Посол Ирана встретился с министром труда и занятости РТ

Сафири Эрон бо вазири тоҷик масоили муҳоҷирату таҳсилоти касбию техникиро баррасӣ кард

4566
(Таҷдидшуда 14:56 13.01.2021)
Дар мулоқоти вазири меҳнат, муҳоҷират ва шуғли аҳолии Тоҷикистон бо Сафири Эрон дар Тоҷикистон масоили муҳоҷират ва таҳсилоти ибтидоии касбию техникӣ баррасӣ шуд

ДУШАНБЕ, 13 янв – Sputnik. Вазири меҳнат, муҳоҷират ва шуғли аҳолии Тоҷикистон Ширин Амонзода бо Сафири Эрон дар Тоҷикистон Муҳаммадтақӣ Собирӣ мулоқот намуд.

Сафири Эрон дар Тоҷикистон Муҳаммадтақӣ Собирӣ паёми табрикии ҷаноби оқои Муҳаммад Шариатмадорӣ, Вазири таовун, кор ва рифоҳи иҷтимоии Эронро ба Ширин Амонзода ба ҳайси роҳбарияти вазорат таъйин шуданаш расонид.

Манбаъ қайд кардааст, ки дар мулоқот ҷонибҳо масъалаҳои ҳамкорӣ, тақвияти корҳо дар самти касбомӯзӣ, омода намудани мутахассисон барои бозори меҳнат ва табодули таҷрибаи тарафайнро дар ин самт мавриди баррасӣ қарор доданд.

Шералӣ Кабир бо сафири Эрон Муҳаммадтақӣ Собирӣ чӣ масъаларо баррасӣ кард?

Дар рафти мулоқот лоиҳаи Ёддошти тафоҳуми ҳамкорӣ байни Вазорати меҳнат, муҳоҷират ва шуғли аҳолии Тоҷикистон ва Вазорати таовун, кор ва рифоҳи иҷтимоии Эрон дар хусуси ҳамкориҳо дар соҳаи меҳнат, муҳоҷират, шуғли аҳолӣ ва таҳсилоти ибтидоии касбию техникӣ баррасӣ намуданд.

4566
Барчаспҳо:
муҳоҷират ва шуғли аҳолӣ, таҳсилот, муҳоҷират, масоил, Эрон, Тоҷикистон
Иностранные рабочие возвращаются после обеденного перерыва

Дар сохтмонҳои Маскав 14 ҳазор шаҳрвандони Ӯзбекистон бо кор таъмин мешаванд

524
(Таҷдидшуда 12:41 15.01.2021)
Намояндагони ширкатҳои бузурги Русия ба Ӯзбекистон рафтанд, то аз манотиқи гуногуни кишвар барои кор дар сохтмонҳо коргар биёранд

ДУШАНБЕ, 15 янв — Sputnik. Ширкатҳои бузурги сохтмонии Русия, дар доираи барномаи ҷалби муташаккилонаи муҳоҷирон дар Ӯзбекистон, чанд ҳазор сокини кишварро барои кор дар объектҳои Маскав ва вилояти Маскав ҷалб хоҳанд кард, хабар медиҳад хадамоти матбуоти Вазорати шуғл ва меҳнати Ӯзбекистон.

Муовини якуми вазири меҳнати Ӯзбекистон Эркин Муҳиддинов бо намояндагони ширкатҳои русии "ПИК-Индустрия" ва "ТехСтрой" мулоқот кард.

Онҳо махсус барои интихоб кардани довталабон барои кор дар объектҳои Маскав ва вилояти Маскав ба Ӯзбекистон рафтанд.

Интихоби довталабон то охири моҳи январ дар ҳамаи минтақаҳои Ӯзбекистон аз рӯи ихтисосҳои челонгар, гудозанда, пошидан ва андохтан, кафшергари барқӣ, барқчӣ ва хиштчин идома мекунад.

Вазорати шуғли аҳолӣ гуфтааст, ки то охири соли 2021 ширкатҳо тақрибан 14 ҳазор шаҳрванди Ӯзбекистонро дар Русия бо кор таъмин хоҳанд кард.

Маълум аст, аз 15 то 31 январ дар байни сокинони вилоятҳои Андиҷон, Намангон, Фарғона, Хоразм, Бухоро, Ҷиззах, Қашқадарё, Навоӣ, Самарқанд, Сирдарё, Сурхондарё ва Тошканд коргарон интихоб карда мешаванд. Ва инчунин дар Қароқалпоқистон, Тошканд ва Самарқанд низ барнома роҳандозӣ мешавад.

Бо даъвати корфармоён: як гурӯҳ муҳоҷирини ӯзбек ба Русия барои кор рафтанд

Ёдрас мешавем, ки қаблан президенти Ӯзбекистон Шавкат Мирзиёев фармонеро имзо кард, ки дар солҳои 2020-2021 шумораи муҳоҷиронро аз Ӯзбекистон барои кор дар Русия  ба 100 ҳазор нафар мерасонанд.

Вазорати кишоварзии Русия пешниҳод кард, ки муҳоҷирон "ба саҳро" бештар ҷалб карда шаванд

Аммо аввал, бояд сатҳи омодагии касбӣ ва забономӯзии шаҳрвандони Ӯзбекистон ба роҳ монда шавад.

524
Барчаспҳо:
Ӯзбекистон, шаҳрвандон, муҳоҷират, кор, Русия
Семья мигрантов из Таджикистана, архивное фото

Тарҳи қонуни нав дар Русия: як гурӯҳи муҳоҷирон депорт нашаванд - кадом?

1085
(Таҷдидшуда 11:55 15.01.2021)
Дар Русия пешниҳод карданд, то муҳоҷиронеро, ки ҳуқуқвайронкунии маъмурӣ доранд ва хешу табори шаҳрванди Русия ҳастанд, депорт накунанд

ДУШАНБЕ, 15 янв — Sputnik. Ба Думаи давлатии Русия тарҳи қонун нав ворид шудааст. Мувофиқи он муҳоҷироне, ки ҳуқуқвайронкунии маъмурӣ доранд, вале хешованди наздики шаҳрванди Русия ҳастанд, депорт карда нашаванд, хабар медиҳад "Парламентская газета".

Лоиҳаи дахлдорро ба Думаи давлатӣ муовини роҳбари Кумитаи назорат ва танзим дар Думаи Давлатӣ Наталя Костенко пешниҳод кардааст.

Қонунгузории муҳоҷират дар назар дорад, ки чунин гузашт танҳо барои хориҷиёне, ки ҳуқуқвайронкунии маъмурӣ доранд, на ҷиноятӣ карда мешавад.

Тарҳи нав пешниҳод мекунад, муҳоҷире, ки хеши наздикаш - шаҳрванди Русия аст ва дар ин кишвар доимӣ зиндагӣ мекунад, депорт нашавад, чун ӯ аз имкони зиндагӣ бо хешовандони наздик, тарбияи фарзанд ва дастгирии онҳо дар Русия маҳрум мешавад.

Тағйироти нархи патент барои муҳоҷирон дар Русия дар соли 2021

Пешниҳод шудааст, ки чунин гурӯҳи муҳоҷирон аз кишвар хориҷ карда нашаванд ва иҷозатномаи истиқомати муваққатӣ ё иҷозатномаи истиқомати онҳоро бекор нашавад.

Дар ин миён, тибқи қонунгузории амалкунанда, як шаҳрванди хориҷӣ метавонад аз иҷозатномаи истиқомати муваққатӣ ё иҷозати истиқомат барои ду ва ё зиёда ҳуқуқвайронкунии маъмурӣ вобаста ба вайронкунии тартиботи ҷамъиятӣ, гардиши ғайриқонунии маводи мухаддир ё вайрон кардани қонунгузории муҳоҷират маҳрум карда шавад.

Ғайр аз ин, муҳоҷире, ки ҷиноят содир намуда, ба амнияти кишвар хатар дорад, дар давоми панҷ сол ҳаққи вуруд ба Федератсияи Русияро аз даст медиҳад.

Тарҳи нав барои таъмини ҳифзи арзишҳои оилавӣ ва сарбории иловагӣ ба додгоҳҳо пешбинӣ шудааст.

"Агар шахс зарари ҷиноятҳояшро ба давлат ҷуброн кунад, пас чаро вай Русияро тарк кунад ва оилаи ӯ аз ин зарар бинад", - омадааст дар шарҳи қонун.

ВКД низ таваҷҷӯҳ карда, ки аксар вақт оқибатҳои ҳуқуқвайронкуниҳои маъмурӣ барои муҳоҷир  ба хавфи ҷинояти содиркардаи ӯ мувофиқат намекунанд.

Феълан бошад, бекор кардани депортатсияро метавон танҳо тавассути додгоҳ ҳал кард.

1085
Барчаспҳо:
муҳоҷират, депорт, Русия
В московском Музее Востока открылась выставка В тени вершин

Ифтитоҳи намоишгоҳи саноати дастӣ ва маҳсулоти кишоварзии Афғонистон дар Душанбе

0
(Таҷдидшуда 20:10 16.01.2021)
Намоишгоҳи саноати дастӣ ва маҳсулоти кишоварзии Афғонистон дар шаҳри Душанбе баргузор шуд

ДУШАНБЕ, 16 янв — Sputnik. Маҳсулоти 27 ширкати афғонистонӣ ва корҳои дастии афғонҳои муқими Тоҷикистон дар 40 ғурфаи ин намоишгоҳ арза шудааст, иттилоъ додааст АМИТ  “Ховар”.

Бино бар иттилои манбаъ, ширкатҳои афғонистонӣ дар ин намоишгоҳ колоҳое монанди саноати дастӣ, фарши дастбоф, зарфҳои суфолӣ ва мисӣ, либосҳои суннатӣ ва маҳсулоти кишоварзиро дар маърази диди умум қарор додаанд.

Муҳаммадзоҳир Ағбар, сафири Афғонистон дар Душанбе дар маросими ифтитоҳи ин намоишгоҳ гуфт, ки дар ояндаи наздик низ намоишгоҳи сангҳои қимматӣ ва нимақиматии кишвараш дар пойтахти Тоҷикистон баргузор мешавад.

Вай таъкид кард, ки баргузории чунин намоишгоҳҳо мӯҷиби тақвияти ҳамкориҳои иқтисодӣ ва тиҷории Афғонистону Тоҷикистон хоҳад шуд.

Сафирон ва масъулони теъдоде аз кишварҳои хориҷии муқими Душанбе, намояндагони утоқи саноат ва бозаргонии Тоҷикистон ва фаъолони бахши хусусии ин кишвар аз намоишгоҳи саноати дастӣ ва маҳсулоти кишоварзии Афғонистон боздид карданд.

0
Барчаспҳо:
баргузор, саноат, Душанбе, намоишгоҳ, Афғонистон