Муриват маликшоев, роҳбари ҷамъияти тоҷикони Иркутск - Ҳамвтан

Маликшоев роҳи русияравиро гуфт: аз пешвозу фатирхӯрии ноиби губернатор то маошу роҳпулӣ

1565
(Таҷдидшуда 16:59 09.02.2021)
Муриват Маликшоев, раиси ҷамъияти тоҷикон дар Русия нақл кард, ки чигуна нахустин гурӯҳи муҳоҷирони тоҷик тавонистанд ба Русия сафар кунанд. Ӯ раванди пурпечутоби ташкили ин сафарро тавзеҳ дод

ДУШАНБЕ, 9 фев — Sputnik, Фарида Бобоҷонова. Пас аз 10 моҳи ҳукмронии коронавирус дар марзҳои Тоҷикистону Русия, 30 январ нахустин гурӯҳи муҳоҷирони тоҷик - 171 нафар озими Русия шуданд. Дар ташкили ин сафар, ки гуфта мешуд, аз ҷониби якчанд сохторҳои Русияву Тоҷикистон ба роҳ монда шуд, нақши ҷамъияти тоҷикони Русия дар Иркутск "Ҳамватан" ва роҳбари он Муриват Маликшоев кам нест.

Sputnik Тоҷикистон аз Маликшоев роҳҳои ташкили вуруди муҳоҷирони тоҷикро ба Иркутск пурсон шуд.

Ёдрас мешавем, пештар ҷамъияти "Ҳамватан" хабар дода буд, ки сафари гурӯҳи дувуми муҳоҷирон низ бо мақомоти Иркутск мувофиқа шуда, раванди ташкили он оғоз гардидааст.

Ният - ними давлат

Муриват Маликшоев мегӯяд, раванди ташкили сафари муҳоҷирони тоҷик ба Русия чанд моҳ тӯл кашид: авал ғояи ташкили он пайдо шуду танҳо пас аз дастгирии  губернатори Иркутск ва иҷозати Ҳукумати Русия ва иқдоми Ҳукумати Тоҷикистон амалӣ гардид.

"Ҷамъияти мо бо вазорати меҳнат доим дар робита аст. Рӯзе ҳангоми мулоқот дар бораи вазъи муҳоҷирон, ман гуфтам, ки агар имкон пайдо мешуд ба мақомоти Иркутск овардани қисме аз онҳоро пешниҳод мекардам. Намояндагони вазорат дарҳол ин ғояи маро ҷонибдорӣ намуданд", - мегӯяд вай.

Ба қавли Маликшоев, дар ҳамин ҳол, чанд ширкати вилояти Иркутск бо пешниҳоди монанд ба мақомот муроҷиат карданд. Дар натиҷа роҳбарияти Иркутск посух дод: "шумо рӯйхати муҳоҷиронро пешниҳод кунед, мо кӯшиши ташкил карданро мекунем".

Ёдрас мешавем, пештар хабар дода шуд, ки дар бархе соҳаҳои Русия, аз ҷумла сохтмон дар давораи пандемӣ норасоии қувваи корӣ ҳис мешуд, ки ба хуруҷи  муҳоҷирон аз Русия рабт медоданд.

Авал иҷозат, сипас лағви иҷозат

Ба гуфтаи Маликшоев, рӯйхати муҳоҷиронро ҳам дар Тоҷикистон ва ҳам дар Русия тартиб доданд: қисме аз онҳо нафароне буданд, ки аллакай бо ширкатҳои зикршуда ҳамкорӣ доштанду дар Тоҷикистон дар монда буданд.

"Ҳамин рӯйхатро намояндагии Вазорати сохтмони Русия дар вилоят ба мақомоти Иркутск пешниҳод кард. Дар натиҷа, мақомоти вилоят ба номи муовини раиси Ҳукумати Русия Татяна Голикова дархост равон карданд ва дар пайи он Голикова ба якчанд мақомоти дахлдор супориши вижа дод", - таъкид мекунад Маликшоев.

Роҳбари ҷамъияти тоҷикон мегӯяд, моҳи декабр ҳуҷҷати иҷозати Ҳукумати Русияро ба даст гирифтанд ва дар тараддуди ба роҳ мондани кор бо мақомоти Тоҷикистон буданд, ки ин иҷозат бекор гадид.

"Бисту нуҳуми декабр Татяна Голикова дувумбора таъйид кард, ки Ҳукумати Русия зид нест, ки 434 шаҳрванди Тоҷикистон ва ҳудуди 200 шаҳрванди Ӯзбекистон - муҳоҷирони меҳнатӣ вуруди кишвар шаванд", - қайд мекунад ӯ. 

Роҳбари "Ҳамватан" дар посух ба суоли оё сафари муҳоҷирони ӯзбекистонӣ ҳам аз иқдоми ҷамъият маншаъ гирифт, ҷавоби мусбӣ дод ва афзуд "худат хӯриву ҳамсоя гушна бошад намешавад, мо ки дар ин корҳо як қадам пешем, ташкил кардем ва даъват кардем, ки онҳо ҳам ҳамроҳ шаванд".

Нону насиб мегӯянд...

Ҳамин тавр аз 434 муҳоҷире, ки рӯйхати ному насабашон пешакӣ аз ду ҷониб - Тоҷикистон (Агентии кори Вазорати меҳнат ва шуғли аҳолии Тоҷикистон - идора) ва Русия пешниҳод ва тадиқ шудааст, ба 171 нафар даст додааст, ки озими Русия шаванд.

Мақомоти Иркутск ба вуруди гурӯҳи дувуми муҳоҷирон аз Тоҷикистон иҷозат дод

Маликшоев  қайд кард, ки дар авал баъзе нозукиҳо ба назар гирифта нашуданд ва дар натиҷа маълум шуд, ки ҳудуди 36 нафари дар рӯйхат тасдиқшудадар рӯйхати сиёҳи марзбонии Русия қарор доштаанд, яъне вурудашон ба Русия баста будааст.

"Мо ҷидду ҷаҳд мекунем, ки дар умум бештар аз 300 муҳоҷирро ба Русия орем. Интизор меравад як ҳавопаймои дигар ба наздикӣ аз Тоҷикистон ба Русия муҳоҷиронро интиқол диҳад", - таъкид мекунад ҷаноби Муриват.

Маликшоев дар ҳошияи баҳсу мунозароҳое, ки дар интиқоли муҳоҷирон нақши кӣ бориз аст, мегӯяд, ин кори як нафар ё вазорат набуд, балки дастаҷмъона буд, ки бе дастгирии раиси вилояти Иркутск  Игор Кобзев имконият надошт.

Фатири масчоӣ муовини губернатори Иркутскро тасхир кард

"Корро мақомоти Иркутск хело хуб ташкил кард. Агар дастгирии губернатори вилоят намешуд, багумон аст, ки сафар сурат мегирифт", - таъкид мекунад вай ва меафзояд, ки қабули муҳоҷирон дар фурудгоҳ дар сатҳии олӣ гузашт.

Нахустин гурӯҳи муҳоҷирони меҳнатӣ аз Тоҷикистон ба Русия расиданд
Раёсати равобити байнулмилалии Хадамоти муҳоҷирати вазорати меҳнат, муҳоҷират ва шуғли аҳолии Тоҷикистон
Нахустин гурӯҳи муҳоҷирони меҳнатӣ аз Тоҷикистон ба Русия расиданд

Дар маросими қабули муҳоҷирон муовини губернатори Иркутск Анатолий Андреевич шахсан иштирок кардааст.

"Мо рӯзи дароз дар тараддуди қабули муҳоҷирон будем. Вақти хӯроки нисфирӯзӣ шуд, вале Анатолий исрор меварзид, ки то охирон муҳоҷирро қабул накунад, ҳеҷ куҷо намеравад. Дар ҳамин ҳол, чанд сокини Масчоҳ дар даст фатир баромаданд", - нақлашро идома медиҳад Муриват Маликшоев.

Хӯроки мо ҳамон фатир шуд, вақте муовини губернатор мазаи фатирро чашид, гуфт, нони ширинтаре аз ин нахӯрдааст.

Омаданду куҷо рафтанд?

Ба гуфтаи роҳбари ҷамъитяти тоҷикон, муҳоҷирон феълан дар карантина қарор доранд ва рӯзи ҷамъа мебароянд. Онҳо ҳама дар даст бо ширкатҳои зикргардида шартнома доранд ва дар соҳаи сохтмон кор хоҳанд кард. 

Вай афзуд, ки роҳпулӣ ва дигар масрафҳоро ширкатҳои корфармо ба дӯш гирифтаву сипас аз ҳисоби кори муҳоҷирон дар муддати шаш моҳ қисм-қисм ҷуброн мекунанд.

Таджикские мигранты приехали на работу в Иркутск

Маоши муҳоҷиронро аз 60 ҳазор боло арзёбӣ мекунад.

Ҷамъияти тоҷикони "Иркутск" - "Ҳамватан"-ро Муриват Маликшоев, намояндаи вақти минтақавии тиҷорати Ҳукумати Тоҷикистон дар Русия соли 2000-ум ташкил кардааст.

Ба гуфтаи Маликшоев, ҷамъият кӯшиш мекунад, ки чеҳраи тоҷиконро дар вилоят барҷаста ва фарҳангӣ муаррифӣ кунад. Ҳамасола бо иштироки то 10 ҳазор нафар ва ташкили оши палаву намоиши либосҳо ва фурӯши колои тоҷикӣ фестивал ташкил мекунад. Наврӯз бошад, 20 сол мешавад, ки дар маркази Иркутск ва 5 сол мешавад, ки дар сатҳи вилоят таҷлил мегардад.

1565
Барчаспҳо:
муҳоҷирон, Русия, Тоҷикистон
Коргарон, акс аз бойгонӣ

“Аксар чинӣ”: фош шудани ҷалби ғайриқонунии хориҷиён ба кор дар Тоҷикистон

518
Агентии давлатии назорати молиявӣ ва мубориза бо коррупсияи Тоҷикистон дар пайи як санҷиш мавориди зиёди эъзоми ғайриқонунии коргарони хориҷӣ ба кор дар ширкатҳоро ошкор кардааст. Аксари ин ширкатҳо чиниянд

ДУШАНБЕ, 16 фев — Sputnik. Сулаймон Талбакзода, сардори Сарраёсати назорати давлатии молиявии Агентӣ, зимни нишасти матбуотии ин ниҳод гуфт, дар пайи як санҷише, ки дар Хадамоти муҳоҷирати вазорати меҳнат, муҳоҷират ва шуғли аҳолии Тоҷикистон анҷом шуд, чандин мавриди эъзоми ғайриқонунии коргарони хориҷӣ ба кор ошкор шуда, ҳазинаи ин зарар ба давлат қобили мулоҳиза аст.

“Муайян гардид, ки бар хилофи қарори Ҳукумат дар бораи қоидаҳои додани кор ба хориҷиён, бархе аз шаҳрвандони берунӣ бидуни иҷозат ба кор қабул шудаанд, ки дар натиҷа ба буҷети давлатӣ 5,3 миллион сомонӣ маблағ ворид нашуд”, - иттилоъ дод Сулаймон Талбакзода.

Тибқи иттилои Агентии давлатии назорати молиявӣ ва мубориза бо коррупсия, аксари ин ширкатҳо чинӣ ва ё дар ҳамдастӣ бо чиниҳо дар Тоҷикистон фаъолият мекунанд. Манбаъ афзуд, ширкатҳои назири “Пакрут”, ки 1,3 миллион сомонӣ, “Синоҳидро Тоҷикистон” - 772 ҳазор, “Ҷунтай Моҳир Семент” - 7,2, филиали ширкати “Синзян Коммуникейшн Конструкшн груп” дар Тоҷикистон - 451,4, намояндагии ширкати “ТВЕА” дар Тоҷикистон - 96,9 ва “Ҷонг Фу” - 600,3 ҳазор сомонӣ маблағи буҷетро пардохт накардаанд.

Якеи дигар ширкати муҳандисӣ - сохтмонии эронӣ ба номи “Умрон Морун” аст, ки дар сохтмони нерӯгоҳи “Роғун” машғули кор аст ва дар пайи ҷалби ғайриқонунии коргарон ба буҷаи Тоҷикистон 19,5 ҳазор сомонӣ маблағ напардохтааст.

Ин рӯйхат бо ширкати “Гушикай Лтд” хотима меёбад, ки дар муаррифиҳо тоҷикистонӣ гуфта шудааст ва 553,8 ҳазор сомонӣ қарздор аст.

Дар ҳамин ҳол, Агентии давлатии назорати молиявӣ ва мубориза бо коррупсия дар бораи ин, ки ин ширкатҳо шаҳрвандони кадом кишвари хориҷиро ба чӣ теъдод ба кор ҷалб кардаанд, маълумоти бештар ироа накард.

518
Барчаспҳо:
ғайриқонунӣ, кор, Тоҷикистон
Очереди мигрантов в УФМС

Вуруди тоҷикистониён 4 баробар кам шуд: "ФСБ" гуфт, чанд хориҷӣ ба Русия омадаанд

1463
(Таҷдидшуда 20:12 16.02.2021)
Кишварҳои Осиёи Марказӣ, сарфи назар аз пандемия, аз рӯи шумораи шаҳрвандоне, ки ба Русия омадаанд, ба панҷгонаи аввал шомил мебошанд

ДУШАНБЕ, 16 фев - Sputnik. Дар маҷмӯъ соли 2020 ба Русия 9,6 миллион шаҳрванди хориҷӣ ташриф овардаанд,  навиштааст "Интерфакс" аз қавли хадамоти сарҳадии Хадамоти федералии амният - "ФСБ".

Бахши хоҷагии қишлоқи Русия ба таҷрибаи муҳоҷирони меҳнатӣ ниёз дорад. Тибқи омор, шумораи ками хориҷиён бо ҳадафи сайёҳӣ ба Русия омадаанд - ҳамагӣ 336 ҳазор нафарро ташкил додаанд. Ташрифи сайёҳон 93% кам шудааст.

Дар маҷмуъ шумораи хориҷиёни воридшуда 67,5% коҳиш ёфт. Шаҳрвандони Украина аз рӯи шумораи вуруд ба қаламрави Федератсияи Русия пешсаф шуданд. Аз ин кишвар дар маҷмӯъ 3,65 миллион нафар аз ин кишвар ба Русия омадаанд.

Ҳамчунин ба панҷгонаи аввал, муҳоҷирон аз Осиёи Марказӣ шомил шудаанд. Ҳамин тавр, аз Тоҷикистон ба Русия дар соли 2020 ҳудуди 401,8 ҳазор нафар омадаанд. Тибқи маълумоти Вазорати меҳнати Тоҷикистон, аз инҳо тақрибан 130 ҳазор нафар ба ҷустуҷӯи кор рафтаанд. 

Вуруди асосии хориҷиён, тибқи омори "ФСБ", ба семоҳаи аввали соли 2020 рост омад.

Ёдовар мешавем, ки тибқи маълумоти хадамоти сарҳадии ФСБ, дар соли 2019  ба Русия 1,57 миллион нафар омадаанд. Бармеояд бинобар пандемияи коронавирус, шумораи шаҳрвандони Тоҷикистон, ки ба Федератсияи Русия омадаанд, қариб 4 маротиба кам шудааст.

1463
Барчаспҳо:
Хадамоти федералии муҳоҷират, сафар, Русия, Тоҷикистон
Конкурс Чакомаи Гесу в Худжанде

Мӯдарозтарин духтари Душанберо муайян карданд

0
(Таҷдидшуда 21:07 24.02.2021)
Дар Душанбе фестивали "Чакомаи гесу" ҷамъбаст гардид ва ғолибони озмун - духтарони муйдарози пойтахт муайян шуданд

ДУШАНБЕ, 24 фев — Sputnik. Имрӯз дар шаҳри Душанбе бо ташаббуси Мақомоти иҷроияи ҳокимияти давлатии шаҳр "Чакомаи гесӯ" баргузор гардид.

Дар оғози фестивал намоишгоҳи маҳсулоти ороишии  ҳунармандон, анвои гуногуни ороиши миллии занонаи аз ҷиҳати экологӣ фоидаовар ва лавозимоти марбут ба парваришу ороиши мӯйю рӯй  ба маъраз гузошта шуд.

Дар фестивал инчунин ашъори баланпоя ва суруду рақс, ривояту таронаҳои мардумӣ оид ба ҳусну таровати рӯй, ҷозибаи гесӯ, сарулибос ва ороишоти миллӣ, истифодаи маҳсулоти табиии ватанӣ дар парваришу нигоҳбини рӯйю мӯй ва муҳофизати пӯсти дасту рӯй тарғибу ташвиқ гардид.

Дар фестивали мазкур муовини Раиси шаҳри Душанбе Мавсума Муинӣ, Раиси Кумитаи занон ва оилаи назди Ҳукумати Ҷумҳурии Тоҷикистон Ҳилолбӣ Қурбонзода, ғолибони даври ноҳиявии фестивал аз ноҳияҳои пойтахт ва сокинони шаҳр  иштирок намуданд.

Мавриди зикр аст, ки давоми се соли охир фестивали мазкур дар доираи эълон гардидани солҳои 2019-2021 ҳамчун Солҳои рушди деҳот, сайёҳӣ ва ҳунарҳои мардумӣ дар тамоми қаламрави мамлакат доир  мегардад.

Рустам Эмомалӣ қарор кард: дар Душанбе фестивали "Чакомаи гесу" баргузор шавад

Дар фарҷоми Фестивал ғолибони бахшҳои он ва иштирокчиёни фаъол бо диплому сипоснома ва ҷоизаи махсуси мақомоти иҷроияи ҳокимияти давлатии шаҳри Душанбе сарфароз гардонида шуданд.

0