Бахши мевафуршии бозори Шоҳмансур. 15 июл 2015

Тағйири нархҳо: нону арақ қиммат ва меваю сабзиҷот арзон шудааст

35
(Таҷдидшуда 22:02 12.10.2015)
Мақомоти омори тоҷик иттилоъ дар мавриди тағйирёбии нархи ғизо дар Тоҷикистонро дар муқоиса бо моҳи сентябри соли гузашта нашр кардаанд. Тибқи иттилои онҳо, нархи нон, орд, арақ, чойи сабзу шакар боло ва сабзиҷот, меваю шир поин рафтааст.

ДУШАНБЕ, 30 сентября — Sputnik. Тавре аз гузориши Агентии омори Тоҷикистон бармеояд, нархи баъзе аз маводи ғизоӣ дар кишвар нисбат ба моҳи сентябри соли гузашта ба таври назаррас боло рафтааст.

Тибқи иттилои мониторинге, ки ҳар моҳ аз сӯи кормандони Агентии омори Тоҷикистон гузаронида мешавад, нархи нон, орд, арақ, чойи сабз ва шакар дар шаҳрҳои бузургтарини кишвар, аз ҷумла Душанбе, Хуҷанд, Кулоб ва Хоруғ қиммат шудааст.

Барои мисол, нархи орди навъи якум дар Душанбе дар муқоиса ба моҳи сентябри соли гузашта 16,7% боло рафтааст. Агар як кило орд дар моҳи сентябри соли гузашта 3 сомониро ташкил медод, ҳоло он баробар ба 3,5 сомонӣ гардидааст.

Арақ ба руйхати маҳсулотҳое ворид мешавад, ки нархи онҳо бештар боло рафтааст. Арзиши нӯшокии спиртӣ бештар дар шаҳри Кулоб қиммат шудааст, ки 50%-ро ташкил медиҳад. Агар дар моҳи сентябри соли 2014 як литр арақ 12 сомонӣ буд, ҳоло ин нишондод ба 18 сомонӣ расидааст.

Дар шаҳри Душанбе бошад арзиши он ҳамагӣ 5% боло рафта, як литри он, ки қаблан 20 сомонӣ буд, ҳоло 21 сомонӣ шудааст.

Нархи чойи сабз ҳам каме тағйир ёфта, дар муоқиса ба моҳи сентябри соли гузашта арзиши он дар шаҳри Хуҷанд 26,7% (аз 18 сомонӣ ба 22,80 сомонӣ барои як кило) боло рафтааст. Дар Душанбе бошад, ин нишондод 23,3%-ро ташкил медиҳад.

Дар шаҳри Хоруғи вилояти Бадахшон бештар аз ҳама нархи шакар қимат шудааст. Арзиши як кило шакар 16,7% боло рафтааст. Нархи миёнаи як кило шакар дар бозорҳои шаҳри Хоруғ 6 сомониро ташкил медод, ҳоло он ба 7 сомонӣ расидааст.

Дар шаҳри Душанбе ин нишондод 14,3% мебошад. Агар дар моҳи сентябри соли гузашта як кило шакар бар ивази 4,90 сомонӣ фурӯхта мешуд, ҳоло бар ивази 5,60 сомонӣ фурӯхта мешавад.

Нархи маҳсулоти нонӣ ҳам боло рафтааст. Албатта на дар ҳама манотиқи кишвар. Барои мисол арзиши 1 дона нон (400 г) бо орди навъи якум дар шаҳри Душанбе 23,3%, дар Хуҷанд 16,7%, дар Хоруғ 3% афзоиш ёфта, дар шаҳри Кулоб баръакс 20% поин омадааст.

Бояд гуфт, дар моҳи сентябри соли равон бештар нархи маҳсулоти аз ҳайвон омодашуда ва кишоварзӣ поин омадааст. Тавре гузоришҳои оморӣ ҳокиянд, нархи маҳсулоти сабзиҷоту мева нисбат ба моҳи сентябри соли гузашта арзон шудааст.

Барои мисол нархи як кило себ дар шаҳри Хоруғ 40% (аз 5 ба 3 сомонӣ) поин омадааст. Дар шаҳри Кӯлоб арзиши пиёз ва картошка мутаносибан 40% ва 20% арзон шудааст.

Дар шаҳри Душанбе бештар аз ҳама нархи шир поин рафтааст. 1 литр шир дар пойтахт ҳоло бар ивази 3,60 сомонӣ фурӯхта мешавад. Дар ҳоле ки он дар моҳи сентябри соли гузашта 4 сомониро ташкил медод.

 

35
Барчаспҳо:
қиммат шудан, боло рафтан, арзон, шакар, себ, орд, мева, қиммат шудани нархҳо, Агентии омори Тоҷикистон, Кулоб, Хуҷанд, Хоруғ, Душанбе, Тоҷикистон
Замерзшие яблоки, архивное фото

Коршиноси тоҷик гуфт сармо ба ҳосил чӣ гуна зарар мерасонад

119
(Таҷдидшуда 20:52 25.02.2021)
Паст шудани ҳарорати ҳаво дар мамлакат барои кишоварзон номусоид арзёбӣ мешавад. Бо сабаби якбора пастшавии ҳарорати ҳаво дар минтацащои Тоыикистоон эҳтимоли зиён дидани зироати хоҷагии қишлоқ, гулҳои ороишӣ ва дарахтони мевадиҳанда дар назар аст

ДУШАНБЕ, 25 фев — Sputnik. Директори Институти боғпарварию сабзавоткории Академияи илмҳои кишоварзии Тоҷикистон, доктори илмҳои кишоварзӣ Ҳикматулло Назиров  дар сӯхбат бо “Ховар” иброз дошт, ки боридани барф дар ин давра ба нашъу намои кишти зироат ва авҷи боғу токзор  бетаъсир намемонад.

Ба гуфти вай, дар оғози моҳи феврал ҳарорати ҳаво баланд гардида, боиси гулкунии дарахтони донакдор ва гулу буттаҳо гардид. Аз ин рӯ ба ин дарахтон хатари камшавии ҳосил таҳдид мекунад. Аммо агар ҳавои номусоид ду ё се рӯз идома ёбад, онгоҳ зиёни бештар боқӣ намемонад.

 Ҳикматулло Назиров аз ҷумла зикр кард, ки кишоварзон бояд талош намоянд, то маҳсулоти беҳтар ба даст оранд.

“Ҳамчунин дар ин шабу рӯз, махсусан қисми шабона бояд дар майдони дарахтон бо маҳсулоти органикӣ, аз қабили хасу хошок, навдаи дарахтон дудмониро ба роҳ монанд. Дудмонӣ дар қисми шабона ба он хотир тавсия мегардад, ки шабона ҳарорат назар ба рӯзона пасттар мешавад”, - гуфт донишманд.

 Ҳамчунин вай гуфт баъд аз бартараф гардидани ҳавои номусоид навдаҳои сармозадаи боғу токзорро буридан лозим аст.

“Дар ин ҳолат барои инкишофи минбаъдаи навдаи наврӯида замина пайдо мегардад. Инчунин гирди решаи дарахт ва токи ангурро дар рӯзҳои офтобӣ бояд чанд маротиба нарм намоянд, то намии реша кам гардад”, - қайд кард Ҳикматулло Назиров. 

акс аз саҳифаи корбари Facebook Ҳаётҷон Одил

Бино ба гуфтаи донишманд дар  ин рӯзҳо дар ноҳияҳои водигии вилояти Хатлону Суғд ва ноҳияҳои тобеи марказ дарахтони мевадиҳанда, аз қабили олу, гелос, зардолу ва шафтолу аллакай гул кардаанд.

Ва илова кард, ки дарахтони тухмакдор, аз қабили себ, нок ва биҳӣ ба сармо тобовар мебошанд ва онҳо аз ин барф  зиён намебинанд.

Ҳикматулло Назиров зикр намуд, ки боридани барф ва паст шудани ҳарорати ҳаво ба зироати картошка, ки дар баъзе ноҳияҳои мамлакат дар давраи гулкунӣ ва инкишоф қарор дорад, зиён мерасонад.

“Картошка яке аз маҳсулоти мавриди ниёзи аввали истеъмолӣ ба ҳисоб меравад. Олимони соҳаи кишоварзӣ тавсия медиҳанд, ки дар рӯзҳои офтобӣ қаторҳои кишти картошкаро бояд нарм кард, то намнокии реша кам гардад. Дар сурати зиёд будани намнокӣ картошка метавонад пӯсад. Инчунин дар болои онҳо пору ва коҳ пошидан лозим аст”, - гуфт донишманди тоҷик.

119
Барчаспҳо:
зироат, сармо, дарахтон, ҳосил, Тоҷикистон
Эйфелева башня в Париже.

Ваъдаи сафири Фаронса: 3- 4 моҳ пас ҳатман бо забони тоҷикӣ суҳбат хоҳам кард

51
(Таҷдидшуда 21:07 25.02.2021)
Сафири нави Фаронса дар Тоҷикистон Мишел Тарран, ба рӯзноманигорон ваъда дод, ки баъд аз 3- 4 моҳ ҳатман бо забони тоҷикӣ озодона суҳбат хоҳад кард

ДУШАНБЕ, 25 фев — Sputnik.  Сафири нави Фаронса дар Тоҷикистон Мишел Тарран ахиран дар меҳмонхонаи “Серена” бо рӯзноманигорони ватанию хориҷӣ нишасти матбуотӣ доир кард.

Мишел Тарран моҳи октябри соли гузашта, пас ба анҷом расидани муҳлати сафирии хонум Ясмин Гуэдар, ба ҳайси сафир ба Душанбе омада буд.

Тибқи иттилои сомонаи “Фараж” Мишел Тарран, донандаи хуби забони русӣ, аст. Ӯ зимни нишаст худро бо забони тоҷикӣ муаррифӣ намуд, аммо эътироф кардааст, ки тоҷикиро намедонад.з

Мишел Тарран  ба рӯзноманигорон ваъда дод, ки баъд аз 3- 4 моҳ ҳатман бо забони тоҷикӣ озодона суҳбат хоҳад кард.

Сафири нави Фаронса гуфт, то таъйин гардиданаш ба симмати сафир дар Тоҷикистон тӯли чор сол дар вазорати корҳои хориҷии Фаронса ҳамчун масъули бахши муносибат ва ҳамкорӣ бо ҷомеаи шаҳрвандӣ фаъолият доштааст.

Вай афзудааст, ки ҳамкориҳои иқтисодӣ миёни Тоҷикистону Фаронса қаноатманд нестанд.

“Ин нуқта зимни суҳбати рӯ ба рӯ, моҳи ноябри соли 2019, миёни президентҳои Тоҷикистону Фаронса матраҳ гардида буд. Тарафҳо аз вохӯрӣ изҳори хушҳолӣ карданд ва президенти Фаронса Эмануэл Макрон пешниҳод кард, барои тавсеа ва рушди муносибатҳои иқтисодии ҳарду давлат бояд харитаи роҳ таҳия карда шавад, аммо мутаассифона, вазъи ҳамагирии бемории коронавирус нақшаҳоро ба таъхир гузошт”, -* гуфт сафир.

Вай ҳамчунин илова кард, ки ҳоло вазъият беҳтар гардид ва гуфта метавон, ки кор дар ин самт оғоз ёфтааст.

“Фикр мекунам, ба наздикӣ масъалаи таҳияи харитаи роҳ барои рушди муносибатҳои иқтисодии давлатҳо баррасӣ карда мешавад”,-гуфт сафири Фаронса дар Тоҷикистон ҷаноби Мишел Тарран.

Сафир ҳамчунин гуфт, ӯ сафири шашуми Фаронса дар Тоҷикистон аст ва соли оянда аз муносибатҳои дипломатӣ миёни Тоҷикистону Фаронса 30 сол пур мешавад.

“Шукри Худо, тӯли ин муддат муносибатҳои хеле хубу дӯстона ба роҳ монда шуд”, — гуфт сафир.

Мишел Тарран, ҳамчунин, дар бораи муносибатҳои сиёсии Тоҷикистону Фаронса суҳбат карда, масъалаи ҳамкориҳоро барои рушди сайёҳии ҳарду давлат дар мадди аввал гузошт.

“Бояд шаҳрвандони Фаронса ба Тоҷикистон биёянд, аз зебоиҳои  табиати биҳиштосояш ҳаловат баранд ва баръакс, шаҳрвандони Тоҷикистон ҳам дар бораи мавзеъҳои таърихии Фаронса бояд таассуроти бештар дошта бошанд”, афзуд Мишел Тарран.

51
Барчаспҳо:
ваъда, забон, Фаронса, сафир, Тоҷикистон