Пожилой человек сидит на скамейке, архивное фото

Тоҷикистону Русия сари нафақаи муҳоҷирин тавофуқ кардаанд шарҳи мақомот

682
(Таҷдидшуда 17:55 28.07.2020)
 Агентии суғуртаи иҷтимоӣ ва нафақаи Тоҷикистон гуфт, созишномаи Тоҷикистону Русия сари нафақаи муҳоҷирин дар ҳолати ниҳоӣ шудан аст

ДУШАНБЕ, 21 июл — Sputnik. Дилмурод Давлатзода, директори Агентӣ зимни нишасти матбуотии ниҳодаш гуфт, лоиҳаи созишнома миёни ду тараф мувофиқа шуда, моҳи май бояд ба имзо мерасид, ки ба далели буҳрони “вируси корона” ба таъхир афтод.

“Русия дар оғоз шартҳои моро қабул намекард, аммо пас аз чанд давраи музокирот ба истиқболи мо рафт. Шартҳои моро пазируфтанд, мо ҳам шартҳои онҳоро пазируфтем. Тасаввур кунед, ки шаҳрвандони мо тавре дар кишвари худ нафақа мегиранд, пас аз имзои ин шартнома дар Русия ҳам аз чунин ҳақ бархӯрдор хоҳанд шуд”, - гуфт Дилмурод Давлатзода.

Зарурати созишнома

13 марти соли 1992 пас аз фурӯпошии Иттиҳоди Шӯравӣ теъдоде аз аъзои Иттиҳоди Давлатҳои Муштаракулманофеъ (ИДМ) "Созишномаи тазмини ҳуқуқи шаҳрвандони кишварҳои узви ИДМ дар заминаи нафақа" як муоҳидаи байнуламилалӣ имзо карданд.

Ин созишнома танзими ҳуқуқи бознишастагӣ барои шаҳрвандони Арманистон, Белорус, Қазоқистон, Қирғизистон, Русия, Тоҷикистон, Туркманистон, Ӯзбекистон ва Украинаро танзим мекунад.

Бино ба он, кишварҳои узв муваззаф мешаванд, ки дар ҳоли пазириши шаҳрванди якдигар нафақаи ӯро низ таъмин кунанд.

Путин гуфт, Русия ба кадом гурӯҳи муҳоҷирон ниёз дорад

Тибқи иттилои Агентии суғуртаи иҷтимоӣ ва нафақа, дар ҳоли ҳозир 220 ҳазор шаҳрванди Тоҷикистон аз Русия нафақа мегиранд.

Аммо директори Агентӣ мегӯяд, Русия ин шартномаҳо бо кишварҳои ИДМ – ро яктарафа бекор карда истодааст ва Тоҷикистон мехоҳад ба хотири ҳифзи манофеъи шаҳрвандонаш бо он кишвар як созишномаи дигареро ба имзо расонад.

“Ин шартнома ба он хотир аст, ки ҳамаи шаҳрвандони мо аз нафақа бархӯрдор бошанд. Аксарияти онҳо, ки на фақат дар ба Русия, балки дигар кишварҳо рафта, кор карда меоянд, дар ягон ҷо ба қайд гирифта нашудаанд. Агар як нафар дар Русия кор кунаду андози иҷтимоиро дар он ҷо ё дар ин ҷо насупорад, нафақа намегирад. Дар ҳарду кишвар нафақахӯри иҷтимоӣ ё ба қатори он афроде, ки кор накардаанд, дохил мешавад”, - гуфт Дилмурод Давлатзода.

Тибқи иттилои расмӣ, нафақаи иҷтимоӣ чизе дар атрофи 25 сомонӣ, муодили 25 доллари амрикоист.

Сарбории буҷет

Тоҷикистон соли 2011 Қонуни нави нафақа ва суғуртаи иҷтимоиро қабул кард, ки аз соли 2013 ба иҷро даромад.

Дар гузашта нафақа дар кишвар аз рӯи кори 3 соли ахири шаҳрванд муайян карда мешуд, бахусус ин ки ӯ чӣ қадар маош гирифтаву чӣ қадар андоз супоридааст.

Бино ба қонуни нав, шаҳрвандон фақат вақте ҳақ ба нафақа пайдо мекунанд, ки андози иҷтимоиро супоранд. Директори Агентии суғуртаи иҷтимоӣ ва нафақа мегӯяд, интизории Тоҷикистон аз имзои созишнома бо Русия ин аст, ки шаҳрвандонаш аз нафақа бархӯрдор бошанд, аммо ин ҳам сарборие сари буҷети худи кишвар хоҳад овард.

“Бори гарони ин созишнома аздусар ба дӯши буҷети Тоҷикистон меафтад. Чаро? Шаҳрванд дар Тоҷикистон кор карда, ба Русия рафт ва он ҷо ба нафақа баромад. Мо аз ин ҷо нафақаи ӯро ба Русия мефиристем. Ин сарбории буҷети мо, аммо ба манфиати қариб 800 ҳазор нафар шаҳрванди мост, ки дар он кишвар зиндагӣ мекунанд. Хоҳ – нохоҳ мо бояд шаҳрвандони худро ҳимоят кунем”, - гуфт Дилмурод Давлатзода.

Шумори умумии муҳоҷирин дар Русия аниқ шуд: тоҷикон беш аз ним миллион

Музокирот сари нафақаи муҳоҷирин соли 2018 миёни Агентии суғуртаи иҷтимоӣ ва нафақаи Тоҷикистон ва вазорати меҳнати Русия оғоз шуда, як соли ахир се даври он баргузор шудааст. Эҳтимол дорад моҳи октябр ҷонибҳо дигарбора сари миз баргарданд.

682

Муноқишаи муҳоҷирон бо мақомоти қудратӣ дар марзи Русия ва Қазоқистон: ҷузъиёт

218
(Таҷдидшуда 16:00 05.08.2020)
Интизорӣ барои бозгаштан ба Ватан, дар марзи Русия ва Қазоқистон бо муноқишаи миёни муҳоҷирон ва кормандони қудратӣ анҷомид

ДУШАНБЕ, 5 авг — Sputnik. Дар марзи Русия ва Қазоқистон миёни муҳоҷирон ва кормандони қудратӣ муноқиша сар зад. Нахустин шуда шабакаи Match аз ин ҳодиса хабар дод.

Дар ин шабака наворе нашр шуда буд, ки дар он муҳоҷирон ба сӯи марз ҳаракат мекунанд. Аз навор суханони қабеҳ шунида мешуд.

Пасон намояндаи расмии Гвардияи миллии Русия Валерий Грибакин дар суҳбат бо "Интерфакс" гуфт, ҷанҷол рӯзи 3 август рух дод.

Шаҳрвандони дармондаи Тоҷикистон дар марзи Қазоқистону Ӯзбекистон, ба Ватан расиданд

"Муноқишаи миёни муҳоҷирон ва мақомоти қудратӣ дар вилояти Самара ба зудӣ, бидуни дахолати намояндагони Гвардияи миллӣ пахш шуд", - қайд кард Грибакин.

Бино ба гузориши "Интерфакс" қазия субҳидам, соати 9 ба вуқӯъ пайваст. Мардум дар интизори сафар буданд, вале ягон хабар нашуду онҳо ба ғазаб омаданд.

Дар паи ин низоъ касе осеб надидааст. Феълан вазъият дар марзи Русия ва Қазоқистон ором аст.

Айни ҳол дар урдугоҳи муваққатӣ дар марзи Қазоқистону Русия 840 муҳоҷир дар интизори интиқоли онҳо ба ватан мебошанд. Онҳо шаҳрвандони Тоҷикистон ва Ӯзбекистон ҳастанд.

Ваколатдор оид ба ҳуқуқи инсон дар вилояти Самара то ҳол ин қазияро шарҳ надодааст.

218
Барчаспҳо:
муҳоҷирон, муноқиша, Қазоқистон, Русия
Арест, архивное фото

Боздошти сокини Петербург барои қатли муҳоҷири тоҷик: ҷавони 22 - соларо буғӣ карда кушт

545
Дар Санкт - Петербурги Русия як марди 48 - сола ба гумони қатли муҳоҷири 22 - сола аз Тоҷикистон боздошт шуд

ДУШАНБЕ, 4 авг — Sputnik. Муҳоҷири 22 - сола аз Тоҷикистон дар шаҳри Санкт - Петербург кушта шуд, хабар медиҳад нашрияи Петербург. ру.

Ба иттилои манбаъ, хабари кушта шудани муҳоҷирро ба мақомоти пулис марди 45 - сола расонд. Гуфта мешавад муҳоҷири тоҷик дар хонаи ин мард ба ҳайси иҷоранишин зидагӣ мекард.

Вазорати меҳнат гуфт, дар шаш моҳ чӣ қадар муҳоҷир ба Русия рафт

Манбаъ меафзояд, ҷавони 22 - соларо нахуст кӯфтанд ва сипас аз роҳи буғӣ кардан ба қатл расонданд.

Зимнан, кормандони пулис ба гумони қатли муҳоҷири ҷавон, соҳибхона, марди 45 - сола, ки бекор аст, боздошт намуданд.

Феълан алайҳи боздоштшуда протокол тартиб дода шуда ӯ дар боздоштгоҳи муваққатӣ қарор дорад. 

Зикр мегардад, ки тафтишот дар ин самт идома дорад.

545
Барчаспҳо:
қатл, тоҷик, муҳоҷир, Санкт-Петербург

10 миллион нафар дар Афғонистон мубталои коронавирус шуданд

0
(Таҷдидшуда 21:39 06.08.2020)
Вазири тандурустии Афғонистон изҳор доштаст, ки сеяки аҳолии ин кишвар ба маризии сироятии коронавирус мубтало гардидаанд

ДУШАНБЕ, 6 авг — Sputnik. Вазорати тандурустии Афғонистон бо нашри гузорише гуфт, ки дар ин кишвар ҳудуди даҳ миллион, яъне аз се як ҳиссаи аҳолии Афғонистон ба коронавирус гирифтор шудаанд.

Аҳмад Ҷавод Усмонӣ, вазири тандурустии Афғонистон дар нишасти матбуотӣ гуфт, ки ин омор пас аз баррасии натиҷаҳои тести 2500 нафар дар саросари кишвар ба даст омадааст.

Дар лоиҳаи буҷаи Тоҷикистон барои соли 2021 пандемияи коронавирус ба назар гирифта мешавад

Ин тестҳо ва баррасиҳо, ки бо кӯмаки Созмони Ҷаҳонии Тандурустӣ анҷом шудааст, таъмин мезанад, ки акнун 31,5 дарсад аз аҳолии Афғонистон ба ин вирус гирифта шудаанд ва бештарин ҳолатҳои гирифторӣ дар Кобул будааст.

Коронавирус дар моҳи феврали соли ҷорӣ бо бозгашти ҳазорон муҳоҷири афғон аз Эрон ба кишварашон ворид шуд.

Дар ҳоли ҳозир таҳқиқоте дар мавриди шумораи ҷонбохтагон ва гирифторон ба ин беморӣ дар Афғонистон идома дорад.

0
Барчаспҳо:
маризӣ, Афғонистон
Мавзуҳо:
Пайомадҳои COVID-19 дар Тоҷикистон ва ҷаҳон