Амонзода аз сафари наздики 200 муҳоҷири дигар хабар дод: миёни онҳо ихроҷшудаҳо низ буданд
(Таҷдидшуда 16:08 11.02.2021)
Вазири меҳнат, муҳоҷират ва шуғли аҳолии Тоҷикистон аз нақши муҳими вазораташ дар равон кардани 434 муҳоҷири меҳнатии тоҷик ба минтақаи Иркутски Русия таъкид кардДУШАНБЕ, 11 фев — Sputnik. Ширин Амонзода, вазири меҳнат, муҳоҷират ва шуғли аҳолии Тоҷикистон зимни нишасти матбуотӣ қайд кард, ки ба хотири паҳншавии пандемияи коронавирус муҳоҷирони меҳнатии кишвар аз моҳи марти соли гузашта иҷозати хуруҷ ба хориҷро надоштанд.
Вай афзуд, ки иҷозати ба хориҷ сафар кардани шаҳрвандони Тоҷикистон ба хусус ба муҳоҷират сафар кардани онҳо тасмими ситоди ҷумҳуриявӣ буд.
Акс аз бойгонии Муриват Маликшоев
Вай афзуд, ситоди ҷумҳуриявӣ бо дархости ҷониби Русия барои сафарбарнамудани 434 нафар муҳоҷирони меҳнатие, ки дар ҳудуди Тоҷикистон буданд, тасмим гирифт.
“Нақши вазорати меҳнат дар он буд, ки муроҷиат ба ситоди ҷумҳуриявӣ аз ҷониби вазорати меҳнат сурат гирифта буд ба хусус бо имзои шахсии ман, дар замима бо ному насаби ҳамин 434 нафаре, ки бояд, ки ба Русия ворид шаванд”, қайд кард вазир.
Ширин Амонзода таъкид доштааст, ки ситоди ҷумҳуриявӣ бо супориши Қоҳир Расулзода, сарвазири Тоҷикистон барои сафарбар намудани ин шаҳрвандон ба вазорати тандурустӣ ва авиатсияи граждани ва вазорати меҳнат дастур ирсол намуд.
Вай зик кард, ки айни замон аз ҳамин гурӯҳи 434 нафара 170 нафараш алакай ба Русия расиданд ва ҳоло барои фиристодани боз 200 нафари дигар аз ҳамин ҳудуд корҳо идома доранд.
“Ҷониби Русия барои қабул намудани 200 нафари дигар танҳо баъд аз анҷом расидани муҳлати қарантинаи 170 нафар муҳоҷирони меҳнатие, ки қаблан вориди Русия шуда буданд дархост кардааст. Ҳоло муҳлати қарантинаашон адо нашудааст. Ҳамин, ки тамом шуд Русия иҷозати вуруди боз 200 нафари дигарро хоҳад дод”, - гуфт вазири меҳнат.
Вай ҳамзамон қайд кард, ки вазъи ҳуқуқии ворид шудани муҳоҷирони меҳнатӣ бар души вазорат буд ва дар натиҷаи санҷишҳои махсуси вазорат маълум шуд, ки аз 434 муҳоҷире, ки бояд ба Русия раванд 16 нафараш иҷозати вуруд ба ин кишварро надоштааст.
Барчаспҳо:
Муҳоҷири ӯзбек дар Нижний Новогород 4 узви як хонаводаро кушт
(Таҷдидшуда 17:04 01.03.2021)
Ду узви дигари ин хонавода ҷон ба саломат бурданд, зеро замони рух додани ин ҳодиса дар дигар ҷо қарор доштандДУШАНБЕ, 1 мар — Sputnik. Дар куштори даҳшатбори 4 узви як хонавода дар деҳаи Кудмаи Нижни Новгород муҳоҷири 26 - сола аз Ӯзбекистон муттаҳам дониста мешавад.
Гуфта мешавад, муҳоҷири ӯзбек дар манзили ин хонавода чанд муддат боз кор мекард.
Боздоштшуда, чaҳор узви хонавода, аз ҷумла кӯдаки 5 - сола, модари 41 - солаи ӯ ва бобою бибии 64 ва 63 - соларо куштааст.
Тафтишот тахмин намудаааст, ки куштор ба мақсади ғоратгарӣ содир шудаааст. Зеро боздоштшуда пас аз қатл намудани ин чаҳор нафар ашёҳои гаронбаҳоро аз хона берун овардааст.
Дар ин ҳодиса танҳо 2 нафар: падари хонавода, ки дар сафари хидматӣ буд ва писарбачаи 13 - сола, ки дар толори варзишӣ буд, наҷот ёфтанд.
Ҳоло муҳоҷири ӯзбек дастгир гардидааст ва нисбати ӯ тибқи моддаи 105 Кодекси ҷиноятии Федератсияи Русия парвандаи ҷиноӣ оғоз гардида, тафтишот идома дорад.
Барчаспҳо:
Суҳбати вазир: аз гуфтушунид бо Маскав то нақшаи фиристодани муҳоҷирон ба дигар давлатҳо
(Таҷдидшуда 17:36 27.02.2021)
Ширин Амонзода, вазири меҳнат, муҳоҷират ва шуғли аҳолии Тоҷикистон, мегӯяд, 95 дарсади муҳоҷирони меҳнатии кишвар ба Русия рост меоянд. Ӯ аз нияти Ҳукумат барои диверсификатсияи муҳоҷират ва фиристодани корҷӯёни тоҷик ба Корея, Қатар ва Аморати Муттаҳидаи Араб гуфтДУШАНБЕ, 27 фев — Sputnik. Ширин Амонзода мавзӯъҳои музокирот миёни Тоҷикистону Русия дар мавриди муҳоҷирони меҳнатиро баён дошт.
Амонзода дар суҳбат бо “Ҷумҳурият” изҳор доштааст, ки вазорат дар асоси дархости корфармоёни Русия, ки ба қувваи корӣ ниёз доранд, барои гирифтани иҷозаи вуруд ба ин кишвар тавассути хатсайрҳои чартерӣ гуфтушунид дорад.
Содагардонии ба қайд гузоштан ва гирифтани патент барои кор, баррасии авфи навбатии муҳоҷирони меҳнатӣ аз Тоҷикистон, барқарор кардани хатсайрҳои ҳавоии мунтазам байни ду давлат, дар бораи бо нафақа таъмин намудани шаҳрвандони Тоҷикистон, ки бо патент ва дигар санадҳои зарурӣ дар Федератсияи Русия кор мекунанд, аз мавзӯъҳои дигари музокирот бо мақомоти рус мебошанд, хабар додааст Амонзода.
Вазири меҳнат ва муҳоҷират илова намудааст, ки солҳои охир бо мақсади диверсификатсияи муҳоҷирати меҳнатӣ бо як қатор давлатҳои хориҷӣ созишномаҳои байниҳукуматӣ ба имзо расиданд.
©
Sputnik / Александр Гальперин
Ӯ зикр намуд, ки аз ҷумла, соли 2018 бо Амороти Муттаҳидаи Араб ва соли 2019 бо Давлати Қатар Ёддошти тафоҳум оид ба танзими қувваи корӣ ба имзо расид.
“Айни замон бо мақсади татбиқи Ёддошти тафоҳум бо Давлати Қатар гурӯҳи кории ҷонибҳо таъсис ёфта, 2 декабри соли 2020 ҷаласаи якуми гурӯҳи корӣ (тавассути муоширати визуалӣ) доир шуд, ки дар он масъалаи сафарбар намудани шаҳрвандони Тоҷикистон ба Давлати Қатар баррасӣ гардид. Тарафҳо ба мувофиқа расиданд, ки барои амалисозии муқаррароти созишномаи мазкур нақшаи чорабиниҳоро таҳия ва тасдиқ намоянд”, - изҳор доштаст вазир.
Амонзода таъкид кардааст, ки аз ҷониби Муассисаи давлатии “Агентии бокортаъминкунӣ дар хориҷа”-и назди вазорат бо ширкати “Роял фелком секюрити”-и Амороти Муттаҳидаи Араб созишномаи ҳамкорӣ омода гардида, дар мувофиқаи тарафҳо қарор дорад. Бо Ҷумҳурии Корея низ корҳо дар ин самт ҷараён доранд, изҳор доштаст вазир.
Ин талошҳо дар ҳолеянд, ки феълан масири асосии муҳоҷират Русия боқӣ монда, марзбандиҳо боис гардидааст, ки бисёре аз корҷӯён натавонистаанд ба ин кишвар сафар намоянд.
Барчаспҳо:
Даргузашти Фотима Ғуломова, ҳунарманди тоҷик пас аз як моҳи марги шавҳар
(Таҷдидшуда 22:08 01.03.2021)
Фотима Ғуломова, ҳунарманди номии тоҷик, модари коргардони тавонои тоҷик Барзу Абдураззоқов ва ҳамсари Ҳабибулло Абдураззоқов астДУШАНБЕ, 1 мар – Sputnik. Фотима Ғуломова, ҳунарпешаи номдори театру синамо, модари коргардони машҳур Барзу Абдураззоқов ва ҳамсари Ҳабибулло Абдураззоқов, ҳунарманди номии театру синамо пас аз бештар аз як моҳи марги шавҳараш даргузашт.
Акс аз саҳифаи фейсбукии Хуршед Мустафоев
Фотима Ғуломова, ҳунарманди номии тоҷик
Аз даргузашти ҳунарпеша корбарони шабакаҳои иҷтимоӣ, ҳаводорони саҳна ва дӯстони фарзандаш Барзу Абдураззоқов хабар додаанд.
Писари дигари ҳунарманд Шаҳбоз Абдураззоқов ин хабарро тасдиқ карда, гуфтааст, модараш дар пайи беморӣ ҷон ба Ҷонофарин супурд.
Фотима Ғуломова 87 сол дошт ва бештар аз 40 сол дар саҳнаи Театри давлатии академии драмавии ба номи Лоҳутӣ фаъолият карда буд.
Фарзандонаш Барзу Абдураззоқов, коргардони тавонои тоҷик, корманди идораи Созмони Милал Шаҳбоз Абдураззоқов ва проффессори Консерваторияи Шветсия Ниссор Абдураззоқов ҳастанд.
Ӯ дар намоишҳои "Бой ва ғулом", "Шоҳ Лир", "Рӯдакӣ", "Рустам ва Суҳроб", "Мо аз боми ҷаҳон" нақшҳои асосӣ ва хотирмонро бозидааст.
Хомушии ситораи дигар: нақшҳои беҳтарини Ҳабибулло Абдуразоқов – видео
Марги Фотима Ғуломова дар ҳолест, ки ҳанӯз бештар аз як моҳ қабл, 19 январ ҳамсараш, ҳунарманди тавонои синамо ва театр Ҳабибулло Абдураззоқов даргузашта буд.