Баҳси нафақаи муҳоҷирон дар суҳбати Додону Козак

181
(Таҷдидшуда 13:28 04.06.2019)
Додон ва муовини нахуствазири Русия масъалаи нафақаи муҳоҷиронро баррасӣ намуданд

ДУШАНБЕ, 4 июн — Sputnik. Игор Додон, раисҷумҳури Молдова ва Дмитрий Козак, муовини нахуствазири Русия масъалаи гардиши савдои хориҷӣ ва нафақаи муҳоҷирони меҳнатиро баррасӣ намуданд.

Игор Додон, раисҷумҳури Молдова дар нишасти матбуотӣ эълон намуд, ки бо муовини нахуствазири Русия Дмитрий Козак масъалаи гардиши молу маҳсулот ва нафақаи муҳоҷиронро баррасӣ намудааст.

“Дар се моҳи соли равон аз лаҳзаи бардоштани боҷҳои гумрукӣ, содироти маҳсулоти мо афзоиш ёфтааст. Аммо ин сабукиҳо як моҳи дигар давом мекунанду халос. Барои ҳамин мо барои тамдиди намудани сабукиҳои боҷи гумрукӣ гуфтушунидро идома хоҳем дод. Масъалаи дувуме, ки мо зери он баҳс кардем, ин масъалаи муҳоҷират буд. Мо гомҳои ҷиддие, қабул намудем, ки ҳангоми ба нафақа баромадани шаҳрвандони Молдова собиқаи кории вай дар Русия ба инобат гирифта шавад”, - гуфт Додон.

Ба гуфтаи раисҷумҳури Молдова мувақаттан аз байн бурдани боҷҳои гумрукӣ, ки 1 январ то 1 июл идома меёбад имкон додааст содироти себу нокро дар ҳаҷми 27 дарсад сабзавоту консерваҳо ба 20 дарсад ва шаробро ба 43 дарсад афзоиш диҳад.

“Мо дар семоҳаи аввали соли равон рушди гардиши молу маҳсулотро дар ҳаҷми 10,5 дарсад мушоҳида кардем. Бояд қайд намуд, ки гардиши молу маҳсулот миёни Русия ва Молдова дар соли 2018 нисбат ба соли 2017 ба 40 дарсад расида буд. Дар солҳои 2012 мо бо Русия дар ҳаҷми 1,6 миллиард доллар додугирифт доштем”, - гуфт дмитрий Козак.

Муовини нахуствазири Русия гуфт, пушти рақамҳои гардиши молу маҳсулот ва содирот на танҳо нишондиҳандаҳои молиявист, балки ҷойҳои корӣ барои ҳазорҳо нафар.  

“Муҳимтарин ҷанбаи ҳамкории мо - ин ғамхорӣ нисбати шаҳрвандони Молдоваст, ки дар қаламрави Русия зиндагӣ мекунанд. Дар Русия тақрибан 500 ҳазор шаҳрванди Молдова ба сар мебарад. Дар се соли ахир, ҳаҷми интиқолҳои пулӣ аз Русия ба Молдова 1,5 миллиард долларо ташкил додааст”, - гуфт Козак.

Ёдрас мешавем, ки муносибатҳои Русия ва Молдова пас аз қабули парлумони Молдова санад дар бораи ассосиатсия бо Иттиҳодияи Аврупо бад шуд. Тибқи санади мазкур Молдова бояд дари бозори худро барои молҳои Аврупо коимилан боз намояд. Русия аз воридшавии молу маҳсулоти аврупоӣ ба бозорҳои ИДМ ва кишварҳои узви Иттиҳодия гумрукӣ тавассути Молдова нигарон шуд ва ба ҳимин хотир Русия барои маҳсулоти тавлиди Молдова маҳдудиятҳо ҷорӣ кард.

181
Барчаспҳо:
нафақа, муҳоҷират, ҳамкорӣ, Молдова, Русия, Тоҷикистон

Вакил гуфт, бекор кардани патент барои муҳоҷирон чӣ пайомад дорад

383
(Таҷдидшуда 20:06 28.10.2020)
Ба гуфти вакил сабукӣ барои муҳоҷирони метавонад вокунииши манфии шаҳрвандони Русияро ба бор орад ва ба амният хатар дошта бошад

ДУШАНБЕ, 28 окт — Sputnik. ВУД Русия пешниҳод карда, ки қонун "Дар бораи вазъи ҳуқуқии шаҳрвандони хориҷӣ дар ФР" ислоҳ карда шавад ва барои бархе аз гурӯҳи муҳоҷирон патент бекор гардад.

Светлана Бессараб, узви Кумитаи Думаи давлатӣ оид ба меҳнат, сиёсати иҷтимоӣ ва собиқадорон, дар суҳбат бо Парламентская газета аз чунин навоварӣ интиқод кард.

Дар Русия барои муҳоҷирони ғайриқонунӣ низ Маркази имдод ифтитоҳ мешавад

"Ман ба чунин ташаббус эҳтиёткорона муносибат мекунам. Тавре таҷриба нишон медиҳад, аз ҷумла дар кишварҳои Урупо, на ҳамеша пур кардани ҷойҳои корие, ки мардуми бумӣ намехоҳад аз ҳисоби муҳоҷирон, хуб аст. Аксар вақт ин амалкард бо амнияти давлатӣ алоқаманд аст". қайд кард Бессараб.

Вакил афзуд, ки чунин навгониҳо барои муҳоҷирони сохтмончӣ метавонад вокунииши манфии шаҳрвандони Русия ва иттифоқҳои касабаро ба бор орад.

Чунин вокуниш махсусан имрӯзҳо, ки сатҳи бекорӣ дар Русия дар ҳоли афзоиш аст, интизоршаванда мебошад.

Ба ширкатҳои бузурги сохтмонӣ иҷозат дода мешавад, муҳоҷиронро аз Тоҷикистон даъват кунанд

Рӯзи 26 октябр Вазорати корҳои дохилии Русия тарҳи ислоҳи қонун "Дар бораи вазъи ҳуқуқии шаҳрвандони хориҷӣ дар Федератсияи Русия" -ро барои муҳокимаи умум нашр кард.

Тибқи ҳуҷҷат, хориҷиён метавонанд бидуни патент ва иҷозатномаи кор дар ширкатҳои байналмилалии Русия кор кунанд: дар сохтани иншооти барои чорабиниҳо зарурӣ пешбинишуда ва ҳангоми омодагӣ ва иштирок дар чунин чорабиниҳо.

Рӯйхати чорабиниҳо, ташкилкунандагон ва лоиҳаҳои сохтмонро ҳукумат муайян мекунад.

383
Барчаспҳо:
муҳоҷирон, хатар, патент, Русия
Мигранты на строительном объекте. Архивное фото

Ба ширкатҳои бузурги сохтмонӣ иҷозат дода мешавад, муҳоҷиронро аз Тоҷикистон даъват кунанд

1362
(Таҷдидшуда 15:37 27.10.2020)
Русия имкониятҳои дақиқи иҷозати ширкатҳои бузурги сохтмониро барои овардани муҳоҷирон аз кишварҳои ИДМ фаъолона таҳия мекунад

ДУШАНБЕ, 27 окт - Sputnik. Дар Русия масъалаи имтиёзҳои иловагӣ барои корфармоён, ки муҳоҷиронро киро мекунанд, ҳалли худро меёбад, гуфт муовини вазири сохтмон ва манзилию коммуналӣ Никита Стасишин дар форуми таҳиягарон ва меъморон Forbes.

Ширкатҳои бузурги сохтмонӣ мумкин аст барои овардани муҳоҷирон аз кишварҳои ИДМ тибқи рӯйхатҳо иҷозат гиранд.

Стасишин қайд кард, ки пеш аз ҳама, ин тағиротҳо ба имкони таъмини вуруди муҳоҷирон аз Тоҷикистон ва Ӯзбекистон ба Русия дахл хоҳад дошт.

Ин ҳатто дар вазъияти душвори эпидемиологӣ вуруди мӯътадили муҳоҷирони меҳнатиро ба вуҷуд меорад.

Собянин аз норасоии муҳоҷирон дар Маскав гуфт: на ҳама маскавиҳо барои кор омодаанд

Дар баробари имкониятҳои иловагӣ, корфармоён барои тамоми занҷири амнияти саломатии муҳоҷирон масъуланд: "аз лаҳзаи қабули қарори вуруд - то лаҳзаи бозгашти онҳо ба хона".

Собянин гуфт, Маскав бе муҳоҷирон ба чӣ мушкил мувоҷеҳ шудааст

Аз ҷумла корфармоён оид ба санҷиши муҳоҷирон барои коронавирус масъуланд.

1362
Барчаспҳо:
корҳои сохтмонӣ, муҳоҷирин, Русия, Тоҷикистон
Доктор медицинских наук, профессор, заведующий кафедрой инфекционных болезней Таджикского государственного медицинского университета им. Абуали ибни Сино Рахманов Эркин

Саринфексионисти Тоҷикистон дар бораи омодагиҳо ба мавҷи дуюми COVID-19

0
(Таҷдидшуда 20:40 29.10.2020)
Эркин Раҳмонов, саринфексионисти Вазорати тандурустӣ ва ҳифзи иҷтимоии аҳолӣ, мудири кафедраи бемориҳои сироятии Донишгоҳи тиббии Тоҷикистон омодагиҳо ба мавҷи дуюми бемории коронавирусро шарҳ дод

Раҳмонов мегӯяд, дар кишвар тамоми чораҳо барои пешгирӣ аз мавҷи дуюми коронавирус амалӣ шуда истодаанд ва агар он фаро ҳам расад, бахши тандурустии кишвар захоири кофиро дар ихтиёр дорад.

Главный инфекционист Таджикистана: если вторая волна будет, резервы у нас готовы
“Агар мавҷи дуюми беморӣ фаро ҳам расад, захираҳои мо омодаанд. Мо бо дастгоҳҳои иловагии нафасдиҳӣ беморхонаи сироятии шаҳриро муҷаҳҳаз кардем. Инчунин 500 кати иловагиро дар ихтиёр дорем ва 160 кат дар  вагончаҳои махсуси дигар, ки аз ҷониби Ӯзбекистон ҳамчун кумаки башардӯстона ироа шудаанд, омодаи қабули беморонанд”, - изҳор дошт сироятшинос.

Ӯ изҳори умед кард, ки ниёзе барои корбурди захираҳо нахоҳад буд, чун бо шифоёбии феълии беморон, ки ҳамарӯза 45-50 нафарро ташкил медиҳад, метавон мавҷи дуюмро пешгирӣ намуд.

Раҳмонов таъкид намуд, ки беҳтарин роҳи мубориза бо мавҷи дуюми коронавирус риояи қоидаҳои беҳдоштӣ мебошад.

Тибқи иттилои Вазорати тандурустии Тоҷикистон, шабонарӯзи гузашта дар ҷумҳурӣ 39 ҳолати нави сироятёбӣ ба COVID-19 ошкор гардида, шумораи гирифторони ин беморӣ дар мамлакат аз моҳи апрел то ҳозир ба 10 ҳазору 939 нафар расид, 

Ҳамзамон дар 24 соати ахир 58 нафар пас аз табобат ба хонаҳояшон рухсат дода шуда, дар маҷмӯъ шумораи шифоёфтагон аз ин беморӣ дар Тоҷикистон ба 10 ҳазору 128 нафар (92,5%) баробар гардид.

0
Барчаспҳо:
вируси нав, мавҷ, Тоҷикистон