Али Ализод, независимый эксперт по экономике и политике

Алӣ Ализод: Боздоштҳо дар Ожонс оғози фасодзудоии густарда дар Тоҷикистон аст

406
(Таҷдидшуда 17:41 28.04.2017)
Боздоштҳои густарда дар Ожонси мубориза бо фасод эҳтимолан оғози поксозии бузурге дар ниҳодҳои кишвардории Тоҷикистон аст, мегӯяд коршиноси мустақил Алӣ Ализод

ДУШАНБЕ, 28 апр — Sputnik. Боздошти 17 тан аз кормандони Ожонси назорати давлатии молӣ ва мубориза бо фасод ба иттиҳоми ҷаъли аснод ва ришваситонӣ шояд мавҷи аввали поксозии густардае дар ниҳодҳои кишвардории Тоҷикистон бошад.

"Дар торихи Ҷумҳурии Тоҷикистон чунин рухдоде, ки бо фасод пайванд дошта бошад, собиқа надошт. Ин иқдом бисёр муҳим аст. Ҳамин ки соҳибмансабоне баландпояро дастгиру боздошт кардаанд, ки пештар табаҳкорияшонро нодида мегирифтанд, худ иқдоме арзишманд аст", — гуфт дар мусоҳиба бо Sputnik Тоҷикистон таҳлилгари мустақил Алӣ Ализод.   

Яке аз далоили аслии боздошт шудани ин соҳибмансабонро пайванд доштанашон бо парвандаи мудири пешини Идораи сохтусози аслии шаҳри Душанбе Саидшариф Анваров медонанд. Додгоҳи шаҳри Душанбе Анваровро 21 апрел ба ҷурми ришваситонӣ ва дуздии сармояи сохтмони бемористони "Истиқлол" маҳкум ба 18 сол зиндон карда буд.

"Ин гузоришҳо ҳануз бештар овоза ҳастанд ва иттилоъи дақиқе дар ин бора дар даст нест. Вале бемористоне, ки бо 60 — 70 милюн дулор сохтаву тоза ба баҳрабардорӣ расондаанд, бегумон бо ин қазия пайванде дорад. Ин поксозӣ эҳтимолан бо боздошти ҳамин 17 соҳибмансаб ба поён намерасад ва идома хоҳад дошт", — гуфт Алӣ Ализод.

Ёдоварӣ мекунем, ки дар миёни кормандони боздоштшудаи Ожонси фасодзудо муъовини пешини раиси он Давлатбек Хайрзода, раҳбари пешини Раёсати бозҷӯӣ Фирӯз Холмуродов, раҳбари пешини Раёсати бозҷӯии ҷиноӣ Ҷамолидин Муҳаммадзода, бозҷӯёни пешин Фирдавс Ниёзбадалов ва Умед Камолов ҳастанд, ки муттаҳам ба ҷаъли санадҳои расмӣ ва ришваситонӣ шудаанд.

Расонаҳои тоҷикӣ гузориш додаанд, ки поксозӣ дар ин ниҳод идома ёфта, 27 апрел боз 38 корманди он аз кор барканор шудаанд. Ҳамчунин дар паи бозҷуст дар яке аз манзилҳои Фирӯз Холмуродзода беш аз як милюн дулор пули нақд ва 6 килуграм тилло ёфт шудааст.

406
Барчаспҳо:
фасодзада, фасодзудоӣ, боздоштҳо, Ожонси мубориза бо фасод, Али Ализод, Тоҷикистон
Мавзуъ
Хилватшоҳ Маҳмуд: “Ожонси мубориза бо фасод баста шавад”
Боздоштҳо дар Ожонси назорати молӣ: муборизон бо фасод худ фосид будаанд?
Лекарства в аптеке Душанбе

То дусад донаӣ парасетамол хариданд: сардори Хадамоти зиддинҳисорӣ дар бораи нархи дору

29
(Таҷдидшуда 13:02 15.07.2020)
Абдулмаҷид Муминзод, сардори Хадамоти зиддиинҳисории назди Ҳукумати Тоҷикистон, ҷаҳиши ахири нархи дорувориро ба мардум вобаста донист, ки ба таҳлука афтиданд

ДУШАНЕБ, 15 июл – Sputnik. Муминзод зимни нишасти матбуотӣ изҳор дошт, ки ба боло бурдани нархи доруворӣ асосан чаканафурӯшҳо даст заданд, ки аз таҳлукаи мардум сӯиистифода намуданд.

Ӯ афзуд, ки мардум ба таҳлука афтид, сабтҳои видеоӣ аст, ки як парасетамолро то 100-200 донаӣ харид мекунанд, ки дар натиҷа камчинӣ дар бозор пайдо шуд.

Ба гуфтаи Муминзод, кормандони ниҳодаш аз рӯзи аввали болоравии нарх, дар ҳар нуқтаи доруфурӯшӣ санҷиш гузаронда, зиёда аз 50 санади ҳуқуқвайронкунии маъмурӣ тартиб доданд.

Ӯ таъкид намуд, ки дар пайи ин ҳолат Ҳукумат дорувориро ба феҳрасти молҳои аз нигоҳи иҷтимоӣ муҳим ворид намуд, ки дар сурати зарурат нархи он аз ҷониби давлат назорат мешавад.  Сардори Хадамот ин тасмимро барои дастгирии қишри осебпазир муҳим хонд.

Ин дар ҳолест, ки чанд ҳафта қабл Ҳукумат, доруворию молҳои тиббӣ ва нуриҳои минералӣ барои хоҷагии қишлоқро ба феҳрасти маводи дорои аҳамияти иҷтимоӣ ворид намуд, ки феълан 19 номгӯи молро дар бар мегирад.

"Дексамитазон" дору алайҳи коронавирус: Созмони ҷаҳонии беҳдошт онро пазируфт

Дар сархати маҳсулоти дорои аҳамияти иҷтимоӣ, ки нархашон аз ҷониби давлат назорат мешавад, орди навъи 1 ва 2 ва сипас нон, макарон, гандум, биринҷ, картошка, сабзавот – сабзӣ, пиёз, карам, шакар, равғани растанӣ, маҳсулоти ширӣ, нахуд, гӯшт, тухми мурғ, намак, чой, ғизои кӯдакон ва маводи сӯхт ҷой гирифтаанд. Бо қарори нав, доруворию молҳои тиббӣ ва инчунин нуриҳои минералӣ, органикӣ ва кимиёвӣ барои хоҷагии қишлоқ низ шомили ин рӯйхат гардиданд.

29
Барчаспҳо:
дору, нарх, Тоҷикистон
Тонущий человек, архивное фото

Дар Ванҷ ду ноболиғи 12 - соларо аз об берун оварданд: яке фавтиду дуюмӣ дар бемористон

31
Кумитаи ҳолатҳои фавқулода аз як ҳодисаи нохуш дар ноҳияи Ванҷ хабар медиҳад, ки ду ноболиғи 12 - сола бидуни калонсолон дар ҳавз оббозӣ намуда ғарқ шуданд

ДУШАНБЕ, 15 июл – Sputnik.  Ду нафар сокини 12 - солаи ноҳияи Ванҷ бе роҳбаладии калонсолон дар ҳавз оббозӣ карданд, ки дар натиҷа ҳар ду зери об рафтанд.

Бар хабари Кумитаи ҳолатҳои фавқулодаи, ҳодисаи мазкур рӯзи 14 - уми июл дар ҳавзи деҳаи Пайшанбеобод рух дод.

Ба кумаки ду ноболиғ чанд сокини ноҳия шитофта онҳоро аз об берун оварданд ва ба бемористони ноҳиявӣ интиқол доданд.

КҲФ: дар кӯлу ҳавзҳои Тоҷикистон 28 нафар ғарқ шуданд: 9 ноболиғ

Манбаъ меафзояд, яке аз ноболиғон дар роҳ ба бемористон фавтид ва кудаки дигар ҳоло таҳти назорати табибон қарор дорад.

Кумитаи ҳолатҳои фавқулодаи Тоҷикистон мегӯяд, зарфи 6 моҳи сипаришуда дар Тоҷикитсон 34 нафар ҳангоми оббозӣ дар нукоти мухталифи кишвар ғарқи об шуданд, ки 10 нафари онҳо аз 4 то 16 сол дошанд.

31
Барчаспҳо:
ғарқ, ноболиғ, оббозӣ, Ванҷ