Мақомоти Иркутск ба вуруди гурӯҳи дувуми муҳоҷирон аз Тоҷикистон иҷозат дод
(Таҷдидшуда 21:47 05.02.2021)
Ҳамакнун омодагии мақомоти дахлдори Тоҷикистон дар якҷоягӣ бо ҷамъияти тоҷикони Иркутск дар ба расмиятдарории ҳуҷҷатҳои муҳоҷирон шурӯъ шудаастДУШАНБЕ, 5 фев — Sputnik. Губернатори Иркутск Игор Кобзев ба вуруди гурӯҳи дувуми муҳоҷирони корӣ аз Тоҷикистон ба вилоят иҷозат дода, ҳуҷати вижаро пешниҳоди Ҳукумати Русия кардааст.
Дар ин бора раиси ҷамъияти тоҷикони Иркутск Муриват Маликшоев хабар медиҳад.
"2-3 руз пеш бошад, губернатор қисми дуюм, этапи дуюми ҳуҷҷатҳоро барои иҷозати ворид намудани муҳоҷирони меҳнатӣ- шаҳрвандони ҷумхуриҳои Тоҷикистон ва Ӯзбекистонро низ имзо намуда, ба Хукумати Русия ирсол намуданд", - хабар медиҳад Маликшоев дар саҳифаи фейсбукиаш.
Ба қавли вай, ҳоло тараддудҳо ба овардани гурӯҳи дувуми муҳоҷирон аз Тоҷикистон ба Иркутск сар шудаанд: ҳуҷҷатҳо омода мешаванд.
"Омодагиамон дар якҷоягӣ бо Вазорати меҳнат, муҳоҷират ва шуғли аҳолӣ, Вазорати корҳои хориҷӣ, Вазорати тандурустии ҶТ ва дигар ташкилоту муассисахои Тоҷикистон барои сарҷамъ ва ҳуҷҷату ҳуҷҷатгузориҳои қисми дуюми муҳоҷирони меҳнатӣ мебошад", - таъкид кардааст вай.
Дар ҳамин ҳол, Маликшоев таъкид мекунад, ки нақши губернатори Иркутск дар омадани гурӯҳи аввали муҳоҷирон низ бориз аст.
"Аз фурсати муносиб истифода намуда, ман мехостам, ки миннатдории кулли ҳамватанонро ба Губернатори вилояти Иркутски ФР муҳтарам Игорь Иванович Кобзев самимона бирасонам. Ягона шахсе, ки дар ин кори хайру эҳсон барои ҳамватанони мо каҳрамонӣ кардааст ва карда истодааст, маҳз Кобзев мебошад", - таъйид кардааст вай.
Ёдрас мешавем, нахустин гурӯҳи муҳоҷирони тоҷик пас аз баста шудани марзи байни Тоҷикистону Русия 30 январ вориди Русия шуданд.
Ин гурӯҳ 170 муҳоҷирро дар бар мегирифт, ки барои кор ба вилояти Иркутск сафарбар мешуданд.
Марзи миёни Тоҷикистону Русия 18 марти соли 2020 барои ҳаракати шаҳрвандони ду кишвар баста шуда буд. Аз Тоҷикистон фақат шаҳрвандони Русия ва аз Русия вақат шаҳрвандони Тоҷикистон метавонистанд парвоз кунанд.
Муҳоҷирони меҳнатӣ ба сохтмонҳои Петербург бармегарданд
Тибқи иттилои сардори Раёсати равобити байнулмилалии Хадамоти муҳоҷирати вазорати меҳнат, муҳоҷират ва шуғли аҳолии Тоҷикистон, онҳо ба ширкатҳои "ДомостройПрофи" (28 нафар) – и шаҳри Иркутск, "ПромСтройМонтаж" (68) – и шаҳри Тулун, "СибСталСтрой" (24) – и деҳаи Грановшина, "СПМК-7" (50) – и шаҳри Иркутск эъзом шуданд.
Заминаи эъзоми онҳо дар пайи кори муштараки мақомоти муҳоҷирати Тоҷикистон ва вилояти Иркутск, ҳамзамон намояндагиҳои вазорати меҳнат, муҳоҷират ва шуғли аҳолӣ, консулгарии Тоҷикистон ва диаспораи тоҷикон дар Иркутск фароҳам шуд.
Интиқоли пулии муҳоҷирон якбора зиёд шуд
Аз сӯи Русия тибқи супориши муовини губернатори Иркутск, намояндагиҳои вазоратҳои меҳнат, тандурустӣ, авиатсия ва ниҳодҳои калидии Иркутск барои қабул ва ҷобаҷокунии ҷавонон вобаста шудаанд. Дар ҳамин лаҳзаҳое, ки мо суҳбат мекунам, онҳо бо иттифоқи ҳамкорони тоҷикашон мунтазири тайёра ҳастанд.
Кӣ парвозҳои масири Екатеринбург-Душанберо "бизнес" мекунад? шикояти муҳоҷирон
(Таҷдидшуда 12:30 02.03.2021)
Шаҳрвандони Тоҷикистон, ки мехоҳанд аз Екатеринбург ба ватан баргарданд, иддао доранд, ки ба фиреби ҳамватанони худ дучор шудандДУШАНБЕ, 2 март- Sputnik. Шаҳрвандони Тоҷикистон, ки ба вилояти Свердловск барои кор омадаанд, баргашта наметавонанд ва ҳамзамон аз амалҳои қаллобонаи ҳамватанон азият мекашанд, менависад рӯзномаи "Вечерние ведомости".
Худи муҳоҷирон ба нашрия шикоят кардаанд.
Маълум шуд, ки баъзе кормандони шӯъбаи масъули парвози мусофирон дар Ҳавзаи федералии Урал аз ҳамватанони худ маблағи ҳаққи парвозҳои махсуси содиротӣ аз Екатеринбург ба Тоҷикистонро зиёд талаб мекардаанд.
Ҳамзамон, муҳоҷиронро барои гузаштан аз ташхиси COVID-19 ба назди табиби мушаххас мефиристодаанд ва бидуни ташхиси лабораторӣ дар бораи набудани сирояти коронавирус шахсон ба рӯйхатҳои бозгашт ба Тоҷикистон дохил карда намешаванд.
Нархи озмоиш 1440 рубл аст, аммо аз онҳое, ки мехоҳанд ба хона парвоз кунанд, 2000 рубл ситонида мешавад.
Дар бораи он, ки расидҳои дар дигар ташкилотҳои тиббӣ гирифташуда, ки санҷишашон арзонтар аст, беэътиборанд, муҳоҷирон ҳангоми хариди чиптаҳо аз дафтари кассаи ҳавопаймоии "Азия-Транс 24" мефаҳманд.
Тоҷикистон қоидаҳои вуруди хориҷиёнро тағйир дод
Муҳоҷирон инчунин шикоят мекунанд, ки нархи воқеии чиптаҳои ҳавопаймо 39 ҳазор рубл аст, аммо дар дафтари ягона ширкате, ки онҳоро харидан мумкин аст, онҳо 44 ҳазор рубл арзиш доранд.
"Бо дарназардошти он, ки ягон роҳи дигари баргаштан ба ватан вуҷуд надорад, муҳоҷирон маҷбур мешаванд, ки ба нархномаи баландкардашуда розӣ шаванд, аз хешовандон ва дӯстонашон қарз гиранд",-менависад рӯзнома.
Раиси Раёсати Ассотсиатсияҳои Миллӣ-Фарҳангии вилояти Свердловск Фарух Мирзоев қайд кард, ки мушкил вуҷуд дорад.
Ба гуфтаи ӯ, қаблан шикоятҳои зиёд, аз ҷумла дар бораи гаронии арзиши чиптаҳои ҳавопаймову навбатпоиҳо буданд, аммо ҳоло фурӯши чиптаҳо шаффофтар шудааст.
Тоҷикистон ба барқарор кардани парвозҳо бо Русия омода аст
Тибқи ҳисобҳои Мирзоев, "марзҳо охири моҳи март - аввали апрел кушода мешаванд". Зимнан, имрӯзҳо шумораи бештари одамон ба Екатеринбург парвоз кардан мехоҳанд, ки ин тақрибан 80-90 ҳазор муҳоҷир аз Тоҷикистон мебошад.
Барчаспҳо:
Муҳоҷири ӯзбек дар Нижний Новогород 4 узви як хонаводаро кушт
(Таҷдидшуда 17:04 01.03.2021)
Ду узви дигари ин хонавода ҷон ба саломат бурданд, зеро замони рух додани ин ҳодиса дар дигар ҷо қарор доштандДУШАНБЕ, 1 мар — Sputnik. Дар куштори даҳшатбори 4 узви як хонавода дар деҳаи Кудмаи Нижни Новгород муҳоҷири 26 - сола аз Ӯзбекистон муттаҳам дониста мешавад.
Гуфта мешавад, муҳоҷири ӯзбек дар манзили ин хонавода чанд муддат боз кор мекард.
Боздоштшуда, чaҳор узви хонавода, аз ҷумла кӯдаки 5 - сола, модари 41 - солаи ӯ ва бобою бибии 64 ва 63 - соларо куштааст.
Тафтишот тахмин намудаааст, ки куштор ба мақсади ғоратгарӣ содир шудаааст. Зеро боздоштшуда пас аз қатл намудани ин чаҳор нафар ашёҳои гаронбаҳоро аз хона берун овардааст.
Дар ин ҳодиса танҳо 2 нафар: падари хонавода, ки дар сафари хидматӣ буд ва писарбачаи 13 - сола, ки дар толори варзишӣ буд, наҷот ёфтанд.
Ҳоло муҳоҷири ӯзбек дастгир гардидааст ва нисбати ӯ тибқи моддаи 105 Кодекси ҷиноятии Федератсияи Русия парвандаи ҷиноӣ оғоз гардида, тафтишот идома дорад.
Барчаспҳо:
Ҷаҳиши қурби Евро ва рубли русӣ дар Тоҷикистон
(Таҷдидшуда 09:44 04.03.2021)
Бонки миллии Тоҷикистон арзиши сомониро нисбат ба асъори хориҷӣ барои имрӯз эълон кард. Дар Тоҷикистон қурби Евро ва рубли русӣ боло рафтДУШАНБЕ, 4 мар— Sputnik. Тибқи нишондоди Бонки миллии Тоҷикистон арзиши 1 рубли русӣ барои имрӯз 0.1530 сомонӣ нишон дода шудааст.
Ин ниҳод қурби миёнаи фурӯши 1 доллар дар муассисаҳои қарзии Тоҷикистонро аз 11.3045 то 11.3300 сомонӣ арзёбӣ кард.
Бонки миллӣ қурби миёнаи фурӯши 1 евроро аз 13.6377 то 13.8500 сомонӣ арзёбӣ кардааст.
Харидуфурӯши 1 рублро бошад, Бонки миллӣ имрӯз дар бозори нақди кишвар аз 0.1530 то 0.1555 сомонӣ муқаррар кардааст.
Дар бонкҳои дигари кишвар, аз ҷумла "Бонки Эсхата" харидуфурӯши 1 рубл имрӯз 0,1530 - 0,1550 сомонӣ муқаррар кардаанд.
Дар "Спитаменбонк" бошад, арзиши 1 рубл аз 0.1460 то 0.1560 ва дар "Алифбонк", 1 рубл аз 0,1520 то 0,1560 сомонӣ нишон дода шудааст.
БМТ огоҳ менамояд, ки "берун аз сарбонк, филиал, марказҳои хизматрасонии бонкӣ, нуқтаи интиқоли пул ва банкомату терминалҳо анҷом додани амалиёти мубодилавӣ қатъиян манъ аст ва риоя накардани талаботи мазкур аз ҷониби шахсони воқеӣ қонуншиканӣ ба ҳисоб рафта, сабаби ба ҷавобгарии маъмурӣ ва ҷиноятӣ кашидан мегардад".
Барчаспҳо: