Мигранты на границе Казахстана

Зиёда аз 300 муҳоҷири тоҷик, ки дар Қазоқистон дармонда буданд, ба ватан баргаштанд

116
(Таҷдидшуда 17:50 03.09.2020)
Созмони байналмилалии муҳоҷират – Оҷонси муҳоҷирати Созмони Милал дар ҳамкории наздик бо Ҳукумати Тоҷикистон ба бозгашти беш аз 300 шаҳрванди Тоҷикистон, ки дар марзи Қазоқистон бо Ӯзбекистон дармонда буданд, мусоидат намуданд

ДУШАНБЕ, 3 сен — Sputnik. Бино бар иттилои дафтари матбуоти Созмони байналмилалии муҳоҷират  (СБМ) мавҷи нави муҳоҷирони тоҷик, ки дар гузаргоҳи марзии Жибек Жоли дармонда буданд, имрӯз 3-юми сентябр ба Тоҷикистон баргаштанд.

Гуфта шудааст, ки ин ибтикорро Ҳукумати Тоҷикистон дар ҳамкорӣ бо ҳукуматҳои Қазоқистон ва Ӯзбекистон ҳамоҳанг намуд ва онро намояндагиҳои СБМ дар ҳар се ҷумҳурӣ созмон доданд.

“Ин амалиёти интиқол бо ёрии молии Подшоҳии Норвегия сурат гирифт”,-афзудааст манбаъ.

Тибқи иттилои манбаъ, аз оғози маҳдудиятҳои марбут ба бемории фарогир, Созмони байналмилалии муҳоҷират ба бозгашти беш аз 2100 шаҳрванди Тоҷикистон аз Қазоқистон тавассути Ӯзбекистон ба ватан мусоидат кардааст.

Гуфта мешавад, дар ин миён, занону кӯдакон, муҳоҷирони корӣ ва донишҷӯён низ ҳастанд, ки дар марзи Қазоқистон бо Ӯзбекистон бо умеди идомаи роҳ ба Тоҷикистон ҷамъ омада буданд.

Созмони байналмилалии муҳоҷират таъкид доштааст, ки бемории фарогири КОВИД-19 ҳукуматҳоро водор намуд, то ҷиҳати пешгирӣ аз густариши вирус чораҳои зарурӣ андешанд. Ин чораҳо, ҳамчунин, аз маҳдудиятҳои сафар ва ҳаракат ҳам иборат буданд, ки ба ҳама таъсир расониданд, ва баъзе аз ин чораҳо вазъи осебпазири муҳоҷиронро мушкилтар гардонида, дар натиҷа, боиси бандмонии шумораи зиёди муҳоҷирон гардиданд.

Бозгашти шаҳрвандони Тоҷикистон аз Қазоқистон бо кумаки Подшоҳии Норвегия сурат гирифт

Дар ҳамин ҳол, Оҷонси СММ доир ба муҳоҷират зикр кардааст, ки аз меъёрҳои пешгирӣ аз густариши КОВИД-19 истиқбол мекунад ва ҳамзамон, ба эҳтироми ҳаққи муҳоҷирон ва аҳли хонадони онҳо барои бозгашт таъкид менамояд.

116
Барчаспҳо:
марз, муҳоҷирин, Тоҷикистон

Сябитова шарҳ дод, ки чаро занони рус бо муҳоҷирон издивоҷ мекунанд

52
(Таҷдидшуда 10:02 27.09.2020)
Чаро миёни издивоҷҳо дар Русия аксари домодҳо хориҷиён ҳастанд, шарҳ дод хостгор ва ровӣ Роза Сябитова

ДУШАНБЕ, 27 сен — Sputnik. Бино ба маълумоти идораҳои сабти асноди ҳолати шаҳрвандии минтақавии Русия аксари домодҳо шаҳрвандони хориҷа, аз қабили зодагони Тоҷикистон, Ӯзбекистон ва Арманистон мебошанд.

Ровии барномаи "Давай поженимся" хостгор Роза Сябитова ин тамоюлро дар сӯҳбат бо радиои "Давай поженимся" шарҳ дод.

Ровӣ як намоиши телевизиониро мисол овард ва гуфт, ки хориҷиён бештар ба наздашон меоянд.

Ҳамзамон, меҳмонони барнома саъй намекунанд, ки ба ватани худ баргарданд, балки мехоҳанд дар Русия бимонанд.

Сябитова шарҳ дод, ки барои муҳоҷирон издивоҷ яке аз роҳҳои осонтарини қонунигардонӣ дар Русия ба ҳисоб меравад.

Номбурда омилҳои иҷтимоӣ ва биологиро низ сабаби дигари издивоҷи занони рус бо хориҷиён номид.

Вай қайд кард, ки мардон аксар вақт духтарони хурдсоли синни таваллудро ҳамчун ҷуфт интихоб мекунанд ва заноне, ки мехоҳанд барои рушди хеш талош кунанд, бо гузашти солҳо таваҷҷӯҳ мемонанд.

“Бинобар шароит, заноне тасмим гирифтанд, ки барои худ карера созанд  ва барои рушди фардиву баробарии гендерӣ талош кунанд,  дар канор монданд. Аммо онҳо низ бояд издивоҷ кунанд ва бинобар ин хушбахтии занонаро аз домодҳои хориҷӣ меҷӯянд", гуфт Сябитова.

Ҳамзамон, ровии телевизион қайд кард, ки ин тамоюл комилан муқаррарист ва занон набояд аз интихоби худ шарм доранд.

52
Барчаспҳо:
издивоҷ, муҳоҷирон, Русия
Посольство Республики Таджикистан в Москве

Ҷанҷол дар сафорат: муҳоҷири бекормонда бинию ангушти дипломати тоҷикро шикаст

2700
Муҳоҷири 38-солаи тоҷик дар бинои сафорати Тоҷикистон дар Русия ду нафарро мавриди латукӯб қарор дод

ДУШАНБЕ, 25 сен - Sputnik. Рӯзи 24 сентябр ба идораи милисаи Пресненский хабар дода шуд, ки шаҳрванди Тоҷикистон дар бинои сафорати ин кишвар дар тангкӯчаи Гранатнийи шаҳри Маскав ду нафарро латукӯб кард, иттилоъ дод РИА Новости.

Яке аз ҷабрдидаҳо, мутахассиси пешбари сафорати Тоҷикистон дар Русия мебошад, ки дасту бинияш шикаста, осеби майнаи сар бардоштааст. Ҷабрдидаи дигар ронанда будааст, ки мақоми дипломатӣ надошта ва ҷароҳати ҷисмонӣ низ набардоштааст, хабар дод ожонси хабарии “Москва”.

Аз ҳамлагар шаҳрванди бекормандаи Тоҷикистон зикр мешавад, ки соли таваллудаш 1982 мебошад.

Нисбати нафари муттаҳам дар ҳамла ба кормандони сафорат, барои нақзи қоидаҳои вуруд ба қаламрави Русия санади маъмурӣ тартиб дода шудааст. Манбаъ афзуд, ки аз рӯи ин ҳодиса тафтишот идома дошта, ба ҷабрдида кумаки тиббӣ расонда мешавад.

Ин дар ҳолест, ки вақтҳои охир ба далели адами парвозҳои мунтазам миёни Тоҷикистону Русия талабот ба чиптаҳо барои парвозҳои чартерӣ зиёд шудааст. Корбарони шабакаҳои иҷтимоӣ аз нархҳои гарони  ин чиптаҳо ва ҷой доштани ҳолатҳои қаллобӣ зимни фурӯши онҳо шикоят карда буданд.

2700
Барчаспҳо:
сафорат, дипломатия, Тоҷикистон
Кошелек с деньгами, архивное фото

Дар Тоҷикистон қарзи маош ба 65 миллион сомонӣ расид

0
Тибқи иттилои Агентии омори назди президенти Тоҷикистон, танҳо аз аввали соли равон қарзи музди меҳнат беш аз 29,7 миллион сомониро ташкил додааст, ки баробар ба 45,6 фоизи ҳаҷми умумии қарзро ташкил медиҳад.

ДУШАНБЕ, 27 сен — Sputnik. Дар Тоҷикистон қарзи умумии музди меҳнат беш аз 65,1 миллион сомонӣ (беш аз 6,3 миллион доллар) -ро ташкил медиҳад.

Ба ин маблағ қарзҳои солҳои гузашта низ дохил мешаванд.

Тибқи маълумоти Агентии омори назди президенти Тоҷикистон, аз аввали соли равон то моҳи август танҳо қарзи музди меҳнат беш аз 29,7 миллион сомонӣ ё 45,6% ҳаҷми умумии қарзро ташкил додааст.

Қисми зиёди қарзҳо дар соҳаҳои истеҳсолоти моддӣ боқӣ мемонанд. Афзоиши қарзи музди меҳнат дар соҳаи сохтмон (27,1%), истеҳсолот (22,2%) ва ғайра ба қайд гирифта шудааст.

Музди камтарини меҳнат дар соҳаи истеҳсолоти моддӣ дар моҳи июли соли ҷорӣ миёни кормандони соҳаҳои кишоварзӣ, моҳидорӣ ва хоҷагии ҷангал буд, ки дар ин соҳаҳо 531 сомониро ташкил дод.

Музди баландтарин дар саноати маъданҳои кӯҳӣ - 2,2 ҳазор сомонӣ, дар сохтмон - 2,3 ҳазор сомонӣ, дар бахши энергетика - 2,1 ҳазор сомонӣ ба қайд гирифта шуд.

Дар соҳаи истеҳсолоти моддӣ умуман музди миёнаи моҳона дар моҳи июл 1,5 ҳазор сомониро ташкил додааст.

Миёни бахшҳои соҳаи ғайриистеҳсолӣ музди баландтаринро кормандони соҳаи молия ва бонкӣ мегирифтаанд, ки ба ҳисоби миёна ба 3,7 ҳазор сомонӣ баробар будааст.

Умуман, музди миёнаи моҳона дар бахшҳои соҳаи ғайриистеҳсолӣ дар моҳи июл 1,1 ҳазор сомониро ташкил дод ва нисбат ба ҳамин давраи соли 2009 17,7% коҳиш ёфтааст.

0
Барчаспҳо:
қарз, маош, Тоҷикистон