Портфель с документами

Вазорати меҳнат ва муҳоҷират барои намояндагияш дар Русия коргар меҷӯяд

312
(Таҷдидшуда 18:31 04.08.2019)
Вазорати меҳнат, муҳоҷират ва шуғли аҳолии Тоҷикистон барои ишғоли мақомҳои холӣ дар намояндагии ин ниҳод дар Русия озмун эълон кардааст

ДУШАНБЕ, 4 авг - Sputnik. Вазорати меҳнат, муҳоҷират ва шуғли аҳолии Тоҷикистон иттилоъ дод, ки довталабони мақоми сардори шуъбаи кор бо муҳоҷирони меҳнатии Намояндагии Вазорати меҳнат, муҳоҷират ва шуғли аҳолӣ дар Русия метавонанд дар  озмун иштирок кунанд.

Манбаъ изҳор дошт, ки довталабони ин мақом бояд таҳсилоти олии касбии ҳуқуқшиносӣ, муносибатҳои байналмилалӣ дошта бошанду забонҳои хориҷӣ, аз ҷумла забони русиро дар сатҳи баланд донанд.

Чор сол собиқаи хизмати давлатӣ ё 5 сол собиқаи умумии меҳнатӣ, донистани Конститутсияи Ҷумҳурии Тоҷикистон, санадҳои ҳуқуқии байналмилалии, кор бо компютер, дониш ва малакаи роҳбарӣ, идоракунӣ, банақшагирии раванди кор бо тобеон аз ҷумлаи талаботи дигар аз довталабон арзёбӣ шудааст.

Вазорати меҳнату муҳоҷират инчунин сармутахассиси мониторинг оид ба муҳоҷирати меҳнатии намояндагии Вазорат дар Русияро ҷустуҷӯ дорад.

“Таҳсилоти олии касбии иқтисодӣ, ҳуқуқшиносӣ, муносибатҳои байналмилалӣ бо донистани забонҳои хориҷӣ аз ҷумла забони русӣ дар сатҳи баланд, 2 сол собиқаи хизмати давлатӣ ё 3 сол собиқаи умумии меҳнатӣ ва донистани санадҳои меъёрӣ-ҳуқуқӣ “, - дар феҳрасти талабот аз довталабон зикр шудаанд.

Манбаъ таъкид кардааст, ки ҳуҷҷатҳои довталабон аз ҷониби шуъбаи кадрҳо ва корҳои махсуси Вазорати меҳнат, муҳоҷират ва шуғли аҳолии Тоҷикистон то 18 августи соли 2019 қабул карда мешаванд.

312
Барчаспҳо:
Вазорати меҳнат ва шуғли аҳолии ҶТ, коргарон, озмун, муҳоҷират, Тоҷикистон-Русия
Мигранты у здания Управления Федеральной миграционной службы России

Бино бар пандемия 75 дарсади муҳоҷирони меҳнатӣ дар шаҳри Маскав бекор монданд

384
(Таҷдидшуда 18:55 16.09.2020)
Аксарияти муҳоҷирони меҳнатӣ дар шаҳри Маскав дар даврони пандемия бекор монданд ва теъдоди ками онҳо барои худ пул захра карда буд

ДУШАНБЕ, 16 сен — Sputnik. Тибқи таҳлилҳои Гурӯҳи таҳқиқоти муҳоҷират ва этнетикии Русия 75 дарсади муҳоҷирони меҳнатӣ дар шаҳри Маскав дар даврони паҳншавии вируси корона бекор монданд.

Коршиносон миёни муҳоҷирони Тоҷикистон, Ӯзбекистон ва Қирғизистон дар бораи таъсири пандемия ба кору зиндагии онҳо дар Маскав назарсанҷӣ анҷом доданд.

Зимни назарсанҷӣ маълум шуд, ки 74 дарсади муҳоҷирони меҳнатӣ ҳангоми пандемия аз кор хориҷ ё ба рӯхсатии бардавом меҳнатӣ бидуни пардохти маблағ равон карда шуданд.

Ҳамзамон зимни ин назарсанҷи маълум шуд, ки танҳо 40 дарсади муҳоҷирони меҳнатӣ дар даврони пандемия пул захира кардаанд. Дар ҳамин ҳол, ҳамагӣ 13 дарсади муҳоҷирон корӣ барои муҳлати дарозтар пули бештар захира кардаанд.

Ҳамчунин зимни гуфтугӯ бо рӯзномаи “КП” раиси федератсияи муҳоҷирони Русия Вадим Коженов, гуфт аксари муҳоҷирон омода буданд, пулҳояшонро сарфа кунанд. Ба гуфтаи вай муҳоҷирон мехостанд пандемияро дар Маскав  паси сар кунанд то барои кор ба кишварҳои мухталиф нараванд.

“Бештар кор дар минтақаҳои гуногуни Русия дар соҳаи кишоварзӣ ба назар мерасид. Дар сомона беш аз 7-8 ҳазор нафар сабти ном шуда буд. Аз ҳамин ҳазорҳо нафар танҳо 40 нафар барои кор омодагии худро нишон доданд”, - таъкид дошт Коженов.

Вай илова кард, ки муҳоҷирони меҳнатӣ дар Маскав омода буданд бо хароҷоти ночиз бимонанд ва баъд аз маҳдудиятҳо ба кори пешина ё ба кори монанд баргарданд.

“Як одат шудааст, ки муҳоҷири меҳнатӣ ба Русия барои кор кардани пул  меояд, то ки як қисми пули коркардаашро барои оилааш равон кунад. Аммо баъзеҳояшон дигар мақсад доранд. Онҳао ба Маскав меоянд ва мегуянд: ман мехоҳам дар ин шаҳр бимонам ва ҳар коре бо ман кунед ман аз ин ҷо  ҳеҷ куҷо намеравам”, таъкид кард раиси раиси федератсияи муҳоҷирони Русия.

384
Барчаспҳо:
теъдод, захира, пул, муҳоҷирати меҳнатӣ, муҳоҷират, Маскав, Русия
Процедура дактилоскопии, архивное фото

Аз изи ангушт то...: генерал Казакова гуфт, муҳоҷирон дар Русия чӣ гуна назорат мешаванд

347
(Таҷдидшуда 10:51 13.09.2020)
Сардори Сарраёсати масъалаҳои муҳоҷирати Вазорати корҳои дохилии Русия, генерал-лейтенанти милитсия Валентина Казакова, зимни як нишасти гуфт, ки муҳоҷирон  чигуна назорат мешаванд

ДУШАНБЕ, 13 сен — Sputnik. Валентина Казакова гуфт, ки тамоми технологияҳои нави мавҷуда аз ҷониби Раёсати муҳоҷират барои назорати омадани хориҷиён ба қаламрави Русия истифода мешаванд.

Сардори Сарраёсати муҳоҷират гуфт, ки муҳоҷирони зиёде, ки аз Русия ихроҷ шудаанд, маълумотҳои муқаррарии худро тағир додаву дубора меоянд.

Аммо, тавре Казакова қайд кард, маълумоти изи ангуштро фиреб додан мумкин нест.

Намояндаи Вазорати корҳои дохилӣ гуфт, ки зарурати гузаштани изи ангушт ба тамоми шаҳрвандони хориҷие, ки зиёда аз 30 рӯз меоянд, вуҷуд дорад.

Инчунин, барои ҳисоб кардани муҳоҷирони ғайриқонунӣ, ки аллакай ба Русия ворид шудаанд, системаи шинохти чеҳра истифода мешавад.

Казакова: пандемия Русияро ба соддагардонии ҳаёти муҳоҷирон водор кард

Номбурда ҳамчунин гуфт, ки барои ҳамаи онҳое, ки ба Русия меоянд, инчунин ташхиси тиббӣ талаб карда мешавад.

Ӯ гуфт, вақти он расидааст, ки чизеро тағир диҳем ва онро ба самти беҳтар равона созем.

347
Таджикские деньги, архивное фото

Қарзи ноҳияи Кӯшониён аз андоз наздик ба 40 миллион сомонӣ расид

0
(Таҷдидшуда 11:12 20.09.2020)
Дар ноҳияи Кӯшониён 39 миллиону 800 ҳазор сомонӣ қарзи андоз ҷой дорад, ки аз он 19 миллиону 800 ҳазор сомониаш бақияи қарзи андоз буда, 20 миллиони дигарашро қарзҳои мушкилситон ташкил медиҳанд

ДУШАНБЕ, 20 сен — Sputnik.  Раҳмонзода Аҳлиддин, сардори нозироти андози ноҳияи Кӯшониён дар суҳбат бо рӯзномаи “Фараж” таъкид доштааст, ки дар зарфи 8 моҳи соли ҷорӣ қисми даромади буҷети ноҳия 95 дарсад иҷро шуда, ба буҷет 1 миллиону 700 ҳазор сомонӣ ворид нашуд.

Омили саривақт иҷро нашудани қисми даромади буҷетро ин шахси масъул саривақт пардохт накардани андоз аз ҷониби андозсупорандагон арзёбӣ карда, гуфт, ҳоло дар ноҳия 19 миллиону 700 ҳазор бақияи қарзи андоз ҷой дорад, ки 60 дарсади он ба соҳаи кишоварзӣ рост меояд.

Ддар ҳамин ҳол, Ҷамшед Гулонов, як масъули Раёсати молияи ноҳияи Кӯшониён дар суҳбат бо хабарнигори ҳамин рӯзнома гуфтааст, ки қисми даромади буҷети ноҳия дар ҳашт моҳ зиёда аз 28 миллион ба нақша гирифта шуда буд, ки  аз он 26 миллиону 308 ҳазору 771 сомониаш иҷро шудаасту халос.

Ҳамчунин, манбаъ гуфт, ки аз ҳисоби маблағҳои буҷети вилояти Хатлон дар ин давра зиёдтар аз 2 миллиону 650 ҳазор сомонӣ маблағҳои мақсаднок ҷудо карда нашудаанд.

0
Барчаспҳо:
сомонӣ, андоз, қарз, Тоҷикистон