Лидер партии ЛДПР Владимир Жириновский в Таджикистане

Ёди Жириновский аз сафараш ба Тоҷикистону пешниҳодаш барои кам кардани муҳоҷирони тоҷик

2089
(Таҷдидшуда 17:07 25.06.2019)
Ба гуфтаи раиси Ҳизби либерал - демократи Русия Тоҷикистон ҳангоми интиқоли мева ба Русия дар марзи Қазоқистон дучори мушкилӣ мешавад. Меваҳои тоҷикӣ ба воситаи ин кишвар вориди Русия мешаванду ба Тоҷикистон фоидаи камтар меоранд

ДУШАНБЕ, 25 июн — Sputnik. Владимир Жириновский, сиёсатмадори рус, раиси Ҳизби либерал-демократи Русия пешниҳод кардааст, ки Русия барои коҳиш додани шумораи муҳоҷирон аз Осиёи Марказӣ ҷои кориро бевосита дар кишварҳои минтақа ташкил кунад: масъалан аз Тоҷикистон бештар мева харидорӣ кунад. Дар ин ҳол, шаҳрвандони кишвар дар ватан ҷои кор пайдо мекунанд.

"Мо ба кишварҳои Осиёи Марказӣ фармоиш медиҳем, то қувваи корӣ дар худи кишварҳо монад", - тавзеҳ додааст вай.

Сиёсатмадор дар сӯҳбат бо радиои "Эхо Москвы" гуфтааст, ки феълан меваи тоҷикӣ ба воситаи Қазоқистон вуруди Русия мешаваду ба Тоҷикистон ин содирот фоидаи камтар меояд.

"Ман дар Тоҷикистон будам. Тоҷикон бештар мева содир мекунанд. Аммо дар марзи Қазоқистон онро қазоқҳо кашида мегиранд. Ин чӣ гап? Тоҷикон худашон мехоҳанд, ки меваашонро ба Русия оварда ба фурӯш бароранд. Аммо миёнаравии Қазоқистон фоидаро ним мекунад", - афзудааст  Жириновский.

Раиси ҳизб пешниҳод кардааст, ки қаторҳои боркашони Маскав-Душанбе ташкил карда шаванд, ки меваҳоро бевосита аз Тоҷикистон то Русия дастрас кунанд.

Ӯ гуфтааст, метавон ба шаҳрҳои наздиктари Русия - Екатеринбург, Омск, Новосибирск меваҳои тоҷикиро дастрас кард.

Ваъдаю вафои Жириновский: раиси “ЛДПР” аз минбари Думаи давлатӣ дар бораи Тоҷикистон гуфт

Ёдрас мешавем, охирҳои моҳи октябру аввалҳои моҳи ноябри соли 2018 раиси ЛДПР Владимир Жириновский ба Тоҷикистон сафар карда буд. Сиёсатмадори рус аз шаҳрҳои Ҳисор, Душанбе ва Турсунзода дидан кард.

Ӯ дар рафти сафар бо чанде аз сиёсатмадорони тоҷик, аз ҷумла раисҷумҳури Тоҷикистон Эмомалӣ Раҳмон мулоқот кард. Жириновский аз обу ҳаво, табиати кишвар ва меҳмоннавозии тоҷикон тавсиф карда, ба раисҷумҳури Тоҷикистон гуфта буд, ки баъди ин сафар раванди тавсифи санадҳои байни Тоҷикистон ва Русияро дар Думаи давлатӣ метезонад.

2089
Барчаспҳо:
мева, Владимир Жириновский, Русия, Тоҷикистон
Молитва, архивное фото

Даргузашти Ҳоҷӣ Эҳсоншо, президенти “Ванҷ Фуд” аз коронавирус-акс

1883
(Таҷдидшуда 13:10 29.05.2020)
Ҳоҷӣ Эҳсоншо Мунавваров, президенти ширкати “Ванҷ Фуд”, ки моҳи равон ба синни 43 расид, бар асари коронавирус даргузашт

ДУШАНБЕ, 29  май — Sputnik. Наздикони Мунавваров мегӯянд, ӯ қариб як ҳафтаи охир дар шӯъбаи эҳё қарор дошт ва соати 11 ба 12-и шаби гузашта дар шаҳри Твер ҷон дод.

Эҳсон Раҳмихудоевич Мунавваров зодаи деҳаи Бунайи Ванҷ буда, 2 майи соли 1977 таваллуд шудааст. Мактаби деҳаро хатм карда, ба муҳоҷират ба Русия рафтааст. Дар Донишгоҳи улуми иҷтимоии Маскав чаҳор сол таҳсил намуда, ба далели шуғлаш ба тиҷорат онро ба анҷом нарасондааст.

Ҳоҷӣ Эҳсоншо Мунавваров, ки аз соли 1994 дар Русия қарор дошт, молики ду ширкат-Ванҷ Фуд ва “Арзан Голд” мебошад, ки дар бахшҳои гуногун фаъолият доранд.  Ӯ маҳсулоташро бо унвонҳои “Дары Таджикистана”, “Таджикчай”, “Памир”, “Бунайчай” пешниҳод мекард.

Тибқи иттилои сомонаи vanj.info, Эҳсоншо Мунавваров барномаи хайрияи хешро дошт, ки ба мустаманду дармондагон дасти ёрӣ дароз карда, дар созмондиҳӣ ва адои корҳои хайр дар миёни ҳаммеҳанони шаҳри Твер аз пешсафон буд.

Ӯ изҳор дошта буд, ки “ҳоли зору машаққати бархе аз ҳаммеҳанон дар мулки ғариб андӯҳгинаш менамояд, аз аъмоли бади бархе аз ҳаммеҳанон, ки миллатро бадном мекунанд, сахт озурдаву нороҳат мешавад. Вале худ мекӯшад ба қадри тавон барои баланд бардоштани обрӯи миллат коре анҷом диҳад”.

1883
Свеча

Мотам дар хонаводаи Сатторовҳо, соҳибкорони хайрхоҳи тоҷик-акс

4801
Шамсулло Сатторов, яке аз бародарон Сатторовҳо, ки ахиран барои хайрашон ба табибони Ҳисор дар сархати расонаҳо қарор гирифта буданд, даргузашт

ДУШАНБЕ, 27  май — Sputnik. Раёсати ҷамъияти миллӣ-фарҳангии тоҷикони вилояти Иркутск, аз марги Сатторов Шамсулло Ҳикматуллоевич, ки дар синни 47-солагӣ аз бемории саратон даргузашт, изҳори андуҳ кардааст.

Садбарг Боқиева, рӯзноманигор ва фаъоли ҷамъиятӣ, дар бораи марги Сатторов дар саҳифаи фейсбукияш хабар дода, ҳамдардии ҷамъияти тоҷикони Иркутскро ба хонаводааш баён доштааст.

Ахиран бародарон Сатторовҳо ба маркази саломатӣ дар Ҳисор 16500 кило орд, 1650 кило биринҷ, 1650 литр равған, 1650 кило шакар, 1650 кило макарон, 3300 дона собун ва 3000 дона ниқоби тиббӣ дастрас кардаанд.

Бародарон Давронҷон, Баҳромҷон, Убайдулло, Рустамҷон, Шамсулло ва Суҳробшо Сатторовҳо - соҳибкорони тоҷик, зодаҳои шаҳри Ҳисор мебошанд, ки дар Русия ба соҳибкорӣ машғуланд.

Давронҷон Сатторов, яке аз шаш бародарон  дар пайи хайри охирашон изҳор дошта буд, ки  "ману бародаронам ятим калон шудем ва дар тарбияи модарамон  Хосиятбону Азизова, рӯҳаш шод бод, бузург шудем. Аз ин рӯ хуб медонам, ки кӯдакони ятим ба чӣ ниёз доранд ва қалби кӯчакашон чӣ мехоҳад".

4801
Барчаспҳо:
хайрхоҳӣ, Русия, Тоҷикистон
Министры иностранных дел России и Таджикистана Сергей Лавров и Сироджиддин Аслов

Нотаи Тоҷикистон ба Русия: Душанбе тарафи сеюмро дар марз номақбул хонд

426
(Таҷдидшуда 21:05 29.05.2020)
Вазорати умури хориҷии Тоҷикистон изҳороти Сергей Лавров, вазири умури хориҷии Русия дар мавриди миёнаравӣ дар масоили марзи Тоҷикистону Қирғизистонро номақбул хонда, таъкид кардааст, ки гуфтушунидҳои марзӣ кори дохилии ду давлат мебошад

ДУШАНБЕ, 29  май — Sputnik. Вазорати умури хориҷии Тоҷикистон 29 май бо ирсоли як нота ба Вазорати умури хориҷии Русия пешниҳоди миёнаравии Сергей Лавровро ғайри қобили қабул хондаст.

Душанбе дар нота ба унвонии Маскав инчунин таъкид кардааст, ки масъалаи марз дар ҷаласаи Шӯрои вазирони умури хориҷии СПАД баррасӣ нашуда буд, ки баъдан Лавров дар бораи он изҳори назар кард.

Тоҷикистон дар нота унвонии Русия баён доштаст, ки ҷалби тарафи сеюмро ба ҷараёни гуфтушунид дар масоили марзии Тоҷикистону Қирғизистонро мувофиқи мақсад намедонад.

Таъкид шуд, масоили аломатгузорию муайянсозии марз кори дохилии кишварҳои узви СПАД буда, танҳо тариқи дуҷониба амалӣ мешавад.

ВУХ афзуд, ба самъи ҷониби Русия расонда шуд, ки гуфтушунидҳои марзии Тоҷикистону Қирғизистон мунтазам дар доираи Комиссияи байниҳукуматӣ бо такя ба таҷрибаи пешрафтаи ҷаҳонию воситаҳои ҳуқуқӣ амалӣ мешаванд.

Қаблан Сергей Лавров, вазири умури хориҷии Русия дар пайи ҷаласаи СПАД зимни нишасти матбуотӣ аз Тоҷикистон ва Қирғизистон даъват кард, ки дар марз аз истифодаи силоҳ даст кашанд ва Русия омода аст, ҳамчун миёнрав бошад.

"Ин вазъ дар марзи Тоҷикистону Қирғизистон, мутаассифона бори аввал нест. Мо аз шариконамон даъват меорем, ки онҳо роҳи маслиҳатомезро пеш гиранд ва ҳарчи тавонанд аз истифодаи қувва худдорӣ кунанд. Мо омодаем ҳамчун миёнрав хизмат кунем. Ҳарчи зудтар вазъият ба эътидол ояд, ҳарчи беҳтар аст. Дар ин бора имрӯз ба дӯстонамон ҳам гуфем", - таъкид кардааст Лавров.

Ин дар ҳолест, ки  24 май дар марзи Тоҷикистону Қирғизистон таниши навбатӣ ба миён омад, ки дар натиҷа ҷавонзани 25-сола шаҳрванди Тоҷикистон маҷруҳ шуд.

426
Барчаспҳо:
Тоҷикистон