Группа Хайру Баракат помогла мигрантам- матерям одиночкам

Кумаки 10 духтари муҳоҷир ба модарони танҳои тоҷик дар замони COVID - 19 дар Маскав

3528
(Таҷдидшуда 16:10 18.06.2020)
Гурӯҳи "Хайру Баракат", ки бо ибтикори духтарони ҷавони муҳоҷир дар Маскав ташкил шудааст дар давраи ҳамагирии COVID - 19 ба беш аз 150 модарони танҳо ва бефарзанд кумак кардаанд

ДУШАНБЕ, 18 июн – Sputnik. Гурӯҳи "Хайру Баракат" дар давоми се моҳ ба беш аз 150 хонаводаи ниёзманд ба маблғали зиёда аз 400 ҳазор рубли русӣ маводи ниёзи аввал кумак карданд.

"Кумаки мо бештар ба модарони танҳо ва серфарзанд равона шудааст. То имрӯз ба беш аз 150 хонаводаи ниёзманд аз қабили орд, шир, равған, намак, шакар, чой, чанд намуди донагӣ ва ғизои кӯдакона кумак кардем", - гуфт Сара Саидасанова дар суҳбат бо Sputnik Тоҷикистон.

Ба гуфти ҳамсуҳбати мо гурӯҳи "Хайру Баракат" бо ибтикори ӯ ва дӯсташ Озода 16 апрел таъсис дода шудааст. Имрӯз дар гурӯҳ даҳ духтар барои кумаки оилаҳои ниёзманд хизмат мекунад. Аввал духтарон бо маблағи худ ба модарони серфарзанд кумак кардаанд ва баъдтар ба онҳо дигар одамони хайрхоҳ низ пайвастаанд.

Кумаки як миллионӣ: ба муҳоҷирони ниёзманди Маскав 37 тонна маводи ғизоӣ доданд

"Ба мо духтарони ҳамшаҳриамон аз Урупо - Pamiryouthnetwork дар тамос шуда ёрии худро пешниҳод карданд. Мо маблағи онҳоро гирифтему ба занони ниёзманд кумак кардем", - нақл кард Сара ва афзуд, ки агар нафароне ҳам хоҳиши кумак карданро дошта бошанд, ё модарони танҳо ба кумак ниёз доранд метавонанд ба онҳо муроҷиат кунанд.

Дастгирии муҳоҷирон: созмони "Нур" ба 350 хонаводаи тоҷик кӯмаки озӯқаворӣ расонд

  • Группа Хайру Баракат помогла мигрантам- матерям одиночкам
    Группа "Хайру Баракат" помогла мигрантам- матерям одиночкам
    фото предоставлено Сароц Саидасановой
  • Группа Хайру Баракат помогла мигрантам- матерям одиночкам
    Группа "Хайру Баракат" помогла мигрантам- матерям одиночкам
    фото предоставлено Сароц Саидасановой
1 / 2
фото предоставлено Сароц Саидасановой
Группа "Хайру Баракат" помогла мигрантам- матерям одиночкам

Манбаъ мегӯяд, ин гурӯҳро ба хотири кӯмак дар давраи ҳамагирии COVID - 19, ки бештари муҳоҷирон бекор монданд, таъсис додаанд ва агар имкон шаваду сармоягузоре пайдо шавад ва даст диҳад метавонанд фаъолиташонро идома диҳанд.

Бино ба гузориши ситоди фаврӣ то имрӯз дар Русия беш аз 561 ҳазор кас гирифтори коронавирус шуда, 313 ҳазор нафар аз ин маризӣ шифо ёфта 7660 тан қурбони вабои аср шудааст.

3528
Барчаспҳо:
оилаҳои серфарзанд, модар, кумак, муҳоҷирон, Маскав
Мавзуҳо:
Пайомадҳои COVID-19 дар Тоҷикистон ва ҷаҳон (616)
Мигранты у здания Управления Федеральной миграционной службы России

Дар Русия 40% муҳоҷирон бо сабаби коронавирус бекор мондаанд

157
(Таҷдидшуда 15:12 09.07.2020)
Як таҳқиқот муаян кардааст, ки бештар аз 50% муҳоҷирон дар Русия тамоми манбаҳои даромади худро аз даст додаанд

ДУШАНБЕ, 9 июл — Sputnik. Дар Русия, бар асари пандемияи коронавирус бештар аз ҳама муҳоҷирони меҳнатӣ азият кашиданд, хабар медиҳад рӯзномаи тиҷоратии "Ведомости" бо истинод ба як пурсиши РАНХиГС.

Аз рӯйи натиҷаҳои ба даст омада, 40%-и муҳоҷирон ҳангоми пандемия бекор шуданд.

Илова бар ин, 35%-и муҳоҷирон маҷбур буданд ба рухсатии бемузд раванд.

Бештари тағирот ба муҳоҷироне, ки дар Маскав зиндагӣ мекарданд, таъсир расонд. Ҳамин тавр, 76% хориҷиён ҷои кори худро аз даст доданд ё ба рухсатии маҷбурӣ рафтанд.

Дар уммум 51% муҳоҷирон дар Русия ва 54% шаҳрвандони хориҷӣ дар Маскав гуфтаанд "ҳамаи манбаҳои даромад"-ро аз даст додаанд. Ҳамзамон, болоравии даромадҳо ва ё дар як сатҳ боқӣ мондани он танҳо 19% боқӣ мондааст.

Ёдовар мешавем, ки аз аввали сол ҷараёни муҳоҷират ба Русия нисбат ба ҳамин давраи соли 2019 беш аз 2 маротиба кам шудааст.

157

Коженов тағйиротҳо ҳангоми гирифтани патентро тавзеҳ дод

385
Раиси Федератсияи муҳоҷирони Русия Вадим Коженов тавзеҳ дод, ки аз 1 июл тартиботи гирифтани иҷозатномаи кор барои муҳоҷирон чигуна мешавад

ДУШАНБЕ, 8 июл — Sputnik. Раиси Федератсияи муҳоҷирони Русия Вадим Коженов дар мусоҳиба бо телевизиони "Мир-24" гуфт, ки аз 1 июл муҳоҷирони меҳнатӣ ҳангоми дархости патент бояд кадом тағйиротҳоро дар назар бигиранд.

Ӯ ёдрас шуд, ки 18 апрел раисҷумҳури Русия Владимир Путин фармонеро ба имзо расонид, ки мувофиқи он муҳоҷирони меҳнатӣ аз 15 март то 15 июн имтиёзҳои калон ба даст оварданд. Яъне, муҳоҷирон аз супурдани андози патент ва худро ба қайд гузоштан озод шуданд.

"Мақомоти Русия тамоми чораҷӯиҳоро андешиданд, то дар давраи мушкили карантин ба муҳоҷирон кӯмак расонанд", - таъкид кард Коженов.

Ёдрас мешавем, Русия аз 27 март, чун даҳҳо кишвари дигар, марзҳояшро баст ва парвозҳои байналмилалӣ лағв шуданд.

15 июн мӯҳлати амали фармони мазкур то 15 сентябр тамдид гардид.

"Ягона маҳдудият дар он аст, ки касе ки кор мекунад ва даромад дорад, бояд андози патентро супорад. Нафароне ки аз кор маҳрум шуданд, метавонанд, бидуни нигаронӣ аз ҷарима ва депорт дар ҳудуди Русия монанд", - гуфт президенти федератсия.

 

Ҳамчунин ӯ афзуд, ки ба муҳоҷирон иҷозат дода мешавад, ки бидуни убури сарҳад патент ба даст оранд. Зеро марзҳо бастаанд. 

Кӯмак: Коженов байни муҳоҷирон хӯрока тақсим кард - Навор

"Агар дар ин муддати зикргардида мӯҳлати патенти муҳоҷир ба анҷом расад, ӯ бидуни убури сарҳад метавонад навашро ба даст орад", - таъкид кард вай.

Раиси муҳоҷирон афзуд, ки Русия ба ворид шудани муҳоҷирон ба кишвар маҳдудияте ҷорӣ накардааст ва замоне ки карантин ба анҷом мерасад, хоҳишмандон метавонанд ба Русия сафар кунанд.

385
Намози таровеҳ дар моҳи Рамазон

Ӯзбекистон дигарбора дари масоҷидро ба рӯи намозгузорон баст

0
Ӯзбекистон дар робита ба авҷи маризии сироятии коронавирус то авоили моҳи август дари масҷидҳоро ба рӯи намозгузорон мебандад

ДУШАНБЕ, 11 июл – Sputnik. Идораи динии мусалмонони Ӯзбекистон аз баста шудани тамоми масоҷиди ин кишвар то авоили август хабар дод, хабар медиҳад "Парс тудей".

Бар хабари манбаъ, идораи динии мусалмонони Ӯзбекистон дар сайти худ афзуд: Манӯият аз таърихи 10 июл сарфи назар аз ин, ки устон дар минтақаи "сабз" ва ё "қирмиз" қарор дорад, иҷроӣ мешавад.

Бомдоди имрӯз дар Арабистон дари 90 ҳазор масҷид ба рӯйи намозгузорон боз шуд

Пештар комиссияи вижаи мубориза бо коронавирус тасмим гирифта буд, маҳдудиятҳои карантин дар ин кишварро дар бурҳаи замони ёдшуда ташдид кунад.

Гуфтанӣ аст, ниҳодҳои динии Ӯзбекитсон 8 июни соли 2020 мелодӣ дар манотиқи "сабз"-и ин кишвар бо риояти муқаррароти беҳдоштӣ-эпидемиологӣ (пӯшидани иҷбории ниқоб) ва ҳамчунин доштани фосилаи иҷтимоӣ муҷаддадан оғоз ба фаъолият карда буданд.

0
Барчаспҳо:
намоз, баста, масҷид, Узбакистон
Мавзуҳо:
Пайомадҳои COVID-19 дар Тоҷикистон ва ҷаҳон (616)