Бинои шаҳрдории Душанбе. Акс аз бойгонӣ

Вокуниши шадиди корбарони Фейсбук ба тахриби биноҳои таърихии Душанбе

16
(Таҷдидшуда 15:37 21.10.2015)
Корбарони шабакаи иҷтимоии Фейсбук ба таври фаъолона ба унвони раисҷумҳур Эмомалӣ Раҳмон ва шаҳрдор Маҳмадсаид Убайдуллоев барои ҷилавгирӣ аз тахриби биноҳои таърихии Душанбе имзо ҷамъ менамоянд.

ДУШАНБЕ, 15 октября — Sputnik. Хабари тахриби биноҳои таърихии Душанбе бо вокуниши шадиди корбарони тоҷик дар шабакаҳои иҷтимоӣ, аз ҷумла Фейсбук рӯбарӯ шудааст. Корбарон мегӯянд, чизе, ки падару бобоҳои онҳо бо орзӯю умед ва муҳаббат бунёд кардаанд, бояд ҳифз шавад.

Дар мавриди вайрон кардани биноҳои дастгоҳи иҷроияи президент, шаҳрдорӣ, чойхонаи "Роҳат", театрҳои Лоҳутӣ ва Маяковский муовини аввали Кумитаи сохтмон ва меъмории кишвар дар суҳбат бо расонаҳои хабарӣ иттилоъ дод.

Скриншот со страницы Салима Аюбзода
Скриншот со страницы Салима Аюбзода

Ба гуфтаи рӯзноманигори маъруфи тоҷик Салим Аюбзод, ҳар як пойтахти кишварҳои ҷаҳон бахши нав ва куҳнаи худро дорад. Аммо ӯ ибрози таасуф менамояд, ки пойтахти кишвари ӯ танҳо як бахш — навро хоҳад дошт.

"Нобуд сохтани макони бузургон ё кори онҳо маънои онро дорад, ки мо хотираи онҳоро аз ёдҳо пок мекунем", — навиштааст, ӯ дар саҳифаи худ дар Фейсбук.

Скриншот страницы Хуршеда Мустафаева в Facebook
Скриншот страницы Хуршеда Мустафаева в Facebook

Дар ҳамин ҳол, ҳунарманд Хуршед Мустафаев, ки солҳои зиёд дар театри тахрибшавандаи ба номи Маяковский кор мекунад, дар саҳифаи Фейсбуки худ акси муовини аввали раиси Кумитаи сохтмон ва меъморӣ Нурали Саидзодаро гузошта, навиштааст, бо "қаҳрамон"-и худ шинос шавед. Ӯ бар ин назар аст, ки ҳар як сокини Душанбе бояд биноҳои таърихию меъморӣ ва фарҳангии пойтахтро ҳифз кунад.

Нависанда, шоир ва коргардони маъруф Сафарбеки Солеҳ дар поёни ин баҳс шеъреро ҳам таҳти унвони "Душанбе, ки махуф набуд" коридааст.

Скриншот страницы Сафарбека Солеха в Facebook
Скриншот страницы Сафарбека Солеха в Facebook

Аз сӯи дигар бояд гуфт, ки ҳоло сокинони Тоҷикистон барои "наҷот"-и ин биноҳои таърихии пойтахти кишвари худ зери номае ба унвони раисҷумҳур ва шаҳрдории Душанбе имзо ҷамъоварӣ мекунанд.

"Мо сокинони Душанбе ба Шумо ҳамчун нуктаи охирин барои ҷилавгирӣ аз иштибоҳи таърихӣ муроҷиат мекунем. Ин иншоотҳо дар даврони рушд ва ташаккули пойтахти ҷумҳурии мо сохта шудаанд ва ҳатто баъзе аз онҳо ҳоло Душанберо дар хориҷу дохил муаррифӣ мекунанд", — омадааст, дар матни нома.

"Дар ҳоле ки имрӯз тамоми ҷаҳон талош доранд, чизҳои хусусияти таърихи доштаро ҳифз кунанд, мо ҳақ надорем, биноҳое, ки бо як орзӯю умед аз сӯи падару бобоҳоямон бунёд шудааст, вайрон кунем", — таъкид кардаанд, сокинони пойтахт.

Тахриби биноҳои таърихии даврони шӯравӣ ҳоло ба як раванди маъмулӣ дар кишварҳои пасошӯравӣ табдил ёфтааст. Раҳбарони нави ин мамолик ҳоло талош доранд, бо бунёди биноҳҳои боҳашамат, ки ҳоло дар шаҳрҳои Ашқобод, Душанбе ва Остона қомат афрохтаанд, умри ҳукуматдории хешро дароз кунанд.    

16
Барчаспҳо:
Маҳмадсаид Убайдуллоев, театр, тахриб, биноҳо, чойхона, Эмомалӣ Раҳмон, шаҳрдорӣ, Душанбе, Тоҷикистон
Мавзуҳо:
Тахриби биноҳо дар Душанбе: сокинон муқобиланд (7)
Тотальный диктант в Душанбе

Хобгоҳҳо каму иҷорахонаҳо қимат: шикваи донишҷӯёни тоҷик аз гаронии нарх

122
То оғози таҳсил дар омӯзишгоҳу донишгоҳҳои Тоҷикистон, камтар аз 4 рӯзи дигар боқӣ мондааст, аммо мушкили камбуди хобгоҳ ва гароншавии арзиши хонаҳои иҷоравӣ бисёре аз донишҷӯёнро ба тавшвиш овардааст

ДУШАНБЕ, 13 авг – Sputnik. Донишҷӯёни тоҷик мегуянд, ба фарқ аз соли гузашта дарёфти хонаҳои иҷроравӣ дар шаҳрҳои Душанбеву Хуҷанд душвортар шудааст.

Иқбол Раҳимов шуморе аз донишҷӯёни Донишгоҳи тиббии ба номи Абӯалӣ ибни Сино дар шаҳри Душанбе мегуяд, қимати хонаҳои иҷоравӣ аз ҳар вақт дида ҳоло баланд шудааст.

"Ба 1000 сомонӣ ҳам ёфтани хонаи иҷоравӣ дар шаҳри Душанбе қариб ки номумкин шудааст. Соли гузашта мо бо ин қиммат хона иҷора гирифта будем, аммо имсол соҳибхона бо ин нарх хонаро ба иҷора намедиҳад", - гуфт Раҳимов.

Донишҷӯёни Хуҷанд низ аз мушкили дарёфти хонаҳои иҷоравӣ таъкид меварзанд.

Санҷар Шаропов, аз ҷумлаи донишҷӯёнест, ки баъди хатми таҳсили Коллеҷи тиббии шаҳри Хуҷанд азм дорад, имсол барои гирифтани маълумотии олии тахассусаш ба Донишгоҳи давлатии Хуҷанд ба номи академик Бобоҷон Ғафуров таҳсил намояд, аммо гарон шудани қиммати хонаҳои иҷоравӣ ӯро дар ташвиш гузоштааст.

"Дар соли қаблӣ мо 4 нафар донишҷӯён бар ивази 600 сомонӣ дар як хонаи як ҳуҷрагӣ иқомат мекардем. Ҳоло бо ин нарх пайдо кардани хонаи иҷоравӣ душвор аст. Нархи хонаҳо то ба 800 -1000 сомонӣ баланд шудааст", - гуфт донишҷӯ.

Ҳоло дар шаҳри Хуҷанд, чаҳор муассисаи таҳсилоти олӣ аз ҷумла Донишгоҳи давлатии Хуҷанд ба номи академик Б. Ғафуров, Донишгоҳи давлатии ҳуқуқ бизнес ва сиёсати Тоҷикистон, Донишкадаи иқтисод ва савдои Донишгоҳи давлатии тиҷорати Тоҷикистон, Донишкадаи политехкиникии Донишгоҳи давлатии техникии Тоҷикистон ба номи М. Осимӣ фаъолият мекунанд ва дар онҳо бештар аз 30 ҳазор донишҷӯ таҳсил мекунад.

Бемории 7 донишҷӯи тоҷик бо таби баланд дар Вуҳан маълум шуд: шарҳи сафорат

Аммо ин донишгоҳҳо дар мувозинати худ ҳамагӣ як ва ё дутоӣ хобгоҳ барои донишҷӯён доранд. Дар ин миён танҳо ДДХ ба номи академик Б. Ғафуров дар мувозинаи худ чаҳор хобгоҳ дорад, ки дар онҳо кам ё беш аз 2500 ҳазор донишҷӯ, умдатан онҳое, ки тибқи Квотаи президентӣ дохил шудаанд таъмин мешаванд, аммо беш аз 20 ҳазор донишҷӯи дигари ин донишгоҳ аз ҳисоби худ хонаи иҷорави мегиранд.

Дар ҳоли ҳозир донишгоҳҳои кишвар имкони бо хобгоҳ таъмин кардани шумори қобили мулоҳизаи донишҷӯёнро надоранд ва дарёфти хонаҳои иҷоравӣ барои донишҷӯён мушкили аслӣ боқӣ мемонад.

122
Женщина в защитной маске в городе Душанбе

"Ҷанги мардумӣ": пирӯзии Басманда бар "вируси корона"

331
Сокинони деҳаи Басмандаи ноҳияи Деваштич дар пайи тадобири дастаҷамъона бо мақомоти маҳаллӣ тавонистаанд "вируси корона" – ро "фирор" диҳанд. Қаблан нозирони аҳвол аз гирифтории даҳҳо нафар ва эҳтимоли пеш омадани як фоҷиаи инсонӣ дар ин деҳа суҳбат мекарданд

 ДУШАНБЕ, 13 август — Sputnik. Як манбаъ дар Шифохонаи ноҳиявии Деваштич ба Sputnik Тоҷикистон гуфт, аз 17 сокини ин деҳа, ки бо гумони гирифторӣ ба "вируси корона" бистарӣ шуда буданд, ҳамагӣ ба по шуда, ба хонаҳояшон баргаштаанд.

"Аз чор ҳолате, ки бино ба ташхиси озмоишгоҳи шаҳри Хуҷанд, мусбат арзёбӣ шуда буданд, ҳамагӣ сиҳат ёфта, ташхиси такрории онҳо манфӣ баромадааст. Бақия 13 нафар пас аз як муолиҷаи кутоҳ рухсат шуданд. Ҳоло дар Басманда ягон ҳолати мусбат ва ҳатто маризи миёнаи вазнин нест", - гуфт ин манбаъ.

Қаблан манобеъи Sputnik Тоҷикистон аз чор мавриди мусбат ва гирифтории даҳҳо нафар дар деҳаи Басмандаи ноҳияи Деваштич хабар дода буданд. Он замон вазъи аксари гирифторон миёна арзёбӣ мешуд, зеро бо вуҷуди бархе аломоти "вируси корона" ҳарорати бадани онҳо аз 39 дараҷа боло набудааст.

Бино ба иттилои дарёфтӣ, ҳудуди 60 пизишку мутахассиси шифохонаи марказии ноҳия, ҳамчунин шифохонаи минтақаии Калининобод ва худи духтурони деҳа барои назорати вазъ дар деҳа эъзом шуда буданд.

Таъйиноти кадрӣ дар Суғд: Орипов сардори Идораи санитарию эпидемиологӣ шуд

Яке аз ин пизишкон ба Sputnik Тоҷикистон гуфт, талошҳои онҳо ва ҳам мардум барои ҷилавгирӣ аз густариши "вируси корона" тайи даҳ рӯз натиҷаҳои мусбати худро ба бор оварданд. 

"Дар ин миён тамоми онҳое, ки дар хонаҳояшон ба гумони гирифторӣ ба "вируси корона" таҳти назорати мо қарор доштанд, пурра шифо ёфта, як-ду нафари дигар боқӣ мондаанд, ки дар як – ду рӯзи дигар ба по хоҳанд шуд", - гуфт ин пизишк.

Ба қавли ҳамсӯҳбати мо, пирӯзии зудҳангоми ин деҳа бар маризии ҳамагир бар иловаи талошҳои шабонарӯзии пизишкони деҳаву ноҳия, аз иттиҳоди бесобиқаи мардум дар мубориза бо ин маризӣ низ вобастагӣ дошт.

Ба қавли ӯ, талошҳои муштараки мардуму мақомот боиси "фирор" - и ғайримунтазира ва бесобиқаи "вируси корона" аз Басманда шудааст.

Рӯ ба коҳишёбӣ ниҳодааст: омори нави коронавирус дар Тоҷикистон

Басманда бузургтарин деҳаи ноҳияи Деваштич (собиқ Ғончӣ) буда, дар 30 – километрии Ғончӣ, маркази ноҳия ҷойгир аст ва беш аз 12 ҳазор сокин дорад.

Аксари мардуми ин деҳа бо кишоварзӣ машғуланд ва мутахассисон бар инанд, ки боду ҳавои тозаи кӯҳистонӣ ва меҳнати сангини ҷисмонӣ мӯҷиби қавӣ шудани масъунияти бадани мардуми Басманда шуда, нагузоштааст, ки "вируси корона" ба таври маъмулӣ густариш ёбад.

331