Жилой дом в Москве

Дар шаҳри Санкт-Петербург бидуни муҳоҷирон иҷораи манзил арзон шуд

163
(Таҷдидшуда 13:48 17.12.2020)
Коҳиши шумори муҳоҷирони меҳнатӣ дар шаҳри Санкт-Петербурги Русия ба хотири пандемия, боиси поин рафтани арзиши иҷораи манзилу меҳмонхонаҳо шудааст

ДУШАНБЕ, 17 дек — Sputnik. Коршиносони соҳаи манзил бар онанд, ки маҳз баргашти муҳоҷирон ба ватанҳои худ боиси поин омадани иҷораи манзил дар шаҳрҳои Русия шудааст, иттилоъ додааст “Невские новости”.

Ҳамин тавр муовини раиси Ассосиатсияи миёнарав (риэлтор)-ҳои Санкт-Петербург ва вилояти Ленингради Русия, Валерий Виноградов таъкид дошт, ки пандемия ба арзиши иҷораи манзил дар минтақа таъсири назаррас гузоштааст.

Маҳз баргаштани муҳоҷирон ба ватанҳои худ боиси поин рафтани иҷораи манзил шудааст.

Коршинос гуфт, ки вазъ ба паҳншавии COVID-19 рабт дорад. Пандемия муҳоҷирони меҳнатиро тарсонд ба ҳамин хотир аксари онҳо тасмим гирифтанд ба Русия барнагарданд.

“Ин ҳама омилҳо ба бозори манзил ва инчунин тиҷорати меҳмонхонаҳо таъсири назаррас гузоштааст. Имрӯз арзиши иҷораи манзил аз 10 то 15 дарсад коҳиш ёфтааст”, - таъкид доштааст Виноградов.

Ба гуфтаи вай, ҳоло иҷорадеҳон барои иҷорагирон гузашт мекунанд, чунки ҳоло муваққатан дархости зиёд дар ин бахш ба назар намерасад.

Дар ҳамин ҳол, муовини раиси Ассосиатсия боварӣ дорад, ки ингуна вазъ дар бозори манзил то семоҳаи аввали соли оянда идома хоҳад ёфт.

163
Барчаспҳо:
коҳиш, Санкт-Петербург, Русия, арзон, манзил, иҷора, муҳоҷират
Посетитель в многофункциональном миграционном центре Москвы, архивное фото

Русия умури муҳоҷиратро рақамӣ мекунад

459
(Таҷдидшуда 16:23 19.01.2021)
Вазорати умури дохилии Русия лоиҳаи қонунеро таҳия дорад, ки ба рақамисозии низоми муҳоҷирати кишвар равона шудааст

ДУШАНБЕ, 19 янв — Sputnik. ВУД Русия баъди як сол ба Думаи давлатӣ лоиҳаи қонун барои рақамӣ кардани низоми муҳоҷират дар кишварро пешниҳод хоҳад кард, хабар додааст ТАСС бо такя ба ноиби сардори Сарраёсати умури муҳоҷирати ВУД Русия, Павел Дутов.

“Барои мо истифодаи технологияи рақамӣ хеле муҳим аст”, - изҳор дошт Дутов зимни ҷаласаи Кумитаи ҳифзи сиҳатии Думаи давлатӣ.

Ба гуфтаи ӯ, дар доираи Вазорат аллакай низоме ҷорӣ мешавад, маълумот аз дигар сохторҳоро низ фаро хоҳад гирифт. Аз ҷумла тафтиши вуҷуди маълумотномаи тиббии муҳоҷир имконпазир хоҳад шуд. Ин иттилоъро метавон дар низоми онлайн гирифт.

Қаблан мудири Маркази таҳқиқоти умури муҳоҷират, корманди калони илмии Академияи улуми Русия, Дмитрий Полетаев изҳор дошт, ки рақамикунонии таъмини муҳоҷирон бо кор солҳои наздик афзоиш хоҳад ёфт. Ӯ таъкид намуд, ки рақамикунонӣ соҳаҳои дигарро низ фаро хоҳад гирифт.

Маврид ба зикр аст, ки Русия соли 2020 аз рӯи теъдоди муҳоҷирон ба панҷгонаи кишварҳои пешсаф шомил шуд, ки ба ҳисоби СММ дар қаламрави он ҳудуди 12 миллион муҳоҷир иқомат доранд.

459
Барчаспҳо:
рақамӣ, муҳоҷират, Русия
Марде дар майдони сохтмонӣ, акс аз бойгонӣ

Дастури Путин барои сода кардани ҷалби муҳоҷирон ба сохтмонҳо

486
Владимир Путин, раисиҷумҳури Русия, ба кабинаи вазирон дастур додааст, ки ба масъалаи сода кардани ҷалби муҳоҷирони меҳнатӣ ба сохтмонҳо расидагӣ кунад

ДУШАНБЕ, 18 янв — Sputnik. Раисиҷумҳури Русия ба Кабинаи вазирон супориш додааст, ки то 1 март масъалаи ҷалби содаи муҳоҷирони меҳнатӣ ба сохтмонҳо дар замони пандемияро баррасӣ намояд, хабар додааст РИА Новости.

“Путин ба Ҳукумат супориш дод, то 1 март ба масъалаи ҷалби содаи муҳоҷирон ба соҳаи сохтмон расидагӣ кунад”, - таъкид шудааст дар хабар.

Аз ҷумла баррасии ҷалби муҳоҷирони меҳнатӣ аз кишварҳои узви ИДМ ба сохтмонҳо бо риояи қоидаҳои беҳдоштӣ дар назар аст.

Қаблан Путин дар бораи ин масъала изҳор дошт, ки бояд имкон дод, то ҳам муҳоҷирон маблағ кор кунанду ҳам соҳаи сохтмон рушд ёбад.

Раисиҷумҳури Русия аз камбуди нерӯи корӣ дар бахши сохтмон суҳбат карда, таъкид намуда буд, ки ин мавзуъро бо ноиби сарвазир Марат Хуснуллин баррасӣ карда буд.

Вазорати сохтмони Русия барои вуруди соддаи муҳоҷирони меҳнатӣ бо риояи қоидаҳои беҳдоштӣ пешниҳод карда буд. Зикр гардид, ки ширкатҳои ниёзманд ба нерӯи корӣ метавонанд муҳоҷирони меҳнатиро бо риояи қоидаҳои беҳдоштӣ ва таъмини кору манзили зист ҷалб намоянд.

486
Барчаспҳо:
муҳоҷирон, Русия
Даст ба дуо, акс аз бойгонӣ

Афзоиши фавти эрониён аз COVID-19

0
(Таҷдидшуда 20:57 19.01.2021)
Вазорати беҳдошт ва дармони Эрон мегӯяд, дар 24 соати гузашта бар асари коронавирус дар ҷумҳурӣ 83 нафар ҷон доданд

ДУШАНБЕ, 17 янв — Sputnik. Шумори қурбониёни коронавирус дар Эрон, ки 83 миллион нафар аҳолӣ дорад, то имрӯз ба 56 ҳазору 973 тан расид. Дар шабонарӯзи гузашта 83 ҳолати фавт аз ин маризӣ сабт шудаанд.

Ба гузориши Вазорати беҳдошт ва дармони Эрон, дар 24 соати гузашта 5 ҳазору 917 бемори ҷадиди мубтало ба COVID-19 дар Эрон шиносоӣ ва аз ин теъдод 518 нафар бистарӣ шуданд, навиштааст сомонаи Парстудей.

Боз 300 ҳазор ваксина "Спутник V" дастраси мардуми Аргентина шуд - видео

Манбаъ афзуд,  маҷмӯи беморони мубтало ба вируси корона дар Эрон ба як миллиону 342 ҳазору 134 нафар расидааст, ки ҳудуди як миллиону 132 ҳазор нафар аз мубталоён ба ин вирус беҳбуд ёфта ва аз бемористонҳо мурраххас шудаанд.

Теъдоди афроди мубтало ба вируси корона дар ҷаҳон низ ба беш аз 96 миллион нафар расидааст, ки аз ин теъдод беш аз ду миллион нафари ҷони худро аз даст дода ва ҳудуди 69 миллион нафар ҳам беҳбуд ёфтаанд.

0
Барчаспҳо:
беморӣ, вируси корона, Эрон