Председатель комиссии по миграции Совета по делам национальностей при Правительстве Москвы Юрий Московский

Московский дар бораи қатъи пантентпулии муҳоҷирон дар Русия: ин одилона аст

1504
(Таҷдидшуда 12:19 09.04.2020)
Юрий Московский, раиси Комиссияи муҳоҷирати Шӯрои миллатҳои назди ҳукумати Маскав шарҳ дод, ки чаро бояд патентпулӣ барои муҳоҷирон муваққатан лағв гардад

ДУШАНБЕ, 9 апр — Sputnik. Московсий дар пайи тасмими сафорати Тоҷикистон дар Русия оид ба пешниҳоде ба ҳукумати ин кишвар ҷиҳати қатъи муваққатии патентпулӣ гуфт, чунин пешниҳод самараи хуби иқтисодӣ ва сиёсӣ хоҳад дошт.

"Ин на патент, балки пешпардохт аст. Дар ин бора сар аз оғози чораҳои карантинӣ гуфта мешуд. Зарур аст, ки маблағи пешпардохтро дар замони карантин кам кард ва ё беҳтараш умуман муваққатан қатъ кард", - гуфт ӯ ба Sputnik Ӯзбекистон.

Қаблан Имомуддин Сатторов, сафири Тоҷикистон дар Русия гуфт, нақша доранд барои кам кардан ё боздоштани муваққатии пардохти пули патент ба ҳукумати Русия дархост равон кунанд

"Шаҳрвандони Тоҷикистон ба мо зиёд занг мезанад. Онҳо мисли дигарҳо дар вазъияти вазнин қарор доранд. Аксари ширкатҳо ва корхонаҳо баста мешаванд, бештар тиҷорати хурд ва фаъолият дар соҳаи хизматрасонӣ дар азоб аст. Аксарият бе кор мемонанд", - гуфт Сатторов дар суҳбат бо Sputnik Тоҷикистон.
Ба гуфти ӯ, дар ҳоле, ки муҳоҷирон бе кор мемонанд, пардохти пули патент кори осон нест.
"Мо нақша дорем барои додани "таътил" ҷиҳати пардохти патент ва тамдид он муроҷиат кунем. Мо кумаки молӣ талаб надорем, танҳо мехоҳем ба муҳоҷирон имконият диҳанд, ки ин замони вазнинро ба хубӣ паси сар кунанд ва тавонанд корашонро идома диҳанд, онҳо корашонро дар соҳаҳое, ки қувваи корӣ намерасад, идома хоҳанд дод", - изҳор дошт сафир.

Пул нест: дархости Федератсияи муҳоҷирони Русия аз ҳукумат барои қатъи патентпулӣ

Ҳамчунин дар пайи мушкили муҳоҷирон Президенти Федератсияи муҳоҷирати Русия, Вадим Коженов низ ахиран ба Михаил Мишустин, сарвазири Федератсияи Русия муроҷиат карда, дархост кардааст, ки пардохти маблағи патенти муҳоҷирон дар давраи чораҳои карантинӣ бекор кунанд.

Ӯ гуфт, муҳоҷирон дар рушди иҷтимоию иқтисодии кишвари мо саҳми назаррас доранд. Пардохти ҳарсолаи буҷети давлатӣ аз ҳисоби шаҳрвандони хориҷӣ тақрибан 60 миллиард рублро ташкил медиҳад. Ҳоло, дучори вазъе шудаанд ва ба дастгирӣ нмёз доранд.

1504
Барчаспҳо:
пул, муҳоҷирон, патент, Русия, Тоҷикистон
Ширин Амонзода, вазири меҳнат, муҳоҷират ва шуғли аҳолии Тоҷикистон

Суҳбати вазир: аз гуфтушунид бо Маскав то нақшаи фиристодани муҳоҷирон ба дигар давлатҳо

3742
(Таҷдидшуда 17:36 27.02.2021)
Ширин Амонзода, вазири меҳнат, муҳоҷират ва шуғли аҳолии Тоҷикистон, мегӯяд, 95 дарсади муҳоҷирони меҳнатии кишвар ба Русия рост меоянд. Ӯ аз нияти Ҳукумат барои диверсификатсияи муҳоҷират ва фиристодани корҷӯёни тоҷик ба Корея, Қатар ва Аморати Муттаҳидаи Араб гуфт

ДУШАНБЕ, 27 фев — Sputnik. Ширин Амонзода мавзӯъҳои музокирот миёни Тоҷикистону Русия дар мавриди муҳоҷирони меҳнатиро баён дошт.

Амонзода дар суҳбат бо “Ҷумҳурият” изҳор доштааст, ки вазорат дар асоси дархости корфармоёни Русия, ки ба қувваи корӣ ниёз доранд, барои гирифтани иҷозаи вуруд ба ин кишвар тавассути хатсайрҳои чартерӣ гуфтушунид дорад.

Содагардонии ба қайд гузоштан ва гирифтани патент барои кор, баррасии авфи навбатии муҳоҷирони меҳнатӣ аз Тоҷикистон, барқарор кардани хатсайрҳои ҳавоии мунтазам байни ду давлат, дар бораи бо нафақа таъмин намудани шаҳрвандони Тоҷикистон, ки бо патент ва дигар санадҳои зарурӣ дар Федератсияи Русия кор мекунанд, аз мавзӯъҳои дигари музокирот бо мақомоти рус мебошанд, хабар додааст Амонзода.

Вазири меҳнат ва муҳоҷират илова намудааст, ки солҳои охир бо мақсади диверсификатсияи муҳоҷирати меҳнатӣ бо як қатор давлатҳои хориҷӣ созишномаҳои байниҳукуматӣ ба имзо расиданд.

Ӯ зикр намуд, ки аз ҷумла, соли 2018 бо Амороти Муттаҳидаи Араб ва соли 2019 бо Давлати Қатар Ёддошти тафоҳум оид ба танзими қувваи корӣ ба имзо расид.

“Айни замон бо мақсади татбиқи Ёддошти тафоҳум бо Давлати Қатар гурӯҳи кории ҷонибҳо таъсис ёфта, 2 декабри соли 2020 ҷаласаи якуми гурӯҳи корӣ (тавассути муоширати визуалӣ) доир шуд, ки дар он масъалаи сафарбар намудани шаҳрвандони Тоҷикистон ба Давлати Қатар баррасӣ гардид. Тарафҳо ба мувофиқа расиданд, ки барои амалисозии муқаррароти созишномаи мазкур нақшаи чорабиниҳоро таҳия ва тасдиқ намоянд”, - изҳор доштаст вазир.

Амонзода таъкид кардааст, ки аз ҷониби Муассисаи давлатии “Агентии бокортаъминкунӣ дар хориҷа”-и назди вазорат бо ширкати “Роял фелком секюрити”-и Амороти Муттаҳидаи Араб созишномаи ҳамкорӣ омода гардида, дар мувофиқаи тарафҳо қарор дорад. Бо Ҷумҳурии Корея низ корҳо дар ин самт ҷараён доранд, изҳор доштаст вазир.

Ин талошҳо дар ҳолеянд, ки феълан масири асосии муҳоҷират Русия боқӣ монда, марзбандиҳо боис гардидааст, ки бисёре аз корҷӯён натавонистаанд ба ин кишвар сафар намоянд.

3742
Барчаспҳо:
Русия, муҳоҷират, Тоҷикистон
Медицинская каталка в больнице, архивное фото

Сӯхтор дар Толятти: муҳоҷири тоҷик ду фарзандашро наҷот доду кӯдаки ду - солааш ҷон бохт

558
(Таҷдидшуда 14:11 25.02.2021)
Сӯхтор дар як анборе сар зад, ки муҳоҷири тоҷик ҳамроҳ бо зану се фарзанди худ ба сар мебурд

ДУШАНБЕ, 25 фев — Sputnik. Дар ноҳияи Толятти Русия дар як анбор сӯхтор сар задаст, ки талафоти ҷонӣ дар пай дошт. Котиботи шӯъбаи назорати вилояти Самара хабар медиҳад, ки дар сӯхтор кӯдаки 2 - сола аз Тоҷикистон ҷон бохтааст.

Ба иттилои манбаъ, дар анбори мазкур як хонаводаи тоҷик зиндагӣ мекарданд. Ҳодисаи нохуш рӯзи 24 феврал сар задаст ва сабаби он "нодуруст истифода шудани дастгоҳи гармидиҳӣ" арзёбӣ мешавад.

Манбаъ меафзояд, муҳоҷири тоҷик ду фарзанди худро аз алангаи оташ берун овард, вале фарзанди 2 - солаи ӯ ҷон аз даст дод.

Гуфта мешавад, волидони кӯдаки марҳум ҳоло дар беморхона қарор доранд.

Зимнан, қайд мешавад, ки пас аз сӯхтор прокуратура санҷиш ташкил карда, дар ҷараёни он маълум гардид, ки анбор барои фаъолияти тиҷоратӣ бо иштироки муҳоҷирон истифода шудааст. Ҳоло қонунӣ будани кори шаҳрвандони хориҷӣ тафтиш карда мешавад.

Зодагони Тоҷикистон дар Петербург мардумро аз коми оташ наҷот доданд - навор

Мақомот аллакай аз рӯи ҳодисаи мазкур парвандаи ҷиноӣ боз карданд.

558
Барчаспҳо:
тоҷик, муҳоҷир, сӯхтор, Толятти
Ширин Амонзода

Пайдо кардани шуғл мушкил нест: вазир мушкили асосии занон дар мардикорбозорро гуфт

0
(Таҷдидшуда 19:06 28.02.2021)
Ширин Амонзода, вазири меҳнат муҳоҷират ва шуғли аҳолии Тоҷикистон, зимни изҳори бардошташ аз суҳбат бо занон дар мардикорбозори Бохтар изҳор дошт, ки қабл аз ҳама бояд бо зеҳнияти ин нафарон кор кунем

ДУШАНБЕ, 28 фев – Sputnik. Амонзода мегӯяд, аслан, пайдо кардани шуғл мушкил нест, балки душворӣ дар роҳҳои расидан ба он ҷой дорад, ки аз ҳар инсон донишҳои зеҳниро тақозо мекунад.

“Нафаре, ки наметавонад нависад, хонад ва ё намехоҳад кореро ба таври муназзам ва тахассусӣ омӯзад, мушкилоти асосии ӯ мебошад. Бинобар ин, мо тасмим гирифтем, ки, қабл аз ҳама, бо зеҳнияти ин нафарон кор гирем ва онҳоро соҳибихтисос гардонем”, - изҳор дошт вазир зимни баёни бардошташ аз мулоқот бо занон дар мардикорбозори Бохтар.

Ӯ дар суҳбат бо нашрияи “Ҷумҳурият” зикр намудаст, ки вохӯрӣ берун аз нақшаи сафари корӣ ҳангоми бозгашт аз ноҳияи Қубодиён ба миён омад.

“Ман ҳангоми суҳбат ба онҳо шахсияти худро маълум накардам, чунки хостам ба мушкилоти онҳо аз наздик ошно шавам. Баъд аз дидору суҳбатҳо, ба хулосае омадам, ки мушкили асосии онҳо дар надоштани донишу тахассуси муайян ва илова бар ин, талош накарданашон барои соҳибтахассус шудан аст”, - изҳор дошт вазир.

Вазир мушаххасан гуфт, ки баъди ин мулоқот чӣ кор кард

Ӯ афзуд, баъди чанд рӯзи ин шиносоӣ, тавассути сохторҳои маҳаллии вазорат дар вилояти Хатлон ярмаркаи ҷойҳои кори холӣ ва вазифаҳои озод баргузор гардида, 48 нафар бо кори доимӣ таъмин ва 280 нафар ба курсҳои кӯтоҳмуддати тахассусӣ аз рӯйи талаботи бозори меҳнат ҷалб шуданд.

“Ба онҳо ихтиёран дар як ҳафта се рӯз барои кор ва се рӯз ба омӯзиши касбу ҳунар пешниҳод шуд. Ин тарзи барномарезӣ ҳам мушкилоти касбомӯзии онҳоро бартараф менамояд, ҳам даромади оилаашонро то андозае таъмин мекунад. Баъди муддати муайяни омӯзиш, онҳо соҳиби ҳуҷҷати расмӣ гашта, давра ба давра бо кор таъмин мегарданд”, - таъкид кардааст вазири меҳнат.

0
Барчаспҳо:
мардикор, кор, Тоҷикистон