Мигранты у здания УФМС

Вилояти Твери Русия барои таъмини аҳолияш ба кор нархи патентро гарон кард

245
(Таҷдидшуда 11:12 18.11.2020)
Муҳоҷирони меҳнатии вилояти Твер аз соли 2021 барои патент на 5,3 ҳазор рубл, тавре ки қаблан буд, пардохт мекунанд, балки  5,8 ҳазор хоҳанд супорид

ДУШАНБЕ, 18 ноя - Sputnik. Ҳукумати вилояти Твер аз соли 2021 тасмим гирифтааст, ки нархи патентро, ки муҳоҷирон барои кор дар ин минтақа ниёз доранд, афзоиш диҳад, гузориш медиҳад ҳукумати минтақа.

Ба иттилои манбаъ, нархи патенет аз 5327 рубл то 5.805 рубл боло меравад.

Тибқи қарори дар ҷаласаи ҳукумати вилояти Твер таҳти роҳбарии губернатор Игор Рудени қабулшуда, чунин тадбир сатҳи шуғли сокинони маҳаллиро баланд мебардорад.

Ҳифзи ҳуқуқи муҳоҷир: кор барои тоҷикистониён дар Русия осон мешавад?

"Дар назди ҳукумати вилояти Твер вазифаи муҳим - ҳамоҳангсозии ҷуброни қувваҳои корӣ истодааст: он ҷойҳое, ки муҳоҷирон холӣ мекунанд, бояд ба сокинони минтақаи Верхневолж дода шаванд ва бо ин сатҳи бекориро дар байни аҳолии минтақа коҳиш дод", - мегӯяд  дафтари матбуотии губернатор.

Ёдовар мешавем, ки ҳанӯз соли 2015 нархи патент дар вилояти Твер барои кори шаҳрвандони хориҷӣ тақрибан 3 ҳазор рублро ташкил медод ва давоми ҳамакнун панҷ сол қариб як баробар боло рафт.

Тибқи қарори мақомоти минтақавӣ, арзиши он тадриҷан афзоиш ёфт, илова бар ин, дар солҳои охир барои истифодаи қувваи кории хориҷӣ дар 33 намуди фаъолияти иқтисодӣ низ маҳдудиятҳо ҷорӣ карда шуданд.

Чораҳои андешидашуда дар минтақа, ки қаблан шаҳрвандони хориҷӣ дар он ҷо кор мекарданд, беш аз 9 ҳазор ҷойҳои кориро озод кард, афзудааст манбаъ.

Гуфта мешавад, вилояти Твер яке аз 15 субъектҳои Русия мебошад, ки сатҳи бекорӣ пасттарин - 11 аз 85 мебошад.

Қадри муҳоҷир: иқтисодиёти Русия бидуни шаҳрвандони хориҷӣ чӣ мешавад?

Тибқи пешгӯиҳои хадамоти шуғли минтақавӣ, соли оянда дар он ҷо тамоюли беҳбуди вазъи бозори меҳнат идома хоҳад ёфт.

245
Министр строительства и ЖКХ России Ирек Файзуллин и посол Таджикистана Имомуддин Сатторов

Сатторов бо роҳбари Вазорати сохтмони Русия тақдири муҳоҷирони тоҷикро баррасӣ кард

304
(Таҷдидшуда 13:54 02.12.2020)
Намояндагони Тоҷикистон ва Русия оид ба вазъ дар соҳаи сохтмон ва муҳоҷират зимни як нишаст дидору мулоқот карданд

ДУШАНБЕ, 2 дек — Sputnik. Сафири Фавқулода ва Мухтори Тоҷикистон дар Русия, Имомуддин Сатторов рӯзи гузашта бо Вазири сохтмон, манзил ва коммуналии Русия, Ирек Файзуллин мулоқот кард, хабар медиҳад хадамоти матбуотии ин ниҳоди Русия.

Ҷонибҳо, аз ҷумла сафари гузаштаи раҳбари парлумони Тоҷикистон, Рустами Эмомалӣ ба Маскав ва натиҷаҳои гуфтушунидҳои ӯро бо намояндагони мақомоти Русия муҳокима кардаанд.

Дар муколама бо вазири Русия, Сатторов имкониятҳои сармоягузории нави тиҷорати Русияро дар бахши сохтмон, саноат ва дигар лоиҳаҳои зерсохтӣ дар Тоҷикистон баррасӣ кард.

Мавзӯи асосии музокирот, муҳоҷирон ва таъсири онҳо ба соҳаи сохтмон буд. Тарафҳо вазъи кунунии бозорро бо сабаби пандемияи коронавирус, инчунин роҳҳои ҳалли масъалаҳои ҷамъшударо баррасӣ карданд.

Мақомдорони СААД вазъи муҳоҷират дар пандемияро баррасӣ кардаанд

Ҳамзамон мушкилоти марбут ба муҳоҷиронро, ки бо сохтмон, нигоҳдорӣ ва хизматрасонӣ алоқаманданд, баррасӣ шудаанд.

Крупнов: низоми супоридани имтиҳонҳо барои муҳоҷирон дар Русия шаффофтар мешавад

Сатторов ва Файзуллин ба механизмҳои ҳамкориҳои минбаъда дар масъалаи ҷалби муташаккилонаи мутахассисон аз Тоҷикистон барои кор дар сохтмонҳои Русия диққати махсус доданд, мегӯяд дафтари матбуотии Вазорати сохтмони Русия.

 

304
Барчаспҳо:
муҳоҷират, Имомуддин Сатторов, Русия, Тоҷикистон
Мулоқоти вазири меҳнат, муҳоҷират ва шуғли аҳолии Ҷумҳурии Тоҷикистон Ширин Амонзода бо Сафири Фақулода ва Мухтори Федератсияи Россия дар Ҷумҳурии Тоҷикистон   Игор Семёнович Лякин – Фролов

Вазири меҳнат бо сафир иҷозаи сафари тоҷикистониён барои кор ба Русияро баррасӣ кард

1162
(Таҷдидшуда 13:27 02.12.2020)
Ширин Амонзода вазири тозатаъйини меҳнат, муҳоҷират ва шуғли аҳолии кишвар бо сафири Русия масъалаҳои марбут ба муҳоҷиронb меҳнатӣ ва мушкили онҳоро баррасӣ кардаанд

ДУШАНБЕ, 2 дек — Sputnik. Вазири меҳнат, муҳоҷират ва шуғли аҳолии Ҷумҳурии Тоҷикистон, Ширин Амонзода бо Сафири Фавқулода ва Мухтори Федератсияи Русия дар Ҷумҳурии Тоҷикистон, Игор Семёнович Лякин – Фролов мулоқот намудааст.

Тибқи иттилои дафтари матбуотии ин ниҳод, зимни мулоқот ҷонибҳо аз тақвияти ҳамкориҳои муштарак ва стратегии Тоҷикистону Федератсияи Русия зикр намуда, иброз намуданд, ки муносибатҳои Тоҷикистон ва Федератсияи Русия дар самтҳои мухталифи иқтисодию иҷтимоӣ ва маданию фарҳангӣ густариш ёфта, кишварҳо шарикони стратегӣ ва боэътимоди ҳамдигар ба ҳисоб мераванд.

Муҳоҷиру пулу гӯшаи тоҷикон: натиҷаҳои нахустсафари расмии Рустами Эмомалӣ ба Маскав

Ба иттилои манбаъ, дар ҷараёни мулоқот ҷонибҳо масъалаҳои тақвияти ҳамкорӣ дар самти муҳоҷирати меҳнатӣ, ба расмиятдарории буду бош ва иҷозати муҳоҷирони меҳнатӣ – шаҳрвандони Ҷумҳурии Тоҷикистон барои вуруд ва фаъолияти меҳнатӣ дар Федератсияи Русия, бақайдгирии оилаҳои муҳоҷирони меҳнатӣ ва фарзандони онҳо, коркарди низоми ягонаи маълумоти оморӣ оид ба фаъолият ва зиндагии муҳоҷирони меҳнатӣ дар Федератсияи Россияро баррасӣ кардаанд.

Ҳамзамон омода ва сафарбарии муташакилонаи муҳоҷирони меҳнатӣ дар давраи пандемия тавассути рейсҳои чартерӣ ба Федератсияи Русия, таъсиси маркази муштараки омоданамоии  мутахассисони соҳаҳои мухталифи бозори меҳнат дар Тоҷикистон, таҳияи барномаи муштарак оид ба фаъолият ва буду боши муҳоҷирати меҳнатӣ, табодули таҷриба ва тақвияти ҳамкориҳои пайвастаи мақомоти Федератсияи Русия бо намояндагии Вазорат дар Федератсияи Русия аз мавзӯъҳои дигари ин мулоқот будааст.

Аз муҳоҷирати корӣ то тиҷорат: сарвазири Корея ба вазири тоҷик чӣ ваъда дод?

Гуфта мешавад, дар ҷараёни мулоқот инчунин вобаста ба таъсиси маркази омоданамоии мутахассисони соҳаҳои иҷтимоию иқтисодӣ дар бозори меҳнат ва сафарбарнамоии шаҳрвандон барои таъмини  ҷойи кори доимӣ ба Федератсияи Русия ба тавофуқ расида, иброз намуданд, ки масъалаи мазкур барои беҳтар гардидани шароити корӣ ва  таъмини муҳоҷирони меҳнатӣ бо ҷойи кори доимӣ василаи муҳим мебошад.

1162

Владимир Путин аз нақши махсуси Тоҷикистон зикр кард - видео

0
(Таҷдидшуда 19:14 02.12.2020)
Русия ҳамроҳ бо Тоҷикистон ҷилавгирӣ аз вуруди террористон ва маводи мухаддир аз кишварҳои ҳамсояро идома хоҳад дод

Владимир Путин, расиҷумҳури Русия зимни ҷаласаи Шӯрои амнияти дастаҷамъии СААД аз нақши махсуси Тоҷикистон зикр кард.

“Мехоҳам нақши махсуси Тоҷикистонро дар ҷилавгирӣ аз таҳдидҳое, ки аз кишварҳои ҳамсоя меоянд, зикр намоям, албатта, ман воридшавии маводи мухаддир ва террористонро дар назар дорам. Дар ин самт Тоҷикистон корҳои азими мусбат анҷом дода истодааст, ин корро дар якҷоягӣ бо шумо идома медиҳем, аз ҷумла, бо истифода аз имконияти худ бо сохтори низомии Русия, ки дар қаламрави Тоҷикистон ҷойгир аст”, — изҳор дошт Путин.

Раисҷумҳури Русия афзуд, ки Тоҷикистон дар самти ҷилавгирӣ аз гардиши ғайриқонунии маводи мухаддир ва терроризм кори азими мусбатро анҷом медиҳад.

Владимир Путин қайд кард, ки Русия минбаъд низ Тоҷикистонро дар масъалаҳои амният дастгирӣ хоҳад кард, аз ҷумла, бо истифода аз имконоти сохтори низомии Русия кумак хоҳад кард.

Имрӯз таҳти раёсати Президенти Русия Владимир Путин дар шакли видеоконфронс ҷаласаи Шӯрои амнияти дастаҷамъии Созмони Аҳдномаи Амнияти Дастаҷамъӣ баргузор шуд.

Дар ҷаласа масъалаҳои ҳамкории иттифоқӣ дар доираи созмон, афзоиши минбаъдаи самаранокии СААД, мушкилоти мубрами амнияти байналмилалӣ ва минтақавӣ баррасӣ гардиданд.

Дар ҷаласа Президенти Тоҷикистон Эмомалӣ Раҳмон, Сарвазири Арманистон Никол Пашинян, Президенти Беларус Александр Лукашенко, Президенти Қазоқистон Қосим-Жомарт Токаев ва иҷрокунандаи вазифаи Президенти Қирғизистон Талант Мамитов ширкат варзиданд.

0
Барчаспҳо:
Эмомалӣ Раҳмон, Владимир Путин, нақша, террористон, ҳамсоя, ҷилавгирӣ, Русия, Тоҷикистон