Поезд из Средней Азии, архивное фото

Масраф 6 даромад 18 миллион: Русия дар Тоҷикистон марказҳои ҷалби муҳоҷир ифтитоҳ мекунад

494
Марказҳо дар Тоҷикистон дар муддати 5 моҳ фаъолият хоҳанд кард. Мақсади онҳо ҷустуҷӯи 1000 корманд барои кор дар Петербург мебошад. Бино бар ҳисоботҳо, кишвар барои ташкили марказ 6 миллион сарф карда, аз муҳоҷироне, ки ба кор таъмин мешаванд, 18 миллион рубл даромад хоҳад гирифт

ДУШАНБЕ, 22 фев — Sputnik. Русия барои интихоб ва қабули коргар ба ширкатҳои русӣ дар Тоҷикистон марказҳои расмӣ  ифтитоҳ мекунанд. Муҳоҷиронеро, ки марказ пайдо мекунад, дар коргоҳҳои шаҳри Санкт-Петербург ба кор таъмин хоҳанд шуд.

Кумитаи меҳнат ва шуғли аҳолии Петербург озмун эълон кардааст, ки дар пайи он ширкати ғолиб дар Тоҷикистон 4 маркази ҷалби муҳоҷир ташкил карда, барои хизматрасониаш то 6,2 миллион рубл ба даст меорад.

Мувофиқи шартҳои озмун марказҳо бояд тӯли 5 моҳ дар Тоҷикистон фаъолият карда, бештар аз 1000 нафарро барои кор дар Петербург ҷалб кунанд.

Бино бар ҳисоби коршиносон, коргарони ҷалбшуда ба буҷаи шаҳр то 18 миллион рубл даромад хоҳанд овард.

Феълан маълум нест, ки марказҳо дар кадом шаҳрҳои Тоҷикистон кушода мешаванд.

494

Муҳоҷиронро дигар ба марзи Қазоқистон намемонанд: полиси Самара роҳро назорат мекунад

137
(Таҷдидшуда 17:39 12.08.2020)
Муҳоҷирони меҳнатӣ, ки дар сарҳади Русия ҷамъ омада буданд, берун карда шуданд, аммо мақомоти минтақа барои пешгирии такрори ин ҳолат чораҳо меандешанд

ДУШАНБЕ, 12 авг — Sputnik.  Дар маҷмӯъ, то 7 август беш аз ду ҳазор шаҳрванди Узбакистон ва инчунин тақрибан сад шаҳрванди Тоҷикистон аз марзи Русия ва аз вилояти Самара хориҷ карда шуданд.

Дар ин бора ба Sputnik Тоҷикистон хадамоти матбуоти Ваколатдор оид ба ҳуқуқи инсон дар вилояти Самара Олга Галтсова хабар дод.

Ба иттилои манбаъ, бурдани шаҳрвандони хориҷӣ бар асоси марҳилаҳо сурат гирифта, мувофиқи омадани онҳо ба сарҳади Русия амалӣ карда шуд.

Номбурда гуфт, барои онҳое, ки меомаданд, лагери хаймаҳо бо тамоми шароити зарурӣ ташкил карда шуда буд.

Ба гуфти ӯ, шаҳрвандони Тоҷикистонро бо ҳавопаймо рӯзи 28 июл аз Қазон интиқол доданд ва охирин гурӯҳи муҳоҷирони ӯзбекро 7 август ба кишварашон сафарбар кардаанд.

Аммо эҳтимолияти он, ки муҳоҷирон ба доми қаллобон афтода, дубора ба сарҳади Русия биёянд, боқӣ мемонад, афзудааст Олга Галтсова.

Қиссаи бедаракшавии муҳоҷири тоҷик: аз латукӯб то гум шудани хотира-видео

"Бо мақсади пешгирии ҷамъшавии минбаъдаи шаҳрвандони хориҷӣ дар қаламрави ноҳияи Болшечерниговски вилояти Самара ва инчунин ҷилавгирӣ аз кӯшиши воридшавии онҳо ба қаламрави вилояти Оренбург, постгоҳи назоратӣ таъсис дода шуд", гуфтааст манбаъ.

137
Барчаспҳо:
Ӯзбекистон, Тоҷикистон, Қазоқистон, муҳоҷирон, марз, Самара, Русия
Мард, акс аз бойгонӣ

Қиссаи бедаракшавии муҳоҷири тоҷик: аз латукӯб то гум шудани хотира-видео

393
(Таҷдидшуда 15:25 12.08.2020)
Бобораҷаб Ҷавлиев, ки қариб 20 соли пеш аз Тоҷикистон ба Русия ба муҳоҷирати меҳнатӣ рафтааст, феълан хотираашро аз даст дода, дар боздоштгоҳи муваққатӣ дар Қазоқистон мебошад

ДУШАНБЕ, 12 авг — Sputnik. Ҷавлиев бори охир соли 2012 ба хонааш занг зада, хабар додааст, ки дар шаҳри Тула мебошад ва баъд аз он дигар бедарак шудааст.

Ҷавлиев дар Тоҷикистон волидон, зану ду фарзанд дорад, ки тайи 8 соли охир аз ӯ паёме нагирифтанд, гузориш дод шабакаи телевизионии Мир.

Маълум шудааст, ки Ҷавлиев ҳадафи латукӯб қарор гирифтааст, ки дар натиҷа хотираашро аз даст додаст. Ӯ мегӯяд, чӣ гуна дар Қазоқистон қарор гирифтанашро дар хотир надорад. Дар ин кишвар ба ӯ сокини маҳаллӣ Леонтий Демяшев сарпаноҳ додааст ва бо мурури бозгашти қисмани хотира Ҷавлиев тасмим гирифтааст, ки ба ватан назди хонаводааш баргардад.

Феълан Ҷавлиев дар боздоштгоҳи махсус барои шаҳрвандони бидуни аснод қарор дорад ва масъалаи бозгашти ӯ дар баррасии мақомоти Қазоқистону Тоҷикистон мебошад.

393
Барчаспҳо:
бедарак шудан, муҳоҷир, Тоҷикистон-Русия-Қазоқистон
Народный поэт Таджикистана Гулназар Келди

Гулназар Келдӣ, муаллифи Суруди миллии Тоҷикистон даргузашт

502
(Таҷдидшуда 16:36 13.08.2020)
Шоири маҳбуби тоҷик дар синни 75-солагӣ дар бемористон ҷон додааст. Ҳамагӣ чанд рӯз пеш вай дар мусоҳиба бо Sputnik Тоҷикистон ба мардум насиҳат карда буд, ки "худатонро эҳтиёт кунед"

ДУШАНБЕ, 13 авг — Sputnik. Шоири мардумии Тоҷикистон, муаллифи Суруди миллӣ, шоири шаҳири Гулназар Келдӣ имрӯз, 13 август дар бемористон даргузашт, хабар медиҳад манбаи Sputnik Тоҷикистон.

Хабари даргузашти шоирро дар шабакаҳои иҷтимоӣ корбарон низ тасдиқ мекунанд.

Гулназар Келдӣ , ки чанд рӯз пеш бар асари беморӣ ба бемористон интиқол дода шуда буд, дар сӯҳбат бо  Sputnik Тоҷикистон ба мардум насиҳат карда буд, ки "худатонро эҳтиёт кунед".

Он сӯҳбати шоир ба 11 август,  баъд аз хабари ба бемористон интиқол ёфтани шоир анҷом дода шуд. Гулназар Келдӣ, аз ҳамватанонаш хоҳиш карда буд, ки аз бемории ташвиш накашанд.

"Каме хастагиро эҳсос мекунам. Дар умум, вазъи сиҳатиам хуб аст. Ҳоло табобати профилактикӣ мегирам. Аз дӯстон хоҳиш мекунам, ки ташвиш накашанд, аммо худро сахт эҳтиёт кунанд”, - гуфта буд шоири халқии Тоҷикистон.

Наздикони Гулназар Келдӣ: вазъаш рӯ ба беҳбуд ва муътадил аст

Аммо мутаассифона аллакай 12 август аз бемористон хабар расид, ки Гулназар Келдиро табибон зери дастгоҳи нафасдиҳӣ гузарониданд.

Қаблан шоири халқӣ ва муаллифи суруди миллии Тоҷикистон бо гумони ибтило ба “вируси корона” ба беморхона интиқол ёфта буд.

Гулназар Келдӣ 20 сентябри соли 1945 таваллуд шуда, ба номи худ Ҷоизаи давлатии Тоҷикистон ба номи Абӯабдуллоҳи Рӯдакӣ (1994), Ҷоизаи Комсомоли Тоҷикистон, Ҷоизаи ба номи М. Турсунзода, Шоири халқии Тоҷикистон (1995) – ро сабт кардааст. Муаллифи матни Cуруди миллии Тоҷикистон мебошад. "Расми сарбозӣ" - нахустин маҷмӯаи шеърҳои ӯ соли 1969 чоп шудааст.

"Дастархон" (1972), "Нордбон" (1975), "Ағба" (1978), "Паҳно" (1981), "Лангар" (1983), "Пайи дарё" (1985), "Чашми нигин" (1988), "Табхола" (1992 г.), “Туву хубиву раъноӣ” маҳсули фаъолияти беш аз нимасраи ӯ мебошанд. Маҷмӯаҳои вай ба забони русӣ бо номи "Звезда Улугбека" (1981) ва "Безымянный родник" (1986) дар нашриёти "Советский писатель" – и Русия ва "Тень тутовника" (1989) дар Душанбе чоп шудаанд. Осори ӯ дар Афғонистону Эрон ва дигар кишварҳо низ ба нашр расидаанд.

502