Трудовые мигранты возвращаются домой

Думаи давлатии Русия кори гурӯҳии муҳоҷиронро баррасӣ мекунад

291
(Таҷдидшуда 15:59 17.12.2019)
Созишнома ҳанӯз17 апрели соли равон дар шаҳри Маскав аз ҷониби кишвардорон Владимир Путин ва Эмомалӣ Раҳмон дар доираи сафари расмии Президенти Тоҷикистон ба Русия имзо шуда буд

ДУШАНБЕ, 17 дек — Sputnik. Имрӯз вакилони Думаи давлатии Русия дар нишасти худ масъалаи тасвиби созишномаи миёни Русия ва Тоҷикистон дар бораи ҷалби муташаккилонаи шаҳрвандони ҶТ барои кори муваққатӣ дар ФР - ро баррасӣ мекунанд, хабар медиҳад ТАСС.

Тибқи ин санад, мақомоти ваколатдори давлатии Тоҷикистон ухдадоранд, ба шаҳрвандони худ дар бораи имконияти таъмини кор дар Русия бо тартиби ҷалбкунии муташаккилона ва интихоби номзадҳо барои шуғл, ки тибқи талаботи корфармо дорои тахассус ва таҷрибаи зарурӣ, омодагии касбӣ, бозомӯзӣ ва такмили ихтисос мебошанд, иттилоъ диҳанд.

Дар баробари ин, дар доираи созишнома, дар рӯйхати кофтукови байналмилалӣ ё байнидавлатӣ қарор доштани номзадҳо, инчунин мавҷудияти доғи судӣ нисбат ба онҳо аз ҷониби мақомоти дахлдори Тоҷикистон санҷида мешавад.

"Татбиқи ин чорабиниҳо ҳифзи ҳуқуқҳои шаҳрвандони Тоҷикистонро, ки мехоҳанд дар қаламрави Русия фаъолият кунанд, таъмин менамояд ва ба таъмини кор барои шаҳрвандони Ҷумҳурии Тоҷикистон, ки дорои дониш, малака ва ихтисоси мутобиқ ба талаботи корфармоёнанд, дар Федератсияи мусоидат менамояд», — омадааст дар санад.

Ёдовар мешавем, ки созишнома 17 апрели соли равон дар шаҳри Маскав аз ҷониби кишвардорон Владимир Путин ва Эмомалӣ Раҳмон дар доираи сафари расмии Президенти Тоҷикистон ба Русия имзо шуда буд.

Моҳи ноябр Ҳукумати Русия ин созишномаро барои тасвиб ба Думаи давлатӣ пешниҳод кард.

291
Барчаспҳо:
баррасӣ, созишнома, Думаи давлатӣ

Ду донишҷӯи тоҷик мубталои коронавирус шуда, ба бемористон бистарӣ шуданд

555
Ду донишҷӯи тоҷик дар шаҳри Рибински вилояти Ярослав дар пайи сироятёбӣ аз коронавирус зери табобати пизишкон фаро гирифта шуданд

ДУШАНБЕ, 3 июн — Sputnik. Ду донишҷӯи тоҷикистонӣ дар вилояти Ярослав пас аз натиҷаҳои мусбии тахшиси коронавирус дар беморхонаи шаҳрӣ зери назорати табибон қарор гирифтанд.

Дар ин бора нашрияи минтақавии Рибинск хабар медиҳад.

"Ду донишҷӯ, шаҳрвандони Тоҷикистон ба беморхона интиқол ёфтанд. Ташхиси коронавирус дар бадани онҳо мусбӣ будаст. Аммо нафаре аз онҳо ягон нишанаи бемориро надоштаанду феълан худро хуб ҳис мекунанд", - менависад нашрия.

Ҳарду донишҷӯ ҳам дар хобгоҳи донишгоҳ зиндагӣ мекарданд. Бино бар сабаби карантин ва баста шудани роҳҳо натавонистанд ба Тоҷикистон раванд.

Боқимонда донишҷӯёне, ки дар ҳамин хобгоҳ зиндагӣ мекарданд, аз ташхис гузаштанд. Онҳо зери назорати табибон қарор доранд.

Фаврӣ: Тоҷикистон шаҳрвандонашро марҳила ба марҳила аз Русия, ба Ватан бармегардонад

 

133 донишҷӯи дигар ба карантини 14-рӯза фаро гирифта мешаванд.

 

555

Русия афви сартосарии муҳоҷиронро баррасӣ дорад: Вазир аз камии муҳоҷирон гуфт

2086
(Таҷдидшуда 21:07 02.06.2020)
Вазоратҳои меҳнат, ҳифзи иҷтимоӣ ва корҳои дохилии Русия сари тағйири сиёсат дар умури муҳоҷират кор карда истодаанд

ДУШАНБЕ, 2 июн — Sputnik. Антон Котяков, вазири меҳнат ва ҳифзи иҷтимоии Русия, гуфт, дар бархе минтақаҳои кишвар аллакай камбуди шадиди муҳоҷирон эҳсос мешавад.

“Вазъ дар умури муҳоҷирон вобаста ба минтақаҳои Русия гуногун мебошад. Имрӯзҳо дар қисме аз минтақаҳо аллакай норасоии шадиди муҳоҷирон барои даст ёфтан ба ҳадафҳои гузоштаамон, эҳсос мешавад”, - изҳор дошт Котяков.

Вазири меҳнати Русия таъкид кардааст, ки феълан якҷо бо ВУД тағйирот дар умури муҳоҷиратро баррасӣ доранду ояндаи наздик пешниҳодоти мушаххасро ироа хоҳанд кард.

Қаблан РИА Новости бо такя ба ВУД Русия аз эҳтимоли афви сартосарии муҳоҷирон дар қаламрави кишвар хабар дод.

Ба иттилои манбаъ, дар марҳилаи пандемия то 12 миллион шаҳрванди хориҷӣ дар Русия қарор доштанд, ки аз ин танҳо 2.5 миллион нафар расман ба қайд гирифта шудаанд.

“Пешниҳод шуд, ки дар Русия афви сартосарӣ эълон карда шавад, то муҳоҷироне, ки ғайрирасмӣ ё нимарасмӣ дар Русия қарор доранд, ҳузурашонро қонунӣ кунанд. Ҳамин тариқ сабти оммавии давлатӣ амалӣ  карда шавад”, - иттилоъ дода буд ВУД.

Манбаъ таъкид карда буд, ки феълан ин масъала дар ҳоли баррасӣ қарор дорад.

2086
Мавзуҳо:
Пайомадҳои COVID-19 дар Тоҷикистон ва ҷаҳон
Министр МВД Таджикистана Рахимзода Рамазон Хамро

Нашри китоби нави Раҳимзода ва тавсифи Хайрандеш аз он

0
(Таҷдидшуда 17:28 05.06.2020)
Нашриёти "Эр-Граф" котиби тозаи вазири умури дихилаи Тоҷикистон Рамазон Раҳимзодаро, ки бо тахаллуси Ниҳонӣ шеър менависад, нашр кардааст

ДУШАНБЕ, 5  июн — Sputnik. Нашриёти “Эр-Граф” китоби нави ашъори шоир Ниҳониро, ки тахаллуси вазири умури дохилии Тоҷикистон Рамазон Раҳимзода аст, бо номи "Асрори  инсонӣ" ба нашр расонид, хабар додааст Китобхонаи миллии Тоҷикистон.

Китоби  мазкур суруду  таронаҳои  тозаэҷоди  шоир  Ниҳониро  дар  бар гирифтааст, ки  ҳамзамон  ба  забони  чинӣ низ  тарҷума  гардидаанд.

Китоби мазкурро хонандагон  метавонанд дар Китобхонаи миллӣ мутолиа намоянд. Китоб бо сарсухани узви   Иттифоқи  нависандагони  Тоҷикистон, шоири маъруф Хайрандеш чоп шудааст.

“Шоир  Ниҳонӣ  дар  арсаи  адабиёти  муосири  тоҷик  яке  аз адибонест,    ки  бо  нигоштаҳои  ватандӯстонаи  худ  ободӣ  ва  пешрафту шукуфоии  Тоҷикистони  соҳибистиқлолро   бо  ҷаззобияти  махсус  васф  мекунад", - навиштааст Хайрандеш.

Номаи сипоси сафири Куриё ба Рамазон Раҳимзода: барои наҷоти сайёҳ-акс

 Шоир  дар  ашъораш  таърих,  фарҳанг  ва сиёсати  пешгирифтаи  Ҳукумати  Ҷумҳурии  Тоҷикистонро   аз  даврони  соҳибистиқлол  гаштани мамлакат  то  имрӯз  вобаста  ба  ҳар  як  санаҳои  муҳими  сиёсӣ  сари вақт  ва  таъсирбахшу  нишонрас   ифода    кардааст.

Пештар Раҳимзода зимни нишасти матбуотӣ дар Душанбе ба суоли хабарнигорон, ки чигуна дар ин мақоми серташвишу пурмасъулият фурсат барои эҷоди шеъру шоирӣ меёбад, посух дод, ки асосан шабона ба эҷодиёт машғул мешавад.

“Баъди соати 8-9 ҳар чизе лозим бошад менависам, пешниҳод мекунам”, - изҳор дошт Раҳимзода ва таъкид намуд, ки он ба фаъолияти корияш вобастагӣ надорад.  

Вазир - шоир: генерал Раҳимзода фурсати шеърнависияшро гуфт - навор

Ин дар ҳолест, ки қаблан театри ба номи Абулқосим Лоҳутӣ достони "Дили модар"-и шоир Ниҳониро ба саҳна гузошта буд. Ин достон аз саргузашти як ҷавони тоҷик, ки ба гурӯҳи ифротӣ пайваста, дар охир модари худро ба қатл мерасонад, нақл мекунад.

Инчунин пештар хабар дода шуд, ки ҳунарманди мардумии Тоҷикистон Афзалшо Шодиев шеъри "Эҳёи дӯстӣ"-и Ниҳониро оҳанг баст.

 

Ин шеъри вазири умури дохилии Тоҷикистон ба барқарор шудани муносибатҳои хуби Тоҷикистону Узбакистон бахшида шуда, пас аз сафари раисҷумҳури Узбакистон Шавкат Мирзиёев дар моҳи март ба Тоҷикистон расонаӣ гашт ва онро Афзалшо Шодиев ҳангоми сафари ҳунарӣ ба кишвари ҳамсоя иҷро кард.

0