Оргнабор трудовых мигрантов в Фергане для работы на российских стройках

Русия дар Тоҷикистон корхонаи "Хизматрасонии шиносномавӣ-раводидӣ" мекушояд

1358
Ин корхона имкон медиҳад, ки ҳамаи ҳуҷҷатҳои лозима барои вуруд ва кори муҳоҷирон дар Русия дар Тоҷикистон омода карда шавад

ДУШАНБЕ, 6 феврал - Sputnik. Дар Тоҷикистон намояндагии Корхонаи федеролии воҳиди давлатии ВКД Русия "Хизматрасонии шиносномавӣ-раводидӣ" ифтитоҳ мешавад.

Дар ин бора, Намояндагии Вазорати меҳнати Тоҷикистон дар Русия Зоҳир Мирзозода бо директори кулли Корхонаи федеролии воҳиди давлатии "Хизматрасонии шиносномавӣ-раводидӣ" —  ВКД Русия  (ФГУП "Паспортно-визовый сервис") Сергей Машин мулоқот кард. 

Тибқи иттилои АМИТ "Ховар", дар ҷараёни мулоқот роҳбари корхона иброз дошт, ки механизми воридшавии шаҳрвандони ИДМ тариқи КФВД "Хизматрасонии шиносномавӣ-раводидӣ" ба роҳ андохта шудааст ва маҳз бо ин мақсад ҳафтаи гузашта барои ифтитоҳи намояндагии КФВД ВКД ФР онҳо бо сафари корӣ дар Ӯзбекистон қарор доштанд.

Машин афзуд, ки феълан Корхонаи воҳиди федералии давлатии ВКД Русия ифтитоҳи намояндагиашро дар Тоҷикистон мувофиқи мақсад мешуморад.  

Ба гуфти ӯ, баимзорасонии созишномаи ҳамкорӣ дар ин робита бо Тоҷикистон дар оянда раванди муҳоҷиратиро сода гардонида, муҳлат ва тартиби ҳуҷҷатгузориро барои фаъолияти меҳнатӣ, аз ҷумла гирифтани патент ба таври назаррас кам ва осон  мегардонад.

"Дар ин ҳолат тамоми ҳуҷҷатҳои муҳоҷирони меҳнатӣ дар кишвари иқомат омода шуда, ҳангоми ворид шудан ба қаламрави Русия онҳо танҳо патенти тайёрро давоми 5-7 рӯзи  ба даст меоранд ва ба фаъолияти меҳнатӣ шурӯъ менамоянд", - омадааст дар хабарнома.

Ҳамзамон дар намояндагии болозикр, санҷиши пеш аз сафари шаҳрвандон ҷиҳати муайян намудани ҳуқуқвайронкунии маъмурии онҳо дар ФР (доштани манъи вуруд ва ҳалномаҳои судӣ оид ба ихроҷ) ба роҳ монда мешавад.

Ин тадбир имкон медиҳад, ки сафари шаҳрвандоне, ки вурудашон ба Русия манъ аст, пешгирӣ шавад ва онҳоро аз хароҷоти беҳудаи харидории чиптаи ҳавопаймо ва баргардонида шудан аз ҷониби сарҳадбонони Россия нигоҳ дорад.

Зоҳир Мирзозода иттилоъ ба ҳамсуҳбати худ иттилоъ додааст, ки ҳоло дар Тоҷикистон шумораи беморони COVID – 19 ба сифр расида, ангезандаи ин беморӣ комилан нобуд шудааст.

Русия замимаи ягона барои муҳоҷиронро фаъол мекунад

Чораҳои зиддиэпидемикӣ роҳандозӣ гардида, муоина ва сертификати тиббӣ дар ин ҷода ба стандартҳои байналмилалӣ ҷавобгӯ мебошанд, ки ин омилҳо ба муҳоҷирони меҳнатии тоҷик дар вазъияти имрӯзаи фарогирии бемории сироятӣ бартарӣ медиҳанд.

Дар баробари ин Вазорати меҳнат, муҳоҷират ва шуғли аҳолии Ҷумҳурии Тоҷикистон имкон дорад барӯйхатгирии муҳоҷирони меҳнатиро тибқи ихтисосу малакаи зарурии талаботи бозори меҳнатии Русия роҳандозӣ ва онҳоро муташаккилона  равон намояд.

1358
Барчаспҳо:
Русия, муҳоҷир, патент, Тоҷикистон
Медицинская каталка в больнице, архивное фото

Сӯхтор дар Толятти: муҳоҷири тоҷик ду фарзандашро наҷот доду кӯдаки ду - солааш ҷон бохт

442
(Таҷдидшуда 14:11 25.02.2021)
Сӯхтор дар як анборе сар зад, ки муҳоҷири тоҷик ҳамроҳ бо зану се фарзанди худ ба сар мебурд

ДУШАНБЕ, 25 фев — Sputnik. Дар ноҳияи Толятти Русия дар як анбор сӯхтор сар задаст, ки талафоти ҷонӣ дар пай дошт. Котиботи шӯъбаи назорати вилояти Самара хабар медиҳад, ки дар сӯхтор кӯдаки 2 - сола аз Тоҷикистон ҷон бохтааст.

Ба иттилои манбаъ, дар анбори мазкур як хонаводаи тоҷик зиндагӣ мекарданд. Ҳодисаи нохуш рӯзи 24 феврал сар задаст ва сабаби он "нодуруст истифода шудани дастгоҳи гармидиҳӣ" арзёбӣ мешавад.

Манбаъ меафзояд, муҳоҷири тоҷик ду фарзанди худро аз алангаи оташ берун овард, вале фарзанди 2 - солаи ӯ ҷон аз даст дод.

Гуфта мешавад, волидони кӯдаки марҳум ҳоло дар беморхона қарор доранд.

Зимнан, қайд мешавад, ки пас аз сӯхтор прокуратура санҷиш ташкил карда, дар ҷараёни он маълум гардид, ки анбор барои фаъолияти тиҷоратӣ бо иштироки муҳоҷирон истифода шудааст. Ҳоло қонунӣ будани кори шаҳрвандони хориҷӣ тафтиш карда мешавад.

Зодагони Тоҷикистон дар Петербург мардумро аз коми оташ наҷот доданд - навор

Мақомот аллакай аз рӯи ҳодисаи мазкур парвандаи ҷиноӣ боз карданд.

442
Барчаспҳо:
тоҷик, муҳоҷир, сӯхтор, Толятти
Молоток судьи, архивное фото

Ҳукми тоҷикистоние, ки ҳамватанашро дар Русия бераҳмона кушт, эълон шуд

478
Ҷасади шаҳрванди 41 - солаи Тоҷикистон дар Федератсияи Русия бо аломатҳои маргӣ маҷбурӣ дарёфт шуд

ДУШАНБЕ, 25 фев — Sputnik. Куштори бераҳмонаи шаҳрванди Тоҷикистон аз сӯи ҳамватани ӯ моҳи июли соли гузашта рух дода буд. Ҳодисаи нохуш дар Дмитровгради Русия иттифоқ афтод.

Он замон, расонаҳои навишта буданд, ки миёни ду шаҳрванди Тоҷикистон муноқиша сар зад, ки дар натиҷа яке аз онҳо бо истифода аз корд чанд маротиба ба узвҳои ҳаётан муҳими ҳамватани 41 - солаи худ зарба расонд.

Ҷасади шаҳрванди Тоҷикистон дар яке аз боғҳои Дмитреград дарёфт шуд.

Зимнан, сомонаи Ульяновск менависад, ҳукми тоҷикистоние, ки ҳамватани худро бо як бераҳмӣ кушт, эълон гардид.

Ба иттилои манбаъ, шаҳрванди Тоҷикистон тибқи моддаи 105, қисми 1 Кодекси ҷиноятии Федератсияи Русия гунаҳкор дониста шуда, ба мӯҳлати 9 сол равонаи зиндон гардид.

Прапоршики Гвардияи миллӣ ҳамсар ва хусуру хушдоманашро паронд: куштори мудҳиш

Зимнан, маҳкумшуда ҷазои ҷиноятиро дар колонияи низомаш пурзӯр сипарӣ мекунад.

478
Барчаспҳо:
куштор, шаҳрванди Тоҷикстон, ҳукм, Русия
Пассажир в защитной маске в международном аэропорту

Иттиҳоди Аврупо шиносномаи COVID ҷорӣ мекунад

0
Ин шаҳодатномаҳои минбаъд ҳамчун замина барои сафар кардан ба Иттиҳоди Аврупо хоҳанд шуд

ДУШАНБЕ, 26 фев — Sputnik. Сарони кишварҳои Иттиҳоди Аврупо дар бораи зарурати ҷорӣ кардани шаҳодатномаҳои электронии эмгузаронӣ ба мувофиқа расиданд, хабар медиҳад РИА Новости.

Дар ин бора садри аъзами Олмон Ангела Меркел дар пайи як нишаст дар бораи коронавирус изҳор дошт.

"Барои коркарди масъалаҳои техникӣ ба Комиссияи Аврупо тақрибан се моҳ лозим аст", - илова кард вай.

Ба гуфтаи Меркел, чунин шаҳодатномаҳо заминаи сафар дар қаламрави Иттиҳоди Аврупо ва инчунин вуруд ба қаламрави он аз кишварҳои сеюм хоҳанд шуд.

Инчунин, сарони давлатҳо ва ҳукуматҳои Аврупо қайд карданд, ки онҳо ба мувофиқа расиданд, то тасдиқ ва истеҳсоли ваксинаҳоро тезонанд.

"Спутник V" метавонад кӯмак кунад: Аврупо ба норасоии шадиди ваксин рӯбарӯ шуд - навор

Ёдовар мешавем, ки моҳи феврал Созмони ҷаҳонии беҳдошт ба кишварҳо тавсия надод, ки "шиносномаҳои ковид" -ро, ки барои сафарҳои байналмилалӣ истифода мешаванд, пешниҳод кунанд.

Гап дар сари он аст, ки маъракаҳои эмгузаронӣ ҳанӯз характери оммавӣ нагирифтаанд ва маълум нест, ки ваксинаҳо ба паҳншавии COVID-19 чӣ гуна таъсир мерасонанд.

0
Барчаспҳо:
шиноснома, Иттиҳоди Аврупо
Мавзуҳо:
Пайомадҳои COVID-19 дар Тоҷикистон ва ҷаҳон