Полицейские машины, архивное фото

Дар Русия корманди пулис барои ришваситонӣ аз муҳоҷир боздошт шуд

189
Ӯ бар ивази 220 ҳазор рубл ба марди муҳоҷиро ваъда додааст, ки барояш шаҳрвандӣ омода мекунад

ДУШАНБЕ, 29 мар — Sputnik. Дар Русия муовини сардори шӯъбаи муҳоҷирати пулиси шаҳри Саратов ба иттиҳоми гирифтани пора дар ҳаҷми махсусан калон аз як шаҳрванди хориҷӣ дастгир шудааст.

Бино бар иттилои тафтишот, гумонбаршаванда аз марди муҳоҷир ба ивази сабти номи ӯ дар манзилаш ва ба даст овардани шаҳрвандии Русия 220 ҳазори рубл талаб кардааст.

Кормандони Кумитаи тафтишотӣ дар вилояти Саратов корманди пулисро ҳангоми гирифтани пора аз шаҳрванди хориҷӣ дастгир кардаанд.

Муовини сардори шӯъбаи муҳоҷирати пулиси шаҳри Саратов дар ҳабси пешакӣ қарор дошта, нисбаташ бо моддаи "Гирифтани пора дар ҳаҷми махсусан калон бо истифода аз мақом"- и Кодекси ҷиноии Русия парвандаи ҷиноӣ боз шудааст.

Ба ӯ тибқи қонунгузории Русия то 12 соли зиндон таҳдид мекунад.

РИА Новости  ҳувияти пулиси боздоштшударо муайян кардааст. Алексей Лупанов, муовини сардори шӯъбаи муҳоҷирати пулиси шаҳри Саратов дар ҳолати исбот шудани иттиҳомот аз сафи мақомот ронда ва тибқи қонунгузории Русия муҷозот хоҳад шуд.

189

Муҳоҷиронро дигар ба марзи Қазоқистон намемонанд: полиси Самара роҳро назорат мекунад

4
Муҳоҷирони меҳнатӣ, ки дар сарҳади Русия ҷамъ омада буданд, берун карда шуданд, аммо мақомоти минтақа барои пешгирии такрори ин ҳолат чораҳо меандешанд

 

ДУШАНБЕ, 12 авг — Sputnik.  Дар маҷмӯъ, то 7 август беш аз ду ҳазор шаҳрванди Узбакистон ва инчунин тақрибан сад шаҳрванди Тоҷикистон аз марзи Русия ва аз вилояти Самара хориҷ карда шуданд.

Дар ин бора ба Sputnik Тоҷикистон хадамоти матбуоти Ваколатдор оид ба ҳуқуқи инсон дар вилояти Самара Олга Галтсова хабар дод.

Ба иттилои манбаъ, бурдани шаҳрвандони хориҷӣ бар асоси марҳилаҳо сурат гирифта, мувофиқи омадани онҳо ба сарҳади Русия амалӣ карда шуд.

Номбурда гуфт, барои онҳое, ки меомаданд, лагери хаймаҳо бо тамоми шароити зарурӣ ташкил карда шуда буд.

Ба гуфти ӯ, шаҳрвандони Тоҷикистонро бо ҳавопаймо рӯзи 28 июл аз Қазон интиқол доданд ва охирин гурӯҳи муҳоҷирони ӯзбекро 7 август ба кишварашон сафарбар кардаанд.

Аммо эҳтимолияти он, ки муҳоҷирон ба доми қаллобон афтода, дубора ба сарҳади Русия биёянд, боқӣ мемонад, афзудааст Олга Галтсова.

Қиссаи бедаракшавии муҳоҷири тоҷик: аз латукӯб то гум шудани хотира-видео

"Бо мақсади пешгирии ҷамъшавии минбаъдаи шаҳрвандони хориҷӣ дар қаламрави ноҳияи Болшечерниговски вилояти Самара ва инчунин ҷилавгирӣ аз кӯшиши воридшавии онҳо ба қаламрави вилояти Оренбург, постгоҳи назоратӣ таъсис дода шуд", гуфтааст манбаъ.

4
Барчаспҳо:
Ӯзбекистон, Тоҷикистон, Қазоқистон, муҳоҷирон, марз, Самара, Русия
Мард, акс аз бойгонӣ

Қиссаи бедаракшавии муҳоҷири тоҷик: аз латукӯб то гум шудани хотира-видео

172
(Таҷдидшуда 15:25 12.08.2020)
Бобораҷаб Ҷавлиев, ки қариб 20 соли пеш аз Тоҷикистон ба Русия ба муҳоҷирати меҳнатӣ рафтааст, феълан хотираашро аз даст дода, дар боздоштгоҳи муваққатӣ дар Қазоқистон мебошад

ДУШАНБЕ, 12 авг — Sputnik. Ҷавлиев бори охир соли 2012 ба хонааш занг зада, хабар додааст, ки дар шаҳри Тула мебошад ва баъд аз он дигар бедарак шудааст.

Ҷавлиев дар Тоҷикистон волидон, зану ду фарзанд дорад, ки тайи 8 соли охир аз ӯ паёме нагирифтанд, гузориш дод шабакаи телевизионии Мир.

Маълум шудааст, ки Ҷавлиев ҳадафи латукӯб қарор гирифтааст, ки дар натиҷа хотираашро аз даст додаст. Ӯ мегӯяд, чӣ гуна дар Қазоқистон қарор гирифтанашро дар хотир надорад. Дар ин кишвар ба ӯ сокини маҳаллӣ Леонтий Демяшев сарпаноҳ додааст ва бо мурури бозгашти қисмани хотира Ҷавлиев тасмим гирифтааст, ки ба ватан назди хонаводааш баргардад.

Феълан Ҷавлиев дар боздоштгоҳи махсус барои шаҳрвандони бидуни аснод қарор дорад ва масъалаи бозгашти ӯ дар баррасии мақомоти Қазоқистону Тоҷикистон мебошад.

172
Барчаспҳо:
бедарак шудан, муҳоҷир, Тоҷикистон-Русия-Қазоқистон