Мигранты работающие на стройках. Архивное фото

Маош то 60 ҳазор: вилояти Маскав омода аст муҳоҷирони тоҷикро бо кор таъмин кунад

1361
(Таҷдидшуда 12:28 26.06.2020)
Ширкатҳои сохтмонии шаҳри Маскав ва вилояти Маскав ба қувваи кории муҳоҷирон ниёз доранд. Чунин дархост аз Намояндагии Вазорати меҳнат дар Русия шудааст

ДУШАНБЕ, 26 июн – Sputnik. Бо бекор гаштани маҳдудиятҳои марбут ба ҳамагирии COVID - 19 дар аксар минтақахои Федератсияи Русия имкониятҳо ҷиҳати фаъолияти корӣ, аз ҷумла барои муҳоҷирони меҳнатӣ васетар гардид. 

Яке аз самтҳои асосии фаъолияти Намояндагии Вазорати меҳнат, муҳоҷират ва шуғли аҳолии ЧТ дар ФР оид ба муҳоҷират ин мусоидат дар бокортаъминкунии муҳоҷирони меҳнатӣ-шаҳрвандони тоҷик дар кишвари иқомат ба ҳисоб меравад. Дар ин давра аз ҷониби Намояндагӣ пайваста бо корфармоёни потенсиалӣ, роҳбарони субъектҳои хоҷагидори манотиқи гуногуни ФР вохӯрию мулоқотҳо оид ба ҷойҳои кори муносиб таъмин намудани ҳамватанон доир карда мешавад.

Паспорта РФ в процессе производства
© Sputnik / Владимир Астапкович

Чунин як вохӯрӣ 24 июн дар дафтари Намояндагӣ бо рохбари яке аз ширкатхои сохтмони баргузор карда шуд. Зимни мулоқот масъалаи таъмини муҳоҷирони тоҷик бо ҷойи кор дар ширкати мазкур баррасӣ шудааст, хабар медиҳад Намояндагии Вазорати меҳнати Тоҷикистон дар Русия.

Зимни сӯҳбат роҳбари корхона изҳор намуда, ки ширкати онҳо ба сифати пудратчӣ сохтмони як қатор иншоотро дар шаҳр ва вилояти Москва ба ӯҳда гирифтааст ва айнизамон ба 100 коргар эҳтиёҷ дорад.

Мувофиқи иттилои корфармо айнизамон дар сохтмони иншоот, воқеъ дар ноҳияи Одинтсовои вилояти Маскав 50 нафар хиштчин ва дар сохтмони иншоот дар ноҳияи Филии шаҳри Маскав  50 нафар мутахассису коргари оддӣ лозиманд.

"Корхона омодааст, музди меҳнати мутахассисонро то 60 ҳазор рубл ва соати кории коргарони оддиро аз 200 то 250 рублӣ пардохт намояд", - омадааст дар хабарнома.

Манбаъ таъкид кардааст, ки коргарон дар асоси талаботҳои Кодекси меҳнати ФР ба кор ҷалб хоҳанд шуд. Доштани патент ва қайди муҳоҷиратӣ (регистратсия) ҳатмист. Кормандон бо ҷои хоб бо шароити хуби маъишӣ ройгон таъмин карда мешаванд.

Ҳамватаноне, ки дар шаҳр ва вилояти Маскав иқомат менамоянд ва хоҳиши дар сохтмон кор кардан доранд, метавонанд бо рақамҳое, ки дар торномаи Намояндагӣ дарҷ гардидаанд, муроҷиат кунанд.

1361
Барчаспҳо:
кор, муҳоҷирон, вилояти Маскав
Мигранты у здания Управления Федеральной миграционной службы России

Дар Русия 40% муҳоҷирон бо сабаби коронавирус бекор мондаанд

172
(Таҷдидшуда 15:12 09.07.2020)
Як таҳқиқот муаян кардааст, ки бештар аз 50% муҳоҷирон дар Русия тамоми манбаҳои даромади худро аз даст додаанд

ДУШАНБЕ, 9 июл — Sputnik. Дар Русия, бар асари пандемияи коронавирус бештар аз ҳама муҳоҷирони меҳнатӣ азият кашиданд, хабар медиҳад рӯзномаи тиҷоратии "Ведомости" бо истинод ба як пурсиши РАНХиГС.

Аз рӯйи натиҷаҳои ба даст омада, 40%-и муҳоҷирон ҳангоми пандемия бекор шуданд.

Илова бар ин, 35%-и муҳоҷирон маҷбур буданд ба рухсатии бемузд раванд.

Бештари тағирот ба муҳоҷироне, ки дар Маскав зиндагӣ мекарданд, таъсир расонд. Ҳамин тавр, 76% хориҷиён ҷои кори худро аз даст доданд ё ба рухсатии маҷбурӣ рафтанд.

Дар уммум 51% муҳоҷирон дар Русия ва 54% шаҳрвандони хориҷӣ дар Маскав гуфтаанд "ҳамаи манбаҳои даромад"-ро аз даст додаанд. Ҳамзамон, болоравии даромадҳо ва ё дар як сатҳ боқӣ мондани он танҳо 19% боқӣ мондааст.

Ёдовар мешавем, ки аз аввали сол ҷараёни муҳоҷират ба Русия нисбат ба ҳамин давраи соли 2019 беш аз 2 маротиба кам шудааст.

172

Коженов тағйиротҳо ҳангоми гирифтани патентро тавзеҳ дод

407
Раиси Федератсияи муҳоҷирони Русия Вадим Коженов тавзеҳ дод, ки аз 1 июл тартиботи гирифтани иҷозатномаи кор барои муҳоҷирон чигуна мешавад

ДУШАНБЕ, 8 июл — Sputnik. Раиси Федератсияи муҳоҷирони Русия Вадим Коженов дар мусоҳиба бо телевизиони "Мир-24" гуфт, ки аз 1 июл муҳоҷирони меҳнатӣ ҳангоми дархости патент бояд кадом тағйиротҳоро дар назар бигиранд.

Ӯ ёдрас шуд, ки 18 апрел раисҷумҳури Русия Владимир Путин фармонеро ба имзо расонид, ки мувофиқи он муҳоҷирони меҳнатӣ аз 15 март то 15 июн имтиёзҳои калон ба даст оварданд. Яъне, муҳоҷирон аз супурдани андози патент ва худро ба қайд гузоштан озод шуданд.

"Мақомоти Русия тамоми чораҷӯиҳоро андешиданд, то дар давраи мушкили карантин ба муҳоҷирон кӯмак расонанд", - таъкид кард Коженов.

Ёдрас мешавем, Русия аз 27 март, чун даҳҳо кишвари дигар, марзҳояшро баст ва парвозҳои байналмилалӣ лағв шуданд.

15 июн мӯҳлати амали фармони мазкур то 15 сентябр тамдид гардид.

"Ягона маҳдудият дар он аст, ки касе ки кор мекунад ва даромад дорад, бояд андози патентро супорад. Нафароне ки аз кор маҳрум шуданд, метавонанд, бидуни нигаронӣ аз ҷарима ва депорт дар ҳудуди Русия монанд", - гуфт президенти федератсия.

 

Ҳамчунин ӯ афзуд, ки ба муҳоҷирон иҷозат дода мешавад, ки бидуни убури сарҳад патент ба даст оранд. Зеро марзҳо бастаанд. 

Кӯмак: Коженов байни муҳоҷирон хӯрока тақсим кард - Навор

"Агар дар ин муддати зикргардида мӯҳлати патенти муҳоҷир ба анҷом расад, ӯ бидуни убури сарҳад метавонад навашро ба даст орад", - таъкид кард вай.

Раиси муҳоҷирон афзуд, ки Русия ба ворид шудани муҳоҷирон ба кишвар маҳдудияте ҷорӣ накардааст ва замоне ки карантин ба анҷом мерасад, хоҳишмандон метавонанд ба Русия сафар кунанд.

407
Официальный визит президента РФ В. Путина в Таджикистан. День второй

Суҳбати телефонии Раҳмону Путин: кишвардорҳои Тоҷикистону Русия чиро баррасӣ карданд?

129
(Таҷдидшуда 15:56 13.07.2020)
Эмомалӣ Раҳмон ва Владимир Путни як қатор масъалаҳои ҷории муносибатҳои шарикии стратегии Тоҷикистону Русияро мавриди муҳокима қарор дода, масъалаҳои алоҳидаи мубрами минтақавӣ ва байналмилалиро баррасӣ карданд

ДУШАНБЕ, 13 июл – Sputnik. Раисҷумҳури Тоҷикистон Эмомалӣ Раҳмон бо кишвардори Русия Владимир Путин суҳбати телефонӣ анҷом додПрезиденти Федератсияи Россия муҳтарам Владимир Путин суҳбати телефонӣ анҷом дод.

Эмомалӣ Раҳмон бо Владимир Путин телефонӣ суҳбат кард

Ба иттилои котиботи раисҷумҳури Тоҷикистон, дар ҷараёни суҳбат президентҳо як қатор масъалаҳои ҷории муносибатҳои шарикии стратегии Тоҷикистону Русияро мавриди муҳокима қарор додаанд.

"Ҷонибҳо аз вазъи вобаста бо сирояти коронавирус, ки дар миқёси ҷаҳонӣ ҳамоно хеле ҳам муташанниҷ боқӣ мемонад, изҳори нигаронӣ карда, дар хусуси тадбирҳое, ки ҷиҳати паст кардани хатари паҳншавии пандемияи "COVID-19" дар ду кишвар андешида мешаванд, мубодилаи иттилоъ анҷом доданд", - таъкид мешавад дар хабар.

Гуфта мешавад, Эмомалӣ Раҳмон дар рафти суҳбат ба масъалаи суръат бахшидан ба ҳамкориҳои ду кишвар дар соҳаи тандурустӣ таъкид кард.

Ҳамчунин, ҷараёни хуби рушди ҳамдастии Тоҷикистон ва Русия дар дигар арсаҳои ҳамкорӣ, аз ҷумла муносибатҳои тиҷоративу иқтисодӣ, робитаҳои гуманитариву фарҳангӣ ва дар соҳаи таъмини амният қайд карда шуд.

Гузашта аз ин, масоили идомаи шарикии самарабахши ду кишвар дар чорчӯбаи созмонҳои байналмилалӣ ва минтақавӣ низ мавриди таваҷҷуҳи президентҳо қарор гирифтанд.

129
Барчаспҳо:
суҳбати телефонӣ, Владимир Путин, Эмомалӣ Раҳмон