Владимир Путин, ҳангоми имзои санад, акс аз бойгонӣ

Путин созишномаи муҳоҷират бо Тоҷикистонро имзо кард

1938
Владимир Путин, раисиҷумҳури Русия қонуни тасвиби созишномаи муҳоҷират бо Тоҷикистонро имзо кардааст

ДУШАНБЕ, 29 дек — Sputnik. Путин созишнома дар мавриди ҷалби муташаккилонаи муҳоҷирони меҳнатӣ аз Тоҷикистон ба Русияро ба тасвиб расонд, хабар додааст пойгоҳи ҳуқуқии Русия.

Эмомалӣ Раҳмон, раисиҷумҳури Тоҷикистон бо имзои қарори Ҳукумат созишнома бо Русия дар мавриди ҷалби муташаккилонаи муҳоҷирони меҳнатиро нимаи моҳи равон тасдиқ карда буд.

Раҳмон зимни суҳбаташ дар бораи созишномаи мазкур гуфт, “мавриди иҷро қарор гирифтани ин санад барои беҳбуд бахшидан ба шароити будубош ва фаъолияти меҳнатии шаҳрвандони Тоҷикистон дар қаламрави Русия муҳим мебошад”.

Тибқи иттилои Шӯрои Федератсияи Русия, бар асоси созишномаи мазкур мақомоти Тоҷикистон шаҳрвандонашонро дар мавриди ҷойҳои корӣ, тартиби муҳоҷирати муташаккилона огоҳ хоҳанд кард. Ҷониби Тоҷикистон уҳдадор шудааст, ки довталабони кор дар Русия, ки дорои малакаю таҷрибаи корӣ мебошанд, тибқи дархости корфармо таъмин кунад, барои такмили ихтисос ё бозомӯзӣ чора андешад. Инчунин мақомоти тоҷик бояд, бисанҷанд, ки довталабони кор дар Русия таҳти пайгарди байналмилалӣ набошанду ҷазои адонашударо надоранд.

Парлумони Русия таъкид кардааст, ки корфармоён дар интихобу ҷалби муташаккилонаи муҳоҷирони меҳнатӣ иштирок карда, барои дар қайд мондани муҳоҷирону дигар расмиёти қонунӣ уҳдадор мебошанд.

Ҷониби Русия афзудааст, ки ин чорабиниҳо барои ҳифзи ҳуқуқи шаҳрвандони Тоҷикистон, ки хоҳиши кор дар Русияро доранд, мусоидат мекунад. Сенаторҳои Русия мегӯянд, созишнома имкон медиҳад, муҳоҷирони соҳибтаҷриба дақиқ, тариқи суроғавӣ бо кор таъмин гарданд.

Дар санад таъкид шудааст, дар сурати анҷоми муҳлати созишномаи меҳнатӣ, ё анҷоми муҳлати иҷозатномаи кор шаҳрванди Тоҷикистон уҳдадор аст, давоми 15 рӯзи тақвимӣ қаламрави Русияро тарк кунад, ё дар назди корфармои дигар бо дарёфти иҷозатномаи кор ба фаъолият оғоз кунад.

Ин санад моҳи апрели соли равон дар Маскав аз ҷониби Эмомалӣ Раҳмон, раисиҷумҳури Тоҷикистон ва ҳамтои русиягияш Владимир Путин имзо шуда, акнун баъди анҷоми расмиёти дохилӣ мавриди амал қарор мегирад.

1938
Барчаспҳо:
имзо, Владимир Путин, созишнома, Русия-Тоҷикистон
Девушка сдает кровь для прохождения теста на наличие антител к вирусу SARS-CoV-2

Дар Русия муҳоҷиронро аз бемории COVID - 19 ройгон табобат мекунанд

107
Барои шаҳрвандони хориҷӣ, новобаста аз мақомашон дар Федератсияи Русия табобати ройгон аз бемории коронавирус кафолат дода мешавад

ДУШАНБЕ, 30 окт — Sputnik. Новобаста аз шаҳрвандӣ беморони гирифтори коронавирусро дар Маскав якхел табобат мекунанд, гуфтанд дар суҳбат бо "Парламентская газета" намояндагони Департаменти тандурустии Маскав.

Тибқи қавонини Русия суруғта ва табобат мувофиқи бимаи тиббиии навъи (ОМС) барои шаҳрвандоне, ки иҷозаи иқомати муваққатӣ ё худ РВП ва ВНЖ доранд ва ба шаҳрвандони кишварҳои узви Иттиҳоди УрОсиё ва паноҳҷӯён роҳандозӣ шудааст.

Муҳоҷирон аз Озарбойҷон, Молдова, Тоҷикистон ва Ӯзбекистон бояд бимаи тибби навъи (ДМС) сурғуртаи ихтиёрии тиббӣ дошта бошанд.

Дар робита ба ҳамагирии коронавирус аз моҳи январ ба барномаи бимаи тиббӣ табобат гирифтан за бемории коронавирус низ ворид мешавад.

Барои шаҳрвандони хориҷӣ, новобаста аз мақомашон дар Федератсияи Русия дар расонидани ёрии таъҷилӣ ройгон аст.

Роҳбари Федератсияи муҳоҷирони Русия Вадим Коженов гуфт, афроде, ки коронавирусро ба таври шадид аз сар гузарониданд, бо табобати пурра таъмин шуданд.

Вале онҳое, ки гирифтори шакли сабуктари коронавирус шуданд, ба вазъияти душвортар дучор гардиданд: бояд ҳама чизро аз ҳисоби худ мехариданд ва аксар вақт маблағ намерасид.

Ташкилотҳои ҷамъиятӣ аз қабили созмони "Нур", Бунёди Қодиров ва ғайра ба муҳоҷирон дар ин самт кӯмак мекунанд.

Раёсати тандурустии Маскав гуфтааст, ки шаҳрвандони хориҷии гирифтори коронавирус баробари русҳо табобат карда мешаванд.

"Департамент омори алоҳидаи муҳоҷирони маризи коронавирусро ҳисоб намекунад. Фарқе надорад, ки шаҳрванди кадом давлат табобат мегирад", - гуфтанд дар шӯъба.

Шаҳрвандони хориҷӣ дар дигар манотиқи Русия низ аз COVID-19 ройгон табобат мегирифтанд, гуфт Галина Рагозина, коршиноси Форуми созмонҳои муҳоҷират.

107
Барчаспҳо:
муҳоҷирон, вируси корона, табобат, Русия
Мавзуҳо:
Пайомадҳои COVID-19 дар Тоҷикистон ва ҷаҳон

Вакил гуфт, бекор кардани патент барои муҳоҷирон чӣ пайомад дорад

400
(Таҷдидшуда 20:06 28.10.2020)
Ба гуфти вакил сабукӣ барои муҳоҷирони метавонад вокунииши манфии шаҳрвандони Русияро ба бор орад ва ба амният хатар дошта бошад

ДУШАНБЕ, 28 окт — Sputnik. ВУД Русия пешниҳод карда, ки қонун "Дар бораи вазъи ҳуқуқии шаҳрвандони хориҷӣ дар ФР" ислоҳ карда шавад ва барои бархе аз гурӯҳи муҳоҷирон патент бекор гардад.

Светлана Бессараб, узви Кумитаи Думаи давлатӣ оид ба меҳнат, сиёсати иҷтимоӣ ва собиқадорон, дар суҳбат бо Парламентская газета аз чунин навоварӣ интиқод кард.

Дар Русия барои муҳоҷирони ғайриқонунӣ низ Маркази имдод ифтитоҳ мешавад

"Ман ба чунин ташаббус эҳтиёткорона муносибат мекунам. Тавре таҷриба нишон медиҳад, аз ҷумла дар кишварҳои Урупо, на ҳамеша пур кардани ҷойҳои корие, ки мардуми бумӣ намехоҳад аз ҳисоби муҳоҷирон, хуб аст. Аксар вақт ин амалкард бо амнияти давлатӣ алоқаманд аст". қайд кард Бессараб.

Вакил афзуд, ки чунин навгониҳо барои муҳоҷирони сохтмончӣ метавонад вокунииши манфии шаҳрвандони Русия ва иттифоқҳои касабаро ба бор орад.

Чунин вокуниш махсусан имрӯзҳо, ки сатҳи бекорӣ дар Русия дар ҳоли афзоиш аст, интизоршаванда мебошад.

Ба ширкатҳои бузурги сохтмонӣ иҷозат дода мешавад, муҳоҷиронро аз Тоҷикистон даъват кунанд

Рӯзи 26 октябр Вазорати корҳои дохилии Русия тарҳи ислоҳи қонун "Дар бораи вазъи ҳуқуқии шаҳрвандони хориҷӣ дар Федератсияи Русия" -ро барои муҳокимаи умум нашр кард.

Тибқи ҳуҷҷат, хориҷиён метавонанд бидуни патент ва иҷозатномаи кор дар ширкатҳои байналмилалии Русия кор кунанд: дар сохтани иншооти барои чорабиниҳо зарурӣ пешбинишуда ва ҳангоми омодагӣ ва иштирок дар чунин чорабиниҳо.

Рӯйхати чорабиниҳо, ташкилкунандагон ва лоиҳаҳои сохтмонро ҳукумат муайян мекунад.

400
Барчаспҳо:
муҳоҷирон, хатар, патент, Русия
Пожар, архивное фото

Сержант то омадани оташнишонҳо сӯхторро хомӯш кард

0
Вазорати умури дохилии Тоҷикистон мегӯяд, новобаста аз бурдани корҳои зиёди пешгирикунанда, ҳамоно бисёре аз масъулини дӯкону марказҳои савдо, мағозаву бозорҳо қоидаҳои бехатарӣ аз сӯхторро нодида мегиранд

ДУШАНБЕ,  31 окт — Sputnik. Тибқи иттилои ВУД, шаби 29 ба 30-юми октябри соли равон тахминан соати 01:00, дар маҳаллаи 91-уми шаҳри Душанбе, дар нуқтаи савдои тезтайёр сӯхтор сар зад.

"Дар ин ҳангом корманди ШБДА РВКД дар шаҳри Душанбе, сержанти хурди милитсия Мирзоев Хуршед, ки дар ин минтақа хизмат мебурд, ин ҳодисаро пай бурда, дар баробари хабар додани ба бахши оташнишонӣ, худ низ дарҳол аз паи хомӯш намудани сӯхтор мешавад. Мавсуф ба воситаи тирезаи нуқтаи савдо ворид онҷо шуда, оташро дар як муддати кӯтоҳ хомӯш мекунад", - омадааст дар иттилоияи ВУД.

Манбаъ афзуд, дар натиҷа аз таъсири алангаи оташ қисми рости пешонии сержанти хурди милитсия Мирзоев Хуршед осеб дидааст. Айни ҳол номбурда бо бардоштани ҷароҳати ҷисмонӣ дар Раёсати тибби ВКД таҳти муоинаи табибон қарор дорад.

ВУД таъкид кардааст, ҷасорат, масъулият ва садоқати корманди милитсия буд, ки ин ҳодисаи сӯхтор хомӯш карда шуду дигар ашёҳои нуқтаи савдо аз коми оташ эмин нигоҳ дошта шуданд.

0
Барчаспҳо:
оташхомӯшкунӣ, сӯхтор, Тоҷикистон