Паспотр РФ, архивное фото

Қонуни нав дар Русия: ба киҳо гирифтани шаҳрвандӣ осон мешавад

6338
(Таҷдидшуда 13:47 16.08.2019)
Намояндаи Раёсати кор бо муҳоҷирон дар Федератсияи Русия, Валентина Казакова гуфт, чӣ тавр метавон шаҳрвандии Русияро осон гирифт

ДУШАНБЕ, 16 авг — Sputnik, Лев Рижков. Ба қавонини муҳоҷирати Федератсияи Русия тағйироти ҷиддӣ ворид карда мешавад.

Дар бораи навгониҳо ва ба таври содда соҳиб шудан ба шаҳрвандии Русия, сардори Раёсати идораи кор бо муҳоҷирон, майори милитсия Валентина Казакова дар нишасти хабарии "Россия сегодня" нақл кард.

Иҷозаи бемуҳлати иқомат

Тибқи қавонини ҷадид, ки 2 октябри соли 2019 расмӣ мегардад, муҳлати камтарини кор дар ҳудуди Русия барои гирифтани шаҳрвандӣ, аз се сол бо як сол оварда мешавад.

Ин навгонӣ дар навбати аввал ба хориҷиёни дорои маълумоти олӣ рабт дорад. Рӯйхати ихтисосҳои дахлдор аз ҷониби Вазорати меҳнати Русия омода карда шудааст. Дар ин рӯйхат пизишкону муҳандисон ва ҳам барқчиёну дигар тахассусҳо номбурда шудаанд.

Ҳамин тавр оғоз аз 1 ноябри соли 2019, рӯйхати шаҳрвандоне, ки метавонанд бидуни гирифтани квотаи Ҳукумати Федератсияи Русия, соҳиби иҷозаи иқомат шаванд, фарохтар мешавад.

"Ба ин рӯйхат шаҳрвадоне ворид карда шудаанд, ки дар қаламрави кишварҳои ИҶШС ба сар мебаранд ва дар ҳудуди Русия маълумоти олӣ гирифтаанд. Ҳамин тавр, хаткунандагони макотиби олӣ ва касбии Русия, ҳуқуқ доранд бидуни гирифтани квота соҳиби иҷозаи иқомат шаванд", - фаҳмонд Валентина Казакова.

Дар баробари ин иҷозаи иқомат дар Русия, оғоз аз 1 ноябри соли 2019 бемуҳлат мешавад. Он дар 14, 20 ва 45 солагӣ чун ивазкунии шиноснома барои шаҳрвандони Русия, иваз карда хоҳад шуд.

Дар баробари ин, муҳлати баррасии ариза барои гирифтани иҷозаи иқомат, аз шаш то 4 моҳ кам карда мешавад.

Медведев: Русия барои шаҳравандони хориҷӣ гирифтани иҷозаи истиқоматро осон мекунад

Номгӯи ҳуҷҷатҳо барои иҷозаи иқомат камтар шуд: ариза бари иҷозаи иқомат, шиноснома, ду акс ва квитансияи пардохти боҷи давлатӣ.

Ҳамчунин шаҳрвандони ИҶШС, ки қаблан шаҳрвандии ИҶШС - ро доштанд ва онҳое ҳам, ки хешу ақрабои наздикашон дар ҳудуди Русия бар мебаранд, имкон доранд бидуни гирифтани изоҷаи муваққатии иқомат (РВП) соҳиби шиноснома шаванд.

Дар як сол наздик ба 36 ҳазор зодаи Тоҷикистон шаҳрванди Русия шуданд

Истисно касоне ҳастанд, ки ҳамсари шаҳрванди Русия мебошанд. Онҳо бояд аввал иҷозаи муваққатӣ ва пасон шиноснома гиранд.

Лоиҳаи қонун дар Русия: муҳоҷирон боҷи давлатӣ пардохт кунанд

Навгониҳо ҳамчунин ба ашхосе, ки тибқи қонун донандаи забони русӣ пазируфта шудаанд, рабт дорад. Агар пеш чунин ашхос ба муҳлати се сол иҷозаи иқомат мегирифтанд, акнун, ин иҷоза бемуҳлат хоҳад шуд.

6338
Барчаспҳо:
муҳоҷирон, муҳоҷират, шаҳрвандӣ, Русия, Тоҷикистон
Мавзуъ
Шаҳрвандии Русия боиси ҷудошавии 124 оила дар вилояти Хатлон шудааст
Додгоҳи Хабаровск зодаи Тоҷикистонро аз шаҳрвандии Русия маҳрум кард
Президент РФ В. Путин

Путин гуфт, Русия ба кадом гурӯҳи муҳоҷирон ниёз дорад

1711
(Таҷдидшуда 17:54 04.07.2020)
Президенти Русия Владимир Путин гуфт Русия ба ҷавонони омодаи таҳсил ё соҳиби касбу маълуоти олӣ ниёз дорад

ДУШАНБЕ, 4 июл — Sputnik. Русия барои рушди иқтисодӣ ба муҳоҷирон ниёз дорад, гуфт президенти Русия Владимир Путин зимни вохӯрӣ бо лоиҳакашони ислоҳоти конститутсионӣ.

"Русия ба воридшавии муҳоҷирон манфиатдор аст, вале ба онҳое, ки ба кишвар лозиманд.<...> Русия ба воридшавии шаҳрвандони ҷадид ниёз дорад.<...> Чизе, ки ба иқтисод вобаста аст, комилан возеҳ аст ва пас аз чанде боз норасоии қувваи корӣ аёнтар хоҳад шуд", - гуфт президент.

Путин нарасидани қувваи кориро барои пешрафти иқтисоди кишвар монеъаи ҷиддӣ хонда аз онро аз мушкилоти мубрам гуфт.

Паспорта РФ в процессе производства
© Sputnik / Владимир Астапкович

Фармони нави Путин дар бораи патенту муҳоҷирон: кадом сабукиҳо мемонанду кадом не?-видео

Президенти Русия Владимир Путин таъкид кард, ки  Русия ба ҷавонони омодаи таҳсил ё соҳиби касбу маълуоти олӣ, ниёз дорад.

Дар баробари ин кишвардор қайд кард, ки дар раванди ҷалби муҳоҷирон набояд ҳуқуқи шаҳрвандони Русия нақз шавад.

Путин афзуд, ки Русия бамаротиб хостори воридшавии донандагони забони русӣ ва фарҳанги ин кишвар аст.

1711
Барчаспҳо:
муҳоҷират, баррасии воридшавӣ, муҳоҷирон, Владимир Путин
Таджикские мигранты застрявшие на границе Казахстана и Узбекистана

Беш аз 700 муҳоҷири дар марзи Қазоқистону Ӯзбекистон дармонда ба Тоҷикистон баргаштанд

262
(Таҷдидшуда 10:57 04.07.2020)
Созмони байналмилалии муҳоҷират (СБМ) ва Бунёди кӯдакони СММ (ЮНИСЕФ) дар ҳамкорӣ бо Ҳукумати Тоҷикистон ба бозгашти беш аз 700 шаҳрванди Тоҷикистон, ки дар марзи Қазоқистон бо Ӯзбекистон дармонда буданд, мусоидат намуданд

ДУШАНБЕ, 4 июл — Sputnik.  Мавҷи сеюми муҳоҷирони тоҷик, ки дар гузаргоҳи марзии Жибек Жоли дармонда буданд, тақрибан 700 нафар, аз ҷумла 41 кӯдакро фаро гирифт, иттилоъ додааст дафтари матбуоти Созмони байналмилалии муҳоҷират.

Манбаъ қайд кардааст, ки ин ибтикорро Ҳукумати Тоҷикистон дар ҳамкорӣ бо ҳукуматҳои Қазоқистон ва Ӯзбекистон ҳамоҳанг намуд ва онро намояндагиҳои СБМ дар ҳар се ҷумҳурӣ созмон доданд. Ин амалиёти интиқол ва ироаи ёриҳои башардӯстона ба муҳоҷирони дармонда бо ёрии молии Подшоҳии Норвегия сурат гирифт.

Дар ҳафтаҳои ахир, садҳо шаҳрванди Тоҷикистон ба марзи Қазоқистон бо Узбекистон бо умеди идомаи роҳ ба Тоҷикистон омада буданд. Бархе аз онҳо, аз ҷумла кӯдакон ва модаронашон дар марз дар шароити сабрзудо бо дастрасии маҳдуд ба об, ғизо ва маводи беҳдоштӣ ва зери хатари гирифторӣ ба КОВИД-19 муддате ба сар бурданд. Ба сабаби набудани паноҳгоҳ, муҳоҷирон дар зери ҳавои кушод ва гарм ба сар бурданд.

Манбаъ таъкид доштааст, ки кормандони СБМ дар ҳамкорӣ бо созмони маҳаллии иҷтимоии Сана Сезим ба муҳоҷирон об, ғизо, маводи беҳдоштӣ тақсим кард. ЮНИСЕФ Тоҷикистон дар бозгашти кӯдакон ба хонаҳояшон кӯмак расонид.

Бояд қайд кард, ки бемории фарогири КОВИД-19 ҳукуматҳоро водор намуд, то ҷиҳати пешгирӣ аз густариши вирус чораҳои зарурӣ андешанд. Ин чораҳо, ҳамчунин, аз маҳдудиятҳои сафар ва ҳаракат ҳам иборат буданд, ки ба ҳама таъсир расониданд, ва баъзе аз ин чораҳо вазъи осебпазири муҳоҷиронро мушкилтар гардонида, дар натиҷа, боиси бандмонии шумораи зиёди муҳоҷирон гардиданд.

Дар ҳамин ҳол, Оҷонси СММ доир ба муҳоҷират аз меъёрҳои пешгирӣ аз густариши КОВИД-19 истиқбол мекунад ва ҳамзамон, ба эҳтироми ҳаққи муҳоҷирон ва аҳли хонадони онҳо барои бозгашт таъкид менамояд. СБМ ва ЮНИСЕФ аз ҳамаи ҷонибҳои дахлдор дар кишварҳои мизбон, интиқол, ва ватани муҳоҷирон даъват намудааст, то роҳҳои бозгардонии муҳоҷирони дармонда, аз ҷумла кӯдаконро бо назардошти риояи меъёрҳои ҳимояи саломатии ҷомеа ҷӯё шаванд.

262
Барчаспҳо:
дармонданд, Ӯзбекистон, Қазоқистон, бозгашт, Ҳукумат, СММ, кӯдакон, муҳоҷират, муҳоҷирон, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон
Зеристгоҳ, акс аз бойгонӣ

Ҳалокати сокини ноҳияи Бобоҷон Ғафуров аз зарбаи барқ

0
Як сокини ҷамоати деҳоти Унҷии ноҳияи ба номи Бобоҷон Ғафуров аз расиши қувваи барқ ба ҳалокат расидааст

ДУШАНБЕ, 7 июл – Sputnik. Раёсати корҳои дохилӣ дар вилояти Суғд иттилоъ дод, ки субҳи 6 июл як сокини ноҳияи Бобоҷон Ғафуров аз зарби барқ ба ҳалокат расидааст.

“Санаи 6-уми июл, тахминан соатҳои 7: 30 дақиқа, Б. А., сокини ҷамоати Унҷии ноҳияи Бобоҷон Ғафуров дар вақти пайваст намудани нерӯи зеристгоҳи барқӣ, аз сабаби расиши қувваи барқ ҷароҳати ҷисмонӣ бардошта, ба ҳалокат расидааст”, иттилоъ дод масъули матбуотии РВКД дар Суғд ба Sputnik Тоҷикистон.

Ба иттилои манбаъ нафари ба ҳалокат расида ҷавони 31 сола будааст. Ҳодисаи фоҷиабор дар зеристгоҳи барқӣ дар дар деҳаи Қурғончаи ноҳияи Бобоҷон Ғафуров рух додааст.

Манбаъ тавзеҳ дод, ки эҳтимол дар вақти пайваст намудани ноқилҳои барқӣ дар зеристгоҳ техникаи бехатарӣ риоя нагардидааст. Дар бораи шуғли аслии нафари ҳалокшуда маълумот ироа нашудааст, ки оё ӯ барқчӣ аст ва ё як корманди кироя, ки барои насб намудани қувваи барқ ҷалб шудааст.

0
Барчаспҳо:
барқ, Тоҷикистон