Зодагони Тоҷикистон дар Петербург мардумро аз коми оташ наҷот доданд - навор
(Таҷдидшуда 10:00 20.01.2021)
Бо шарофати зудамалии ду зодаи Тоҷикистон Зариф ва Фарух, касе дар сӯхтори бинои бисёрқабата дар Санкт-Петербург осеб надидДУШАНБЕ, 9 дек – Sputnik. Ду тоҷикистонӣ дар сӯхторе дар шаҳри Петербург мардумро аз коми оташ наҷот дода, барои хомӯш кардани аланга ба наҷотбахшон кумак карданд, хабар медиҳад шабакаи "Мир 24".
Бино ба иттилои манбаъ, сӯхтор дар бинои 12-ошёна шоми бевақт сар задааст. Тибқи иттилои пешакӣ ин сӯхтор дар паи таркиши балони газ рух додааст ва дарҳол аз тирезаи манзилҳо дуд баромадааст.
Фарух ва Зариф дар он сӯи роҳ зиндагӣ мекунанд, аз ин рӯ даррав ба ҷои ҳодиса ҳозир шудаанд.
"Мо дохили бино шудем, лифт кор намекард ва мо ба воситаи зинапоя боло баромадем. Мо фикр кардем, ки миёни осебдидаҳо кӯдакон ҳам ҳастанд", - нақл кард муҳоҷир.
Дар ҳамин ҳол ҷавонон ҳамроҳи ҳамсояҳо барои аз таги девораҳо баровардани сокинон кумак карданд.
Бо шарофати зудамалии ҷавонони тоҷик, касе дар ин сӯхтор осеб надид.
©
Sputnik / Кирилл Каллиников
Фарух Умаров ва Зариф Ниёзов зодаи Тоҷикистон ҳастанду дар ҳамсоягӣ бузург шудааст.
Дурахшон ва зебо: сӯхтор дар дукони пиротехникӣ дар Ростови лаби Дон - наворҳо
Зариф дар хурдӣ аз падару модараш маҳрум мондааст ва ӯро бобояш ба парастории худ гирифтааст. Аллакай дар 11-солагӣ писарча барои дарёфти қути лоямут аз таҳсил мемонаду ба кор оғоз мекунад.
"Ман мехоҳам, ки фарзандонам соҳиби маълумот бошанд", - мегӯяд ӯ.
Зариф 14 - сол боз дар Русия ба сар мебарад, ӯ шаҳрвандии ин кишварро гирифтааст ва дар завод кор мекунад.
Даҳшат: сӯхтор дар Смоленкс ҷони 5 кӯдак ва 2 калонсолро гирифт
Фарух ба ҳайси ронандаи таксӣ кор мекунад. Ӯ чор сол боз ба Тоҷикистон сафар накардааст ва бисёр пазмон шудааст.
Барчаспҳо:
Манъи вуруди муҳоҷирон бекор шавад: Сатторов бо Казакова мулоқот кард
(Таҷдидшуда 15:34 28.01.2021)
Намояндагони Тоҷикистон ва Русия масъалаҳои марбут ба танзими муҳоҷирати меҳнатиро дар замони пандемия баррасӣ кардандДУШАНБЕ, 28 янв — Sputnik. Рӯзи гузашта дар Маскав мулоқоти Сафири Фавқуллода ва Мухтори Тоҷикистон дар Русия Имомуддин Сатторов ва сардори Сарраёсати масоили муҳоҷиратии Вазорати умури дохилаи Русия Валентина Казакова баргузор гардид, хабар медиҳад дафтари матбуоти сафорат.
View this post on Instagram
Мавзӯи асосии гуфтушунидҳо - танзими муҳоҷирати муҳоҷирони меҳнатӣ дар Русия будааст.
Аз ҷумла Сатторов ва Казакова раванди бардоштани манъи вуруд ба Русия ба категоряҳои муайянро баррасӣ карданд.
Ҳамчунин тарафҳо дар бораи ташкили ҷалби мутахассисон аз Тоҷикистонро ба фаъолияти меҳнатӣ дар Русия баррасӣ карданд.
Теъдоди муҳоҷирони депортшуда дар давраи пандемия аз вилояти Маскав маълум гардид
Намояндагони Тоҷикистон ва Русия ба мувофиқа расиданд, ки ҳамоҳангсозии фаъолиятро дар соҳаҳои танзими равандҳои муҳоҷират ва ҳимояи ҳуқуқи шаҳрвандони Тоҷикистон дар Русия идома медиҳанд.
Казакова ва Сатторов ба мувофиқа расиданд, ки корҳо оид ба мувофиқа кардани лоиҳаҳои созишномаҳо дар соҳаи муҳоҷират байни Русия ва Тоҷикистонро идома медиҳанд.
Улмасов: муҳоҷирати меҳнатӣ аз истифодаи технологияҳои нав бояд бархурдор бошанд
(Таҷдидшуда 20:59 27.01.2021)
Раҳмон Улмасов, мутахассиси тоҷик дар соҳаи муҳоҷират, профессори Донишгоҳи Славянии Русияву Тоҷикистон гуфт, ки замима барои муҳоҷирон дар телефони ҳамроҳ танҳо қадами аввал астДУШАНБЕ, 27 янв — Sputnik. Вазорати меҳнат, муҳоҷират ва шуғли аҳолииТоҷикистон сомонаи infomuhojir.tj ва замимаи мобилӣ барои дастгирии муҳоҷирони меҳнатии тоҷик дар Русия роҳандозӣ кард.
Бартарии ин замима дар он аст, ки барои пайдо кардани кор бо шароити хуб кӯмак мекунад, таъкид дошт мутахассиси соҳаи муҳоҷират, профессори Донишгоҳи Славянии Русияву Тоҷикистон Раҳмон Улмасов дар гуфтугӯ бо Sputnik Тоҷикистон.
"Муҳим он аст, ки муҳоҷири меҳнатӣ дар ин раванд худаш иштирок мекунад ва бидуни миёнаравҳо барои худ ҷои кори муносиб пайдо мекунад. Мақсади асосӣ ин баланд бардоштани сатҳи дониши муҳоҷирон аст. Бояд муҳоҷир аз истифодаи технологияи нав бархурдор бошад ", - қайд кард коршинос.
Улмасов илова кард, ки дар оянда замима бояд мураккабтар шаваду, фаъолияти он васеъ гардад. Инчунин, ба ин замима бояд имкони алоқа бо намояндаи Вазорати меҳнати ҷумҳурӣ барои кумаки амалӣ, ҳуқуқӣ ва ғайра лозим аст.
Инчунин, профессори Донишгоҳи Славянии Русияву Тоҷикистон қайд кард, ки чунин ташаббусҳо бояд дастгирии иттилоотӣ дошта бошанд: дар ин бора бояд гуфт ва онро дар ҷойҳои ҷамъиятӣ бояд намоиш дод.
"Мо бояд боз ҳам пешравӣ кунем, то ширкатҳои мобилӣ барои муҳоҷирони меҳнатӣ шароит фароҳам кунанд. Аз ҳамаи технологияҳои нав бояд истифода кард", - гуфт Улмасов.
Барчаспҳо:
Расулзода шарҳ дод, ки чаро пули миллӣ беқурб шуд
ДУШАНБЕ, 28 янв – Sputnik. Тавре Қоҳир Расулзода дар Маҷлиси васеи Ҳукумат тавзеҳ дод, таваррум дар соли 2020 назар ба соли 2010 ба 1,4 фоиз зиёд гардид.
Сарвазири кишвар афзоиши беқурбшавии пули миллиро ба баландшавии нархи маҳсулот дар бозорҳо рабт додааст.
"Дар ин давра сатҳи таваррум 9,4 фоизро ташкил дод, ки нисбат ба соли 2019 (8 фоиз) 1,4 банди фоизӣ зиёд буда, асосан аз ҳисоби баландшавии нархи маҳсулоти озуқаворӣ 13 фоиз, молҳои ғайриозуқа 5,8 фоиз ва тарофаҳои хизматрасонии пулакӣ 4 фоиз ташаккул ёфтааст", - менависад аз қавли сарвазир дафтари матбуоти президент.
Расулзода афзуд, бо вуҷуди вазъи мураккаби иқтисодиёти ҷаҳон ва минтақа ва дигар монеаҳои мавҷудаи марбут ба пандемияи КОВИД-19,ҳаҷми маҷмӯи маҳсулоти дохилӣ ба 82,5 млрд. сомонӣ баробар гардида, суръати афзоиши он дар сатҳи 4,5 фоиз таъмин гардид.
Ба таъмини рушди иқтисодиёти миллӣ афзоиши ҳаҷми истеҳсоли маҳсулоти саноатӣ ба андозаи 9,7 фоиз, кишоварзӣ 8,8 фоиз ва гардиши савдои хориҷӣ 0,8 фоиз, аз ҷумла содирот 19,8 фоиз мусоидат намуд.
Дар Тоҷикистон таварруми солона ба сатҳи рекордӣ расид
Бо вуҷуди ин, дар давраи ҳисоботӣ дар натиҷаи таъсири манфии омилҳои берунӣ ҳаҷми хизматрасонии пулакӣ ба аҳолӣ нисбат ба соли 2019 - 9,9 фоиз, гардиши савдои дохилӣ 6,8 фоиз, маблағгузорӣ ба сармояи асосӣ 4,6 фоиз ва мусофиркашонӣ 2,5 фоиз коҳиш ёфт.