Министр внутренних дел РФ Владимир Колокольцев. Архивное фото

Ҷавоби Колоколтсев ба вокуниш ва барқияи Раҳимзода оиди латукӯби бераҳмонаи ҷавони тоҷик

1172
(Таҷдидшуда 12:21 03.09.2019)
Вазири умури дохилаи Русия Владимир Колоколтсев ба барқияи ҳамтои тоҷикаш таваҷҷӯҳ намуда, аз мақомоти марбутаи ин кишвар дархост намудаст, то навори латукӯби шаҳрванди Тоҷикистон таҳқиқ шавад

ДУШАНБЕ, 3 сен — Sputnik.  Навори латукӯби бераҳмонаи  шаҳрванди Тоҷикистон дар Русия аз ҷониби ашхоси номаълум боиси вокуниши шадиди Рамазон Раҳимзода, Вазири умури дохилаи Тоҷикистон гардида буд.

Дар робита ба қазияи мазкур Раҳимзода ба ҳамтои русаш Владимир Колоколтсев барқия ирсол намуда, дархост кард то дастандаркорони озори бераҳмонаи шаҳрванди Тоҷикистон ҳамаҷониба таҳқиқ карда шавад.

Мусофирони автобуси Хуҷанд - Маскав: 4 - 5 рӯз дар роҳ, вале арзон

Зимнан Владимир Колоколтсев  ба дархости ҷониби Тоҷикистон посухи мусбат дода, фармон додаст, ки навори мазкур ҳаматарафа мавриди таҳқиқ қарор гирифта шавад.

Ба иттилои намояндаи расмии Вазорати умури дохилаи Русия, Ирина Волк, чанде қабл, Владимир Колоколтсев ба кормандони мақомоти марбута супориш додаст, то ба таҳқиқи навори латукӯби шаҳрванди Тоҷикистон, ки чанд рӯз боз дар шабакаҳои интернетӣ чарх мезанад, оғоз кунанд.

Дар Петербург мусофири таксӣ, ронандаи тоҷикро гаравгон гирифт

Айни замон, ба гуфтаи Ирина  Волк, ҳаққонияти сабти навор, шахсияти иштирокчиён, санна, ҷой ва дигар ҳолатҳои ҷиноят тафтиш карда мешавад.

Ёдовар мешавем, ки навори латукӯби бераҳмонаи шаҳрванди Тоҷикистон рӯзи 30 юми август дар шабакаҳои иҷтимоӣ паҳн гардид, вале то ҳол маълум нест, ки ин навор кай ва дар кадом минтақаи Русия сабт шудаст.

Додгоҳи Петербург ҳукми шаҳрванди тоҷик, ки нияти ба ДОИШ пайваст шуданро дошт эълон кард

Дар навор як гуруҳ ваҳшиёна бо даъвоҳои миллатгароёна ва таҳқири тоҷикон ҷабрдидаро бераҳмона мушту лагад зада, бо корд ба дасту пояш зарбаҳо заданд. Дар ҳоле, ки ҷавон нолон рӯяшро медошту дар замин мехобид гуруҳи ҷинояткор аъмолашонро идома дода, ба навор мегирифтанд.

1172
Барчаспҳо:
вокуниш, ВУД, Русия
Посетитель в многофункциональном миграционном центре Москвы, архивное фото

Русия умури муҳоҷиратро рақамӣ мекунад

675
(Таҷдидшуда 16:23 19.01.2021)
Вазорати умури дохилии Русия лоиҳаи қонунеро таҳия дорад, ки ба рақамисозии низоми муҳоҷирати кишвар равона шудааст

ДУШАНБЕ, 19 янв — Sputnik. ВУД Русия баъди як сол ба Думаи давлатӣ лоиҳаи қонун барои рақамӣ кардани низоми муҳоҷират дар кишварро пешниҳод хоҳад кард, хабар додааст ТАСС бо такя ба ноиби сардори Сарраёсати умури муҳоҷирати ВУД Русия, Павел Дутов.

“Барои мо истифодаи технологияи рақамӣ хеле муҳим аст”, - изҳор дошт Дутов зимни ҷаласаи Кумитаи ҳифзи сиҳатии Думаи давлатӣ.

Ба гуфтаи ӯ, дар доираи Вазорат аллакай низоме ҷорӣ мешавад, маълумот аз дигар сохторҳоро низ фаро хоҳад гирифт. Аз ҷумла тафтиши вуҷуди маълумотномаи тиббии муҳоҷир имконпазир хоҳад шуд. Ин иттилоъро метавон дар низоми онлайн гирифт.

Қаблан мудири Маркази таҳқиқоти умури муҳоҷират, корманди калони илмии Академияи улуми Русия, Дмитрий Полетаев изҳор дошт, ки рақамикунонии таъмини муҳоҷирон бо кор солҳои наздик афзоиш хоҳад ёфт. Ӯ таъкид намуд, ки рақамикунонӣ соҳаҳои дигарро низ фаро хоҳад гирифт.

Маврид ба зикр аст, ки Русия соли 2020 аз рӯи теъдоди муҳоҷирон ба панҷгонаи кишварҳои пешсаф шомил шуд, ки ба ҳисоби СММ дар қаламрави он ҳудуди 12 миллион муҳоҷир иқомат доранд.

675
Барчаспҳо:
рақамӣ, муҳоҷират, Русия
Марде дар майдони сохтмонӣ, акс аз бойгонӣ

Дастури Путин барои сода кардани ҷалби муҳоҷирон ба сохтмонҳо

497
Владимир Путин, раисиҷумҳури Русия, ба кабинаи вазирон дастур додааст, ки ба масъалаи сода кардани ҷалби муҳоҷирони меҳнатӣ ба сохтмонҳо расидагӣ кунад

ДУШАНБЕ, 18 янв — Sputnik. Раисиҷумҳури Русия ба Кабинаи вазирон супориш додааст, ки то 1 март масъалаи ҷалби содаи муҳоҷирони меҳнатӣ ба сохтмонҳо дар замони пандемияро баррасӣ намояд, хабар додааст РИА Новости.

“Путин ба Ҳукумат супориш дод, то 1 март ба масъалаи ҷалби содаи муҳоҷирон ба соҳаи сохтмон расидагӣ кунад”, - таъкид шудааст дар хабар.

Аз ҷумла баррасии ҷалби муҳоҷирони меҳнатӣ аз кишварҳои узви ИДМ ба сохтмонҳо бо риояи қоидаҳои беҳдоштӣ дар назар аст.

Қаблан Путин дар бораи ин масъала изҳор дошт, ки бояд имкон дод, то ҳам муҳоҷирон маблағ кор кунанду ҳам соҳаи сохтмон рушд ёбад.

Раисиҷумҳури Русия аз камбуди нерӯи корӣ дар бахши сохтмон суҳбат карда, таъкид намуда буд, ки ин мавзуъро бо ноиби сарвазир Марат Хуснуллин баррасӣ карда буд.

Вазорати сохтмони Русия барои вуруди соддаи муҳоҷирони меҳнатӣ бо риояи қоидаҳои беҳдоштӣ пешниҳод карда буд. Зикр гардид, ки ширкатҳои ниёзманд ба нерӯи корӣ метавонанд муҳоҷирони меҳнатиро бо риояи қоидаҳои беҳдоштӣ ва таъмини кору манзили зист ҷалб намоянд.

497
Барчаспҳо:
муҳоҷирон, Русия
День 21 января

Аз Рӯзи оғӯш то ниҳолшинонии Эмомалӣ Раҳмон дар боғи "Наврӯзгоҳ": имрӯзи таърих

0
(Таҷдидшуда 19:37 20.01.2021)
Рӯзи бисту якуми январ дар Лаҳистон – Рӯзи бибиҳо, дар Беларус — Рӯзи қӯшунҳои муҳандисӣ. Рӯзи байналмилалии оғӯш мебошад

Рӯзи 21 январ дар ҷаҳон чӣ рух дод

Соли 1862 Адам Опел дар шаҳри Рюсселхайми Олмон корхонаи истеҳсоли мошинаҳои дӯзандагӣ ифтитоҳ намуд. Соли 1886 ширкати "Опел" истеҳсоли дучарха ва соли 1899 истеҳсоли мошинро сар кард ва  ҳоло яке аз ширкатҳои машҳуртарин дар ҷаҳон мебошад.

Соли 1932 дар Остона аввалин шумораи рӯзномаи "Ҳақиқати Қазоқистон" («Казахстанская правда») нашр шуд.

Соли 1954 дар ҷаҳон нахустин маротиба бомбаи атомии зери обӣ сар дода шуд.

Соли 2011 дар Остона, дар  Донишгоҳи миллии санъати Қазоқистон ҷаласаи дуюми Шӯрои ректорони консерваторияҳои Иттиҳоди Давлатҳои Мустақил баргузор гардид.

Соли 2014 дар пойтахти Чин- шаҳри Пекин ҷаласаи якуми раёсати Шӯрои расмии Созмони ҳамкории Шанхай доир гардид. Дар ҷаласа роҳбарони қисмҳои миллии Шӯрои расмии кишварҳои иштирокчии СҲШ- Тоҷикистон, Русия, Чин, Қирғизистон, Қазоқистон ва Узбакистон ширкат варзиданд.

Соли 2016 ВАО хабар доданд, ки дастаҳои футболи Испания — "Реал" ва "Барселона", инчунин "Манчестер Юнайтед"-и Англия дар соли 2015 беш аз 500 миллион евро ба даст овардаанд.

Рӯзи 21 январ дар Тоҷикистон чӣ рух дод

Соли 2000 нахустин шумораи ҳафтаномаи "Азия-Плюс" аз чоп баромад.

Соли 2004 Парлумони Тоҷикистон ба қонун “Дар бораи уҳдадории умумии ҳарбӣ ва хизмати ҳарбӣ” тағйирот ворид кард, ки мувофиқи он муҳлати хизмати ҳатмии ҳарбӣ барои хатмкунандагони донишгоҳҳо аз 18 ба 12 моҳ поин оварда шуд.

Соли 2011 бо Фармони Президенти Тоҷикистон Хадамоти муҳоҷирати назди Ҳукумати Ҷумҳурии Тоҷикистон таъсис дода шуд.

Соли 2014 сарвазир Қоҳир Расулзода бо ҷараёни корҳои соҳилмустаҳкамкунӣ дар минтақаҳои наздисоҳилии  шаҳри Кӯлоб ва ноҳияи Восеи вилояти Хатлон шинос шуд.

Соли 2017  Эмомалӣ Раҳмон дар робита ба хабари ҳузнангези ба ҳалокат расидан ва ҷароҳат бардоштани шаҳрвандони Венгрия, аз ҷумла, кӯдакону наврасон бар асари садамаи воситаи нақлиётӣ дар Италия ба Президенти Венгрия Янош Адер барқияи тасаллият ирсол намуд.

Соли 2018 Эмомалӣ Раҳмон бо  раиси шаҳри Душанбе Рустами Эмомалӣ дар Боғи Наврӯзгоҳи пойтахт дарахтони нодири сояафкану ороишӣ шинонида, ба маъракаи ниҳолшинонӣ ва вусъати корҳои ободонию сабзазоркунӣ ва сабзу хуррам гардонидани муҳити атроф ҳусни оғоз бахшиданд.

Ҷашнҳои рӯзи 21 январ

  • Дар Лаҳистон – Рӯзи бибӣ (модаркалон).
  • Дар Беларус — Рӯзи қӯшунҳои муҳандисӣ.
  • Рӯзи байналмилалии оғӯш.

Рӯзи 21 январ кӣ ба дунё омадааст

Анвар Абдурасулов (1947)- физикдон, профессор.

Аҷамӣ Муҳаммадалӣ (1954) – шоир.

Бандишоева Савсан (1922 – 2003) – актрисаи театр, Ҳунарпешаи мардумии Тоҷикистон.

Гулов Тағоймурод (1945) – доктори илми кишоварзӣ.

Ғаниев Комилҷон (1950) – сароянда, Ҳунарпешаи мардумии Тоҷикистон.

Кандинов Лев (1932) – нависанда.

Каримова Аза (1925 – 2000) – доктори илми филологӣ.

Қаландарбеков Имомёрбек (1955)- доктори илми техникӣ, профессор.

Мастонгулов Мирзо (1939-2008)- доктори илми иқтисод, аввалин лётчики касбии тоҷик.

Маҳкамов Файз (1941) – дойрадаст, Ҳунарпешаи шоистаи Тоҷикистон.

Мирзоев Кароматулло (1941) – Нависандаи Халқии Тоҷикистон, дорандаи Ҷойизаи давлатии ба номи Рӯдакӣ.

Мусулмонкулов Раҳим (1938) – доктори илми филологӣ, профессор.

Собиров Султон ( 1933 – 1998) – доктори илми химия, профессор, Ходими шоистаи илми Тоҷикистон.

0
Барчаспҳо:
Ҷаҳон, Тоҷикистон, ҷашн
Мавзуъ
Аз ифтитоҳи радиои "Садои Душанбе" то марги 5 ҳазор нафар дар Чин: имрӯзи таърих
Аз зодрӯзи Аҳмад Бобоқулов то таҷдиди сохтори Дастгоҳи президент: имрӯзи таърих
Таъсиси "ЦРУ" ва тасдиқи лоиҳаи "CASA-1000" аз ҷониби Тоҷикистон: имрӯзи таърих
Рӯзи ҳамсар, таъсиси ноҳияҳои Хуҷанду Қумсангир ва зодрӯзи Дастин Поре: имрӯзи таърих