Муҳоҷирон дар фурудгоҳ, акс аз бойгонӣ

130 тоҷикистониро аз марзи Русия гардонданд: вуруди 52 ҳазори дигар мамнӯъ шуд

976
(Таҷдидшуда 11:33 27.10.2019)
Дар 9 моҳи соли равон 130 шаҳрванди Тоҷикистон аз гузаргоҳҳои сарҳадии Русия бозпас гардонда шуда, ба феҳрасти афроди мамнӯъ-ул-вуруд боз наздики 53 ҳазор нафари дигар зам гардид

ДУШАНБЕ, 27 окт — Sputnik. Мақомоти Тоҷикистон дар ҷамъбасти омори 9-моҳа иттилоъ доданд, ки теъдоди шаҳрвандони кишвар, ки вурудашон ба Русия мамнӯъ мебошад, 261 ҳазору 215 нафарро ташкил медиҳад. Нашрияи “Садои мардум” аз қавли мақомоти муҳоҷирати Тоҷикистон хабар додаст, ки теъдоди афроди мамнӯъ-ул-вуруд дар муқоиса ба соли гузашта 52 ҳазору 831 нафар ё 25 дарсад зиёд шудааст.

Манбаъ бо такя ба маълумоти расмӣ афзуд, ки дар нуҳ моҳи соли равон 411 ҳазору 344 нафар шаҳрванди Тоҷикистон, аз ҷумла, 58868 нафар бону бо мақсади муҳоҷирати меҳнатӣ ба хориҷа сафар кардаанд. Ин нисбат ба ҳамин давраи соли гузашта 86108 кас ё ин ки 26 дарсад зиёд буда, дар муқоиса ба ҳамин давраи соли гузашта муҳоҷирати мардон 25 ва занон 34 фоиз афзудааст.

Афзоиши муҳоҷират ба Русия ва фавти 688 тоҷикистонӣ дар хориҷ

Мақомоти Тоҷикистон мегӯянд, аз шумораи умумии муҳоҷирони меҳнатӣ 401 ҳазору 460 нафар ба Русия сафар кардаанд, ки нисбат ба ҳамин давраи соли гузашта 29 дарсад ё 90 ҳазору 177 нафар зиёд мебошанд. Инчунин 8 ҳазору 415 тоҷикистонӣ ба Ҷумҳурии Қазоқистон ба муҳоҷирати меҳнатӣ рафтаанд.

Вазири адлия гуфтаҳои Путинро дар бораи номивазкунӣ тасдиқ кард

Теъдоди шаҳрвандони фавтида дар хориҷ аз мамлакат 688 нафар арзёбӣ шудааст, ки назар ба 9 моҳи соли қаблӣ 51 нафар ё 8 дарсад зиёд аст.

Ин дар ҳолест, ки ахиран Саидасрор Саидов, сардори раёсати муҳоҷирати Вазорати меҳнат, муҳоҷират ва шуғли аҳолии Тоҷикистон, зимни нишасти матбуотӣ гуфт,  мақомоти кишвар ҳамроҳ бо мақомоти Русия масъалаи афви муҳоҷирони меҳнатро баррасӣ доранд ва имкон дорад то охири сол ин масъала ҳалли худро пайдо намояд. 

976
Барчаспҳо:
эъломи теъдоди афроди мамнуъ дар Русия, мамнуъ ул-вуруд, депорт, муҳоҷират, Тоҷикистон-ИДМ

Ҳалокати тоҷикистонӣ зери масолеҳи сохтмонӣ дар мағоза: харидор буд - видео

525
(Таҷдидшуда 14:44 07.08.2020)
Шаҳрванди Тоҷикистон дар мағозаи сохтмоние дар Тюмен фоҷиабор ба ҳалокат расид: Кумитаи тафтишотии Русия аз рӯи ҳодиса парванда боз кард

ДУШАНБЕ, 7 авг — Sputnik. Шаҳрванди Тоҷикистон дар ҳудуди як мағозаи сохтмонӣ ба ҳалокат расид, хабар медиҳад "Россия 1 Тюмень".

Руҳулло Нурматов дар шаҳри Тюмен ба сифати сохтмончӣ кор мекард. Дар баробари фаъолият ба сохтмони хонаи худӣ машғул буд.

Шоми 4 август шаҳрванди 33-солаи Тоҷикистон барои интиқоли маводҳои фармоишдодашуда ба мағоза омад.

Ҳалокати муҳоҷири тоҷик баъди сарозер шудан аз ошёнаи 12: ҳамагӣ ду рӯз кор кардааст

Дар қисмати боркунии маводҳои сохтмонӣ, замоне, ки плитаҳои тахтагинро ба дохили мошини боркаш бор мекарданд, боркунак ба дигар тараф тоб хӯрду масолеҳи сохтмонӣ ба сари Руҳулло чаппа шуд.

Нурматовро ба бемористон интиқол доданд, вале ҷароҳатҳои вазнин боиси марги ҷавон шуд.

Шаҳрванди Тоҷикистон хонадор ва соҳиби ду фарзанд буд.

Феълан аз ҷониби Кумитаи тафтишотии Русия аз рӯи ин ҳодиса парвандаи ҷиноӣ боз шудааст.

525
Барчаспҳо:
тоҷикистонӣ, муҳоҷир, ҳалокат, Тюмен

Муноқишаи муҳоҷирон бо мақомоти қудратӣ дар марзи Русия ва Қазоқистон: ҷузъиёт

227
(Таҷдидшуда 16:00 05.08.2020)
Интизорӣ барои бозгаштан ба Ватан, дар марзи Русия ва Қазоқистон бо муноқишаи миёни муҳоҷирон ва кормандони қудратӣ анҷомид

ДУШАНБЕ, 5 авг — Sputnik. Дар марзи Русия ва Қазоқистон миёни муҳоҷирон ва кормандони қудратӣ муноқиша сар зад. Нахустин шуда шабакаи Match аз ин ҳодиса хабар дод.

Дар ин шабака наворе нашр шуда буд, ки дар он муҳоҷирон ба сӯи марз ҳаракат мекунанд. Аз навор суханони қабеҳ шунида мешуд.

Пасон намояндаи расмии Гвардияи миллии Русия Валерий Грибакин дар суҳбат бо "Интерфакс" гуфт, ҷанҷол рӯзи 3 август рух дод.

Шаҳрвандони дармондаи Тоҷикистон дар марзи Қазоқистону Ӯзбекистон, ба Ватан расиданд

"Муноқишаи миёни муҳоҷирон ва мақомоти қудратӣ дар вилояти Самара ба зудӣ, бидуни дахолати намояндагони Гвардияи миллӣ пахш шуд", - қайд кард Грибакин.

Бино ба гузориши "Интерфакс" қазия субҳидам, соати 9 ба вуқӯъ пайваст. Мардум дар интизори сафар буданд, вале ягон хабар нашуду онҳо ба ғазаб омаданд.

Дар паи ин низоъ касе осеб надидааст. Феълан вазъият дар марзи Русия ва Қазоқистон ором аст.

Айни ҳол дар урдугоҳи муваққатӣ дар марзи Қазоқистону Русия 840 муҳоҷир дар интизори интиқоли онҳо ба ватан мебошанд. Онҳо шаҳрвандони Тоҷикистон ва Ӯзбекистон ҳастанд.

Ваколатдор оид ба ҳуқуқи инсон дар вилояти Самара то ҳол ин қазияро шарҳ надодааст.

227
Барчаспҳо:
муҳоҷирон, муноқиша, Қазоқистон, Русия

Бомбандози Су-27 ду ҳавопаймои ҷосусии Амрикоро забт кард - видео

0
(Таҷдидшуда 18:56 09.08.2020)
Бомбандози Русия СУ-27 ду ҳавопаймои ҷосусии Амрикоро дар манотиқи бетарафи Баҳри Сиёҳ, забт кард. Низомиёни Амрикоро Қувваҳои дифоъи ҳавоии Русия ошкор карданд ва ба ҳаво бархостанд

"Экипажи бомбандози Русия оҳиста -оҳиста ба ҳавопаймо наздик шуда, онҳоро чун ҳавопаймои ҷосусии - RC-135 ва Р 8А "Посейдон" муайян кард. Нақзи марзи давлатии Федератсияи Русия аз ҷониби ҳавопаймоҳои ҷосусии Амрико иҷозат дода намешавад", - гуфт Вазорати дифоъи Русия.

Ин дуюмин қазияи ҳавоӣ дар масири Баҳри Сиёҳ мебошад. Бори аввал СУ-27 - RC-135 ва Р 8А "Посейдон" - ро ҳафтае пеш забт карда буд. Иғвогарӣ дар сарҳади Русия ҳамоно бештар мешавад.

Миёнаҳои моҳи июл бомбандозони Русия аз болои Баҳри Сиёҳ ду ҳавопаймои ҷосусӣ - боз ҳам ҳамон - Р 8А "Пасейдон" ва U-2S забт карданд.

Моҳи июн Қувваҳои ҳавоии Русия бомбандозони ИМА B-52H-ро забт карда буданд. Онҳоро ҳавопаймоҳои Су-30, Су-35 ва МиГ-31 ҳамроҳӣ карданд.

Моҳи май халабонони Русия бомбандози ИМА B-1B - ро дар масири Баҳрҳои Сиёҳ ва Балтик забт карда буданд.

Пас аз ҳар амали иғвогарона амрикоиҳо Русияро бидуни ҳеҷ далел, дар рафтори ношоям гунаҳкор мекунанд.

Вазорати дифоъи Русия ин айбдориро беасос мехонанд ва қайд мекунанд, ки доим тибқи меъёрҳои байналмилалӣ амал менамоянд.

Ин амалҳои иғвогарона авзоъи минтақаро муташанниҷ мегардонад. Вале бад шудани вазъият ва натиҷаҳои бебозгаштро танҳо бо касбияти халабонони Русия мешавад бартараф кард.

 

 

 

 

 

 

 

 

0
Барчаспҳо:
халабон, ҳавопаймо, Русия