Мигранты у здания УФМС, архивное фото

Ҳукумати Русия шумораи квотаҳо барои дарёфти "РВП"-ро якбора кам кард

710
(Таҷдидшуда 14:00 11.11.2020)
Ҳукумати Русия шумораи квотаҳо барои дарёфти "РВП" - иҷозаи иқомати муваққатиро барои соли 2021 якбора кам кард

ДУШАНБЕ, 11 ноя — Sputnik. Сарвазири Русия Михаил Мишустин шумораи квотаҳоро барои шаҳрвандони хориҷӣ ҷиҳати дарёфти РВП, кам кард.

Ҳуҷҷати мазкур дар портали ягонаи ҳуқуқии кишвар нашр шудааст.

Ҳамин тавр, соли 2021 барои дарёфти РВП дар ҳудуди Федератсияи Русия барои шаҳрвандони хориҷӣ ва ашхоси бешаҳрвандӣ беш аз 39,3 ҳазор квота ҷудо шудааст.

Дар қиёс бо соли гузашта шумораи квотаҳо қариб 50 дарсад кам шудааст. Соли 2020 квотаҳо барои 60,2 ҳазор муҳоҷир ва ду сол қабл бошад 90,3 ҳазор ҷудо шуда буд.

Шумораи бештари квотаҳо барои вилояти Маскав - 2,5 ҳазор, Маскав - 2 ҳазор ва Санкт-Петербург - 1,2 ҳазор ҷудо шудааст..

Вилоятҳои Ростов, Белгород, Тула ва Ставрополск танҳо як ҳазорӣ муҳоҷиронро тариқи квотаҳо бо иҷозаи иқомат таъмин хоҳанд кард.

Казакова роҳҳои осони гирифтани шаҳрвандии Русияро нишон дод

Ёдрас мешавем, ки бино ба гузориши ВКД, шумораи муҳоҷирон дар Русия хеле кам шудааст.

Коҳиши муҳоҷирон пеш аз ҳама бо ҳамагирии коронавирус ва баста будани марзҳо рабт дода мешавад.

710
Барчаспҳо:
РВП, муҳоҷирон, Русия

Қатар бори дигар таъкид кард, ки ба муҳоҷирони тоҷик ниёз дорад

323
(Таҷдидшуда 14:23 03.12.2020)
Давлати Қатар муҳоҷирони меҳнатии тоҷикро дар самти корҳои сохтмонӣ, инфрасохтори сайёҳӣ, меҳмоннавозӣ ва бахши хизматрасонии иҷтимоӣ даъват намуд

ДУШАНБЕ, 3 дек – Sputnik. Бино бар иттилои дафтари матбуоти Вазорати меҳнат ва шуғли аҳолии Тоҷикистон ин нукта ахиран зимни баргузории  ҷаласаи нахустини гурӯҳи кории муштарак оид ба татбиқи Созишнома байни Ҳукумати Тоҷикистон ва Ҳукумати давлати Қатар, баён гардид.

Гуфта шудааст, ки ин масъаларо Шаҳноза Нодирӣ, муовини Вазири меҳнат, муҳоҷират ва шуғли аҳолии Тоҷикистон бо ҳайати Давлати Қатар, ки ба  таври фосилавӣ баргузор  шуд, баррасӣ кард.

Таъкид шудааст, ки зимни мулоқот ҷонибҳо қайд карданд, ки муҳоҷирони меҳнатии тоҷик дар ин самт дастовардҳои назаррасро соҳиб мебошанд.

Ҳамчунин дар  мулоқот оид ба ҳамкории муштарак ва муносибатҳои дӯстонаи кишварҳои тарафайн дар масъалаҳои муҳими иҷтимоӣ ибрози назар намуда, баргузории мулоқоти фосилавиро барои муътадил гардонидани бозори меҳнат ва фароҳам овардани шароити корӣ барои муҳоҷирони меҳнатӣ муҳим ва саривақтӣ арзёбӣ намуданд.

Ҳамзамон зимни гуфтушуниди фосилавӣ масъалаҳои  ба таври муташаккилона сафарбарнамоии муҳоҷирони меҳнатӣ–шаҳрвандони Тоҷикистон ба Давлати Қатар,  бақайдгирӣ ва барасмиятдарории муҳоҷирони меҳнатӣ–шаҳрвандони Тоҷикистон дар Давлати Қатар, ҳимояи ҳуқуқ, омӯзиши малакаҳои забондонӣ, баланд бардоштани тахассуси муҳоҷирони меҳнатӣ зимни фаъолияти корӣ дар Давлати Қатар мавриди муҳокимаи  гурӯҳи корӣ қарор гирифтанд.

Дар интиҳои мулоқот барои татбиқи босамари санади ҳамкории мазкур  тасмим гирифта шуд, ки новобаста аз пандемияи коронавируси COVID-19 нақшаи кории муштараки дуҷониба дар муддати кӯтоҳтарин таҳия ва баҳри татбиқи амалии он тадбирҳои муассир ва мушаххас андешида шаванд.

323
Барчаспҳо:
меҳмонхона, кор, сайёҳӣ, сохтмонӣ, Қатар, Тоҷикистон
Министр строительства и ЖКХ России Ирек Файзуллин и посол Таджикистана Имомуддин Сатторов

Сатторов бо роҳбари Вазорати сохтмони Русия тақдири муҳоҷирони тоҷикро баррасӣ кард

365
(Таҷдидшуда 13:54 02.12.2020)
Намояндагони Тоҷикистон ва Русия оид ба вазъ дар соҳаи сохтмон ва муҳоҷират зимни як нишаст дидору мулоқот карданд

ДУШАНБЕ, 2 дек — Sputnik. Сафири Фавқулода ва Мухтори Тоҷикистон дар Русия, Имомуддин Сатторов рӯзи гузашта бо Вазири сохтмон, манзил ва коммуналии Русия, Ирек Файзуллин мулоқот кард, хабар медиҳад хадамоти матбуотии ин ниҳоди Русия.

Ҷонибҳо, аз ҷумла сафари гузаштаи раҳбари парлумони Тоҷикистон, Рустами Эмомалӣ ба Маскав ва натиҷаҳои гуфтушунидҳои ӯро бо намояндагони мақомоти Русия муҳокима кардаанд.

Дар муколама бо вазири Русия, Сатторов имкониятҳои сармоягузории нави тиҷорати Русияро дар бахши сохтмон, саноат ва дигар лоиҳаҳои зерсохтӣ дар Тоҷикистон баррасӣ кард.

Мавзӯи асосии музокирот, муҳоҷирон ва таъсири онҳо ба соҳаи сохтмон буд. Тарафҳо вазъи кунунии бозорро бо сабаби пандемияи коронавирус, инчунин роҳҳои ҳалли масъалаҳои ҷамъшударо баррасӣ карданд.

Мақомдорони СААД вазъи муҳоҷират дар пандемияро баррасӣ кардаанд

Ҳамзамон мушкилоти марбут ба муҳоҷиронро, ки бо сохтмон, нигоҳдорӣ ва хизматрасонӣ алоқаманданд, баррасӣ шудаанд.

Крупнов: низоми супоридани имтиҳонҳо барои муҳоҷирон дар Русия шаффофтар мешавад

Сатторов ва Файзуллин ба механизмҳои ҳамкориҳои минбаъда дар масъалаи ҷалби муташаккилонаи мутахассисон аз Тоҷикистон барои кор дар сохтмонҳои Русия диққати махсус доданд, мегӯяд дафтари матбуотии Вазорати сохтмони Русия.

 

365
Барчаспҳо:
муҳоҷират, Имомуддин Сатторов, Русия, Тоҷикистон
Сохтмони роҳ, акс аз бойгонӣ

Оғози сохтмони роҳи дорои 8 хати ҳаракат дар Душанбе бо пули Ҳинд

0
Шаҳрдории Душанбе аз оғози сохтмони роҳи автомобилгард аз Дарвозаи Ғарбӣ то маҳаллаи Чортут расман оғоз бахшида шуд

ДУШАНБЕ, 3 дек — Sputnik. Ба иттилои шаҳрдорӣ, роҳи автомобилгард аз Дарвозаи Ғарбӣ то маҳаллаи Чортут тибқи нақша дар се марҳила бунёд мешавад.

“Марҳилаи аввал аз Дарвозаи Ғарбӣ то роҳи автомобилгарди Айнӣ, бо дарозии 4,2 километр марҳилаи дуюм аз роҳи автомобилгарди Айнӣ то роҳи автомобилгарди Шарора бо дарозии 3,2 км ва марҳилаи сеюм аз роҳи автомобилгарди Шарора то пайваст ба кӯчаи Раҳмон Набиеви маҳаллаи Чортут бо дарозии 1,88 км-ро дар бар мегирад”, - омадааст дар иттилоия.

Манбаъ таъкид намуд, ки паҳноии роҳ аз 40 метр иборат буда,  8 хати ҳаракат дар ду самт, пиёдароҳҳо, як адад пул дар болои канали калони Ҳисор ва як гузаргоҳи роҳи оҳан, 2 адад гардишҳои нақлиётӣ, чароғакҳои роҳнамо дар ду қитъа, аломатҳои бехатарии роҳ, хати кабудизор, дарахту буттаҳои ороишию сояафкан дар ду тараф унсурҳои асосии роҳро ташкил медиҳанд.

Зикр шудааст, ки иншоот дар доираи ҳамкориҳои судманди миёни Тоҷикистону Ҳиндустон бо харҷи 46,5 миллион доллари ИМА сохта мешавад.

Лоиҳаи “Сохтмони роҳи автомобилгард аз Дарвозаи Ғарбӣ то маҳаллаи Чортут” яке аз тарҳҳои самарабахши ҳамкорӣ байни шаҳрдорӣ ва Ҳукумати Ҷумҳурии Ҳиндустон маҳсуб меёбад, ки марҳилаи аавали он расман шуруъ гардид.

0
Барчаспҳо:
роҳ, сохтмон, Тоҷикистон