Сергей Катырин

Катирин: бидуни муҳоҷирони меҳнатӣ иншоотҳои саноатӣ аз кор монданд

305
(Таҷдидшуда 14:58 09.12.2020)
Роҳбари Палатаи савдо ва саноати Русия Сергей Катирин таъкид кардааст, ки иҷозати вуруд ба Русия пеш аз ҳама бояд ба мутахассисони баландихтисос дода шавад

ДУШАНБЕ, 9 дек — Sputnik. Роҳбари Палатаи савдо ва саноати Русия Сергей Катирин ба нахуствазири кишвараш Михаил Мишустин барои вуруди соддаи муҳоҷирони меҳнатӣ бо оилаҳояшон ба Русия нома равон кард. Ташаббуси Палатаи савдои Русия дар асоси дархости зиёди ҷамъияти тиҷории ин кишвар сурат гирифтааст.

Ба гуфтаи Катирин ин иқдом пеш аз ҳама ба мутахассисони баландихтисос ва аъъзои оилаҳои онҳо рабт дорад. Барои мисол ин иқдом барои нафароне равона шудааст, ки метавонанд дастгоҳҳои мушкили хориҷӣ, ки пеш аз пандемия харидорӣ шудаанд, роҳандозӣ кунад.

Дар даврони пандемия COVID-19 ба кишвари ҳеқ касе наметавонад ворид шавад ва таҷҳизотро роҳандозӣ кунад. Ба мо ширкатҳо бо ҳолатҳои форс-мажор муроҷиат мекунанд. Онҳо ба хотири он ки таҷҳизот насб ва роҳандозӣ нашудааст наметавонанд уҳдадориҳои худро иҷро кунанд, мутахассисон наомаданд ба ҳамин хотир онҳо натавонистанд имкониятҳои худро роҳандозӣ намоянд. Мо ингуна дархост зиёд дорем”, – гуфт Катирин дар суҳбат бо Sputnik Тоҷикистон.   

Вай таъкид дошт, ки ба хотири норасоии қувваи корӣ дар соҳаи сохтмон бахшҳои саноатӣ ва лоиаҳои сармоягузорӣ аз кор монданд.

“Ин ҳақиқатан як ҳолатест, ки ниёз ба мутахассиси баландихтисос аст. аммо ин бештар ба кишварҳои хориҷӣ дур ба монанди Олмон, Австрия, Итолиё ва ғайра абт дорад, ки мо аз онҳо таҷҳизот мехарем”, - илова кард роҳбари Палатаи савдо ва саноати Русия.

Катирин афзуд, ки бештар ба он муҳоҷирони меҳнатие аҳамият дода мешавад, ки дар сохтмони иншоотҳо иштирок доранд. Ба хусус вай дар бораи омӯзондани муҳоҷирони меҳнатӣ аз Ӯзбекистонро қайд кард. Вай гуфт ин лоиҳа озмоишӣ аст ва дар марҳилаи аввал қарор дорад.

“Ҳоло кушиш дорем барои омода кардани кадрҳои баландихтисос бо Ӯзбекистон ҳамкориро ба роҳ монем. Шаҳрвандони Ӯзбекистон бояд дар кишвари худ забони русиро биомӯзанд, аз ташхиси пизишкӣ гузаранд ва касб гиранд ва танҳо пас аз ин метавонанд вориди Русия шаванд”, - гуфт Катирин.

Вай илова кард, ки бо Тоҷикистон дар ин соҳа то ҳол ҳеҷ ҳамкорие ба роҳ монда нашудааст. Аммо вай таъкид дошт, ки агар ин таҷриба натиҷаҳои назаррас нишон диҳад, онро ҳамчунин метавон миёни дигар кишварҳо, ки ба Русия аз онҷо муҳоҷирони меҳнатӣ меоянд, роҳандозӣ кард.

305
Барчаспҳо:
муҳоҷирати меҳнатӣ, иҷозаи вуруд, мутахассисон, муҳоҷират, Русия
Посетитель в многофункциональном миграционном центре Москвы, архивное фото

Русия умури муҳоҷиратро рақамӣ мекунад

456
(Таҷдидшуда 16:23 19.01.2021)
Вазорати умури дохилии Русия лоиҳаи қонунеро таҳия дорад, ки ба рақамисозии низоми муҳоҷирати кишвар равона шудааст

ДУШАНБЕ, 19 янв — Sputnik. ВУД Русия баъди як сол ба Думаи давлатӣ лоиҳаи қонун барои рақамӣ кардани низоми муҳоҷират дар кишварро пешниҳод хоҳад кард, хабар додааст ТАСС бо такя ба ноиби сардори Сарраёсати умури муҳоҷирати ВУД Русия, Павел Дутов.

“Барои мо истифодаи технологияи рақамӣ хеле муҳим аст”, - изҳор дошт Дутов зимни ҷаласаи Кумитаи ҳифзи сиҳатии Думаи давлатӣ.

Ба гуфтаи ӯ, дар доираи Вазорат аллакай низоме ҷорӣ мешавад, маълумот аз дигар сохторҳоро низ фаро хоҳад гирифт. Аз ҷумла тафтиши вуҷуди маълумотномаи тиббии муҳоҷир имконпазир хоҳад шуд. Ин иттилоъро метавон дар низоми онлайн гирифт.

Қаблан мудири Маркази таҳқиқоти умури муҳоҷират, корманди калони илмии Академияи улуми Русия, Дмитрий Полетаев изҳор дошт, ки рақамикунонии таъмини муҳоҷирон бо кор солҳои наздик афзоиш хоҳад ёфт. Ӯ таъкид намуд, ки рақамикунонӣ соҳаҳои дигарро низ фаро хоҳад гирифт.

Маврид ба зикр аст, ки Русия соли 2020 аз рӯи теъдоди муҳоҷирон ба панҷгонаи кишварҳои пешсаф шомил шуд, ки ба ҳисоби СММ дар қаламрави он ҳудуди 12 миллион муҳоҷир иқомат доранд.

456
Барчаспҳо:
рақамӣ, муҳоҷират, Русия
Марде дар майдони сохтмонӣ, акс аз бойгонӣ

Дастури Путин барои сода кардани ҷалби муҳоҷирон ба сохтмонҳо

486
Владимир Путин, раисиҷумҳури Русия, ба кабинаи вазирон дастур додааст, ки ба масъалаи сода кардани ҷалби муҳоҷирони меҳнатӣ ба сохтмонҳо расидагӣ кунад

ДУШАНБЕ, 18 янв — Sputnik. Раисиҷумҳури Русия ба Кабинаи вазирон супориш додааст, ки то 1 март масъалаи ҷалби содаи муҳоҷирони меҳнатӣ ба сохтмонҳо дар замони пандемияро баррасӣ намояд, хабар додааст РИА Новости.

“Путин ба Ҳукумат супориш дод, то 1 март ба масъалаи ҷалби содаи муҳоҷирон ба соҳаи сохтмон расидагӣ кунад”, - таъкид шудааст дар хабар.

Аз ҷумла баррасии ҷалби муҳоҷирони меҳнатӣ аз кишварҳои узви ИДМ ба сохтмонҳо бо риояи қоидаҳои беҳдоштӣ дар назар аст.

Қаблан Путин дар бораи ин масъала изҳор дошт, ки бояд имкон дод, то ҳам муҳоҷирон маблағ кор кунанду ҳам соҳаи сохтмон рушд ёбад.

Раисиҷумҳури Русия аз камбуди нерӯи корӣ дар бахши сохтмон суҳбат карда, таъкид намуда буд, ки ин мавзуъро бо ноиби сарвазир Марат Хуснуллин баррасӣ карда буд.

Вазорати сохтмони Русия барои вуруди соддаи муҳоҷирони меҳнатӣ бо риояи қоидаҳои беҳдоштӣ пешниҳод карда буд. Зикр гардид, ки ширкатҳои ниёзманд ба нерӯи корӣ метавонанд муҳоҷирони меҳнатиро бо риояи қоидаҳои беҳдоштӣ ва таъмини кору манзили зист ҷалб намоянд.

486
Барчаспҳо:
муҳоҷирон, Русия
Даст ба дуо, акс аз бойгонӣ

Афзоиши фавти эрониён аз COVID-19

0
(Таҷдидшуда 20:57 19.01.2021)
Вазорати беҳдошт ва дармони Эрон мегӯяд, дар 24 соати гузашта бар асари коронавирус дар ҷумҳурӣ 83 нафар ҷон доданд

ДУШАНБЕ, 17 янв — Sputnik. Шумори қурбониёни коронавирус дар Эрон, ки 83 миллион нафар аҳолӣ дорад, то имрӯз ба 56 ҳазору 973 тан расид. Дар шабонарӯзи гузашта 83 ҳолати фавт аз ин маризӣ сабт шудаанд.

Ба гузориши Вазорати беҳдошт ва дармони Эрон, дар 24 соати гузашта 5 ҳазору 917 бемори ҷадиди мубтало ба COVID-19 дар Эрон шиносоӣ ва аз ин теъдод 518 нафар бистарӣ шуданд, навиштааст сомонаи Парстудей.

Боз 300 ҳазор ваксина "Спутник V" дастраси мардуми Аргентина шуд - видео

Манбаъ афзуд,  маҷмӯи беморони мубтало ба вируси корона дар Эрон ба як миллиону 342 ҳазору 134 нафар расидааст, ки ҳудуди як миллиону 132 ҳазор нафар аз мубталоён ба ин вирус беҳбуд ёфта ва аз бемористонҳо мурраххас шудаанд.

Теъдоди афроди мубтало ба вируси корона дар ҷаҳон низ ба беш аз 96 миллион нафар расидааст, ки аз ин теъдод беш аз ду миллион нафари ҷони худро аз даст дода ва ҳудуди 69 миллион нафар ҳам беҳбуд ёфтаанд.

0
Барчаспҳо:
беморӣ, вируси корона, Эрон