Граждане Узбекистана идут на посадку в терминале аэропорта Внуково

Бонки ҷаҳонӣ: муҳоҷирон наҷотбахши иқтисоди Аврупо ва Осиё Марказӣ мебошанд

138
(Таҷдидшуда 17:01 09.10.2019)
Бонки ҷаҳонӣ маърӯзаеро ба табъ расонидааст, ки дар он таъсири муҳоҷирон ба иқтисоди кишварҳои Аврупо ва Осиёи Марказӣ баррасӣ мегардад

ДУШАНБЕ, 9 окт — Sputnik. Дар бораи суст шудани ҷараёни болоравии иқтисодиёт дар Аврупо ва Осиёи Марказӣ хабаргузории РИА Новости дар истинод ба маърӯзаи Бонки ҷаҳонӣ иттилоъ додааст.

Дар ин санад маълумот дар бораи бо суръати хеле паст инкишоф ёфтани иқтисодиёт (1,8%) дар Аврупо ва Осиёи Миёна дар заминаи суст шудани рушди ин соҳа дар Русия ва Туркия оварда шудааст.

Ин ҷараён ҳамчунин ба “паст шудани афзоиши аҳолӣ, аз ҷумла кам шудани шумораи аҳолии  корӣ сабаб шудааст. Аммо муҳоҷират метавонад ба пешрафт ва рушди минтақа сабаб гардад”, - омадааст дар санад.

Дар маърӯза қайд шудааст, ки тайи 40 соли охир ҳиссаи муҳоҷирон дар Аврупо ба ниҳоят афзудааст.

Аз се як муҳоҷир кишварҳои Аврупоро интихоб мекунад. Мутаассифона муҳоҷирон ба бадбиниҳои дорои хусусиятҳои миллӣ дучор мешаванд.

“Чун қоида дар бештар ҳолат муҳоҷирон ин ашхоси дорои қобилиятӣ меҳнатӣ мебошанд, ки метавонанд фишори норасоии қувваи кориро рафъ намуда, ба рушди истеҳсолот ва болоравии иқтисодиёт сабаб гарданд”, - шарҳ дод иқтисодчии калони Бонки ҷаҳонӣ оид ба Аврупо ва Осиёи Марказӣ, Аслӣ Демиргюч-Кунт.

Дар маърӯза ба созгордиҳандагони сиёсати иқтисодӣ дар кишварҳои минтақа машварат дода мешавад, ки ба муҳоҷирон кумак расонанд: ба роҳ мондани тартиботи омӯзиши касбӣ ва навсозии системаи маориф амалӣ гардад, то ки мутахассисони ҷавон (нав) бо муҳоҷирон, ки миқдори камашон соҳибихтисос мебошанд рақобат накунанд.

Ҳамчунин пешниҳод шудааст, ки оид ба супурдани кумакҳои иҷтимоӣ ва суғуртаҳои иҷтимоӣ ба муҳоҷирон дар ҳолати бекорӣ чораҳои зарурӣ андешида шаванд.

“Ихроҷӣ мағзҳо”  (ва ё ба истилоҳ “утечка мозгов” – ҷараёни муҳоҷирати омавӣ, ки дар рафти он аз кишваре мутахасисон, олимон ва кормандони касбӣ бо сабабҳои сиёсӣ, иқтисодӣ, диннӣ ва ғайраҳо ба дигар ҷой кӯч мебанданд) дар маводҳои Бонки ҷаҳонӣ натиҷа ном додашудааст на сабаб.  

Мувофиқи омор ашхоси дорои маълумоти олӣ аз Босния, Гертсеговина 55 дар сад аз шумораи умумии муҳоҷиронро ташкил медодаанд. Ҳамин тариқ аз Арманистон ва Латвия зиёда аз 40%, аз Албания, Молдова, Македонияи Шимолӣ, Қирғизистон, Қазоқистон, Руминия ва Тоҷикистон наздик ба 40% ташкил медиҳанд.

138
Барчаспҳо:
кор, муҳоҷират, Русия, Тоҷикистон
Мигранты у здания Управления Федеральной миграционной службы России

Дар Русия 40% муҳоҷирон бо сабаби коронавирус бекор мондаанд

115
(Таҷдидшуда 15:12 09.07.2020)
Як таҳқиқот муаян кардааст, ки бештар аз 50% муҳоҷирон дар Русия тамоми манбаҳои даромади худро аз даст додаанд

ДУШАНБЕ, 9 июл — Sputnik. Дар Русия, бар асари пандемияи коронавирус бештар аз ҳама муҳоҷирони меҳнатӣ азият кашиданд, хабар медиҳад рӯзномаи тиҷоратии "Ведомости" бо истинод ба як пурсиши РАНХиГС.

Аз рӯйи натиҷаҳои ба даст омада, 40%-и муҳоҷирон ҳангоми пандемия бекор шуданд.

Илова бар ин, 35%-и муҳоҷирон маҷбур буданд ба рухсатии бемузд раванд.

Бештари тағирот ба муҳоҷироне, ки дар Маскав зиндагӣ мекарданд, таъсир расонд. Ҳамин тавр, 76% хориҷиён ҷои кори худро аз даст доданд ё ба рухсатии маҷбурӣ рафтанд.

Дар уммум 51% муҳоҷирон дар Русия ва 54% шаҳрвандони хориҷӣ дар Маскав гуфтаанд "ҳамаи манбаҳои даромад"-ро аз даст додаанд. Ҳамзамон, болоравии даромадҳо ва ё дар як сатҳ боқӣ мондани он танҳо 19% боқӣ мондааст.

Ёдовар мешавем, ки аз аввали сол ҷараёни муҳоҷират ба Русия нисбат ба ҳамин давраи соли 2019 беш аз 2 маротиба кам шудааст.

115

Коженов тағйиротҳо ҳангоми гирифтани патентро тавзеҳ дод

300
Раиси Федератсияи муҳоҷирони Русия Вадим Коженов тавзеҳ дод, ки аз 1 июл тартиботи гирифтани иҷозатномаи кор барои муҳоҷирон чигуна мешавад

ДУШАНБЕ, 8 июл — Sputnik. Раиси Федератсияи муҳоҷирони Русия Вадим Коженов дар мусоҳиба бо телевизиони "Мир-24" гуфт, ки аз 1 июл муҳоҷирони меҳнатӣ ҳангоми дархости патент бояд кадом тағйиротҳоро дар назар бигиранд.

Ӯ ёдрас шуд, ки 18 апрел раисҷумҳури Русия Владимир Путин фармонеро ба имзо расонид, ки мувофиқи он муҳоҷирони меҳнатӣ аз 15 март то 15 июн имтиёзҳои калон ба даст оварданд. Яъне, муҳоҷирон аз супурдани андози патент ва худро ба қайд гузоштан озод шуданд.

"Мақомоти Русия тамоми чораҷӯиҳоро андешиданд, то дар давраи мушкили карантин ба муҳоҷирон кӯмак расонанд", - таъкид кард Коженов.

Ёдрас мешавем, Русия аз 27 март, чун даҳҳо кишвари дигар, марзҳояшро баст ва парвозҳои байналмилалӣ лағв шуданд.

15 июн мӯҳлати амали фармони мазкур то 15 сентябр тамдид гардид.

"Ягона маҳдудият дар он аст, ки касе ки кор мекунад ва даромад дорад, бояд андози патентро супорад. Нафароне ки аз кор маҳрум шуданд, метавонанд, бидуни нигаронӣ аз ҷарима ва депорт дар ҳудуди Русия монанд", - гуфт президенти федератсия.

 

Ҳамчунин ӯ афзуд, ки ба муҳоҷирон иҷозат дода мешавад, ки бидуни убури сарҳад патент ба даст оранд. Зеро марзҳо бастаанд. 

Кӯмак: Коженов байни муҳоҷирон хӯрока тақсим кард - Навор

"Агар дар ин муддати зикргардида мӯҳлати патенти муҳоҷир ба анҷом расад, ӯ бидуни убури сарҳад метавонад навашро ба даст орад", - таъкид кард вай.

Раиси муҳоҷирон афзуд, ки Русия ба ворид шудани муҳоҷирон ба кишвар маҳдудияте ҷорӣ накардааст ва замоне ки карантин ба анҷом мерасад, хоҳишмандон метавонанд ба Русия сафар кунанд.

300

Паҳнсозони COVID–19 дар Тоҷикистон чӣ ҷазо мегиранд?

0
(Таҷдидшуда 21:14 09.07.2020)
Тағйироти ҷадид ба қонунгузории Тоҷикистон, ки мавриди амал қарор гирифтанд, барои паҳн кардани бемориҳои сироятӣ, аз ҷумла коронавирус ҷазои маъмурӣ ва ҷиноиро пешбинӣ мекунанд
Кадом ҷаримаҳо паҳнкунандагони коронавирусро дар Тоҷикистон таҳдид мекунанд
© Sputnik /

Тибқи меъёрҳои ҷадиди қонунгузории Тоҷикистон, барои паҳни иттилои бардурӯғ дар шароити пандемия ва амалисозии чораҳои қарантинӣ шахсони инфиродӣ аз 580 сомонӣ боло ва шахсони ҳуқуқӣ то 11,6 ҳазор сомонӣ ҷаримабандӣ хоҳанд шуд.

Инчунин нақзи қоидаҳои ниқобпӯшӣ дар ҷойҳои ҷамъиятӣ, аз ҷумла дар боғҳо, бозор, мағоза, қаҳвахона, нақлиёт ва ҳатто ҷои кор ҷарима дар ҳаҷми аз 116 то 290 сомонӣ дар пай дорад.

Ҷаримаҳои алоҳида барои риоя накардани меъёрҳои санитарию эпидемиологӣ пешбинӣ гардидаанд. Аз ҷумла барои нақзи қоидаҳои беҳдошт ҳангоми паҳншавии бемориҳои сироятӣ ҷазои пулӣ дар ҳаҷми аз 2 то 5 маоши ҳадди ақал пешбинӣ шудааст.

Эълони ҷазои Зиёев барои таҷовузи духтарчаи сесола - акс

Барои вайрон кардани қоидаҳои санитарию эпиемиологӣ ба шаҳрвандони қаторӣ аз 406 то 696 сомонӣ, ба соҳибкорон - аз 1160 то 3480 сомонӣ, мансабдорон - аз 3480 то 4640 сомонӣ, шахсони ҳуқуқӣ - аз 8700 то 11 600 сомонӣ таҳдид карда, дар сурати такрори қоидавайронкунӣ афзоиши ҷарима дар назар аст.

Инчунин бар асоси тағйирот дар қонунгузории Тоҷикистон, барои паҳнсозии бемориҳои сироятӣ ҷазои ҷиноӣ низ пешбинӣ шудааст. Аз ҷумла барои сирояти оммавии атрофиён аз 2 то 5 сол ва барои расондани зарари вазнин ба саломатӣ ё сироят, ки марг дар пай дорад, аз 5 то 10 соли зиндон дар назар аст.

0
Барчаспҳо:
дурӯғ, дезинформация, ниқоби сиёҳ, ҳабс, ҷарима, Тоҷикистон