Владимир Путин, раисиҷумҳури Русия ва Эмомалӣ Раҳмон, раисиҷумҳури Тоҷикистон

Раҳмон: муҳоҷирон кам шудаанд. Путин: 1,2 миллионанд: суҳбат аз теъдоду пулашон видео

6953
Эмомалӣ Раҳмон, раисиҷумҳури Тоҷикистон гуфт, теъдоди муҳоҷирони тоҷик дар Русия кам шудааст, аммо ҳамтои русиягияш шумораи тоҷикистониёнро дар Русия 1,2 миллион нафар арзёбӣ кард

ДУШАНБЕ, 17 апр – Sputnik. Эмомалӣ Раҳмон ва ҳамтои русиягияш, Владимир Путин дар нишасти матбуотӣ баъди анҷоми гуфтушунид дар бораи муҳоҷирони меҳнатӣ ва теъдоду шароиташон суҳбат карданд.

Путин гуфт, "мехоҳам, қайд кунам, ки дар кишвари мо корҳои зиёде анҷом дода мешаванд, то муҳоҷирон аз Тоҷикистон, аъзои оила ва наздиконашон дар Русия шароити арзандаи зиндагӣ ва кору таҳсил дошта бошанд, худро роҳату амн эҳсос кунанд”.

Ӯ муҳиммияти муҳоҷирати меҳнатиро таъкид карда, оморашонро далел овард, ки ба гуфтааш дар Русия ҳудуди 1,2 миллион тоҷикистониён зиндагӣ мекунанд. Раисиҷумҳури Русия афзуд, маблағи интиқолдодаи муҳоҷирони тоҷикистонӣ ба Ватан барои иқтисоди кишвар ва хонаводаашон такягоҳи муҳим мебошад.

Дар навбати худ Эмомалӣ Раҳмон низ муҳоҷиратро бахши афзалиятдор дар муносиботи ду кишвар хонд. Ӯ гуфт, тайи солҳои охир мо дар бахши муҳоҷират бо талошҳои муштарак ба дастовардҳои назаррас ноил шудем.

Эмомалӣ Раҳмон қайд кард, ки солҳои охир теъдоди муҳоҷирони меҳнатӣ аз Тоҷикистон, ки ба Русия меоянд, майли камшавӣ дорад. Ба гуфтаи ӯ, соли гузашта бо мақсади муҳоҷирати меҳнатӣ ба Русия ҳудуди 480 ҳазор шаҳрванди Тоҷикистон сафар карданд.

“Ин дар муқоиса бо солҳои аввали даҳсолаи ҷорӣ, ки то як миллион шаҳрванди мо ба Русия ба муҳоҷирати меҳнатӣ меомаданд, ба маротиб кам мебошад. Бо вуҷуд дар ин бахш масоиле, ки таваҷҷуҳи моро талаб мекунад, ҳанӯз боқӣ мондаанд”, - изҳор дошт Эмомалӣ Раҳмон.

Эмомалӣ Раҳмон 16 апрел низ дар мулоқот бо ҷамъияти тоҷикистониён дар Русия гуфт, теъдоди муҳоҷирони меҳнатӣ майли камшавӣ дорад.

“Умуман, дар натиҷаи андешидани чораҳои зарурӣ дар самти муҳайё кардани ҷойҳои нави корӣ дар дохили кишвар соли 2018 шумораи шаҳрвандони мо, ки ба муҳоҷирати меҳнатӣ мерафтанд, нисбат ба соли 2013, ки расман беш аз 800 ҳазор нафар ба муҳоҷирати меҳнатӣ рафта буданд, қариб 50 фоиз кам гардид ва тибқи омори расмӣ ҳамагӣ 484 ҳазор нафарро ташкил кард”, - изҳор дошт Эмомалӣ Раҳмон.

6953
Строительство нового дома в Душанбе

Фоҷеа: дар Петербург муҳоҷири тоҷик зери оҳану бетон ҳалок шуд

169
(Таҷдидшуда 17:46 24.10.2020)
Ҳодисаи фоҷеабор бо муҳоҷири тоҷикистонӣ дар майдони сохтмоние дар ноҳияи Муринои Санкт-Петербург рух додааст

ДУШАНБЕ, 24 окт — Sputnik. Дар сохтмоне дар Мурино як коргар дар натиҷаи сарозер шудани маснуоти оҳуну бетонӣ ҳалок шуд, хабар медиҳад вебгоҳи 78.ru дар истинод ба манбаъ дар мақомоти ҳифзи ҳуқуқ.

Ҳалокати муҳоҷири тоҷик замони иваз кардани чархи мошин дар Маскав: ҳамагӣ 39- сол дошт

Ҳодиса дар шаҳраки Металлострой тақрибан соатҳои 12-и рӯзи 23 октябр рух додааст.

Тавре расонаҳои Петербург гузориш медиҳанд, ба болои коргаре, ки ба ҷамъоварии партов машғул будааст, маснуоти оҳуниву бетонӣ сарозер шудааст.

Ҳарчанд расонаҳо аз ҳувияти марди тоҷикистонӣ чизе наменависанд, гуфта мешавад, ӯ 40 сол доштааст.

Ҳалокати муҳоҷири 23 солаи тоҷик бар асари зарбаи шадиди барқ дар Петербург

Танҳо маълум аст, ки ин шаҳрванди Тоҷикистон соли гузашта барои кор вуруди Русия шуда буд.

169
Замена летней резины на зимнюю

Ҳалокати муҳоҷири тоҷик замони иваз кардани чархи мошин дар Маскав: ҳамагӣ 39- сол дошт

595
(Таҷдидшуда 16:46 21.10.2020)
Шаҳрванди Тоҷикистон ҳангоми кӯшиши иваз ва бод пур кардани чархи мошин дар Маскав ҳалок шудааст

ДУШАНБЕ, 21 окт - Sputnik. Хабаргузории РИА Новости бо такя ба як манбааш дар мақомоти ҳифзи ҳуқуқ навиштааст, шаҳрванди Тоҷикистон дар пайи ҳодисаи нохуше дар яке аз устохонаҳои таъмири мошин дар Маскав ҳалок шуд.

Ба иттилои манбаъ, зодаи Тоҷикистон ҳамагӣ 39 сол доштааст.

Гуфта мешавад, муҳоҷир ҳангоми ивази чархи мошин, ки таркидааст ба ҳалокат мерасад.

Ҳалокати ду муҳоҷири тоҷик дар Русия ҳангоми чоҳканӣ

"Марде, ки дар таъмиргоҳи чархи мошинҳо (шиномонтаж) кор мекард, бинобар риоя накардани чораҳои бехатарӣ ҳангоми кор бо таҷҳизот барои шинондани чархҳо ҳалок шуд. Ӯ чархи мошинро дар роҳи мошингард иваз кард", - гуфтааст манбаъ.

Ҳалокати муҳоҷири тоҷик баъди сарозер шудан аз ошёнаи 12: ҳамагӣ ду рӯз кор кардааст

Тибқи маълумоти пешакӣ, худи мард чархи мошинро бод пур кардааст.

595
Барчаспҳо:
фавт, муҳоҷир, Русия, Тоҷикистон
Букет гвоздик в руке, архивное фото

Ли Ҳонг Хи, мудири ширкати ҷаҳонии Samsung даргузашт

0
Соҳибкори бузурги Кореяи Ҷанубӣ, роҳбари консерни Samsung Ли Ҳонг Хи, дар синни 79-солагӣ дар Сеул вафот мекунад

ДУШАНБЕ, 23 окт — Sputnik. Роҳбари Samsung Ли Ҳонг Хи 25 октябр дар беморхонаи Сеул дар синни 79-солагӣ даргузашт.

Вориси ин соҳибкор писари ӯ Ли Ҷэ Ён мебошад, ки додситонии Кореяи Ҷанубӣ дар қаллобӣ гумонбар медрнд.

Дар бораи марги соҳибкори маъруф хабаргузории “Ренхап”  хабар додааст.

Сабаби марг мушаххас нашудааст.

Samsung Group соли 1938 аз ҷониби падари Ли Ҳон Хи, Ли Бён Чхол таъсис дода шудааст. Пас аз марги ӯ, корпоратсия ба фарзандонаш мерос монд ва Ли Ҳонг Хи (писари сеюм) роҳбари Шӯрои директорон шуд.

Таҳти роҳбарии ӯ, ширкат аз як истеҳсолкунандаи хурди Корея ба як корпоратсияи бузурги байналмилалӣ табдил ёфт.

Соли 2014 Ли Ҳонг Хи сактаи қалбро аз сар гузаронд, пас аз он, назорати корпоратсия ба писараш ва ноиби президенти ширкати фаръии ин гурӯҳ, Samsung Electronics Ли Ҷэ Янг гузашт, ки боварӣ дорад, ворис аст.

Дар гузориши хабаргузории Кореяи Ҷанубӣ гуфта мешавад, ки додситонӣ Ли Ҷэ Янгро ба ин далел гумонбар мекунад, ки дар ҷараёни ба даст овардани қудрат дар консерн, Ли Ҷэ Янг дар тақаллуби ғайриқонунӣ дар якҷояшавии ширкатҳои корпоратсия бо мақсади ба даст овардани назорат аз болои Samsung Group ширкат кардааст.

0