Дур аз таҳсилу кӯмаки тиббӣ: гузориши ЮНИСЕФ аз вазъи муҳоҷирони кӯдак

© Sputnik / Михаил Воскресенский / Гузариш ба медиабонкГурезаҳои Сурия ва Ироқ. Акс аз бойгонӣ
Гурезаҳои Сурия ва Ироқ. Акс аз бойгонӣ - Sputnik Тоҷикистон
Обуна шудан
Муҳоҷирони наврас ва ҷавон ҳангоми ҳиҷрати иҷборӣ аксаран як сол ва ҳатто беш аз он аз омӯзиш дур мемонанд ва аз хадамоти тиббӣ ҳангоми зарурат бархӯрдор намегарданд

ДУШАНБЕ, 11 дек — Sputnik. Муҳоҷирони ҷавон аксаран дар пайи ҷангу муноқишаҳо дар кишварҳояшон ба дигар давлатҳо кӯч мебанданд ва зиёда аз 40 дарсади онҳо бе саробон ба сафар мебароянд, гуфта шудааст дар таҳқиқоти Бунёди атфоли Созмони Милали Муттаҳид - ЮНИСЕФ.

Президент РФ Владимир Путин - Sputnik Тоҷикистон
Путин қонуни дигареро дар бораи муҳоҷират ба имзо расонид

Дар ин таҳқиқот, ки тайи се моҳ сурат гирифтаасту дар конфронси байналмилалии СММ дар Марокаш пешниҳод шуд, 4 ҳазор наврас ва ҷавони аз 14 то 24-сола, ки худро гуреза ё муҳоҷир эътироф кардаанд, иштирок намудаанд. Ин гуруҳи ҷавонон дар кишварҳои гуногуни Аврупо, Африқо ва Осиё қарор доранд.

“Ҳудуди 57 фоизи иштироккунандагони ин таҳқиқот маҷбур будаанд, ки аз сабаби муноқиша ва душвориҳо кишварҳояшонро тарк кунанд, 44%  танҳо ба сафар баромадаанд, 38% на аз наздикон, на аз дӯстон, на аз ягон ташкилот ҳеҷ кӯмаке нагирифтаанд”, - афзудааст манбаъ.

Мулоқоти Қоҳир Расулзода,  нахуствазири Тоҷикистон бо Шайх Аҳмад ибн Ҷосим ибн Муҳаммад Оли Сонӣ, вазири иқтисод ва тиҷорати давлати Қатар - Sputnik Тоҷикистон
Вазири Қатар дар Душанбе: аз муҳоҷират то парвозҳо ва кафолат ба хориҷиҳои хонахар

Дар ин ҳол 58 дарсади онҳо як сол ва зиёдтар аз омӯзиш қафо мондаанд, 49% имконияти сари вақт гирифтани табобатро надоштаанд, омадааст дар таҳқиқоти нашршуда.

“ЮНИСЕФ бо нашри ин санад мехоҳад, ки аз роҳбарони сатҳи ҷаҳонӣ ва роҳбароне, ки дар конфронси Марокаш иштирок карданд, даъват намояд, то ки онҳо таъсири сиёсати муҳоҷират ба ҳаёти кӯдаконро ба назар гиранд”, - таъкид шудааст дар матни санад.

“Мо наметавонем роҳи муҳоҷиратро гирем, аммо имкони ҷилавгирӣ аз таҳдид ва табъизеро, ки кӯдакони муҳоҷирон ва гурезаҳо бо он рӯбарӯ мешаванд, дорем”, - гуфт намояндаи ташкилоти байналмилалӣ, мудири раёсати додаҳо, таҳқиқот ва сиёсати ЮНИСЕФ, Лоуренс Шандӣ.

Нохид Зейналпур о творчестве и родине - Sputnik Тоҷикистон
Суҳбати Ноҳид Зайналпур: аз асли эронӣ, мушкилоти муҳоҷират ва дилбандӣ ба Ватан (НАВОР)

Дар ин ҳол ЮНИСЕФ аз ҳукуматҳои хоҳишманд даъват намудааст, ки ба муҳоҷирони наврасу ҷавон хизматрасониҳои аввалиндараҷа - дастрасӣ ба таҳсил, ҳифзи саломатӣ, беҳтар кардани шароити сафари онҳо аз кишвари худ то ба дигар мамлакатҳо ва ҳолати будубоши онҳо дар ҳама даврҳои муҳоҷиратро, муҳайё кунанд.

Дар конфронси байналмилалии СММ рӯзи душанбе дар Марокаш созишномаи амнияти глобалии тартибот ва муҳоҷирати расмӣ бо иштироки ҳайатҳои сатҳи мухталиф аз 150 кишвар тасдиқ шудааст.

 

Лентаи хабарҳо
0