Мигранты у здания УФМС, архивное фото

Коршинос: талабот ба муҳоҷирон кам намешавад, вале бӯҳрон дер паси сар мешавад

267
(Таҷдидшуда 17:50 22.07.2020)
Алексей Коренев таҳлилгар ва коршинос гуфт, кай бӯҳрони иқтисодӣ паси сар мешавад ва кори муҳоҷирон барқарор мегардад

ДУШАНБЕ, 22 июл - Sputnik. Ба гуфти коршинос маълум нест, мавҷи дуюми коронавируси нави COVID - 19 чӣ қадар давом хоҳад кард ва оё мавҷи сеюм ҳам таҳдид мекунад ва то чӣ андоза ваксина қодир аст ин ваборо нест кунад.

"Мо бо бӯҳроне рӯ ба рӯ шудаем, ки дар қиёс бо бӯҳронҳои солҳои 98-99, 2008 ва 2014, омилҳои гуногуни номуайян дорад. Ин бӯҳрон бо ҳамагирӣ рабт дорад, ки пешгӯӣ карданаш душвор аст", - гуфт Коренев дар мусоҳиба бо Sputnik Тоҷикистон.

Ӯ афзуд, бисёр муҳим аст, ки ҳукумати ин ё он кишвар аз ҷумла Русия ба мавҷи дуюму сеюм чигуна бархӯрд нишон хоҳанд дод.

Ба гуфти коршинос агар карантини ҷиддӣ ҷорӣ шавад ба ҳамагуна тиҷорат аз ҷумла тиҷорати хурд таъсири манфӣ хоҳад дошт.

Тоҷикистону Русия сари нафақаи муҳоҷирин тавофуқ кардаанд – шарҳи мақомот

"Ва агар ҳам ба беморӣ нигоҳ накарда карантин эълон нашавад, иқтисод кам-кам барқарор мешавад. Вале рӯйдоде барои барқароршавии зуд эҳсос намешавад", - афзуд таҳлилгар.

Ба гуфти коршинос иқтисоди Русия бештар ба содирот нигаронида шудааст ва сатҳи истеҳсолот ҳоло паст аст ва ҳамаи ин ба рафъи бӯҳрон монеъ мешавад.

"Мо аз ин бӯҳрон дер мебароем, эҳтимолан дар давоми чанд сол", гуфт Коренев.

Ба ҳамаи ин нигоҳ накарда ба гуфти коршинос он соҳаҳое, ки муҳоҷирон банд ҳастанд чӣ дар пойтахт ва чӣ дар шаҳрваҳои дигари бузурги Русия зудтар аз бӯҳрон мебароянд.

"Ҳастанд чанд соҳае, аз қабили меъморӣ, роҳсозӣ, инфраструктураи шаҳрӣ, хоҷагии манзилию коммуналӣ, ки дар онҳо одатан муҳоҷирон аз Осиёи Марказӣ банданд. Ба чунин соҳаҳо доим талабот хоҳад буд", - афзуд таҳлилгар.

Гарчанде даромади воқеъӣ дар чунин соҳаҳо зуд барқарор нахоҳад шуд, вале ин соҳаҳо аз они муҳоҷирон боқӣ хоҳанд монд, хулоса кард Алексей Коренев.

267
Барчаспҳо:
Русия, талабот, кор, муҳоҷират

Муноқишаи муҳоҷирон бо мақомоти қудратӣ дар марзи Русия ва Қазоқистон: ҷузъиёт

218
(Таҷдидшуда 16:00 05.08.2020)
Интизорӣ барои бозгаштан ба Ватан, дар марзи Русия ва Қазоқистон бо муноқишаи миёни муҳоҷирон ва кормандони қудратӣ анҷомид

ДУШАНБЕ, 5 авг — Sputnik. Дар марзи Русия ва Қазоқистон миёни муҳоҷирон ва кормандони қудратӣ муноқиша сар зад. Нахустин шуда шабакаи Match аз ин ҳодиса хабар дод.

Дар ин шабака наворе нашр шуда буд, ки дар он муҳоҷирон ба сӯи марз ҳаракат мекунанд. Аз навор суханони қабеҳ шунида мешуд.

Пасон намояндаи расмии Гвардияи миллии Русия Валерий Грибакин дар суҳбат бо "Интерфакс" гуфт, ҷанҷол рӯзи 3 август рух дод.

Шаҳрвандони дармондаи Тоҷикистон дар марзи Қазоқистону Ӯзбекистон, ба Ватан расиданд

"Муноқишаи миёни муҳоҷирон ва мақомоти қудратӣ дар вилояти Самара ба зудӣ, бидуни дахолати намояндагони Гвардияи миллӣ пахш шуд", - қайд кард Грибакин.

Бино ба гузориши "Интерфакс" қазия субҳидам, соати 9 ба вуқӯъ пайваст. Мардум дар интизори сафар буданд, вале ягон хабар нашуду онҳо ба ғазаб омаданд.

Дар паи ин низоъ касе осеб надидааст. Феълан вазъият дар марзи Русия ва Қазоқистон ором аст.

Айни ҳол дар урдугоҳи муваққатӣ дар марзи Қазоқистону Русия 840 муҳоҷир дар интизори интиқоли онҳо ба ватан мебошанд. Онҳо шаҳрвандони Тоҷикистон ва Ӯзбекистон ҳастанд.

Ваколатдор оид ба ҳуқуқи инсон дар вилояти Самара то ҳол ин қазияро шарҳ надодааст.

218
Барчаспҳо:
муҳоҷирон, муноқиша, Қазоқистон, Русия
Арест, архивное фото

Боздошти сокини Петербург барои қатли муҳоҷири тоҷик: ҷавони 22 - соларо буғӣ карда кушт

545
Дар Санкт - Петербурги Русия як марди 48 - сола ба гумони қатли муҳоҷири 22 - сола аз Тоҷикистон боздошт шуд

ДУШАНБЕ, 4 авг — Sputnik. Муҳоҷири 22 - сола аз Тоҷикистон дар шаҳри Санкт - Петербург кушта шуд, хабар медиҳад нашрияи Петербург. ру.

Ба иттилои манбаъ, хабари кушта шудани муҳоҷирро ба мақомоти пулис марди 45 - сола расонд. Гуфта мешавад муҳоҷири тоҷик дар хонаи ин мард ба ҳайси иҷоранишин зидагӣ мекард.

Вазорати меҳнат гуфт, дар шаш моҳ чӣ қадар муҳоҷир ба Русия рафт

Манбаъ меафзояд, ҷавони 22 - соларо нахуст кӯфтанд ва сипас аз роҳи буғӣ кардан ба қатл расонданд.

Зимнан, кормандони пулис ба гумони қатли муҳоҷири ҷавон, соҳибхона, марди 45 - сола, ки бекор аст, боздошт намуданд.

Феълан алайҳи боздоштшуда протокол тартиб дода шуда ӯ дар боздоштгоҳи муваққатӣ қарор дорад. 

Зикр мегардад, ки тафтишот дар ин самт идома дорад.

545
Барчаспҳо:
қатл, тоҷик, муҳоҷир, Санкт-Петербург

10 миллион нафар дар Афғонистон мубталои коронавирус шуданд

0
(Таҷдидшуда 21:39 06.08.2020)
Вазири тандурустии Афғонистон изҳор доштаст, ки сеяки аҳолии ин кишвар ба маризии сироятии коронавирус мубтало гардидаанд

ДУШАНБЕ, 6 авг — Sputnik. Вазорати тандурустии Афғонистон бо нашри гузорише гуфт, ки дар ин кишвар ҳудуди даҳ миллион, яъне аз се як ҳиссаи аҳолии Афғонистон ба коронавирус гирифтор шудаанд.

Аҳмад Ҷавод Усмонӣ, вазири тандурустии Афғонистон дар нишасти матбуотӣ гуфт, ки ин омор пас аз баррасии натиҷаҳои тести 2500 нафар дар саросари кишвар ба даст омадааст.

Дар лоиҳаи буҷаи Тоҷикистон барои соли 2021 пандемияи коронавирус ба назар гирифта мешавад

Ин тестҳо ва баррасиҳо, ки бо кӯмаки Созмони Ҷаҳонии Тандурустӣ анҷом шудааст, таъмин мезанад, ки акнун 31,5 дарсад аз аҳолии Афғонистон ба ин вирус гирифта шудаанд ва бештарин ҳолатҳои гирифторӣ дар Кобул будааст.

Коронавирус дар моҳи феврали соли ҷорӣ бо бозгашти ҳазорон муҳоҷири афғон аз Эрон ба кишварашон ворид шуд.

Дар ҳоли ҳозир таҳқиқоте дар мавриди шумораи ҷонбохтагон ва гирифторон ба ин беморӣ дар Афғонистон идома дорад.

0
Барчаспҳо:
маризӣ, Афғонистон
Мавзуҳо:
Пайомадҳои COVID-19 дар Тоҷикистон ва ҷаҳон