Коҳиши назарраси муҳоҷирини корӣ дар Русия: омори ВКД

352
(Таҷдидшуда 11:40 06.11.2020)
Тибқи иттилои Вазорати корҳои дохилии Федератсияи Россия, дар қаламрави кишвар зиёда аз 1,7 миллион шаҳрвандони хориҷӣ фаъолияти меҳнатии худро анҷом медиҳанд, ки ин нишондиҳанда дар ҳамин давраи соли қабл 2,3 миллион буд

ДУШАНБЕ, 6 ноя - Sputnik. Вазорати корҳои дохилии Русия хабар дод, ки дар муқоиса бо моҳи сентябри соли гузашта, имсол муҳоҷирони меҳнатӣ дар қаламрави ин кишвар 22,5% коҳиш ёфтанд, менависад "Известия".

Тибқи ҳисоботи омории ВКД, зиёда аз 1 миллиону 700 ҳазор шаҳрвандони хориҷӣ фаъолияти меҳнатии худро анҷом медиҳанд.

Як сол қабл, ин рақам ба 2,3 миллион нафар баробар буд.

Шумораи шаҳрвандони кишварҳои Иттиҳоди иқтисодии Авруосиё, ки дар Русия кор мекунанд, низ 26% коҳиш ёфтааст (333 ҳазор нисбат ба 450 ҳазор соле қабл), ки шумораи бештари шаҳрвандони бидуни раводидро ташкил медиҳанд.

Вобаста ба таҳлили бозори меҳнати муҳоҷирон, баҳисобгирии ҳолат ва тавозуни захираҳои меҳнатиро Вазорати меҳнати Федератсияи Россия гуфта буд, ки ба тақсимоти квотаҳо барои ҷалби шаҳрвандони хориҷие, ки дар Русия дар асоси раводид кор мекунанд, машғуланд.

Генерал Валентина Казакова шарҳ дод, чигуна ҳуқуқи муҳоҷирон ҳимоят хоҳад шуд

Ин ниҳод гуфт, ки аз соли 2020 шумораи умумии квотаҳо барои ҳамаи минтақаҳо қариб 105 ҳазор нафарро ташкил медиҳад, ки ин нисбат ба соли гузашта 35,5 ҳазор камтар аст.

Гуфта мешавад, бо дархости корфармоён, то охири сол квотаҳо метавонанд дар байни минтақаҳо дар ҳудуди муқарраршуда тақсим карда шаванд.

"Қисми зиёди квотаҳо барои корфармоён дар минтақаҳои Амур, қаламравҳои Приморский ва Хабаровск, Маскав ва вилояти Маскав ҷудо карда шудаанд", - гуфтанд дар Вазорати меҳнат.

Дар ин миён маълум аст, ки шаҳрдории Маскав нақша дорад, ки муҳоҷиронро барои кор дар бахши тозакории пойтахт ҷалб кунад, аммо талабгор будани чунин пешниҳод воқеӣ ба назар намерасад.

Собянин гуфт, Маскав бе муҳоҷирон ба чӣ мушкил мувоҷеҳ шудааст

Мавриди зикр аст, ки аксари шаҳрвандони хориҷӣ барои кор дар асоси раводид ба Русия аз Чин, Ветнам, Туркия, Ҳиндустон ва Сербия меоянд.

352
Барчаспҳо:
бурсияҳо, квота, кор, муҳоҷирин, Русия
Министр строительства и ЖКХ России Ирек Файзуллин и посол Таджикистана Имомуддин Сатторов

Сатторов бо роҳбари Вазорати сохтмони Русия тақдири муҳоҷирони тоҷикро баррасӣ кард

293
(Таҷдидшуда 13:54 02.12.2020)
Намояндагони Тоҷикистон ва Русия оид ба вазъ дар соҳаи сохтмон ва муҳоҷират зимни як нишаст дидору мулоқот карданд

ДУШАНБЕ, 2 дек — Sputnik. Сафири Фавқулода ва Мухтори Тоҷикистон дар Русия, Имомуддин Сатторов рӯзи гузашта бо Вазири сохтмон, манзил ва коммуналии Русия, Ирек Файзуллин мулоқот кард, хабар медиҳад хадамоти матбуотии ин ниҳоди Русия.

Ҷонибҳо, аз ҷумла сафари гузаштаи раҳбари парлумони Тоҷикистон, Рустами Эмомалӣ ба Маскав ва натиҷаҳои гуфтушунидҳои ӯро бо намояндагони мақомоти Русия муҳокима кардаанд.

Дар муколама бо вазири Русия, Сатторов имкониятҳои сармоягузории нави тиҷорати Русияро дар бахши сохтмон, саноат ва дигар лоиҳаҳои зерсохтӣ дар Тоҷикистон баррасӣ кард.

Мавзӯи асосии музокирот, муҳоҷирон ва таъсири онҳо ба соҳаи сохтмон буд. Тарафҳо вазъи кунунии бозорро бо сабаби пандемияи коронавирус, инчунин роҳҳои ҳалли масъалаҳои ҷамъшударо баррасӣ карданд.

Мақомдорони СААД вазъи муҳоҷират дар пандемияро баррасӣ кардаанд

Ҳамзамон мушкилоти марбут ба муҳоҷиронро, ки бо сохтмон, нигоҳдорӣ ва хизматрасонӣ алоқаманданд, баррасӣ шудаанд.

Крупнов: низоми супоридани имтиҳонҳо барои муҳоҷирон дар Русия шаффофтар мешавад

Сатторов ва Файзуллин ба механизмҳои ҳамкориҳои минбаъда дар масъалаи ҷалби муташаккилонаи мутахассисон аз Тоҷикистон барои кор дар сохтмонҳои Русия диққати махсус доданд, мегӯяд дафтари матбуотии Вазорати сохтмони Русия.

 

293
Барчаспҳо:
муҳоҷират, Имомуддин Сатторов, Русия, Тоҷикистон
Мулоқоти вазири меҳнат, муҳоҷират ва шуғли аҳолии Ҷумҳурии Тоҷикистон Ширин Амонзода бо Сафири Фақулода ва Мухтори Федератсияи Россия дар Ҷумҳурии Тоҷикистон   Игор Семёнович Лякин – Фролов

Вазири меҳнат бо сафир иҷозаи сафари тоҷикистониён барои кор ба Русияро баррасӣ кард

1073
(Таҷдидшуда 13:27 02.12.2020)
Ширин Амонзода вазири тозатаъйини меҳнат, муҳоҷират ва шуғли аҳолии кишвар бо сафири Русия масъалаҳои марбут ба муҳоҷиронb меҳнатӣ ва мушкили онҳоро баррасӣ кардаанд

ДУШАНБЕ, 2 дек — Sputnik. Вазири меҳнат, муҳоҷират ва шуғли аҳолии Ҷумҳурии Тоҷикистон, Ширин Амонзода бо Сафири Фавқулода ва Мухтори Федератсияи Русия дар Ҷумҳурии Тоҷикистон, Игор Семёнович Лякин – Фролов мулоқот намудааст.

Тибқи иттилои дафтари матбуотии ин ниҳод, зимни мулоқот ҷонибҳо аз тақвияти ҳамкориҳои муштарак ва стратегии Тоҷикистону Федератсияи Русия зикр намуда, иброз намуданд, ки муносибатҳои Тоҷикистон ва Федератсияи Русия дар самтҳои мухталифи иқтисодию иҷтимоӣ ва маданию фарҳангӣ густариш ёфта, кишварҳо шарикони стратегӣ ва боэътимоди ҳамдигар ба ҳисоб мераванд.

Муҳоҷиру пулу гӯшаи тоҷикон: натиҷаҳои нахустсафари расмии Рустами Эмомалӣ ба Маскав

Ба иттилои манбаъ, дар ҷараёни мулоқот ҷонибҳо масъалаҳои тақвияти ҳамкорӣ дар самти муҳоҷирати меҳнатӣ, ба расмиятдарории буду бош ва иҷозати муҳоҷирони меҳнатӣ – шаҳрвандони Ҷумҳурии Тоҷикистон барои вуруд ва фаъолияти меҳнатӣ дар Федератсияи Русия, бақайдгирии оилаҳои муҳоҷирони меҳнатӣ ва фарзандони онҳо, коркарди низоми ягонаи маълумоти оморӣ оид ба фаъолият ва зиндагии муҳоҷирони меҳнатӣ дар Федератсияи Россияро баррасӣ кардаанд.

Ҳамзамон омода ва сафарбарии муташакилонаи муҳоҷирони меҳнатӣ дар давраи пандемия тавассути рейсҳои чартерӣ ба Федератсияи Русия, таъсиси маркази муштараки омоданамоии  мутахассисони соҳаҳои мухталифи бозори меҳнат дар Тоҷикистон, таҳияи барномаи муштарак оид ба фаъолият ва буду боши муҳоҷирати меҳнатӣ, табодули таҷриба ва тақвияти ҳамкориҳои пайвастаи мақомоти Федератсияи Русия бо намояндагии Вазорат дар Федератсияи Русия аз мавзӯъҳои дигари ин мулоқот будааст.

Аз муҳоҷирати корӣ то тиҷорат: сарвазири Корея ба вазири тоҷик чӣ ваъда дод?

Гуфта мешавад, дар ҷараёни мулоқот инчунин вобаста ба таъсиси маркази омоданамоии мутахассисони соҳаҳои иҷтимоию иқтисодӣ дар бозори меҳнат ва сафарбарнамоии шаҳрвандон барои таъмини  ҷойи кори доимӣ ба Федератсияи Русия ба тавофуқ расида, иброз намуданд, ки масъалаи мазкур барои беҳтар гардидани шароити корӣ ва  таъмини муҳоҷирони меҳнатӣ бо ҷойи кори доимӣ василаи муҳим мебошад.

1073
Здание парламента Республики Таджикистан

Баҳси тухм дар парлумон: раиси Хадамоти зиддиинҳисорӣ болоравии нархро шарҳ дод

0
(Таҷдидшуда 18:14 02.12.2020)
Вакилони палатаи поёнии парлумони кишвар зимни қабули лоиҳаи тағйиру иловаҳо ба қонун "Дар бораи ҳимояи ҳуқуқи истеъмолкунандагон" раиси Хадамоти зиддиинҳисорӣ хостанд, то болоравии нархи маҳсулотро шарҳ диҳад

ДУШАНБЕ, 2 дек – Sputnik. Абдумаҷид Муъминзод, имрӯз зимни ҷаласаи парлумонӣ дар ҳузури вакилон гуфт, болоравии нархи беъзе маҳсулот аз моҳи октябр оғоз шуд.

Ӯ аз ҷумла тухми мурғро мисол оварда гуфт, ки он ба омилҳои беруна рабт дорад.

Ба гуфтаи ӯ аз ҷониби Хадамот дар тамоми бозорҳои шаҳри Душанбе санҷишҳо гузаронида шуд ва аз тамоми фабрикаву корхонаҳое, ки ба истеҳсоли тухм машғуланд тамоми хароҷоти онҳоро қабул кардем, ки тибқи таҳлилҳо он ба омилҳои беруна бастагӣ дорад.

Муъминзод гуфт, таҳлилҳое низ доранд, ки ба ҳукумат ҳам пешниҳод кардаанд, ки на танҳо дар дохили кишвар нархи он гарон аст.

“ Агар имрӯз дар бозори дохилии кишвар 1 дона тухм 1 ва ё 1 сомониву 10 дирам ба фурӯш бароварда шавад дар дигар кишварҳо аз ҷумла дар Ӯзбекистон як ячейка тухм 35-40 сомон арзиш дорад”.

Ӯ гуфт, агар нархи маҳсулот беасос боло бурда шавад, тибқи қарори ҳукумат аз сӯйи давлат танзим карда мешавад.

Саидҷаъфар Усмонзода,  вакили парлумон ва раҳбари Ҳизби демократӣ гуфт, агар гӯшт ё тухмро аз хориҷа ворид кунем, аз нархи тухм ва гӯшти мурғи Тоҷикистон арзонтар мефарояд.

Ба гуфтаи вакили парлумон, барои воридот имтиёзҳои зиёд аст, ва за бисёр уҳдадориҳо озод шудаанд, аммо ворид карда наметавонанд.

Дастури Раҳмон барои муътадил нигоҳ доштани нархҳо

Гароншавии нарх аз ҷумла ба маводҳои ниёзи аввалия, аз қабили шакару равғану тухм ва орд дар бозорҳои Тоҷикистон ҳамарӯза дар расонаҳо ва ё миёни корбарон баҳс мешавад.

Мақомоти тоҷик бошад сабаби онро ё дар камбуди истеҳсоли он ва ё болоравии нарх дар кишварҳои воридкунанда арзёбӣ мекунанд. 

0