Рабочие на строящемся объекте

Як муҳоҷир 206 сохтмончиро дар Русия сироят кард

2450
(Таҷдидшуда 17:33 16.04.2020)
Дар яке аз сохтмонҳои вилояти Мурманск якбора 206 нафар ба маризии коронавирус гирифтор шуд. Эҳтимол меравад, ки манбаъи сироят як шаҳрванди Қирғизистон будааст

ДУШАНБЕ, 16 апр — Sputnik. Шаҳрванди Қирғизистон дар вилояти Мурманск манбаъи сирояткунии 206 коргарони як сохтмон гардидааст, хабар медиҳад губернатори вилоят Андрей Чибис.

Чуноне РИА Новости хабар медиҳад, дар майдони сохтмонии "Новатэк-Мурманск" воқеъ дар деҳаи Белокаменка 206 сохтмончӣ гирифтори COVID - 19 шудааст.

Ҳамчунин 200 корманди дигарро бо таҳлили манфӣ дар табобатхонае ҷой дода карантин кардаанд.

"Эҳтимолан манбаъи сироятшавӣ шаҳрванди Қирғизистон шудааст. Дигар чизе гуфта наметавонам" - қайд кард Чибис.

Ба гуфти ӯ дар деҳаи Белокаменка беморхона вуҷуд надорад ва он ҷо барои беморон табобатхонае омода кардаанд. Гуфта мешавад, ки беморон табобат карда мешаванд. Раҳбарияти вилояти Мурманск мегӯяд аз омори воқеъӣ ва сироятшавии оммавӣ ҳарос надоранд.

То рӯзи 16 апрел дар Русия беш аз 25 ҳазор ҳолати нави гирифторӣ ба коронавирус сабт гардида, 198 нафар дар паи ин маризӣ ҷон аз даст додаанд.

Наздики 2 ҳазор бемор шифо ёфта аз беморхонаҳо мураххас шудааст.

2450
Барчаспҳо:
муҳоҷирон, бемориҳои сироятӣ, сироят, Русия, вируси нав
Мавзуҳо:
Пайомадҳои COVID-19 дар Тоҷикистон ва ҷаҳон (795)
Мигрант у здания УФМС в Калининграде

Дар Русия барои муҳоҷирони ғайриқонунӣ низ Маркази имдод ифтитоҳ мешавад

190
Шӯрои уламои мусалмонони Русия дар 18 минтақаи кишвар барои муҳоҷирон Маркази имдодрасонӣ ифтитоҳ мекунад. Ба ин марказ тамоми муҳоҷирон новобаста аз дину миллаташон метавонанд муроҷиат кунанд

ДУШАНБЕ, 19 окт — Sputnik. Дар Русия Маркази ҳифзи ҳуқуқии муҳоҷирон ифтитоҳ мешавад, гузориш медиҳад РИА Новости.

Афзун бар марказ, барои муҳоҷирон телефони боварӣ фаъол шуд, ки онҳо новобаста аз миллат ва мазҳабашон метавонанд ба он занг зада, кӯмак дарёфт кунанд.

Ҳамчунин таъкид мешавад, ки барои муроҷиат будубоши қонунӣ ё ғайриқонунии муҳоҷирон муҳим нест.

Ба гуфтаи раиси Шӯрои уламои мусалмонони Русия Албир Крганов ин лоиҳа дар 18 минтақаи Русия ба роҳ монда шудааст.

"Дар давоми чанд ҳафта мо сомонаи "Росмигрант.рф"-ро бо чанд забон роҳандозӣ мекунем. Дар он ба масоили муҳоҷиратӣ маълумот дода, хоҳишмандон метавонанд ба саволҳояшон тариқи WhatsApp, Viber ё тариқи паёмак посух гиранд", - қайд мекунад Крганов.

Ҳамчунин вай таъкид кард, ки ба муҳоҷироне, ки дар Русия ғайриқонунӣ ба сар мебаранд бояд кӯмак кард, то тибқи қонунгузории кишвар будубошашонро қонунӣ кунанд. 

 

Крганов гуфт, ки дар бештари ҳолатҳо ин муҳоҷиронро корфармоён истифода мебаранд ва шаҳрвандони хориҷӣ наметавонанд аз ҳуқуқҳояшон ҳимоя кунанд.

"Мо ҳама якҷо барои ҳалли мушкилии эшон кӯшиш хоҳем кард, зеро мақсади мо кӯмак аст, на ҷарима ва ё ихроҷ", - мегӯяд муфтӣ.

Дар навбати худ Шӯрои уламои мусалмонони Русия бо ташкилотҳои ғайритиҷоратӣ, сафоратхонаҳо, ВКД, ки ин лоиҳаро пешниҳод кардаанд, ҳамкорӣ мекунад.

Кӯмак: Коженов байни муҳоҷирон хӯрока тақсим кард - Навор

Ин амал ифротгароиро ва ҷиноятро пешгирӣ мекунад ва муносибатҳои байниқавмӣ ва байни мазҳабиро қавӣ мегардонад ва боиси зудтар одат кардани муҷоҳирон ба муҳити Русия мегардад.

Крганов дар анҷом қайд кард, ки дар давоми пандемияи коронавирус шӯро ба муҳоҷирон кӯмаки моддӣ низ расонмида буд.

190
Руки в наручниках, архивное фото

Силоҳ: боздошти ду тоҷикистонӣ дар Маскав ва Петербург

390
(Таҷдидшуда 16:19 18.10.2020)
Дар ду шаҳри бузурги Русия ду шаҳрванди Тоҷикистон, ки эҳтимол меравад  даст дар истифодаи силоҳи оташфишон доштаанд, боздошт шуданд

ДУШАНБЕ, 18 окт — Sputnik. Мақомоти қудратии Русия дар шаҳрҳои Маскав ва Русия чанд шаҳрванди хориҷиро боздошт карданд, хабар медиҳад "Фантанка".

Бино бар иттилои манбаъ, амалиёти вижа, ки мақомоти Санкт-Петербург якҷо бо кормандони хадамоти ҳифзи сохти конститутсионӣ ва мубориза бо терроризми Раёсати ФСБ Русия дар шаҳр ва вилоят ва ҳамчунин мутахассисони бозҷӯии Маскав анҷом доданд, ду шаҳрванди Тоҷикистон боздошт шуданд.

 Дар рафти тафтишот дар манзили муҳоҷирон силоҳ ва адабиёти мамнӯи экстремистӣ пайдо намуданд.

Яке аз тоҷикистониён дар Русия ғайриқонунӣ қарор дошта, бидуни ягон ҳуҷҷат будубош доштааст. Яке аз онҳо дар Маскав сабтином шудааст.

Мактуб аз баргҳо: муҳоҷири роҳруб тарзи мубориза бо коронавирусро нишон дод - навор

Бино бар иттилои пешакӣ, боздоштшудагон эҳтимол дар ҳамлаҳои ғоратгарона, ки дар авалҳои тирамоҳ дар Петербург сурат гирифта буд, даст доштанд.

Он замон ғоратгарон дар рӯй ниқоб аз як ширкати сохтмонӣ 1 миллин рублро рабуда буданд. Дар пайи ин ҳодиса шаҳрвандони Ӯзбекистон дастгир шуданд.

 

390
Президент Кыргызстана Сооронбай Жээнбеков и премьер-министр Садыр Жапаров на внеочередном заседании Жогорку Кенеша в госрезиденции Ала-Арча. Архивное фото

Жээнбеков аз тарс истеъфо дод? ҷавоби Ҷопаров

0
(Таҷдидшуда 00:24 21.10.2020)
Содир Ҷопаров ба хабарнигори Al Jazerra дар бораи иттиҳомоте, ки гӯё ӯ ва тарафдоронаш бо роҳи тарсонидан сари қудрат расидаанд, тавзеҳ дод

ДУШАНБЕ, 20 окт — Sputnik. Иҷрокунандаи вазифаи Президенти Ҷумҳурии Қирғизистон Содир Ҷапаров дар мусоҳиба бо шабакаи телевизионии Ал Ҷазерра гуфт, ки ҳеҷ кас собиқ кишвардор - Сооронбай Жээнбековро барои истеъфо натарсонда буд.

 

Сооронбой Жээнбеков истеъфо дод: вакилон қарсак заданд

Хабарнигор аз Ҷапаров дархост намуд, ки иттиҳомот алайҳи ӯ ва тарафдорона, ки гӯё бо роҳи тарсондан сари қудрат омаданд, тавзеҳ диҳад.

"Сару садоҳо дар мавриди он ки, гӯё ман бо роҳи таҳдиду зӯроварӣ сари қудрат омадам, нодуруст аст. Агар мо метарсондем ва таҳдид мекардем, президенти фирорӣ Жээнбеков барнамегашт. Мо ба ӯ пешниҳод кардем то биёяд ва мушкилиро аз роҳи қонунӣ ҳал кунем, нагузорем, ки корхонаҳо аз кор монанд ва иқтисодиёт сукут кунад.... Ҳамаи кор бо музокирот анҷоми. Касе дасту пойи ӯро тоб надода буд", - шарҳ дод Ҷопаров.

Сарвазир ҳамчунин таъкид намуд, ки баъзе одамон дидаву дониста маълумоти бардурӯғ паҳн мекарданд, ки гӯё ҷонибдорони ӯ аснои эътирозҳо сангу шиша ҳаво медоданд.

Ёдовар мешавем, дар Қирғизистон пас аз интихоботи парлумонӣ, ноамниҳо сар заданд ва дар фарҷом кишвардор Сооронбой Жээнбеков истеъфо дод.

0
Барчаспҳо:
истеъфо, Сооронбой Жээнбеков