:
муҳоҷират, Тоҷикистон, Русия
Мавзуҳо:
Пайомадҳои COVID-19 дар Тоҷикистон ва ҷаҳон
Рабочие на строящемся объекте

Корхонаи Новосибирск 60 муҳоҷири тоҷикро ба кор даъват мекунад

250
(Таҷдидшуда 15:19 26.05.2020)
Корхона дар Новосибирски Русия омода аст, муҳоҷиронро расман ба кор қабул карда, бо ҷои хоби ройгон ва музди меҳнат ба қадри 20 ҳазор рубли русӣ дар як моҳ, таъмин намояд

ДУШАНБЕ, 26 май – Sputnik. Роҳбарияти корхонаи истеҳсоли хишт "Кор", ки дар Новосибирски Русия воқеъ аст ба Ҳукумати Тоҷикистон барои ҷалби қувваи корӣ дархост фиристодааст, хабар медиҳад, ожонсии Тоҷик.ТА.

Корхона омода аст, муҳоҷиронро расман ба кор қабул карда, бо ҷои хоби ройгон ва музди меҳнат ба қадри 20 ҳазор рубли русӣ дар як моҳ, таъмин намояд.

Пешниҳоди Жириновский: вуруди муҳоҷирон аз Осиёи Марказӣ ба Русия боздошта шавад

Гуфта мешавад, ки муҳоҷирон метавонанд бо хости худ рӯзҳои кориашонро бештар кунанд. 

Дар ҳудуди корхона хобгоҳ вуҷуд дорад, ки барои истироҳати муҳоҷирон шароит фароҳам шудааст. Ҳамчунин муҳоҷиронро ба тааври рогйон ба қайд хоҳанд гирифт.

Фаврӣ: Тоҷикистон шаҳрвандонашро марҳила ба марҳила аз Русия, ба Ватан бармегардонад

Вале қайд мешавад, ки ҳуҷҷатҳои дигар зимни расман ба кор қабул кардани муҳоҷирон аз ҳисоби корхона омода шуда ва дар рафти кор аз музди муҳоҷирон гирифта мешавад.

Феълан барои кор дар завод 60 муҳоҷир лозим аст. Муҳоҷирон дар бахшҳои боғдорӣ, боркашонии хишт ва хиштбарорӣ кор хоҳанд кард.

250
Барчаспҳо:
муҳоҷирон, кор, Новосибирск

Ҳушдори КҲФ аз гармои шадид ва тавсия ба сокинон: либоси тунук пӯшед, дар сар кулоҳ монед

0
(Таҷдидшуда 18:01 27.05.2020)
Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон истинодан ба маълумоти Агентии ҳавошиносии кишвар мегӯяд, ки дар мамлакат рӯзҳои гарм фаро мерасанд. Дамои ҳаво дар тобистони имсол метавонад ҳатто болоатр аз 42 дараҷа бошад

ДУШАНБЕ, 27 май — Sputnik. Бино ба итттилои сомонаи расмии Кумита, болоравии ҳарорати ҳаво сабабгори он шуда метавонад, ки барфи баланкӯҳҳо об шаванд, пиряхҳо низ об шаванд ва ин ҳама сабабгори резиши санг, лағзиши тарма, омадани сел ва болоравии сатҳи об дар рӯдхонаҳо шавад.

Эмомали Раҳмон, раисиҷумҳури Тоҷикистон, акс аз бойгонӣ
© Официальная страница пресс-службы президента РТ в Facebook.

Дар ҳамин иртибот Кумита аз сокинон даъват кардааст, ки ҳангоми ҳаракат дар роҳҳои кӯҳӣ эҳтиёткор бошанд. Ҳангоми ҳузур дар соҳили дарёҳо, каналҳо ва обанборҳо низ дақиқан ба вазъи атроф нигаранд ва аз эҳтиёт кор гиранд. 

Ҳамчунин, Кумита аз шаҳрвандони хоҳиш намудааст, давоми рӯз тирезаҳои хонаатонро пӯшед, бахусус агар онҳо ба самти офтоббаро боз шаванд. Аммо шабона агар дамои ҳаво поин рафт, метавон тирезаҳоро боз кард, албатта агар ин бехатар бошад;

Кумита ба сокинон ҳамчунин тавсия додааст, ки  ҳавои хонаро муътадил нигоҳ доранд,  аз нурҳои мустақими офтоб худдорӣ кунанд, либосҳои тунуку сабук пӯшанд, дар сар кулоҳ дошта бошанд, чатр ва айнакҳои ҳимоя аз офтоб низ заруранд, бахусус барои касоне, ки рӯзона кор мераванд ё ҷойи дигар.

“Бештар об бинӯшед. Мева истеъмол кунед, зеро меваҳо манбаъҳои аслии витаминҳои гуногунанд. Беҳтараш оби ҷӯшомадаро нӯшед, обе ки баъди ҷӯш омадан дар ҳарорати хона сард шудааст. Аз нӯшидани оби сард худдорӣ кунед, зеро ин боиси поин рафтани сатҳи сироятпазирӣ мешавад ва шумо зуд-зуд ба ҳар беморӣ гирифтор мешавед. Аз нӯшидани обҳои газдор ва обҳои ширин, ҳамчунин нӯшкиҳои спиртӣ худдорӣ намоед”,-гуфтааст кумита.

Ин ниҳод ҳамчунин гуфтааст, ҳангоми истироҳат дар соҳили махзанҳои об, оббозӣ ҳатман қоидаҳои бехатариро риоя намоед.

 

0